Umsjón: Hafdís Helga Helgadóttir

Tæknimaður: Magnús Þorsteinn Magnússon

Ríkislögreglustjóri hefur sagt sig frá rannsókn á meintum undirbúningi hryðjuverka vegna fjölskyldutengsla. Rannsókn lögreglu er afar viðamikil.

Bandaríkjaforseti varar við að fellibylurinn Ian eigi eftir að skilja eftir sig sögulega mikla eyðileggingu í Flórída. Íslendingur á svæðinu óttaðist að brak myndi fjúka á hús sitt. Rætt var við Brynju Dröfn Ingadóttur.

Rússneskir hermenn greindu ástvinum sínum frá ringulreið og miklu mannfalli í innrásinni í Úkraínu á fyrstu vikum stríðsins. Einn þeirra segir innrásina heimskulegustu ákvörðun sem rússnesk stjórnvöld hafi gert. Róbert Jóhannsson tók saman.

Breska lögreglan rannsakar árekstur á þotu Icelandair á Heathrow-flugvelli í Lundúnum í gærkvöld. Farangur farþega er enn um borð í vélinni. Urður Örlygsdóttir tók saman og talaði við Guðna Sigurðsson.

Utanríkisráðherra Þýskalands þrýstir á Evrópusambandið að beita Írani viðskiptaþvingunum vegna viðbragða ríkisins við mótmælum undanfarinna daga.

Jair Bolsonaro, forseti Brasilíu, á undir högg að sækja þegar aðeins tveir dagar eru til forsetakosninga í landinu. Samkvæmt nýjustu skoðanakönnunum munar þrettán prósentustigum á honum og höfuðandstæðingi hans, vinstrimanninum Lula da Silva. Bolsonaro segist ekki ætla að fallast á niðurstöðuna, verði hún ekki sér í vil. Ásgeir Tómasson tók saman.

Lögregla segir að rannsókn á undirbúningi ætlaðra hryðjuverka sem greint var frá í síðustu viku miði vel en sé mjög umfangsmikil. Tveir menn, sem voru handteknir fyrir viku, eru í gæsluvarðhaldi og verða til 6. október. Fleiri hafa verið handteknir.Í upphafi fréttamannafundar sem haldinn var síðdegis, greindi Sveinn Ingiberg Magnússon yfirlögregluþjónn hjá Héraðssaksóknara frá því að ríkislögreglustjóri hefði í gær óskað þess að segja sig frá rannsókninni. Anna Kristín Jónsdóttir tók saman.

Við fáum Sunnu Karen Sigurþórsdóttur fréttamann til að fara betur yfir stöðuna og það sem vitað er um málið.

Umsjón: Anna Kristín Jónsdóttir. Tæknimaður: Magnús Þorsteinn Magnússon. Stjórn útsendingar fréttahluta: Margrét Júlía Ingimarsdóttir.

Stórbruni varð á Egilsstöðum í dag þegar kviknaði í þvottahúsinu Vaski, lítið varð ráðið við eldinn fyrr en liðsauki barst frá flugvallarslökkviliðinu. Íbúar eru beðnir að loka gluggum og kynda til að varna því að reyk leggi inn. Rúnar Snær Reynisson fréttamaður var á vettvangi og ræddi við Harald Geir Eðvarðsson slökkviliðsstjóra Múlaþings.

Öryggisráð Sameinuðu þjóðanna ræðir á föstudag um skemmdir á rússneskum gasleiðslum í Eystrasalti. Rússar bera af sér sök um skemmdarverk og óskuðu eftir fundinum. Þórdís Kolbrún Reykfjörð Gylfadóttir utanríkisráðherra segir að grannt verði fylgst með framvindu mála.

Það væri fínt að geta fengið að vera í almennilegum skóla segir Arna Sif Jóhannssdóttir, nemandi í níunda bekk Hagaskóla. Bæta þarf við útistigum og breyta gluggum til að tryggja brunavarnir í húsi skólans í Ármúla segir Björn Kjartansson, sviðsstjóri hjá Slökkviliði höfuðborgarsvæðisins. Elsa María Guðlaugs Drífudóttir tók saman.

Fjárhagsstaða sveitarfélaga hefur aldrei verið jafn bág og nú að mati nýkjörins Heiðu Bjargar Hilmisdóttur formanns sambands þeirra. Erfitt sé að gera áætlanir fyrir næsta ár þegar óvíst sé um tekjustofna. Ágúst Ólafsson ræddi við hana.

Saksóknari fer fram á fimm ára dóm yfir þremur einstaklingum fyrir aðild að morði í Rauðagerði í febrúar í fyrra. Karlmaður var dæmdur í sextán ára fangelsi í héraðsdómi fyrir að hafa játað á sig manndrápið, en þremenningarnir voru sýknaðir. Alexander Kristjánsson sagði frá málflutningi í Landsrétti.

-------------

Eyjarskeggjum á dönsku eyjunum Borgundarhólmi og Kristjánsey er órótt yfir að vera allt í einu í miðjum hráskinnaleik á heimssviðinu. Flestum að Danmörk að hún sé ekki svo fjarri og stríð og átök hafi færst nær við fréttir af sprengingum og skemmdarverkum í Eystrasalti. Anna Kristín Jónsdóttir ræddi við Þórdísi Kolbrúnu Reykfjörð Gylfadóttur utanríkisráðherra um viðbragð Íslands og NATO.

Næstu tveir sólarhringar verða andstyggilegir, segir Ron DeSantis, ríkisstjóri í Flórída í Bandaríkjunum. Neyðarástandi hefur verið lýst yfir í ríkinu vegna fellibylsins Ians sem nær landi í kvöld eða nótt. Ásgeir Tómasson tók saman.

Hvaða máli skiptir hamingjan? Embætti landlæknis hefur mælt og skráð hamingju Íslendinga staðfastlega í nær tvo áratugi. Hafdís Helga Helgadóttir ræddi við Dóru Guðrúnu Guðmundsdóttur sviðsstjóra lýðheilsu hjá Landlækni um hamingjumælingar og versnandi líðan íslenskra ungmenna eftir C

Mikið af sprengiefnum hefði þurft til að framkalla sprengingar sem Björn Lund jarðskjálftafræðingur efast ekki um að ollu skemmdum á Nordstream gasleiðslum í Eystrasalti. Gunnhildur Kjerúlf Birgisdóttir tók saman.

Aukið eftirlit með störfum lögreglu þarf að fylgja auknum rannsóknarheimildum, að dómi Katrínar Jakobsdóttur forsætisráðherra. Jón Gunnarsson dómsmálaráðherra býst við því að frumvarp hans um forvirkar rannsóknarheimildir fái stuðning á Alþingi.

Bílaleiga Akureyrar sér fram á tugmilljóna króna tjón vegna bíla sem skemmdust í grjótfoki í óveðrinu. Steingrímur Birgisson, forstjóri fyrirtækisins segir verða skoðað hvort leigjendur hafi hunsað vegalokanir. Ólöf Rún Erlendsdóttir talaði við hann.

Hópur áhugafólks um einfaldar útfarir vill draga úr jarðarfarakostnaði. Kristján Hreinsson, forsvarsmaður hópsins segir óskynsamlegt að eyða mörg hundruð þúsund krónum í jarðarför sem byggist meira eða minna á úreltum hefðum. Sverrir Einarsson útfararstjóri segir Íslendinga vanafasta en mörgum reynist erfitt að greiða fyrir útför ástvina.

Afgreiðslu forsætisnefndar á meintu broti formanns Framsóknarflokks á siðareglum þingmanna var líkt við skrípaleik á Alþingi í dag. Höskuldur Kári Schram tók saman og heyrist í Þorbjörgu Sigríði Gunnlaugsdóttur (C), Andrési Inga Jónssyni (P) og Jóhannesi Páli Jóhannssyni (S).

----------

Mikill fjöldi Rússa hefur flúið til nágrannalandanna frá því að stjórnvöld tilkynntu að þrjú hundruð þúsund manna varalið yrði kallað til herþjónustu; margra kílómetra bílalest er að landamærum Rússlands og Georgíu. Ásgeir Tómasson tók saman. Heyrist í rússneskum flóttamanni og Vadim Kuziev sérfræðingi í upplýsingatækni sem segir að snúi þeir aftur verði þeir sendir til að drepa saklaust fólk.

Me-too hreyfingin afhjúpaði það að þó að lög banni kynferðislega áreitni og hafi gert lengi er fjarri því að þau dugi til að koma í veg fyrir hana en það er líka svo að fjallað er um kynbundið ofbeldi og áreitni á fleiri en einum stað. Dr. María Rún Bjarnadóttir, lögfræðingur segir að þar geti átt við en þar geta átt við hegningarlög, jafnréttislög, vinnuverndarlög og mismunartilskipun Evrópusambandsins. Anna Kristín Jónsdóttir ræddi við Maríu.

Pólverjar eiga von á gasi frá Noregi um nýja leiðslu um Eystrasalt. Leiðslan liggur rétt þar hjá sem leiðslur Rússa til Evrópu er fyrir. Núna eru þær gasleiðslur byrjaðar að leka óvænt og af ókunnum orsökum í sænskri og danski lögsögu, og grunur er uppi um skemmdarverk. Þetta vekur upp ótta um að nýja pólska leiðslan gæti líka farið að leka. Gísli Kristjáns

Enn er vonskuveður á Austfjörðum og Suðausturlandi þar sem mikið tjón hefur orðið vegna lægðar sem gengur yfir landið. Við heyrum í Hólmfríði Dagnýju Friðjónsdóttur fréttamanni sem er á svæðinu.

Orkumálaráðherra segir ófært ef rafmagnsöryggi er ekki tryggt í landinu. Orkuöryggi sé ekki sjálfgefið. Tryggja verði að allir búi við öruggt rafmagn. Ólöf Rún Skúladóttir talaði við Guðlaug Þór Þórðarson.

Rúður sprungu í tugum bíla á Möðrudalsöræfum í gær. Nokkrir ferðamenn hlutu minniháttar meiðsl en enginn slasaðist alvarlega. Talsmaður Vegagerðarinnar segir að veginum hafi verið lokað of seint. Ólöf Rún Erlendsdóttir tók saman.

Írönsk stjórnvöld verða að sæta ábyrgð á harkalegri framgöngu sinni gegn mótmælendum, segir forsætisráðherra Kanada. Hann boðaði í dag efnahafsþvinganir gegn Íran.

Byssumaður sem myrti sjö börn, fjóra kennara og tvo öryggisverði í rússneskum skóla í morgun, var í bol með hakakrossi. Pútín Rússlandsforseti segir árásina vera hryðjuverk. Oddur Þórðarson sagði frá.

--------------------------------------------------------------------

Ljóst er að tjón sem orðið hefur af völdum veðurofsans sem gengið hefur yfir landið austan- og norðanvert er mikið. Heilu húsin eru skemmd og fjöldinn allur af bílum ónýtur. Hversu mikið tjónið er og hver situr uppi með hvað á eftir að skýrast. Fólk hefur ekki í öllum tilfellum komist út að meta stöðuna almennilega því veðrinu er sums staðar rétt að slota núna. Eitt er þó skýrt, náttúruhamfaratrygging nær ekki yfir foktjón. Sú trygging nær samt sem áður yfir flóð eins og það sem varð vegna sömu lægðar á Akureyri. Hulda Ragnheiður Árnadóttir er forstjóri Náttúruhamfaratryggingar Íslands. Hafdís Helga Helgadóttir tók saman.

Í gær brá mönnum ekki síst við rafmagnsleysið sem var á næstum hálfu landinu frá Höfn í Hornafirði allt að Blöndu um tíma. Ekki er fullljóst hvað olli en líklegast að foktjón hafi orðið til þess að lína fór út og mikið álag var á byggðalínu. Björn Ingimarsson sveitarstjóri í Múlaþingi segir að finna verði skýringar á hvað gerðist; ekki síst sé það alvarlegt ef og þegar fjarskipti bregðast og menn ná ekki tengingu. Anna Kristín Jónsdóttir tók saman.

Allar líkur eru á að Giorgia Meloni, leiðtogi Bræðralags Ítalíu og sigurvegari þingkosninganna í gær, verði næsti forsætisráðherra landsins og myndi ríkisstjórn sem stöðugt hefur verið hamrað á að verði sú hægrisinnaðasta frá lokum síðari heimsstyrjaldar. Hún verður fyrst kvenna á Ítalíu til að gegna embættinu. Ásgeir Tómasson tók saman.

Rannsókn á vopnaframleiðslu hér á landi var það sem kom lögreglu á sporið um yfirvofandi hryðjuverkaógn. Dómsmálaráðherra leggur fram frumvarp í haust um auknar rannsóknarheimildir lögreglu. Urður Örlygsdóttir ræddi við Sigríði Björk Guðjónsdóttur ríkislögreglustjóra. Oddur Þórðarson sagði frá.

Stefán Vagn Stefánsson, þingmaður Framsóknarflokksins, telur frumvörp ráðherra til mikilla bóta en Þórhildur Sunna Ævarsdóttir, þingmaður Pírata, telur byrjað á öfugum enda. Fyrst þurfi að efla eftirlit með lögreglu. Stefán Vagn og Þórhildur Sunna ræddu frumvörpin við Alexander Kristjánsson.

Hryðjuverkamenn sem hneigjast til þjóðernis eða hægri öfga beina sjaldnast spjótum sínum að valdstjórninni, segir Eiríkur Bergmann Einarsson, prófessor í stjórnmálafræði sem hefur rannsakað lýðhyggju og populisma í Evrópu. Anna Kristín Jónsdóttir ræddi við hann.

Slökkviliðið gerir alvarlegar athugasemdir við eldvarnir í tímabundnu húsnæði Hagaskóla í Ármúla, sem Reykjavíkurborg tók á leigu. Húsinu verður lokað eftir þrjár vikur verði ekki bætt úr þeim.

Minnst 50 hafa verið drepnir í mótmælum í Íran í vikunni, þeim fjölmennustu í landinu í áraraðir. Stjórnvöld hafa reynt að bæla niður mótmælin með ýmsum aðferðum. Pétur Magnússon sagði frá.

Aldurstakmark og ölvunarbann verða við notkun rafhlaupahjóla samkvæmt drögum að frumvarpi innviðaráðherra. Þá verður lagt bann við því að breyta hjólunum og hækka þannig hámarkshraða þeirra. Kristín Sigurðardóttir tók saman.

Árlegur peysufatadagur Kvennaskólans í Reykjavík er í dag, þar sem nemendur á þriðja ári klæða sig á þjóðlegan máta og fara um borgina með pilsaþyt og gleði. Andri Yrkill Valsson tók saman.

Íslenska undir 21 árs landslið karla í fótbolta þarf að vinna Tékka á útivelli til þess að eiga möguleika á að komast í lokakeppni EM á næsta ári, eftir tap í fyrri umspilsleik liðanna í dag.

Umsjónarmaður: Alexander Kristjánsson

Tæknimaður: Mark Eldred

Stjórn útsendingar fréttahluta: Margrét Júlía Ingimarsdóttir

Tveir menn sitja í gæsluvarðhaldi grunaðir um skipulagningu hryðjuverka. Lögregla lagði hald á tugi skotvopna, þar á meðal hálfsjálfvirkí gær. Karl Steinar Valsson yfirlögregluþjónn sagði á blaðamannafundi að hættu hefði verið afstýrt. Alexander Kristjánsson tók saman.

Verð á nauðsynjavöru hefur hækkað mikið í ár. Auður Alfa Ólafsdóttir, verkefnastjóri verðlagseftirlits Alþýðusambands Íslands segir verkalýðshreyfinguna verða bregðist við hækkunum í kjaraviðræðum, fyrst stjórnvöld komu ekki til móts við heimilin í fjárlagafrumvarpi. Gunnhildur Kjerúlf Birgisdóttir talaði við hana.

Antony Blinken Utanríkisráðherra Bandaríkjanna segir Rússlandsforseta sýna stofnsáttmála Sameinuðu þjóðanna lítilsvirðingu. Öryggisráðið fundaði um stöðuna í Úkraínu í dag. Þórgnýr Einar Albertsson sagði frá.

Átök magnast á sjöunda degi mótmæla í Íran. Mótmælendur hafa kveikt í lögreglustöðvum og yfirvöld hafa sumsstaðar lokað fyrir internetið. Gunnhildur Kjerúlf Birgisdóttir sagði frá.

Stefnt er að því að birkiskógar þeki fimm prósent landsins árið tvöþúsundþrjátíu og eitt, en ef það á að nást þurfa landsmenn að sameinast í landsátaki á söfnun birkifræja sem nú stendur yfir. Amanda Guðrún Bjarnadóttir talaði við Kristinn H. Þorsteinsson, verkefnisstjóri landsátaksins.

------------

Sérsveit ríkislögreglustjóra lét til skarar skríða á níu stöðum á höfuðborgarsvæðinu í gær, lagði hald á vopn og tveir menn á þrítugsaldri sem voru handteknir í gær eru í gæsluvarðhaldi. Þeir eru grunaðir um brot á vopnalögum og að hafa skipulagt hryðjuverk gegn æðstu stofnunum ríkisiins. Hættu var afstýrt sagði Karl Steinar Valsson, yfirlögregluþjónn á fundi með fréttamönnum. Grímur Grímsson yfirlögregluþjónn sagði að rannsókn á mönnunum vegna vopnalagabrota hafi tekið aðra stefnu. Alexander Kristjánsson tók saman.

Margrét Valdimarsdóttir, afbrotafræðingur og dósent í lögreglufræði við Háskólann á Akureyri segir þetta endurspegla nýjan veruleika, ólíkt nágrannalöndunum hafi Íslendingar aldrei staðið frammi fyrir hryðjuverkaárás. Anna Kristín Jónsdóttir talaði við hana.

Hætt er við því að fólk dofni gagnvart fréttum af stríði í fjarlægum löndum. Hafdís Helga Helgadóttir talaði við Sigríði Víðis Jónsdóttur, rithöfund um það hvernig megi koma í veg fyrir að fólk loki augunum fyrir slíkum fréttum og sé þá ekki tilbúð að hjálpa.

Umsjón: Anna Kristín Jónsdóttir. Tæknimaður: Mark Eldred. Stjórn útsendingar fréttahluta: Valgerður Þorsteinsdóttir.

Umsjón: Hafdís Helga Helgadóttir

Tæknimaður: Mark Eldred

Fjórir voru handteknir í umfangsmiklum aðgerðum sérsveitar ríkislögreglustjóra á höfuðborgarsvæðinu í dag. Embættið segir að hættuástandi hafi verið afstýrt. Tveir mannanna eru sagðir hafa verið vopnaðir og hættulegir.

Ferðamálaráðherra hefur sett af stað vinnu til þess að stuðla að auknu öryggi ferðamanna hér á landi. Þetta gerir ráðherra í kjölfar frásagnar fjölskyldu sem lenti í bílslysi við Núpsvötn 2018 og birtist í Kveik í gær. Við heyrðum í Lilju Dögg Alfreðsdóttur í viðtali við Rúnar Snæ Reynisson.

Fleiri greinast með krabbamein vegna reykinga og offitu á Suðurnesjum samanborið við aðra landshluta. Þetta eru niðurstöður rannsóknar Krabbameinsfélagsins. Áhrif vatnsbólsmengunar, af völdum hersetuliðs í Keflavík á heilsufar Suðurnesjabúa, voru mun minni en óttast var. Oddur Þórðarson sagði frá.

Bandaríkjaforseti sakar Rússlandsstjórn um gróft brot á stofnsáttmála Sameinuðu þjóðanna. Hann gagnrýnir yfirvofandi atkvæðagreiðslur um að innlima fjögur úkraínsk héruð í Rússlandi. Þórgnýr Einar Albertsson tók saman.

Þrátt fyrir að endurupptökudómstóll hafi synjað beiðni Erlu Bolladóttur vegna sakfellingar í Guðmundar og Geirfinnsmálinu ætlar hún að berjast áfram. Hún segist enga ósk eiga heitari en að réttlætið nái fram að ganga. Rætt var við Erlu Bolladóttur og Sigrúnu Gísladóttur. Brynjólfur Þór Guðmundsson tók saman.

----------------------------------------------------

Rússneski herinn er laskaður eftir stríðsreksturinn í Úkraínu, það hefur gengið á vopnabúrið og mannfallið hefur verið töluvert. Rússnesk stjórnvöld segja að um 6 þúsund hermenn þeirra hafi dáið í Úkraínu í ár en aðrir, þar á meðal bandarísk varnarmálayfirvöld, telja að sú tala gæti verið næstum þrisvar sinnum hærri. Kvaðning 300 þúsund manna varaliðs í Rússlandi endurspeglar vonda stöðu hersins að mati Alberts Jónssonar, fyrrverandi sendiherra og sérfræðings í öryggis og varnarmálum, en hún á líklega ekki eftir að breyta miklu um gang stríðsins. Því fer fjarri að sjái fyrir endann á bardögum en þó telur Albert líklegt að úr þeim dragi þegar haustar og ekki meiri hætta á að kjarnavopnum verði beitt en áður. Anna Kristín Jónsdóttir talaði við Albert Jónsson.

Enn er unnið samkvæmt þeirri áætlun að þjóðarhöll verði risin í Laugardal árið 2025, segir Gunnar Einarsson, formaður nýskipaðrar framkvæmdanefndar um málið. Hann trúir ekki öðru en að ríkið standi við fyrri áætlanir, þótt innviðaráðherra hafi gefið í skyn að verkefninu seinki. Alexander Kristjánsson tók saman talaði við Gunnar

Erla Bolladóttir fær mál sitt vegna sakfellingar fyrir rangar sakargiftir ekki endurupptekið. Dómstóll sem fjallaði um málið segir að engin ný gögn hafi komið fram og ekkert sýni fram á að brotið hafi verið á henni eða sönnunargögn ranglega metin. Brynjólfur Þór Guðmundsson sagði frá.

Rússneskir embættismenn á hernumdum svæðum í fjórum héruðum Úkraínu hafa boðað til atkvæðagreiðslna um hvort héruðin verði hluti af Rússlandi. Þórgnýr Einar Albertsson sagði frá.

Innheimta veggjalda á höfuðborgarsvæðinu á að hefjast eftir tvö ár. Gjaldtakan mun skila um fimm til sex milljörðum á ári og fjármagna samgönguframkvæmdir á svæðinu. Útfærslan liggur enn ekki fyrir. Davíð Þorláksson er framkvæmdastjóri Betri samgangna. Alexander Kristjánsson talaði við hann.

Aðalsteinn Kjartansson blaðamaður á Stundinni hefur óskað eftir að Mannréttindadómstóll Evrópu leggi mat á hvort aðgerðir lögreglu gagnvart honum og þremur öðrum blaðamönnum standist lög.

Íbúðaverð á höfuðborgarsvæðinu lækkar milli mánaða, í fyrsta sinn frá því í maí 2019. Hagfræðingur segir vaxtahækkanir Seðlabankans hafa dregið úr eftirspurn. Gunnhildur Kjerúlf Birgisdóttir ræddi við Unu Jónsdóttur, forstöðumann hagfræðideildar Landsbankans.

Þorpið vistfélag hefur keypt JL húsið við Hringbraut af Myndlistarskólanum í Reykjavík og Íslandsbanka. Til stendur að útbúa um fjörutíu íbúðir í húsnæðinu og gert er ráð fyrir að þær verði tilbúnar eftir þrjú ár. Urður Örlygsdóttir ræddi við Áslaugu Guðrúnardóttur, hjá Þorpinu vistfélagi.

Liz Truss, forsætisráðherra Bretlands, og ríkisstjórn hennar ætla að leggja fram sína fyrstu skattastefnu á föstudaginn. Með henni vill hún styrkja samkeppnisstöðu Bretlands og gera landið að álitlegri stað fyrir alþjóðlega fjárfesta. Pétur Magnússon sagði frá.

Sérfræðingur hjá Hafrannsóknarstofnun kallar eftir umhverfisvænni veiðarfærum í íslenskan sjávarútveg. 94% rusls sem fannst á hafsbotni við ísland yfir 15 ára tímabil var veiðafærarusl. Hafdís Helga Helgadóttir ræddi við Petrúnu Sigurðardóttur.

Mikill uppgangur er í Norður-Svíþjóð vegna nýs, loftslagsvænni iðnaðar. Erfiðlega hefur þó gengið að manna störf. Kári Gylfason í Gautaborg segir frá atvinnuástandinu í norðurhluta landsins.

Umsjónarmaður: Alexander Kristjánsson

Tæknimaður: Kormákur Marðarson

Stjórn útsendingar fréttahluta: Margrét Júlía Ingimarsdóttir

Umsjón: Hafdís Helga Helgadóttir

Tæknimaður: Jökull Sigurðsson

Tvö þúsund manns sóttu athöfn í Westminster Abbey þegar Elísabet önnur Englandsdrottning var borin til grafar fyrr í dag. Við heyrum í Ólöfu Ragnarsdóttur fréttamanni á staðnum.

Þroskahjálp berst enn fyrir því að lausn verði fundin fyrir fólk með þroskahömlun sem getur ekki sótt um rafræn skilríki. Verkefnastjóri hjá samtökunum segir málinu lítill áhugi sýndur því um jaðarsettan hóp sé að ræða. Urður Örlygsdóttir talaði við Ingu Björk Margrétar Bjarnadóttur.

Þrjár konur í forystu flokks fólksins á Akureyri stigu fram í dag og ítrekuðu vanlíðan í samskiptum við karlana sem einnig eru í forystu flokksins. Rætt var við þær Málfríði Þórðardóttur, Tinnu Guðmundsdóttur og Hannesínu Scheving

Fiskistofa notast við dróna í leit að ummerkjum um eldislax í vestfirskum ám, eftir að þeir veiddust í Mjólká í Arnarfirði. Sviðsstjóri hjá Fiskistofu segir lítil ummerki um fisk enn sem komið er. Gunnhildur Kjerúlf Birgisdóttir tók saman.

----------------------------------------------------------------------------------

Snjallsímaforrit sem er í smíðum á að hjálpa fólki að æfa sig að tala íslensku í einrúmi. Annar höfundur verkefnisins segist byggja á eigin reynslu, en hún lærði íslensku á unglingsárum. Alexander Kristjánsson talaði við Gamithru Marga.

Þingmenn á norska Stórþinginu hafa í dag setið á skyndifundi til að ræða orkukreppuna í landinu - og að krefja ríkisstjórnina um ný ráð til að lækka orkureikninga heimila og fyrirtækja. Ríkisstjórnin lofaði engu fögru en ætlar að halda áfram að milda áhrifin af stöðugt hækkandi rafmagnsverði. Borgarstjórinn í Osló boðar harðan sparnað á raforku í vetur og er byrjaður að slökkva borgarljósin. Gísli Kristjánsson tók saman.

Danska embættismannakerfið nötraði þann 20. janúar þegar hulunni var svipt af nöfnum fjögurra manna sem sátu í gæsluvarðhaldi fyrir alvarlegan glæp; að ljóstra upp um ríkisleyndarmál. Og það sem meira er, einn þeirra handteknu var enginn annar en sjálfur æðsti yfirmaður leyniþjónustu danska hersins, Lars Findsen. Alexander Kristjánsson tók saman.

Umsjón: Hafdís Helga Helgadóttir

Tæknimaður: Magnús Þorsteinn Magnússon

Meðal um 500 líka, sem fundist hafa í fjöldagröfum við úkraínsku borgina Izyum, eru líkamsleifar fólks sem grafið var með hendur bundnar fyrir aftan bak og jafnvel með snöru um hálsinn. Oddur Þórðarson sagði frá.

Svo gæti farið að opna þurfi fjöldahjálparstöð fyrir flóttamenn ef ekki finnst húsnæði handa þeim öllum. Aðgerðastjóri segir róið öllum árum að því að koma í veg fyrir slíka stöðu. Hólmfríður Dagný Friðjónsdóttir talaði við Gylfa Þór Þorsteinsson.

16 sitja nú í gæsluvarðhaldi vegna innflutnings á fíkniefnum í gegnum flugstöð Leifs Eiríkssonar. Lögreglustjórinn á Suðurnesjum segir að efla þurfi eftirlit með fíkniefnainnflutningi til muna. Gunnhildur Kjerúlf Birgisdóttir talaði við Úlfar Lúðvíksson.

Ferðaþjónusta í Grímsey býr við óvissu vegna útboðs á rekstri ferjunnar sem gengur milli lands og eyjar. Ekki er hægt að bóka ferðir lengra en fram í apríl. Amanda Guðrún Bjarnadóttir talaði við G. Pétur Matthíasson.

-------------------------------------------------------------------------------------

Þörf er á fjölbreyttum lausnum til að efla íslenskukennslu fyrir útlendinga, segir framkvæmdastjóri Samtaka atvinnulífsins. Hann er ekki sannfærður um ágæti þess að setja íslenskukennslu á vinnutíma inn í kjarasamninga heldur treystir fremur á nýsköpun og segir máltækni tilvalinn vettvang fyrir frumkvöðla. Það sé verkefni alls samfélagsins að tryggja að fólk sem flytur til landsins geti aðlagast samfélaginu. Alexander Kristjánsson talaði við Halldór Benjamín Þorbergsson.

Psilocybin, virka efnið í ofskynjunarsveppum, gæti staðið fólki með meðferðarþrátt þunglyndi til boða innan örfárra ára. Þetta segir prófessor í geðlækningum. Fjöldi rannsókna gefur tilefni til að binda vonir við virkni þess gegn meðferðarþráu þunglyndi. Það er þunglyndi sem svarar illa meðferð. Talið er að 15-30 prósent þeirra sem glíma við þunglyndi svari illa meðferð. Hafdís Helga Helgadóttir tók saman og ræddi við Engilbert Sigurðsson, prófessor í geðlækningum, og Árný Jóhannesdóttur, sérnámslæknir í geðlækningum,