Segðu mér

Gestur þáttarins er Jakob Birgisson, einn af höfundum Áramótaskaups sjónvarpsins og Reynir Lyngdal leikstjóri Áramótaskaupsins að þessu sinni.

Ásdís Magnúsdóttir var dansari í Íslenska dansflokknum og Þjóðleikhúsinu í samtals aldarfjórðung. Síðustu 20 ár hefur hún starfað sem verkefnastjóri hjá Háksóla íslands. Um fimmtugt settist hún á skólabekk í Listaháskóla Íslands. Ljóðskrif hafa fylgt Ásdísi frá því hún var smástelpa, stundum hefur þörfin fyrir að skrifa verið ágeng og stundum ekki. Og eins og hún segir sjálf: Listrænan lætur mann ekki í friði.

Heiðurshjónin Kristán og Sigurjóna rifja upp aðfangadagskvöld síðustu ára og hefðir sem þú geta ekki verið án.

Nína Dögg Filippusdóttir er í aðalhlutverki í þáttaröðinni Broti sem frumsýnd verður á RÚV annan í jólum. Í öðrum helstu hlutverkum að sögn Nínu eru Björn Thors og vígaleg ennishrukka. Um þessar mundir leikur Nína Dögg á móti Hilmi Snæ í síðustu sýningunum af Eitri í Borgarleikhúsinu. Nína segir verkið fjalla um sorg og hvernig fólk tekst á við hana á ólíkan hátt. „Hvert einasta leikrit breytir manni á einhvern hátt,“ segir Nína Dögg. „Maður gengur í gegnum svo margar tilfinningar. Þetta leikrit stendur mér auðvitað mjög nærri. Og fyrir Hilmi Snæ líka, við höfum náttúrulega bæði misst systkyni okkar.“ Bróðir Nína Daggar var tónlistarmaðurinn Sigurjón Brink sem varð bráðkvaddur árið 2011. „Hann er alltaf í huga mér og alltaf nærri,“ segir Nína. „Maður er með svona minni í líkamanum að upplifa sorg sem gerist svona hratt, ef maður hefur misst einhvern svona skyndilega.“

Rósa Björk hefur haldið jól bæði í Frakklandi og Íslandi og rifjar brosandi upp þegar hún tvítug að aldri fékk sendan hamborgarhrygg frá móður sinni því ekki mátti hún missa af jólunum. Hún segir frá langömmu sinni en flest jólafrí eyddi hún með henni á Vatnsleysuströnd, fór í fjárhúsið og var með henni og fylgdist spennt með henni þegar hún setti upp plastjólatréð. Rósa segir að langamma hennar hafi verið með mikla réttlætiskennd sem hafi smitast yfir til hennar.

Sigursteinn Másson rithöfundur sendi nýverið frá sér baráttu- og hörmungarsögu Hussains vinar síns sem býr um þessar mundir heima hjá honum. Hussain er afganskur flóttamaður sem á afar viðburðarríka, og á tíðum harmþrungna, ævi að baki sem Sigursteinn gerir skil í bókinni. Ferðalok er líklega fyrsta bókin sem gefin er út fyrir íslenskan markað sem kemur fyrst út sem hljóðbók. Bókin er komin út á Storytel en óvíst er hvort hún kemur einnig út á prenti.

Elísabet er hjúkrunarfræðingur Frú Ragnheiður, skaðaminnkun sem var sett á laggirnar árið 2009 og byggir á hugmyndafræði skaðaminnkunar. Verkefnið hefur þann tilgang að ná til jaðarsettra hópa í samfélaginu eins og húsnæðislausra einstaklinga og einstaklinga sem nota vímuefni um æð og bjóða þeim skaðaminnkandi þjónustu í formi heilbrigðisþjónustu og nálaskiptiþjónustu. Frú Ragnheiðar bíllinn er sérinnréttaður til að veita slíka þjónustu á vettvangi og þjónustar einstaklinga á öllu höfuðborgarsvæðinu sex kvöld í viku.

Dominigue segir frá verkefni sem Slow Food vinir okkar í Marokkó, undir faglega stjórn Dr Zoubida Charrouf, háskólaprófessors í Rabat sem hefur séð frá upphafi um að bjarga vistkerfi Argantrjánna.

Verkefnið gengur út á að planta 4000 pálmatré í Alnif í mars 2020, stutt frá Ouarzazate þar sem við höfum öll gist, til að koma í veg fyrir að vatnsveitukerfið falli saman og eyðileggi þar með litlu ekrurnar sem sjá um að brauðfæða fólkið.

Dominique segir einnig frá 30 ára afmæli Slow food og segir brosandi að góður matur sé forréttindi heldur mannréttindi.

Rán segist hafa lengi tjáð sig með blýantsteikninum og eigi betur með það en að tala. Foreldar hennar eru báðir arkítektar svo það þótti eðlilegt að teikna upp ýmsa hluti. Hún segir frá bók sinni Vigdís bókin um fyrsta konuforsetan, en hún bankaði upp á hjá frú Vigdísi Finnbogadóttur og bauð sér í kaffi því hún ætlaði að skrifa bók um fyrstu konuna í heiminum sem kosin var forseti.

Rán sem er einni fremsti teiknari landsins egir það mikilvægt fyrir þjóð að eiga kvennhetju, og óhikað er hægt að segja að Vigdís er fyrirmynd flestra á Íslandi.