Um helmingi færri sjúklingar eru innlagðir á bráðamóttöku nú en þegar mest lét og því ekki þörf á jafn mikilli mönnun, segir aðstoðardeildarstjóri. Hún segir vinnu framkvæmdastjórnar spítalans við að bæta fráflæði hafa borið árangur. Ólöf Ragnarsdóttir talaði við Hildi Dís Kristjánsdóttur.

Forstjóri MAST fagnar því að Ríkisendurskoðun hafi ákveðið að gera úttekt á starfseminni. Vel megi vera að til bóta verði að fá fleiri að aðgerðum í dýravelferðarmálum. Sagði Hrönn Ólína Jörundsdóttir. Ólöf Rún Skúladóttir talaði við hana.

Matvælaráðherra hefur veitt undanþágu frá reglugerð um innfluttan áburð, til að bregðast við minnkuðu framboði. Framkvæmdastjóri Bændasamtakanna segir atvinnugreinina hafa óskað eftir breytingu sem þessari. Sagði Vigdís Häsler. Gunnhildur Kjerúlf Birgisdóttir tók saman.

Tugir leyniskjala fundust við húsleit bandarísku alríkislögreglunnar á heimili Donalds Trump, fyrrverandi forseta. Listi yfir gögnin sem fundust hefur verið birtur. Þórgnýr Einar Albertsson sagði frá.

Og við lítum við í teiti í miðbæ Reykjavíkur þar sem UN Women á Íslandi hrindir úr vör herferð til styrktar hinsegin fólki. Ólöf Rangarsdóttir verður á staðnum.

Í fyrravor tók gildi stytting vinnutíma fólks í vaktavinnu hjá því opinbera. Vinnuskylda níu þúsund starfsmanna hjá um sjö hundruð vinnustöðum gat styst í 32 klukkustundir á viku. Frá því að þetta tók gildi hefur grannt verið fylgst með innleiðingunni. Bára Hildur Jóhannsdóttir verkefnisstjóri hjá Betri vinnutíma segir að í undirbúningi hafi markvisst verið unnið að því að einfalda upplýsingar og allir farið í gegnum sama ferlið. Anna Kristín Jónsdóttir talaði við Báru Hildi Jóhannsdóttur.

Aldrei hafa fleiri einstaklingar á flótta leitað hingað til lands. Flestir umsækjendur fara til þriggja sveitarfélaga, Reykjavíkurborgar, Reykjanesbæjar og Hafnarfjarðarbæjar. Nú hefur bæjarstjóri Hafnarfjarðar sagt bæjarfélagið komið að þolmörkum, það geti ekki tekið við fleirum og kvartar undan því að ekki sé hlustað. Félagsmálaráðherra segir þetta vera vaxtarverki. Nichole Leigh Mosty er forstöðumaður fjölmenningarseturs. Hafdís Helga Helgadóttir talaði við hana.

Umsjón: Ásgeir Tómasson

Tæknimaður: Magnús Þorsteinn Magnússon

Ríkisstjórnarflokkarnir missa meirihluta sinn, samkvæmt nýjum Þjóðarpúlsi Gallup. Fylgi Samfylkingarinnar eykst mest og flokkurinn fengi fjórum þingmönnum fleiri nú en hann fékk í síðustu alþingiskosningum. Sjálfstæðisflokkur er enn stærstur en fylgið minnkar milli kannana. Bjarni Pétur Jónsson sagði frá.

Hluti eftirlitssveitar Alþjóðakjarnorkumálastofnunarinnar verður eftir í kjarnorkuverinu í Zaporizhzhia í Úkraínu til að tryggja öryggi þess og koma í veg fyrir kjarnorkuslys. Rafael Grossi, framkvæmdastjóri stofnunarinnar og leiðtogi sveitarinnar, greindi frá þessu að heimsókn lokinni í dag. Þórgnýr Einar Albertsson sagði frá.

Félagsmálaráðuneytið vinnur að samningum við þrjátíu sveitarfélög til viðbótar um samræmda móttöku flóttafólks sem léttir á álagi á sveitarfélögin sem hafa tekið á móti flestum hingað til, það er Reykjavík Hafnarfjörl og Reykjanesbæ. Eitt af þessum sveitarfélögum er Fljótsdalshérað. Ingibjörg Sara Guðmundsdóttir talaði við Guðmund Inga Guðbrandsson félagsmálaráðherra.

Antonio Guterres, framkvæmdastjóri Sameinuðu þjóðanna, hvetur Kínverja til að taka alvarlega þær upplýsingar sem birtust í nýrri skýrslu mannréttindaráðsins. Þar eru Kínverjar sakaðir um ofsóknir gegn Úígúrum og öðrum minnihlutahópum í Xinjiang-héraði.

Mikill minnihluti þolenda kynferðisofbeldis tilkynnir brotið til lögreglu. Þolendaskömm og vantrausti á lögreglunni er um að kenna. Þetta er meðal þess sem kom fram í viðtali Hafdísar Helgu Helgadóttur við Margréti Valdimarsdóttur og Steinunni Gyðu- og Guðjónsdóttur.

Ríkisendurskoðun ætlar að hefja frumkvæðisúttekt á eftirliti Matvælastofnunar með velferð dýra. Niðurstaða úttektarinnar verður birt í opinberri skýrslu til Alþingis. Freyr Gígja Gunnarsson sagði frá.

Raforkuverð heldur áfram að hækka í Noregi. Það kostar Norðmann af meðalskrokkstærð þúsund krónur íslenskar að fara í sturtu og fólk ekur í heimsóknir til nágranna til að hlaða rafbílinn þar. Gísli Kristjánsson, fréttaritari Osló sagði okkur af raforkumartröðum Norðmanna.

Útsýnispallurinn á Bolafjalli ofan Bolungavíkur var formlega opnaður í dag að viðstaddri allri ríkisstjórn landsins. Ingibjörg Sara Guðmundsdóttir ræddi við Jón Pál Hreinsson, bæjarstjóra í Bolungarvík.

Umsjón: Hafdís Helga Helgadóttir

Tæknimaður: Magnús Þ. Magnússon

Innviðir Hafnarfjarðarbæjar þola ekki frekari fjölgun flóttafólks og sveitarfélagið óskar eftir því að stjórnvöld hætti að senda fólk þangað. Bæjarfélagið geti ekki sinnt þeim. Ingibjörg Sara Guðmundsdóttir talaði við Rósu Guðbjartsdóttur.

Afurðastöðvar eru þessa dagana að ákveða verð til viðskiptavina og víða eru miklar hækkanir fram undan. Kjarnafæði-Norðlenska hefur tilkynnt um tuttugu og sjö prósenta verðhækkun á lambakjöti til verslana í haust. Ágúst Ólafsson talaði við Ágúst Torfa Hauksson.

Fyrsta tilfelli fuglaflensu í hnísu greindist í Svíþjóð í dag. Matvælastofnun ítrekar beiðni sína til almennings um að tilkynna dauðsföll fugla. Sunna Karen Sigurþórsdóttir talaði við Vigdísi Tryggvadóttur.

Rússneska ríkisfyrirtækið Gazprom skrúfaði í morgun fyrir Nord Stream 1-gasleiðsluna á nýjan leik. Bandaríkjastjórn sakar Rússa um að beita gasbirgðum sínum sem vopni. Þórngnýr Albert Einarsson tók saman.

-----------------------------------------------------------------

"Gorbachevs verður minnst á vesturlöndum fyrir að hafa leitt kalda stríðið til lykta á friðsamari hátt en fólk hafði þorað að vona. Hann sýndi svo ekki var um villst að þarna var kominn ný tegund af leiðtoga í Sovétríkjunum." Þetta segir forseti Íslands. Mikhaíl Gorbachev síðasti leiðtogi Sovétríkjanna, lést í gærkvöldi, 91 árs að aldri eftir báráttu við langvinn veikindi. Sunna Karen Sigurþórsdóttir talaði við Guðna Th. Jóhannesson.

Skiptar skoðanir eru um arfleifð Mikhails Gorbachevs. Leiðtogar á Vesturlöndum fara fögrum orðum um hann en almenningur í Rússlandi kennir honum um að Sovétríkin liðu undir lok og efnahagsástandið er bágborið. Ásgeir Tómasson tók saman.

Loftslagsmál hafa lítið verið rædd í aðdraganda sænsku kosinganna, þrátt fyrir hitabylgjur, þurrka og aðrar hamfarir af völdum loftslagsbreytinga. Hátt í tvö þúsund sænskir vísindamenn birtu nýlega áskorun til stjórnmálamanna um að taka á málinu af alvöru og spurðu ?Hvað er það sem þið skiljið ekki?? Kári Gylfason í Gautaborg tók saman.

Umsjón: Hafdís Helga Helgadóttir Tæknimaður: Magnús Þ. Magnússon Innviðir Hafnarfjarðarbæjar þola ekki frekari fjölgun flóttafólks og sveitarfélagið óskar eftir því að stjórnvöld hætti að senda fólk þangað. Bæjarfélagið geti ekki sinnt þeim. Ingibjörg Sara Guðmundsdóttir talaði við Rósu Guðbjartsdóttur. Afurðastöðvar eru þessa dagana að ákveða verð til viðskiptavina og víða eru miklar hækkanir fram undan. Kjarnafæði-Norðlenska hefur tilkynnt um tuttugu og sjö prósenta verðhækkun á lambakjöti til verslana í haust. Ágúst Ólafsson talaði við Ágúst Torfa Hauksson. Fyrsta tilfelli fuglaflensu í hnísu greindist í Svíþjóð í dag. Matvælastofnun ítrekar beiðni sína til almennings um að tilkynna dauðsföll fugla. Sunna Karen Sigurþórsdóttir talaði við Vigdísi Tryggvadóttur. Rússneska ríkisfyrirtækið Gazprom skrúfaði í morgun fyrir Nord Stream 1-gasleiðsluna á nýjan leik. Bandaríkjastjórn sakar Rússa um að beita gasbirgðum sínum sem vopni. Þórngnýr Albert Einarsson tók saman. ----------------------------------------------------------------- "Gorbachevs verður minnst á vesturlöndum fyrir að hafa leitt kalda stríðið til lykta á friðsamari hátt en fólk hafði þorað að vona. Hann sýndi svo ekki var um villst að þarna var kominn ný tegund af leiðtoga í Sovétríkjunum." Þetta segir forseti Íslands. Mikhaíl Gorbachev síðasti leiðtogi Sovétríkjanna, lést í gærkvöldi, 91 árs að aldri eftir báráttu við langvinn veikindi. Sunna Karen Sigurþórsdóttir talaði við Guðna Th. Jóhannesson. Skiptar skoðanir eru um arfleifð Mikhails Gorbachevs. Leiðtogar á Vesturlöndum fara fögrum orðum um hann en almenningur í Rússlandi kennir honum um að Sovétríkin liðu undir lok og efnahagsástandið er bágborið. Ásgeir Tómasson tók saman. Loftslagsmál hafa lítið verið rædd í aðdraganda sænsku kosinganna, þrátt fyrir hitabylgjur, þurrka og aðrar hamfarir af völdum loftslagsbreytinga. Hátt í tvö þúsund sænskir vísindamenn birtu nýlega áskorun til stjórnmálamanna um að taka á málinu af alvöru og spurðu ?Hvað er það sem þið skiljið ekki?? Kári Gylfason í Gautaborg tók saman.

Umsjón: Ásgeir Tómasson

Tæknimaður: Marteinn Marteinsson

Magnús Aron Magnússon, sem er ákærður fyrir að hafa myrt mann í Barðavogi í Reykjavík fyrr í sumar, neitar sök. Mál gegn honum var þingfest í dag.

Mesti hiti ársins hér á landi mældist í dag. Hitinn fór í 25 stig á Mánarbakka á Tjörnesi síðdegis. Ingibjörg Sara Guðmundsdóttir sagði frá og ræddi við Bjarna Sigurð Aðalgeirsson, eiganda tjaldsvæðisins að Mánárbakka, og Birgi Örn Höskuldsson veðurfræðing sem gerir ekki ráð fyrir að hitinn verði meiri það sem eftir er ársins.

Forseti Úkraínu ætlar að sjá til þess að eftirlitssveit Alþjóðakjarnorkumálastofnunarinnar komist að kjarnorkuverinu í Zaporizhzhia. Hann hitti í dag forstjóra stofnunarinnar sem fer fyrir hópnum. Þórgnýr Einar Albertsson sagði frá.

Tveir hafa látist það sem af er á ári á Grænlandi eftir tilraunir til að smygla fíkniefnum innvortis til landsins. Slíkt smygl hefur færst í aukana og hafa þrjátíu og þrír verið handteknir á árinu, fleiri en nokkru sinni áður þar í landi. Dagný Hulda Erlendsdóttir sagði frá.

Guðlaugur Þór Þórðarson, umhverfis-, orku- og loftslagsráðherra, segir að Úrvinnslusjóður sé lykilþáttur í að koma á almennilegu hringrásarhagkerfi hér á landi. Starfshópur ráðherra, sem skila á tillögum um breytingar á lögum um Úrvinnslusjóð, hefur þegar hafið störf. Oddur Þórðarson ræddi við ráðherra.

Skýrslur hafa verið teknar af öllum fjórum sem hafa réttarstöðu sakborgninga vegna meintra brota á friðhelgi einkalífs. Málið snýr að svonefndri skæruliðadeild útgerðarfélagsins Samherja. Í fyrravor voru birtar fréttir um samskipti fólks sem tengdist Samherja með einhverjum hætti og tilraunir þess til að hafa áhrif á umræðu um fyrirtækið í fjölmiðlum.

Öll aðildarfélög Bandalags háskólamanna koma sameinuð að samningaborði við upphaf kjaraviðræðna í ár. Hafdís Helga Helgadóttir ræddi við Friðrik Jónsson, formann BHM, um ástand og horfur í viðræðunum. Einnig heyrðist í Katrínu Jakobsdóttur forsætisráðherra um þátt ríkisstjórnarinnar í komandi viðræðum.

Að minnsta kosti þrjátíu létust og á sjötta hundrað særðust í blóðugum óeirðum sem brutust út í Bagdad, höfuðborg Íraks. Það gerðist eftir að eldklerkurinn og stjórnmálamaðurinn Moqtada al-Sadr lýsti því yfir að hann væri hættur afskiptum af stjórnmálum.

Reynt er að fá fólk til að hverfa frá samkynhneigð og fara aftur inn í skápinn í fjölda trúfélaga í Svíþjóð. Bælingarmeðferð, eins og hún hefur verið nefnd hér á Íslandi, er bönnuð með lögum í Þýskalandi og rætt hefur verið um að banna hana, bæði á Íslandi og í Svíþjóð. Kári Gylfason í G

Umsjón: Hafdís Helga Helgadóttir

Tæknimaður: Mark Eldred

Forstöðumaður kjarasviðs Fagfélaganna, sem tekur fyrir ásakanir um launaþjófnað á tveimur veitingastöðum í Reykjavík, segir skorta viðurlög við slíkum brotum. Fleiri ábendingar hafa komið inn á borð til þeirra eftir umfjöllun síðustu daga.

Heiða Björg Hilmisdóttir er nýr formaður stjórnar Sambands íslenskra sveitarfélaga. Í fyrsta skipti í rúm þrjátíu ár fellur formannsembættið ekki Sjálfstæðismönnum í hlut. Sólveig Klara Ragnarsdóttir talaði við Heiður Björg Hilmisdóttur.

Bráðnun Grænlandsjökuls kemur til með að hækka sjávarmál um nærri þrjátíu sentimetra jafnvel ef meðalhiti jarðar stendur í stað. Þetta eru niðurstöður nýrrar rannsóknar sem birtar voru í dag. Þórgnýr Einar Albertsson tók saman.

Stjórnvöld í Úkraínu boða gagnsókn gegn Rússum á hernumdum svæðum í suðurhluta Úkraínu. Stefnt er að því að ná völdum á ný yfir borginni Kherson og er fólki þar ráðlagt að halda sig fjarri þeim skotmörkum sem gætu tengst her Rússa. Dagný Hulda Erlendsdóttir tók saman.

Prófessor við Hugvísindasvið Háskóla Íslands segir túlkun ráðherra á lögum um tilflutning embættismanna, við ráðningu nýs þjóðminjavarðar, hafa jaðrað við misbeitingu á valdi. Hólmfríður Dagný Friðjónsdóttir talaði við Jón Ólafsson.

?Freðhvolf jarðar er eins og lífsnauðsynlegt líffæri fyrir jörðina. Sumt getum við ekki læknað úr þessu, heldur bara meðhöndlað". Þetta segir Anna Hulda Ólafsdóttir, forstöðumaður skrifstofu loftslagsþjónustu og aðlögunar. Rætt var við Önnu Huldu og Árna Snorrason forstjóra Veðurstofu Íslands um stöðuna. Hafdís Helga Helgadóttir tók saman.

Margir Bretar fá hroll þegar þeir hugsa til komandi vetrar vegna síhækkandi verðs á flestum nauðsynjavörum. Verðbólga er komin yfir tíu prósent og jafnvel er gert ráð fyrir að hún fari í átján prósent eftir áramót. Hrollurinn jókst til muna fyrir helgi þegar Ofgem, stofnunin sem fer með orkumál í Bretlandi, tilkynnti um áttatíu prósenta hækkun á orku til húshitunar. Ásgeir Tómasson tók saman.

Umsjón: Ásgeir Tómasson

Tæknimaður: Mark Eldred

Ríkissaksóknari hefur áminnt Helga Magnús Gunnarsson vararíkissaksóknara vegna ósæmilegrar háttsemi sem þótti ósamrýmanleg starfi hans. Hún tengdist orðum hans á samfélagsmiðlum um hinsegin fólk og hælisleitendur.

Alþýðusamband Íslands hefur sent þrjár tilkynningar til mansalsteymis lögreglunnar það sem af er þessum mánuði. Málum þar sem grunur er um brot á kjarasamningi hefur fjölgað eftir COVID. Þetta kom fram í viðtali Elsu Maríu Guðlaugs Drífudóttur við Sögu Kjartansdóttur, verkefnastjória vinnustaðaeftirlits hjá ASÍ

Dómsmálaráðuneyti Bandaríkjanna opinberaði skjal í dag um ástæður þess að alríkislögreglan fór í húsleit á heimili Donalds Trumps í Flórída.

Ógn sem stafar af Rússum var ofarlega á baugi í opinberri heimsókn forseta Eystrasaltsríkjanna hingað til lands. Gitanas Nausèda, forseti Litáens, segir stöðu Eystrasaltsríkjanna mjög viðkvæma, því það sé ljóst í hans huga að innrás Rússa í Úkraínu sé aðeins hluti af áformum stjórnvalda í Kreml um landvinninga á næstu árum.

Stjórnmálasamband Íslands og Eystrasaltsríkjanna var formlega framlengt í dag.

Starlink-gervihnattaneti SpaceX, fyrirtækis auðkýfingsins Elons Musk, er ætlað að tryggja símasamband jafnvel á afskekktustu svæðum heimsins, að því er kemur fram í pistli Markúsar Þórhallssonar.

Í nýrri aðgerðaáætlun sem sameinar landgræðslu og skógrækt í fyrsta sinn, er heimatilbúnum vísindum hafnað. Þetta segir Auður Önnu Magnúsdóttir, framkvæmdastjóri Landverndar sem bindur vonir við að sameinuð stefna minnki sundrung sem hefur verið á milli stofnananna svo hægt verði að vinna betur að sameiginlegu markmiði þeirra, náttúruvernd. Hafdís Helga Helgadóttir ræddi við Auði.

Sonja Ýr Þorbergsdóttir, formaður BSRB, segir í viðtali við Önnu Kristínu Jónsdóttur að langflestir félagsmenn í BSRB séu ánægðir með styttingu vinnutímans sem samið var um í síðustu samningum. Í könnun sem gerð var í vor kom fram að sjö að hverjum tíu eru ánægðir með styttinguna. Hún segir að þátttaka starfsmanna við útfærsluna ráði úrslitum um hvernig tekist hefur til. En ekki síst á vinnustöðum þar sem gengnar eru vaktir hafi verið talað um að styttingin hafi komið hart niður til dæmis í heilbrigðiskerfinu.

Neyðarástandi hefur verið lýst yfir í Pakistan vegna flóða af völdum monsúnrigninga og bráðnunar jökla. Þau hafa orðið yfir níu hundruð manns að bana. Á þriðja hundrað þúsund íbúðarhús eru ónýt. Yfir níu hundruð eru látnir

Umsjón: Anna Kristín Jónsdóttir. Tæknimaður: Mark Eldred.

Grunur leikur á að stórfelldur launaþjófnaður hafi verið framinn á tveimur veitingastöðum í Reykjavík. Þrír starfsmenn þáðu boð um aðstoð og fóru af vaktinni. Dagný Hulda Erlendsdóttir tók saman og talaði við Benóný Harðarson, forstöðumann Kjaradeildar Fagfélaganna

Raflínur við kjarnorkuverið í Zaporizhzhia voru skemmdar í dag og þurfti að aftengja verið frá rafveitukerfi Úkraínu í fyrsta sinn í fjörutíu ár. Ólöf Rún Erlendsdóttir sagði frá.

Orkuveita Reykjavíkur ætlar að stofna hlutafélag um rekstur tæknifyrirtækisins Carbfix, og selja fjárfestum. Bjarni Bjarnason, forstjóri Orkuveitunnar segir nauðsyn að fá áhættufjáfesta til að leggja fé í fyrirtækið. Alma Ómarsdóttir talaði við hann.

Áttatíu ár eru frá því að bandaríski orrustuflugmaðurinn John G. Kassos lést þegar vél hans brotlenti á Melgerðismelum í Eyjafjarðarsveit. Minningarathöfn um Kassos var haldin þar. Amanda Guðrún Bjarnadóttir tók saman og talaði við Brynjar Karl Óttarsson sögukennara sem er einn Varðveislumanna minjanna og hefur rannsakað svæðið þar sem vélin kom niður.

Gervigreindarrappari missti plötusamning við stórt útgáfufyrirtæki vegna rasisma. Ingibjörg Sara Guðmundsdóttir tók saman.

---------------

Fyrir þrjátíu og einu ári urðu íslensk stjórnvöld fyrst til að viðurkenna endurreist sjálfstæði Eystrasaltsríkjanna. Forsetar ríkjanna eru í opinberri heimsókn af því tilefni. Hafdís Helga Helgsdóttir ræðir við Hilmar Þór Hilmarsson prófessor við Háskólann á Akureyri um stöðu ríkjanna; tengsl þeirra til vesturs og austurs og ógnina sem að þeim steðjar.

Anthony Fauci, aðalráðgjafi Bandaríkjaforseta í heilbrigðismálum og yfirmaður Ofnæmis- og smitsjúkdómastofnunar Bandaríkjanna, ætlar að láta af embætti í desember þá 82 ára gamall. Ásgeir Tómasson fer yfir feril Faucis.

Ilija Batljan, fyrrverandi stjórnmálamaður Jafnaðarmannaflokksins sænska, hefur á síðustu árum byggt upp gríðarstórt fasteignafélag með því að byggja eða kaupa opinberar byggingar og leigja þær því opinbera aftur til áratuga. Kári Gylfason segir frá.

Umsjón: Hafdís Helga Helgadóttir

Tæknimaður: Mark Eldred

Seðlabankastjóri segir svigrúm til launahækkana í komandi kjaraviðræðum mismunandi eftir atvinnugreinum, þeim gangi misvel. Hann segir mikilvægt að hafa verðgildi krónunnar í huga. Sagði Ásgeir Jónsson. Ingibjörg Sara Guðmundsdóttir tók saman.

Samkeppniseftirlitið hefur ekki fylgt nægilega eftir vísbendingum um brot á skyldu til að veita upplýsingar við rannsókn samrunamála. Rannsókn Ríkisendurskoðunar leiðir það í ljós.

Ísland er á réttri leið sem matvælaland og framleiðendur búa yfir áræðni og sköpunarkrafti, segir matvælaráðherra. Alls hljóta

58 verkefni á sviði matvælaframleiðslu hljóta styrk úr Matvælasjóði. Framleiðsla á alíslensku viskíi hlýtur einn hæsta styrkinn. Sigurður Kaiser tók saman og talaði við Evu Maríu Sigurbjörnsdóttur.

Fulltrúar Úkraínu og Rússlands tókust á um ástæður stríðsins í Úkraínu á fundi öryggisráðs Sameinuðu þjóðanna í dag. Sendiherra Rússa sagði stjórnvöld í Kænugarði ein bera ábyrgð á átökunum. Ólöf Rún Erlendsdóttir tók saman.

Gestum var boðið að upplifa úkraínska menningu í Norræna húsin í dag þar sem Þjóðhátíðardegi Úkraínu var fagnað.

---------------------------------------------------------------------------

Hóflegar spár, byggðar á nýjustu gögnum vísindamanna, benda til þess að helmingur allra fjallajökla jarðarinnar muni bráðna fyrir lok þessarar aldar. Þetta kom fram á alþjóðlegu vísindaráðstefnunni Cryosphere sem fer fram í Hörpu. Hafdís Helga Helgadóttir tók saman og talaði við Þorstein Þorsteinsson, sérfræðing á sviði jöklarannsókna á Veðurstofu Íslands.

Najib Razak, fyrrverandi forsætis- og fjármálaráðherra Malasíu, er kominn í fangelsi. Hann hóf í dag að afplána tólf ára fangelsisdóm, sem hann hlaut fyrir gróft fjármálamisferli. Hann var sakfelldur árið 2020, en fékk að ganga laus þar til hæstiréttur landsins synjaði áfrýjunarbeiðni hans. Einnig var ósk hans hafnað um að fangelsisvistinni yrði frestað. Ásgeir Tómasson sagði frá.

Í Noregi sem mörgum öðrum löndum hefur fólk áhyggjur af því að kurteisisvenjur í samskiptum fólk séu á hröðu undanhaldi. Umræður á fundum séu harðari og grófari en áður og með ljótu orðbragði. Gísli Kristjánsson, fréttaritari í Osló hefur fylgst með umræðum um fyrirbærið þar í landi. Hvaða skýring er á að umræðuhefðin er að breytast?

Umsjón: Ásgeir Tómasson

Tæknimaður: Gísli Kjaran Kristjánsson

Tólf hafa smitast af apabólu hér á landi, þar af tveir í þessum mánuði, segir Guðrún Aspelund sóttvarnalæknir. Allir sem hafa greinst með apabóluna hér á landi eru karlmenn á aldrinum þrjátíu til fimmtíu ára. Urður Örlygsdóttir ræddi við hana.

Öllum hátíðahöldum hefur verið aflýst í Úkraínu í tilefni þjóðhátíðardagsins á morgun. Varað er við árásum rússneska innrásarliðsins á lífæðar samfélagsins og stjórnsýslubyggingar. Ásgeir Tómasson fer yfir helstu tíðindi frá Úkraínu.

Þau tæpu 100 kíló af kókaíni sem fundust í vörusendingu í Hollandi voru á leið hingað til lands frá Brasilíu. Gæsluvarðhald hefur verið framlengt yfir þremur þeirra sem eru í haldi.

Fóðurpramminn sem náðist upp af botni Reyðarfjarðar í gær er að öllum líkindum ónýtur. Ágúst Ólafsson ræddi við Jens Garðar Helgason, framkvæmdastjóra Laxa, fiskeldis.

Gengi evru gagnvart bandaríkjadollar hefur lækkað um fimmtán prósent á einu ári og ekki verið lægra í tuttugu ár. Alexander Kristjánsson ræddi við hagfræðing Stefnis um ástæðurnar.

Raforkuverð í Suður-Svíþjóð hækkar stöðugt og hefur aldrei verið hærra en nú. Verð á hverja kílóvattsstund hér á landi er um það bil einn tuttugasti hluti af því sem það kostar í Svíþjóð. Þetta er meðal þess sem fram kemur í pistli Kára Gylfasonar í Svíþjóð.

Samkvæmt tillögum að nýrri Hamarshöll í Hveragerði á þar að rúmast knattspyrnuvöllur, fjölnota íþróttagólf, fimleikaaðstaða og áhorfendastúkur. Oddur Þórðarson sagði frá.

Unnið er í samvinnu þriggja ráðuneyta að betrumbótum í málefnum fanga og geðheilbrigðisþjónustu, segir Jón Gunnarsson dómsmálaráðherra. Dómsmálaráðuneytið vinni að því að efla lögreglu á landsbyggðinni með því að fela þeim fleiri verkefni. Þórdís Arnljótsdóttir ræddi við hann og Fjölni Sæmundsson, formann Landssambands lögreglumanna sem tekur undir með ráðherra að þörf sé á að efla lögregluembættin úti á landi.