Segðu mér

Sigríður starfar í FLÍSS félagi um leiklist í skólastarfi og er sannfærð um að leiklistin er afl til menntunar. Sigríður hefur sett upp margar söngleiki í Hagaskóla sem hafa vakið verðskuldaða athygli. Hún hefur einnig unnið mikið starf hjá SAmtökunum 78 hvað varðar kynvitund barna og unglinga.

Margrét Dagmar og fjölskyldu hennar var sagt að ungur sonur þeirra myndi aðeins ná þroska tveggja ára barns og líklega aldrei læra að ganga, Margrét segir frá því hvernig henni tókst með þrautseigju og óbilandi kjarki á jákvæðni að snúa mótbyr í meðbyr. Hún talar einnig um bókina sina Vængjaþytur vonarinnar sem var að koma út og nefnir brosandi að fólk segi hana vera spennusögu, enda lýsir hún beint frá hjartanu sársaukanum og sorginni en líka gleðinni og sigrunum.

Jóhann Sigurðarson, leikari og söngvari, segist vera nokkuð liðtækur smiður. Ungur og leitandi maður var hann á samningi hjá húsasmíðameistara í tvö ár áður en örlagadísir leiklistarinnar gripu í taumana. „Það var einhver rödd sem bankaði. Svo einn daginn bankaði hún svo fast að ég missti hamarinn.“

Jóhann leikur bæði í Ríkharði þriðja og Stórskáldinu um þessar mundir og næst á döfinni er Vanja frændi, jólasýning Borgarleikhússins. Hann segist með tíð og tíma hafa lært að höndla vinnuálagið og æfingaferlið á réttan hátt. „Þetta eru 6-7 vikur og þú veist þú kannt þetta ekkert allt á fyrsta degi. Svo kemur dagur tvö, þrjú og fjögur, þú bara vonar að þú kunnir þetta á frumsýningunni.“ Hann segist stundum hafa fengið slæma gagnrýni. „Þegar Jón Viðar var upp á sitt besta, minn gamli kennari. Þegar við vorum að leika Don Juan 1995, hann var mjög reiður út í þá uppfærslu, sem félagarnir frá Litháen leikstýrðu. Hann var reiður yfir því og sagði í beinni útsendingu að Jóhann hefði hlussast um sviðið eins og eiturlyfjasjúklingur.“

Ólafur reiknast til að hafa ferðast 5000 daga síðastliðin 25 ár en frá því hann stofnaði fyrirtæki sitt Fjallafara. Hann var að gefa út bók og ferðast nú um landið með bókina og bankar upp á á ólíklestu stöðum.

Þóra lærði hjúkrunarfræði og hefur starfað við það alla tíð en varð fljótlega starfsmannastjóri á Fjórðungssjúkrahúsinu á Akureyri. Hún segir brosandi vera aftur farin að vinna á gólfinu en hún flýgur til Noregs eins og svo margir hjúkrunarfærðingar hafa gert. Hún var lengi forseti bæjarstjórnar á AKureyri Þ'ora er svæðisstjóri Zonta á Íslandi og segir frá því starfi en félagið styður og styrkir stöðu og réttindi kvenna, félagið á 100 ára afmæli á þessu ári.

Auður rifjar upp árin þegar hún var blaðamaður á ÞJóðviljanum og talar um kvennasögusafn Íslands. Auður var að skrifa bók um bróður sinn Helga sem er geðveikur. Hún fann gömul bréf og ákvað að skrifa bók um lífi bróður síns. Með minningum, bréfum og samtölum stiklar höfundur um óreiðukennt líf bróður síns Helga, þar sem illskeyttir heiladraugar tóku snemma völdin og ærðu allar kenndir hans nánustu. Þetta er saga þeirra og þetta er saga Helga. Þetta er ekki raunasaga og ekki grátsaga. Þetta er sannsaga, lífsaga.

Helga var að gefa út barnabók um Nínu óskastjörnu. Þetta er fyrsta bók Helgu og hún segir frá þeirri vegferð og einnig talar hún um þætti um langlífi sem hún er að vinna að um þessar mundir.