Segðu mér

Brynja segir frá því af hverju hún fór úr hjúkrunarfræðinni yfir í alþjóðleg viðskipti og markaðsfræði Hún segir að matarhefð sé stór hluti af ímynd lands og þjóðar enda speglar hún menningu og sögu og markast af tíðarfari og náttúru, Brynja starfar hjá Mataruaði Íslands

Guðrún Sigríður Tryggvadóttir, bóndi í Svartárkoti í Bárðardal í S-Þingeyjarsýslu, tók formlega við sem formaður Bændasamtaka Íslands Guðrún er menntaður kennari en rekur sauðfjárbú í Svartárkoti með systur sinni og fjölskyldum þeirra. Þar er einnig rekið menningar- og fræðslusetur auk ferðaþjónustu í Kiðagili í sömu sveit. Guðrún er fyrsta konan til að gegna formennsku í heildarsamtökum bænda á Íslandi, allt frá því að þau fyrstu voru stofnuð undir nafninu „Suðuramtsins húss- og bústjórnarfélag“ árið 1837.

Á hverju ári á degi barnabókarinnar er ný íslensk smásaga frumflutt samtímis í öllum grunnskólum landsins. IBBY samtökin á Íslandi skipuleggja þennan viðburð en það eru rúmlega 40.000 grunnskólanemar sem hlýða á söguna. Höfundur smásögunnar flytur hana í útvarpinu á Rás 1 svo landsmenn allir geta einnig fylgst með.

Tilgangurinn er að fagna degi barnabókarinnar með notalegri sögustund og vekja um leið athygli á sameiningarmætti skáldskaparins. Með því að flytja söguna fyrir mörg þúsund lesendur í einu er mögulegt að skapa bókmenntaumræðu sem nær til samfélagsins alls. Í ar mætti Gerður Kristný galvösk í þáttinn með glænýja sögu og las í beinni útsendingu.

Ástvaldur Zenki, Zen prestur á Íslandi verður formlega settur í embætti ábóta en áður en það gerist mun hann halda til Japans og dvelja í 3 mánuði í klaustrinu Toshoji. þar sem hann mun iðka undir handleiðslu Zen meistarans Seido Suzuki. Hann segir frá þessari ferð en Þetta er í annað sinn sem Zenki heldur utan.

Sigrún og Guðlaug segja frá heimildarmynd þar sem skyggnst er inn í líf 17 kvenna á einhverfurófi. Þessar konur ákváðu að stíga frma og miðla sögum sínum í von um að auka vitund í samfélaginu um stöðu kvenna á einhverfurofi. Sigrún er framkvæmdastjóri Einhverfusamtakanna en Guðlaug er bæjarfulltrúi í Hafnarfirði og fékk greiningu sem einhverf og ún segir sína sögu í heimildarmyndinni.

Jóhanna Vigdís og Þórður segja frá Special olympics sem er stærsta íþróttamót í heiminu á ár. Jóhanna var mætt þarna sem móðir drengs sem keppti í sundi og Þórður er formaður Special olympics á Íslandi. Þau segja frá þessu móti sem var magnað , hugarfarinu, skipulaginu og ræddu þessa spurningu "Hvað gerir einhvern special"? Þau segja að þetta sé sigurför fyrir sjálfsmyndina og Jóhanna nefnir í því sambandi að keppendurnir geta meira en fjölskyldna gerir sér grein fyrir.

Erla dregur upp fallega mynd af foreldrum sínum, og segir þeirra sögu, móðir hennar var heimavinnandi húsmóðir og pabbi hennar skipstjóri, og nefnir í því samhengi ást kærleika, rómantík og steiktar kleinur. Mamma hennar fékk alzheimer og hún segir frá því. Erla rekur enskuskóla sem hún stofnaði 1993. Á hverju námskeiði skólans stunda um 190 nemendur enskunám og 90% af þeim eru konur. Karlmenn eru að sjálfsögð velkomnir og er alltaf vel tekið á móti þeim. Meðalaldur nemenda er um 45 ár og flestir stunda enskunám til þess að bæta sína stöðu á vinnumarkaðnum og einnig til þess að vera færari um að nota enskuna í almennum samskiptum.

Heiða Ólafs söngkona, hefur gefið út nýja plötu og vann hana með unnusta sínum Snorra Snorrasyni, en þau gerður bæði garðinn frægan hér á landi í Idol stjörnuleitinni þar sem Heiða lenti í öðru sæti árið 2005 og Snorri sigraði 2006. Snorri útsetti og tók upp plötuna sem heitir Ylur. Heiða segir frá draumum sínum, móðurhlutverkinu og ástinni.

Sverrir segir frá Alexanderstækni, en Sverrir hefur í gegnum árin unnið með mörgum af helstu leikurum og tónlistarfólki þjóðarinnar. Hann segir að allt of oft förum við gegnum okkar daglegu störf þar sem við treystum algjörlega á undirmeðvitundina, án þess að öndun og styrkur líkamans séu með í för og upplifum ótrúlega þreytu og orkuleysi í kjölfarið. Sverrir byggir upp sitt eigið kerfi, sem í grunninn er byggt á þriggja ára ströngu kennararéttindanámi í Alexanderstækni.

Steinar Svan hefur unnið að myndlist sinni undanfarin ár og hefur vakið athygli fyrir áhugaverð tök á myndefni sínu sem hann meðal annars sækir í eigin reynslu og annars hinsegin fólks.