Segðu mér

Yngri systir rithöfundarins og athafnakonunnar Tobbu Marinósdóttur lést langt fyrir aldur fram fyrir þremur árum, aðeins 25 ára að aldri. Hún mátti þola mikið einelti í æsku sem Tobba segir að hafi átt mikinn þátt í að brjóta hana niður. Alla tíð var hún þó hvers manns hugljúfi og mikill prakkari.

Tobba hefur staðið í ströngu síðustu mánuði við að framleiða bráðhollt millimál. Hugmyndina að framleiðslunni fékk hún að nóttu til en yngri dóttir hennar og eiginmanns hennar, Baggalútsins Karls Sigurðssonar, hefur átt afar erfitt með svefn svo mánuðum skiptir. Hjónin hafa skipst á að sitja á litlum kolli í herbergi dóttur sinnar og vaka yfir henni heilu næturnar en í svefnleysinu og endurteknu næturbrölti byrjaði ósofin Tobba að fá ýmsar hugmyndir. Nú hefur hún hrint einni þeirra í framkvæmd með góðum árangri. Hún hóf framleiðslu á náttúrulegu, hollu og heimagerðu granóla sem hefur síðan framleiðsla hófst verið rifið úr hillum Bónusverslana borgarinnar svo Tobba og fjölskylda hennar anna varla eftispurn.

Gestur er Linda Hilmarsdóttir framkvæmdastjóri og þolfimisþjálfi.

Umsjón: Viðar Eggertsson.

Linda og eiginmaður hennar, Jón Þórðarson, voru nú í ársbyrjun valin Hafnfirðingar ársins fyrir Hressleikana. Þau hafa haldið Hressleikana á hverju ári síðast liðin 12 ár og í hvert sinn eru þeir haldnir til að safna peningum til að styrkja einstakling eða fjölskyldu í Hafnarfirði sem á um sárt að binda. Í hvert sinn safnast að jafnaði um 1.5 - 3 milljónir króna.

Gestur þáttarins er Úlfhildur Dagsdóttir bókmenntafræðingur og bókaverja.

Umsjón: Viðar Eggertsson.

Úlfhildur ræðir um störf bókaverjunnar, rafbókasafnið sem hún sér um, barnabækur og vampýrur, miðaldaaðferðir við krabbameinsmeðferðir svo fátt sé nefnt.

Gestur þáttarins er Kristín Ástgeirsdóttir, sagnfræðingur og fyrrverandi þinkona og framkvæmdastýra jafnréttisstofu.

Umsjón: Viðar Eggertsson.

Kristín segir frá æsku sinni í Vestmannaeyjum, þjóðfélagsvakningu meðal nemenda á námsárum sínum í Menntaskólanum í Hamrahlíð, en ekki síst þátttöku sinni í kvennahreyfingunni og pólitískri þátttöku.

Gestur þáttarins er Wilhelm Wessman, hótelráðgjafi.

Umsjón: Viðar Eggertsson.

Wilhelm hefur allt sitt líf unnið innan hótel- og veitingabransans, hér innanlands og ekki síst víða um veröld. Hann segir frá þessum litríka ferli í þættinum. 50 árum eftir að hann lauk námi sem framreiðslumaður lauk hann námi í sama húsi sem leiðsögumaður, þá sjötugur að aldri. Hann er nú kominn á eftirlaun.

Gestur þáttarins er Brynhildur Guðjónsdóttir leikkona og leikstjóri.

Umsjón: Viðar Eggertsson.

Brynhildur segir m.a. frá þremur sterkum konum sem varða feril hennar sem leikkonu, brothætti spörfuglinn franski Edith Piaf, ambáttin sem fóstraði mesta skáld Íslands Egil Skallagrímsson, Brák, og listakonuna mexikósku sem föst var í járngrind, Fridu Khalo. Einnig frá leikstjórnarferli sínum. Inní fléttast viðhorf hennar til lífsins og listarinnar.

Hópurinn Leikhúslistakonur 50+ var stofnaður óformlega af Margréti Einarsdóttur, Maríu Reyndal, Eddu Björgvinsdóttur og Hlín Agnarsdóttur í lok ágúst 2014 í þeim tilgangi að setja á svið áhugaverða viðburði sem gætu haft áhrif og breytt viðhorfum fólks til þátttöku eldri kvenna í listum. Hópurinn stækkaði fljótt og þegar félagið Leikhúslistakonur 50+ var formlega stofnað þann 21. mars 2016 voru stofnfélagar 60 talsins. Júlía segir frá hópnum og sýningunum sem framunda eru.

Þau Stefanía og Þórir segja að með réttri þekkingu er hægt að finna djúpan frið. Þau ræða um Lótushúsið og segja að markmið þess sé að stuðla að jákvæðum breytingum í heiminum í gegnum innri umbreytingu einstaklinga.

Kvikmyndagerðarmaðurinn Davíð Óskar Ólafsson er í raun alinn upp í bransanum en hann varði miklum tíma með móður sinni, Valdísi Óskarsdóttur, í klippiherberginu þegar hann var ungur. Árið hefst með miklum hvelli hjá honum en nýverið voru bæði frumsýndir á RÚV spennuþættirnir Brot sem Davíð framleiddi og leikstýði og kvikmyndin Gullregn sem hann framleiddi og grét sjálfur úr hlátri á frumsýningunni á.

Bergþór Pálsson og Albert Eiríksson ræða Ítalíu, ítalskan mat, pizzur og gómsæta rétti.