Umsjón: Ásgeir Tómasson

Tæknimaður: Mark Eldred

Ríkissaksóknari hefur áminnt Helga Magnús Gunnarsson vararíkissaksóknara vegna ósæmilegrar háttsemi sem þótti ósamrýmanleg starfi hans. Hún tengdist orðum hans á samfélagsmiðlum um hinsegin fólk og hælisleitendur.

Alþýðusamband Íslands hefur sent þrjár tilkynningar til mansalsteymis lögreglunnar það sem af er þessum mánuði. Málum þar sem grunur er um brot á kjarasamningi hefur fjölgað eftir COVID. Þetta kom fram í viðtali Elsu Maríu Guðlaugs Drífudóttur við Sögu Kjartansdóttur, verkefnastjória vinnustaðaeftirlits hjá ASÍ

Dómsmálaráðuneyti Bandaríkjanna opinberaði skjal í dag um ástæður þess að alríkislögreglan fór í húsleit á heimili Donalds Trumps í Flórída.

Ógn sem stafar af Rússum var ofarlega á baugi í opinberri heimsókn forseta Eystrasaltsríkjanna hingað til lands. Gitanas Nausèda, forseti Litáens, segir stöðu Eystrasaltsríkjanna mjög viðkvæma, því það sé ljóst í hans huga að innrás Rússa í Úkraínu sé aðeins hluti af áformum stjórnvalda í Kreml um landvinninga á næstu árum.

Stjórnmálasamband Íslands og Eystrasaltsríkjanna var formlega framlengt í dag.

Starlink-gervihnattaneti SpaceX, fyrirtækis auðkýfingsins Elons Musk, er ætlað að tryggja símasamband jafnvel á afskekktustu svæðum heimsins, að því er kemur fram í pistli Markúsar Þórhallssonar.

Í nýrri aðgerðaáætlun sem sameinar landgræðslu og skógrækt í fyrsta sinn, er heimatilbúnum vísindum hafnað. Þetta segir Auður Önnu Magnúsdóttir, framkvæmdastjóri Landverndar sem bindur vonir við að sameinuð stefna minnki sundrung sem hefur verið á milli stofnananna svo hægt verði að vinna betur að sameiginlegu markmiði þeirra, náttúruvernd. Hafdís Helga Helgadóttir ræddi við Auði.

Sonja Ýr Þorbergsdóttir, formaður BSRB, segir í viðtali við Önnu Kristínu Jónsdóttur að langflestir félagsmenn í BSRB séu ánægðir með styttingu vinnutímans sem samið var um í síðustu samningum. Í könnun sem gerð var í vor kom fram að sjö að hverjum tíu eru ánægðir með styttinguna. Hún segir að þátttaka starfsmanna við útfærsluna ráði úrslitum um hvernig tekist hefur til. En ekki síst á vinnustöðum þar sem gengnar eru vaktir hafi verið talað um að styttingin hafi komið hart niður til dæmis í heilbrigðiskerfinu.

Neyðarástandi hefur verið lýst yfir í Pakistan vegna flóða af völdum monsúnrigninga og bráðnunar jökla. Þau hafa orðið yfir níu hundruð manns að bana. Á þriðja hundrað þúsund íbúðarhús eru ónýt. Yfir níu hundruð eru látnir

Umsjón: Anna Kristín Jónsdóttir. Tæknimaður: Mark Eldred.

Grunur leikur á að stórfelldur launaþjófnaður hafi verið framinn á tveimur veitingastöðum í Reykjavík. Þrír starfsmenn þáðu boð um aðstoð og fóru af vaktinni. Dagný Hulda Erlendsdóttir tók saman og talaði við Benóný Harðarson, forstöðumann Kjaradeildar Fagfélaganna

Raflínur við kjarnorkuverið í Zaporizhzhia voru skemmdar í dag og þurfti að aftengja verið frá rafveitukerfi Úkraínu í fyrsta sinn í fjörutíu ár. Ólöf Rún Erlendsdóttir sagði frá.

Orkuveita Reykjavíkur ætlar að stofna hlutafélag um rekstur tæknifyrirtækisins Carbfix, og selja fjárfestum. Bjarni Bjarnason, forstjóri Orkuveitunnar segir nauðsyn að fá áhættufjáfesta til að leggja fé í fyrirtækið. Alma Ómarsdóttir talaði við hann.

Áttatíu ár eru frá því að bandaríski orrustuflugmaðurinn John G. Kassos lést þegar vél hans brotlenti á Melgerðismelum í Eyjafjarðarsveit. Minningarathöfn um Kassos var haldin þar. Amanda Guðrún Bjarnadóttir tók saman og talaði við Brynjar Karl Óttarsson sögukennara sem er einn Varðveislumanna minjanna og hefur rannsakað svæðið þar sem vélin kom niður.

Gervigreindarrappari missti plötusamning við stórt útgáfufyrirtæki vegna rasisma. Ingibjörg Sara Guðmundsdóttir tók saman.

---------------

Fyrir þrjátíu og einu ári urðu íslensk stjórnvöld fyrst til að viðurkenna endurreist sjálfstæði Eystrasaltsríkjanna. Forsetar ríkjanna eru í opinberri heimsókn af því tilefni. Hafdís Helga Helgsdóttir ræðir við Hilmar Þór Hilmarsson prófessor við Háskólann á Akureyri um stöðu ríkjanna; tengsl þeirra til vesturs og austurs og ógnina sem að þeim steðjar.

Anthony Fauci, aðalráðgjafi Bandaríkjaforseta í heilbrigðismálum og yfirmaður Ofnæmis- og smitsjúkdómastofnunar Bandaríkjanna, ætlar að láta af embætti í desember þá 82 ára gamall. Ásgeir Tómasson fer yfir feril Faucis.

Ilija Batljan, fyrrverandi stjórnmálamaður Jafnaðarmannaflokksins sænska, hefur á síðustu árum byggt upp gríðarstórt fasteignafélag með því að byggja eða kaupa opinberar byggingar og leigja þær því opinbera aftur til áratuga. Kári Gylfason segir frá.

Umsjón: Hafdís Helga Helgadóttir

Tæknimaður: Mark Eldred

Seðlabankastjóri segir svigrúm til launahækkana í komandi kjaraviðræðum mismunandi eftir atvinnugreinum, þeim gangi misvel. Hann segir mikilvægt að hafa verðgildi krónunnar í huga. Sagði Ásgeir Jónsson. Ingibjörg Sara Guðmundsdóttir tók saman.

Samkeppniseftirlitið hefur ekki fylgt nægilega eftir vísbendingum um brot á skyldu til að veita upplýsingar við rannsókn samrunamála. Rannsókn Ríkisendurskoðunar leiðir það í ljós.

Ísland er á réttri leið sem matvælaland og framleiðendur búa yfir áræðni og sköpunarkrafti, segir matvælaráðherra. Alls hljóta

58 verkefni á sviði matvælaframleiðslu hljóta styrk úr Matvælasjóði. Framleiðsla á alíslensku viskíi hlýtur einn hæsta styrkinn. Sigurður Kaiser tók saman og talaði við Evu Maríu Sigurbjörnsdóttur.

Fulltrúar Úkraínu og Rússlands tókust á um ástæður stríðsins í Úkraínu á fundi öryggisráðs Sameinuðu þjóðanna í dag. Sendiherra Rússa sagði stjórnvöld í Kænugarði ein bera ábyrgð á átökunum. Ólöf Rún Erlendsdóttir tók saman.

Gestum var boðið að upplifa úkraínska menningu í Norræna húsin í dag þar sem Þjóðhátíðardegi Úkraínu var fagnað.

---------------------------------------------------------------------------

Hóflegar spár, byggðar á nýjustu gögnum vísindamanna, benda til þess að helmingur allra fjallajökla jarðarinnar muni bráðna fyrir lok þessarar aldar. Þetta kom fram á alþjóðlegu vísindaráðstefnunni Cryosphere sem fer fram í Hörpu. Hafdís Helga Helgadóttir tók saman og talaði við Þorstein Þorsteinsson, sérfræðing á sviði jöklarannsókna á Veðurstofu Íslands.

Najib Razak, fyrrverandi forsætis- og fjármálaráðherra Malasíu, er kominn í fangelsi. Hann hóf í dag að afplána tólf ára fangelsisdóm, sem hann hlaut fyrir gróft fjármálamisferli. Hann var sakfelldur árið 2020, en fékk að ganga laus þar til hæstiréttur landsins synjaði áfrýjunarbeiðni hans. Einnig var ósk hans hafnað um að fangelsisvistinni yrði frestað. Ásgeir Tómasson sagði frá.

Í Noregi sem mörgum öðrum löndum hefur fólk áhyggjur af því að kurteisisvenjur í samskiptum fólk séu á hröðu undanhaldi. Umræður á fundum séu harðari og grófari en áður og með ljótu orðbragði. Gísli Kristjánsson, fréttaritari í Osló hefur fylgst með umræðum um fyrirbærið þar í landi. Hvaða skýring er á að umræðuhefðin er að breytast?

Umsjón: Ásgeir Tómasson

Tæknimaður: Gísli Kjaran Kristjánsson

Tólf hafa smitast af apabólu hér á landi, þar af tveir í þessum mánuði, segir Guðrún Aspelund sóttvarnalæknir. Allir sem hafa greinst með apabóluna hér á landi eru karlmenn á aldrinum þrjátíu til fimmtíu ára. Urður Örlygsdóttir ræddi við hana.

Öllum hátíðahöldum hefur verið aflýst í Úkraínu í tilefni þjóðhátíðardagsins á morgun. Varað er við árásum rússneska innrásarliðsins á lífæðar samfélagsins og stjórnsýslubyggingar. Ásgeir Tómasson fer yfir helstu tíðindi frá Úkraínu.

Þau tæpu 100 kíló af kókaíni sem fundust í vörusendingu í Hollandi voru á leið hingað til lands frá Brasilíu. Gæsluvarðhald hefur verið framlengt yfir þremur þeirra sem eru í haldi.

Fóðurpramminn sem náðist upp af botni Reyðarfjarðar í gær er að öllum líkindum ónýtur. Ágúst Ólafsson ræddi við Jens Garðar Helgason, framkvæmdastjóra Laxa, fiskeldis.

Gengi evru gagnvart bandaríkjadollar hefur lækkað um fimmtán prósent á einu ári og ekki verið lægra í tuttugu ár. Alexander Kristjánsson ræddi við hagfræðing Stefnis um ástæðurnar.

Raforkuverð í Suður-Svíþjóð hækkar stöðugt og hefur aldrei verið hærra en nú. Verð á hverja kílóvattsstund hér á landi er um það bil einn tuttugasti hluti af því sem það kostar í Svíþjóð. Þetta er meðal þess sem fram kemur í pistli Kára Gylfasonar í Svíþjóð.

Samkvæmt tillögum að nýrri Hamarshöll í Hveragerði á þar að rúmast knattspyrnuvöllur, fjölnota íþróttagólf, fimleikaaðstaða og áhorfendastúkur. Oddur Þórðarson sagði frá.

Unnið er í samvinnu þriggja ráðuneyta að betrumbótum í málefnum fanga og geðheilbrigðisþjónustu, segir Jón Gunnarsson dómsmálaráðherra. Dómsmálaráðuneytið vinni að því að efla lögreglu á landsbyggðinni með því að fela þeim fleiri verkefni. Þórdís Arnljótsdóttir ræddi við hann og Fjölni Sæmundsson, formann Landssambands lögreglumanna sem tekur undir með ráðherra að þörf sé á að efla lögregluembættin úti á landi.

Umsjón hefur Hafdís Helga Helgadóttir.

Tæknimaður í útsendingu var Magnús Þorsteinn Magnússon.

Starfsfólk Heilbrigðisstofnunar Norðurlands er harmi slegið vegna skotárásarinnar á Blönduósi í gærmorgun. Framkvæmdastjóri hjúkrunar telur að fólk muni leita til stofnunarinnar vegna málsins.

Ekki hefur orðið vart við virkni í eldgosinu í Meradölum síðan í gær og telst líklegt að gosinu sé lokið. Prófessor í jarðeðlisfræði segir þetta gos þá líklega framhald af gosinu í fyrra.

Ingibjörg Sólrún Gísladóttir verður einn af þremur stjórnendum rannsóknar sem framkvæmdastjóri Sameinuðu þjóðanna ætlar að gera á voðaverkum í Úkraínu í júlí, þar sem tugir stríðfanga fórust í sprengjuárás.

Flugfélagið Play tapaði 3,6 milljörðum króna á fyrri helmingi ársins. Forstjórinn segir uppbyggingarskeiði lokið en félagið býst við hagnaði á síðari helmingi árs

Rússneska leyniþjónustan segir Úkraínumenn bera ábyrgð á dauða Dariu Duginu, dóttur eins helst bandamans Rússlandsforseta. Úkraínumenn hafa neitað sök en búa sig undir hefndaraðgerðir.

Matvælastofnun varar enn við hættu á fuglaflensusmiti frá villtum fuglum til alifugla. Skætt afbrigði veirunnar hefur greinst í fjölda tegunda, síðast í kríum.

Allt að tuttugufalt leyfilegt magn af blýi hefur mælst í barnafatnaði keyptum á netinu. Sérnámslæknir í atvinnu- og umhverfislæknisfræði segir eftirlitið vera mörgum skrefum á eftir iðnaðinum.

Leiðtogi stjórnarandstöðunnar í Kenía hefur kært niðurstöðu forsetakosninga fyrr í þessum mánuði. Hann hefur boðið sig fram fimm sinnum og kært úrslitin þrisvar.

Uppskerubrestur blasir við kartöflubændum á Norðurlandi vegna kulda og bleytutíðar.

Fimmtán ára drengur hefur verið handtekinn vegna skotárásar í verslunarmiðstöð í Malmö í Svíþjóð í dag. Tveir særðust illa í árásinni. Alexander Kristjánsson sagði frá.

Jafnaðarmenn þurfa að leita aftur í kjarnastefnu sína og leggja áherslu á kjör venjulegs fólks. Þetta segir Kristrún Frostadóttir sem tilkynnti framboð sitt til formanns samfylkingarinnar í dag. Þórdís Arnljótsdóttir talaði við hana.

Útskrifuðum leikskólakennurum hefur fjölgað síðustu ár. Háskólaráðherra segir að huga þurfi að nýsköpun í leikskólakerfinu. Unnið er að breytingum á námsmöguleikum starfandi leikskólakennara. Rætta var við Ingibjörgu Ósk Sigurðardóttur. Pétur Magnússon tók saman.

Almannavarnir leggja til að dagleg viðvera lögreglu og annarra viðbragðsaðila verði tryggð á gosstöðvunum í Meradölum.

Þjófnaður og eignaspjöll á styttunni af Guðríði Þorbjarnardóttur hefur verið sent til héraðssaksóknara. Kannað er hvort brotið hafi verið gegn lagaákvæði um að fjarlægja eða skemma opinber minnismerki. Refsing við því er allt að þriggja ára fangelsi. Kristín Sigurðardóttir sagði frá.

Heilbrigðiskerfi úkraínu er að miklu leiti haldið gangandi af sjálfboðaliðum sem leggja líf sitt í hættu við störfin. Hundrað tuttugu og þrjú sjúkrahús þar eru óstarfhæf. Ólöf Rún Erlendsdóttir tók saman.

----------------------------------------------------------

Greining Íslandsbanka spáir því að verðbólga rjúfi 10% múrinn í ágúst. Gangi spáin eftir hefur verðbólga ekki mælst meiri í 13 ár eða frá því í september 2009. Bergþóra Baldursdóttir hagfræðingur í Greiningu Íslandsbanka kemur í Spegilinn til að ræða stöðuna og mögulega þróun mála.

Forsetar Frakklands og Rússlands eru sammála um að Alþjóðakjarnorkumálastofnunin verði að senda sérfræðinga til Úkraínu til að kanna ástand mála við Zaporizhzhia kjarnorkuverið. Zelensky, forseti Úkraínu, fór fram á það í gær að Sameinuðu þjóðirnar beiti sér fyrir því að eftirlitsmenn verði sendir til að kanna ástandið. Ásgeir Tómasson tók saman.

Fjölmiðlar fjalla eðlilega mest um það sem hefur verið mest í sviðsljósinu. Andlát Oliviu Newton John vakti til dæmis heimsathygli. Öllu minna var minnst á Lamont Dozier sem lést sama dag og hún, 8. ágúst. Hann samdi þó tugi laga sem nutu vinsælda á sjöunda og áttunda áratug síðustu aldar, mörg hver í samvinnu við bræðurna Brian og Eddie Holland. Af þeim rötuðu 25 í efsta sæti bandaríska vinsældalistans meðan þremenningarnir unnu fyrir Motown hljómplötuútgáfuna í Detroit. Flest lögin fluttu Diana Ross og The Supremes og söngkvartettinn Four Tops. Ásgeir Tómasson tók saman.

Umsjón hefur Ásgeir Tómasson.

Tæknimaður í útsendingu var Magnús Þorsteinn Magnússon.

Örvæntingarástand er á Landspítala vegna óviðunandi og langvarandi álags á starfsfólkið, segir formaður Læknafélags Íslands. Læknar eru sumir hverjir að því komnir að gefast upp. Rætta var við Steinunni Þórðardóttur formann Læknafélags Íslands. Hafdís Helga Helgadóttir talaði við hana.

Mjög hefur dregið úr eldgosinu í Meradölum. Líklegt er þó talið að það eigi eftir að malla áfram næstu vikur eða mánuði. Segir Þorvaldur Þórðarson, Alma Ómarsdóttir talaði við hann.

Lögreglan á Austurlandi rannsakar mögulegan veiðiþjófnað á Jökuldalsheiði í síðasta mánuði. Ágúst Ólafsson sagði frá

Lögregla á Nýja-Sjálandi rannsakar líkamsleifar tveggja barna sem fundust í ferðatöskum. Töskurnar voru keyptar á uppboði í síðustu viku

Tyrkir lýstu yfir stuðningi við Úkraínumenn þegar leiðtogar ríkjanna hittust í borginni Lviv í dag. Sameinuðu þjóðirnar vilja hraða útflutningi á korni frá Úkraínu enn frekar.

Fjármálastjóri Trump-samsteypunnar í Bandaríkjunum játaði stórfelld skattsvik í dag.

Fjórir eru í haldi vegna 100 kílóa af kókaíni sem fundust í vörusendingu á leið til landsins. Þetta er langmesta magn sem lögregla hefur lagt hald á í einu.

Skóla- og frístundasvið kom saman í dag til að ræða stöðuna í leikskólamálum í borginni. Ekki er hægt að úthluta 200 lausum plássum vegna manneklu. Urður Örlygsdóttir tók saman og talaði við Árelíu Eydís Guðjónsdóttur og Harald Frey Gíslason.

Umhverfisráðherra leggst gegn áformum um þungaflutninga vikurs á Suðurlandi. Hann segir dæmið ekki ganga upp. Sunna Karen Sigurþórsdóttir talaði við Guðlaug Þór Þórðarson.

Framkvæmdastjóri Alþjóðaheilbrigðismálastofnunarinnar kallar eftir tafarlausum aðgerðum vegna neyðarástands í Tígray í Eþíópíu. Hann segir milljónir manna búa við hörmungar, sem alþjóðasamfélagið hafi að mestu litið fram hjá. Ólöf Erlendsdóttir tók saman.

Markverðar hitabylgjur hafa verið í hverjum einasta mánuði ársins. Veðurfræðingur segir að búast megi við fleiri og verri hitabylgjum. Hafdís Helga Helgadóttir tók saman og talaði við Halldór Björnsson

Liz Cheney, þingmaður Repúblikana á Bandaríkjaþingi, fékk slæma útreið í forkosningum í gær vegna andstöðu við Donald Trump, fyrrverandi forseta. Talsverðar líkur eru á að þau berjist um útnefningu flokksins fyrir forsetakosningarnar 2024. Ásgeir Tómasson tók saman.

Tugþúsundir falsaðra ferðavottorða voru gefin út í covid-faraldrinum af sænsku fyrirtæki án þess að sýni úr fólki væru nokkurn tíma rannsökuð. Höfuðpaurinn í málinu er grunaður um að ýta undir útbreiðslu smitsjúkdóms og á yfir höfði sér ævilangt fangelsi. Nú hefur málið hins vegar verið lagt á ís og útlit fyrir að enginn verði látinn sæta refsiábyrgð. Kári Gylfason tók saman.

Umsjón þáttarins hafði Hafdís Helga Helgadóttir og tæknimaður í útsendingu var Magnús Þorsteinn Magnússon.

Bráð úr gosinu frá því í fyrra hefur runnið undan nýja hrauninu. Þó yfirborðið sé storknað getur hraunkvika leynst undir og því stórhættulegt að ganga á hrauninu. Ingibjörg Sara Guðmundsdóttir tók saman og talaði við Hjördísi Guðmundsdóttir.

Hópur flóttafólks frá Sýrlandi fannst á lítilli eyju við landamæri Tyrklands og Grikklands. Fólkið hafði verið þar síðan í júlí. Rebekka Líf Ingadóttir tók saman.

Menningarnótt verður haldin í Reykjavík á laugardag í 27. sinn, eftir tveggja ára hlé vegna heimsfaraldurs. Guðmundur Birgir Halldórsson, verkefnisstjóri hátíðarinnar segir að hún byrji snemma til að koma í veg fyrir ómenningu fram eftir morgni. Oddur Þórðarson tók saman.

Pysjutímabilið er hafið í Vestmannaeyjum og þá eru börnin á vaktinni, sem og fullorðnir sem breytast í börn, samkvæmt Margréti Lilju Magnúsdóttur hjá Pysjueftirlitinu. Haukur Holm talaði við hana.

Hraunflóð, brauðterta Önnu Margrétar Magnúsdóttur, bar sigur úr býtum í Brauðtertukeppninni Eldgosið 2022. Ingibjörg Sara Guðmundsdóttir ræddi við Erlu Hlynsdóttur annan forsprakka keppninnar.

------------------

Samfélagslegt átak þarf til að sinna þörfum yngstu leikskólabarnanna svo vel sé segir Hrönn Pálmadóttir, doktor í menntunarfræði ungra barna sem óttast að þarfir þeirra séu ekki í forgrunni við úrlausn leikskólavandans. Hafdís Helga Helgadóttir talaði við hana.

Dregið hefur úr hraunflæði í Meradölum og er það nú um þriðjungur þess sem var fyrstu daga gossins Ekki er þó hægt að skera úr um hvort því lýkur senn eða hvort þetta er tímabundin lægð. Anna Kristín Jónsdóttir ræddi við Magnús Tuma Guðmundsson, prófessor í jarðeðlisfræði við HÍ.

Hungursneyð blasir við milljónum Sómala vegna þurrka og verðhækkana á korni.

Umsjón: Anna Kristín Jónsdóttir. Tæknimaður Kormákur Marðarson. Stjórn útsendingar: Valgerður Þorsteinsdóttir.

Stríðið í Úkraínu hefur öllu breytt segir Katrín Jakobsdóttir forsætisráðherra. Það má sjá á því að forsætisráðherrar Norðurlanda hafa varið megninu af fundi sínum í Ósló í öryggis- og varnarmál. Gísli Kristjánsson, fréttaritari Ríkisútvarpsins í Ósló, ræddi við hana.

Dæmi eru um að úkraínsk börn á flótta komist ekki að í grunnskólum hér á landi vegna þess að foreldrar þeirra eiga ekki rafræn skilríki. Um 1.500 flóttamenn hafa komið hingað til lands frá Úkraínu síðan stríðið hófst. Útlit er fyrir að þeir verði orðnir 4.000 fyrir árslok. Oddur Þórðarson tók saman og ræddi við Svein Rúnar Sigurðsson.

Landskjörstjórn í Keníu hefur lýst William Ruto sigurvegara forsetakosninga, sem fram fóru í landinu síðasta þriðjudag. Þórgnýr Einar Albertsson sagði frá.

Átakinu ?Allir vinna? lýkur um mánaðamótin. Það hefur tryggt fulla endurgreiðslu af vinnu við byggingarframkvæmdir. Björg Ásta Þórðardóttir, sviðsstjóri mannvirkjasviðs hjá Samtökum iðnaðarins, segir tíðarfar í sumar hafa hentað illa til viðhaldsvinnu og þar að auki verði afgangur af þeim fjármunum sem ætlaðir hafi verið í endurgreiðslu hjá ríkinu. Þórdís Arnljótsdóttir talaði við hana.

Nýtt bóluefni, sem er hannað til þess að vinna gegn tveimur afbrigðum kórónuveirunnar, var samþykkt af Lyfjastofnun Bretlands í dag. Leyfið gildir fyrir átján ára og eldri, en Bretar eru þeir fyrstu sem heimila notkun þessa nýja bóluefnis.

Framkvæmdastjóra Fiskistofu Noregs og eiginkonu hans hefur borist fjöldi morðhótana eftir að Fiskistofan ákvað að aflífa rostunginn Freyu í gær. Þórgnýr Einar Albertsson sagði frá.

-------------

Hafdís Helga Helgadóttir talaði við Eyrúnu Eyþórsdóttur, doktor í mannfræði og lektor í lögreglufræðum við háskólann á Akureyri um ofbeldis- og hatursglæpi, meðal annars í garð hinsegin fólks og hinsegin samfélagsins.

Alvarlegt ástand blasir við hjá bændum á Pó-sléttunni á Ítalíu vegna þurrka. Neyðarástandi hefur verið lýst yfir í nokkrum héruðum í norðurhluta landsins. Ásgeir Tómasson tók saman.

Umsjónarmaður: Ásgeir Tómasson. Tæknimaður: Mark Eldred. Stjórn útsendingar: Valgerður Þorsteinsdóttir.