Mánudagurinn 15. júlí

Baðlón, carbfix, morðtilræði og staða bænda

Kristín Vala Ragnarsdóttir jarðfræðingur, Pétur Jónasson gítarleikari og Sara Riel myndlistarkona koma í heimsókn til Gunnars Smára og Oddnýjar Eirar og ræða túrisma, loftlagsmál, morðtilræði og hvert hægt sé að bjarga heiminum í léttu spjalli dagsins um endalok tímans. Ágústa Ágústsdóttir ferðabóndi á Meiðavöllum við Ásbyrgi ræðir síðan stöðu bænda og landsbyggðarinnar og hvernig kerfin vinna gegn fólkinu.

Laugardagurinn 13. júlí

Ragnar Stefánsson

Ragnar Stefánsson, Ragnar skjálfti, var jarðsunginn í rauðri kistu í vikunni. Í tilefni af því endursýnum við tvö nýleg viðtöl við hann.

Í þættinum í kvöld koma til okkar þau Askur Hrafn Hannesson og Kristbjörg Arna E. Þorvaldsdóttir.

Kristbjörg er meðlimur baráttusamtakana No Borders og hefur verið í fremstu víglínu við að reyna að stöðva brottvísun Yazan, Palestínska barnsins með hættulegan hrörnunarsjúkdóm.

Askur er sömuleiðis virkur í baráttunni fyrir mannúð og réttlæti í málefnum fólks á flótta, Palestínu og mannréttindum. Í sumar er hann í iðnaðar- og bændastörfum.

Anita Da Silva og Karl Héðinn ræða við þau Ask og Kristbjörgu um það siðrof sem mætir okkur og um baráttunni gegn því.

Föstudagurinn 12. júlí

Vikuskammtur: Vika 28

Í Vikuskammt við Rauða borðið koma í dag þau Guðmundur Hrafn Arngrímsson formaður Leigjendasamtakanna, Erna Bjarnadóttir varaþingmaður Miðflokksins, Guðný S. Bjarnadóttir stjórnarformaður Hagsmunasamtaka brotaþola og Ingólfur Gíslason aðjúnkt við menntavísindasvið og ræða fréttir vikunnar sem einkenndust af gömlum mönnum, óttanum við Kínamanninn, óánægju Evrópu með Ísland og aukinni fákeppni og einokun.

Sjávarútvegsspjallið 10. júlí: Grétar Mar spjallar við Ólaf Jónsson, Kára Jónsson og Lýð Árnason

Miðvikudagurinn 10. júlí: 

Létt spjall um heimsenda og íbúakosning um Carbfix

Það koma gestir að Rauða borðinu, Kristinn Sigmundsson söngvari, Kristín Helga Gunnarsdóttir rithöfundur og Heiða Eiríksdóttir heimspekingur og eiga létt spjall um endalok heimsins við þau Gunnar Smára Egilsson og Steinunni Ólínu Þorsteinsdóttur, sem er gestastjórnandi þáttarins í kvöld. Þau fá líka Hafnfirðinga í heimsókn til að ræða Carbfix og mögulega íbúakosningu um það verkefni: Davíð Arnar Stefánsson sérfræðingur á sviði sjálfbærrar landnýtingar hjá Land og skógi og oddviti Vg, Jón Ingi Hákonarson ráðgjafi í starfsendurhæfingu bæjarfulltrúi Viðreisnar og Hólmfríður Sigurðardóttir umhverfisgyðja hjá Orkuveitunni, sem hefur fylgst með þessu verkefni frá upphafi og verið virkur þátttakandi í því.

Mánudagurinn 8. júlí

Starmer, Gaza, lýðræðið í hættu og túrisminn

Guðmundur Auðunsson hagfræðingur segir okkur hverju búast má við af ríkisstjórn Starmer og hvaða andstöðu hann mun fá. Bjarni Jónsson þýðandi segir okkur frá dagbók Atef Abu Saif frá Gaza. Við ræðum háskann í pólitíkinni við Gérard Lemarquis og Dominique Plédel Jónsson, sem eru frá Frakklandi, Nichole Leigh Mosty, sem er frá Bandaríkjunum, og Victoria Snærósu Bakshina, sem er frá Rússlandi. Í lokin ræðir Björn Þorláks við Þórarinn Leifsson, sem lýsir ævintýrum leiðsögumanns á Íslandi.

Föstudagurinn 5. júlí

Vikuskammtur: Vika 27

Í Vikuskammti við Rauða borðið koma í dag þau: Birgir Örn Steinarsson sálfræðingur og tónlistarmaður, Birta Karen Tryggvadóttir hagfræðingur, Hrönn Sveinsdóttir bíóstjóri og Þorbjörg Þorvaldsdóttir verkefnastjóri Samtakanna '78 og bæjarfulltrúi í Garðabæ og ræða við Oddnýju Eir Ævarsdóttur um fréttir vikunnar sem einkenndust af pólitískum skjálfum vestan hafs og austan. Og líka hér heima.

Föstudagurinn 5. júlí

Aukaþáttur um mitt sumar um öryggismál

Við ræðum við Hilmar Þór Hilmarsson prófessor um hættusvæði innan Evrópu, möguleika á átökum, ólíka öryggishagsmuni Íslands og Bandaríkjanna, þróun úkraínustríðsins, vaxandi spennu á Norðurslóðum og önnur mál sem varða öryggi Íslands.

Sjávarútvegsspjallið fimmtudagur 4. júlí: Grétar Mar Jónsson ræðir við Arthur Bogason