Samstöðin

Þriðjudagurinn 11. júní

Drengirnir okkar, banaslys, Samherji og Þýskaland

Ragnar Þór Pétursson kennari ræðir við okkur um stöðu drengja í skólakerfinu. Hvað er að? Eru drengirnir gallaðir eða skólinn? Þórhildur Elín Elínardóttir hjá Samgöngustofu kemur og ræðir hrinu dauðaslysa í umferðinni. Hvað er til ráða? Oddur Eysteinn Friðriksson myndlistarnemi kallaði yfir sig reiði Samherja og safnar nú fé til að gera varið sig fyrir stefnu fyrirtækisins í London. Ragnar Hjálmarsson stjórnmálafræðingur kemur til okkar og ræðir þýska pólitík, sem er í alvarlegri kreppu og átökum.

Í þessum tíunda þætti í Frelsið er yndislegt, er rætt umfjöllunarefnið, hvað tekur við eftir afplánun? Virkni, atvinna, stuðningur og búseta. Hver er ávinningurinn að taka vel á móti fyrrum dómþolum úr afplánun og samfélagsins að samþykkja það fólk aftur í samfélag manna. Ný Norsk rannsókn gefur okkur einnig vísbendingar um það.

Gestir þáttarins eru Þráinn Farestveit, framkvæmdastjóri Verndar, Dóra Guðlaug Árnadóttir, félagsráðgjafi og teymisstjóri virkni og atvinnu hjá Reykjavíkurborg og Ingvi Kristinn Skjaldarson, flokksleiðtogi hjá Hjálpræðishernum og sálgætir. Stjórnendur þáttarins eru: Ásdís Birna Bjarkadóttir og Guðmundur Ingi Þóroddsson.

Hægt að ná sambandi við Afstöðu, allan sólarhringinn í síma 556-1900 og Lögfræðiaðstoð Afstöðu í síma 666-1211.

Mánudagurinn 10. júní

Þingið, veik ríkisstjórn, meintur orkuskortur og Evrópusambandið

Þingmennirnir Þórarinn Ingi Pétursson formaður atvinnuveganefndar og Gísli Rafn Ólafsson, þingmaður pírata ræða hvort ríkisstjórnin springur á morgun ásamt Maríu Rut Kristinsdóttur sem situr nú á þingi fyrir Viðreisn. Bjarni Bjarnason fyrrum forstjóri Orkuveitunnar rökstyður álit sitt um að það þurfi lítið að virkja, að orkuskortur sé ekki fyrirsjáanlegur. Við ræðum svo úrslit kosninga til Evrópuþingsins við Íslendinga í ESB: Rósa Björk Brynjólfsdóttir í Frakklandi, Jón Sigurður Eyjólfsson á Spáni, Þorfinnur Ómarsson í Belgíu, Steingrímur Jónsson í Svíþjóð og Áslaug Hersteinsdóttir-Hölttä í Finnlandi.

Sunnudagurinn 9 . júní: 

Synir Egils: Vandi ríkisstjórnar og Vg, vopnasala og óafgreidd mál

Bræðurnir Sigurjón Magnús og Gunnar Smári Egilssynir taka á móti gestum og ræða við þá um helstu fréttir og pólitíkina. Að þessi sinni koma þau Sanna Magdalena Mörtudóttir borgarfulltrúi Sósíalista, Svanborg Sigmarsdóttir framkvæmdastjóri Viðreisnar og Þórður Gunnarsson hagfræðingur og ræða stöðu ríkisstjórnar og stjórnmálaflokka, óafgreidd mál á Alþingi, togstreitu í varnarmálum milli forseta og ríkisstjórnar og margt fleiri. Þeir bræður munu síðan taka púlsinn á pólitíkinni.

Laugardagurinn 8. júní

Helgi-spjall: Einar Már

Einar Már Guðmundsson kemur í helgi-spjall við Rauða borðið og segir okkar frá því hvernig hann varð sá sem hann er; frá ætt sinni og uppruna, fjölskyldu og vinum, kynslóð og baráttu, geðveiki og alkóhólisma og öðru sem mótað hefur líf hans.

Föstudagur 7. júní

Vikuskammtur: Vika 23

Í Vikuskammt við Rauða borðið í dag koma þau Lenya Rún Taha Karim varaþingkona, Sara Stef. Hildar feministi, Snorri Sturluson kvikmyndagerðarmaður og Snorri Páll Jónsson lausamaður og ræða fréttir vikunnar sem einkenndust af kjöri forseta, falli Vg, stríði og vetrarveðri og frásögnum af þrælavinnu og vondri stöðu drengja.

Fimmtudagur 6. júní

Grimmi og Snar - Reiði, oh what a feeling 😊

Þórunn Eymundardóttir sálfræðingur og töffari leiðir okkur um mannlega og dýrslega veröld innra lífs og skoðar sérstaklega reiðina með stækkunargleri og flísatöng 😡🤬😱

Fimmtudagurinn 6. júní

ESB, öryggisstefna, blaðamenn og Indland

Jón Steindór Valdimarsson formaður Evrópuhreyfingarinnar ræðir kosningar sem hófust í dag til Evrópuþingsins. Guðmundur Gunnarsson ræðir flótta fólks úr blaðamennsku yfir í pólitík og aðra geira. Helen Ólafsdóttir öryggisráðgjafi ræðir um öryggisstefnu Íslands, sem lituð er hernaðarhyggju. Guðmundur Gunnarsson ræðir eftirmál talningarklúðursins og stöðu fjölmiðlunar og stjórnmála. Flótta fjölmiðlamanna yfir í önnur störf ber á góma og sitthvað fleira. Og Guðjón Bjarnason arkitekt ræðir kosningarnar í Indlandi og það stóra og fjölmenna land.

Fimmtudagurinn 6. júní

ESB, öryggisstefna, blaðamenn og Indland

Jón Steindór Valdimarsson formaður Evrópuhreyfingarinnar ræðir kosningar sem hófust í dag til Evrópuþingsins. Guðmundur Gunnarsson ræðir flótta fólks úr blaðamennsku yfir í pólitík og aðra geira. Helen Ólafsdóttir öryggisráðgjafi ræðir um öryggisstefnu Íslands, sem lituð er hernaðarhyggju. Guðmundur Gunnarsson ræðir eftirmál talningarklúðursins og stöðu fjölmiðlunar og stjórnmála. Flótta fjölmiðlamanna yfir í önnur störf ber á góma og sitthvað fleira. Og Guðjón Bjarnason arkitekt ræðir kosningarnar í Indlandi og það stóra og fjölmenna land.

Fimmtudagur 6. júní

Sjávarútvegsspjallið - Strandveiði og hafrannsóknir

Gestir þáttarins að þessu sinni eru þeir Kjartan Sverrisson, formaður Félags strandveiðimanna og Magnús Jónsson, veðurfræðingur. Þáttastjórnandi er Grétar Mar Jónsson.