Spegillinn 12.1.2022

Umsjónarmaður: Bjarni Rúnarsson

Tæknimaður: Mark Eldred.

Forseti bæjarstjórnar Reykjanesbæjar gefur ekkert fyrir áform um endurbætur á kísilverksmiðjunni í Helguvík og ætlar að gera allt sem hann getur til að koma í veg fyrir að hún fari aftur í gang.

Lagt er til að slakað verði á sóttvarnareglum í Danmörku um helgina , þrátt fyrir fjölgun smita að undanförnu.

Borgarstjórn hefur fallið frá hugmyndum um þéttingu byggðar við Bústaðaveg vegna andstöðu íbúa.

Brottfarir erlendra farþega voru 688 þúsund á árinu 2021 sem svipar til fjöldans árið 2012. Eftir dapra mánuði í upphafi árs rættist úr eftir því sem leið á árið.

Mikill svartfugladauði virðist hafa orðið undan Austfjörðum nýlega en á þriðja hundrað fuglar fundust dauðir þegar fjörur voru gengnar þar í vikunni.

Lengri umfjöllun:

Brottfarir erlendra farþega voru 688 þúsund á árinu 2021. Þetta sýna nýjar tölur Ferðamálastofu. Það er viðlíka fjöldi og árið 2012. Þegar mest lét árið 2018 voru brottfarir erlendra ferðamanna rúmlega 2,3 milljónir. Þrátt fyrir þetta mikla hrap var árið 2021 nokkuð gott að mati Skarphéðins Bergs Steinarssonar, ferðamálastjóra. Eftir dapra mánuði í upphafi árs rættist úr eftir því sem leið á árið. Bjarni Rúnarsson ræddi við Skarphéðinn.

Metfjöldi covid-tilfella greinist nú í Svíþjóð, þrátt fyrir vonir manna í haust og vetur um að það versta væri loks afstaðið. Samstaða sem ríkt hefur um sóttvarnaraðgerðir yfirvalda virðist vera fyrir bí.Kári Gylfason fjallar um ástandið í Svíþjóð.

Kynjaskráning:

KK:4

KVK;2

Spegillinn 11.1. 2022

Umsjónarmaður: Bjarni Rúnarsson

Tæknimaður Mark Eldred.

Neyðarstigi almannavarna hefur verið lýst yfir vegna Covid 19. Fyrirtæki og viðbragðsaðilar virkja þá viðbragðsáætlanir sínar til að tryggja órofinn rekstur.

Mikil reiði er meðal Breta eftir að upplýst var að garðveisla hefði verið haldin í bústað forsætisráðherra, í maí árið 2020 þegar mjög strangar sóttvarnaráðstafanir voru í gildi og allar samkomur bannaðar. Boris Johnson, forsætisráðherra og eiginkona hans, Carrie Johnson, meðal voru meðal veislugesta.

Framkvæmdastjóri Strætó segist vera í áfalli vegna netárásar sem fyrirtækið varð fyrir. Tölvuþrjótar krefja Strætó um tæplega 72 milljóna króna lausnargjald.

Félagsmálaráðherra vill að hugað verði betur að breyttum vinnutíma í næstu kjarasamningum og að komið verði meira til móts við fólk með skerta vinnugetu.

Það er von á suðvestan hvassviðri á vestanverðu landinu í kvöld. Gul viðvörun tekur gildi í kvöld og aftur í fyrramálið. Útlit er fyrir hvassviðri meira og minna fram á fimmtudag.

Lengri umfjöllun:

Það hefur gustað um atvinnulífið undanfarið eftir að fimm menn sem eru áhrifamenn í stjórnum stórra fyrirtækja og áberandi í þjóðlífinu hrökkluðust frá störfum vegna ásakana um kynferðisbrot. Í málum sem þessum leita fyrirtæki og stjórnendur þeirra gjarnan til almannatengla.

Í Kjarnanum um helgina kom fram að miðillinn hefði heimildir fyrir því að almannatengill hefði ráðið þremur mannanna í lok nýliðins árs að segja að þetta væri kjaftasaga. Best væri að þegja málið af sér.

Karen Kjartansdóttir almannatengill segir að sú aðferð stjórnenda fyrirtækja að þegja af sér mál sé hverfandi. Mörg fyrirtæki hafi ákvæði í stefnu sinni um að hægt sé að víkja fólki frá ef orðspori fyrirtækisins er teflt í tvísýnu.

Guðmundur Ingi Guðbrandsson félagsmálaráðherra vill sjá breytingar á vinnumarkaði á þann hátt að hugað verði betur að breyttum vinnutíma og að komið verði betur til móts við fólk með skerta vinnugetu. Spegillinn ræddi við Guðmund Inga, sem hefur vinnumarkaðsmál og húsnæðismál á sinni könnu, um ástand og horfur í þessum málaflokkum. Hann er ánægður með að viðsemjendur á vinnumarkaði vilji tala sem fyrst saman á nýju ári.

Spegillinn 10.janúar 2022

Umsjón: Kristján Sigurjónsson

Tæknimaður: Magnús Þorsteinn Magnússon

Áhættan af covid er miklu meiri hjá börnum en áhættan af bólusetningunni segir sóttvarnalæknir. Skipulögð bólusetning fimm til ellefu ára barna hófst í Laugardalshöll í dag og víðar um land.

Félagsmálaráðherra segir eðlilegt að ágreiningur sé um hvort rétt sé að draga orlofstíma frá launafólki ef sóttkvíardagar lendi á slíkum dögum. Ekki komi á óvart að málið komi til kasta dómstóla.

Lyfjastofnun Evrópu hefur tekið til athugunar lyf í töfluformi við Covid-sýkingu. Niðurstaða á að liggja fyrir innan nokkurra vikna.

Dalamenn vilja snúa við neikvæðri byggðaþróun og auka við atvinnutækifæri í sveitarfélaginu. Með það fyrir augum undirbýr Dalabyggð nú þátttöku í Brothættum byggðum hjá Byggðastofnun

Kaupfélag Skagfirðinga hefur ákveðið að hætta framleiðslu á jurtaprótíndrykknum Teyg og taka hann strax úr sölu. Það er vegna frásagna um ofbeldi af hálfu líkamsræktarþjálfarans Arnars Grants, sem þróaði drykkinn í samstarfi við KS.

Yfirmaður dönsku leyniþjónustunnar er í gæsluvarðhaldi grunaður um að hafa lekið trúnaðarupplýsingum.

Hóstafaraldur geisar nú hjá hundum á höfuðborgarsvæðinu og tugir tilkynninga hafa borist Matvælastofnun síðustu daga um smitaða hunda.

Lengri umfjöllun:

Forseti ASÍ segir að hegðun stjórnenda í einkalífi geti litað ákvarðanir þeirra í stjórnun fyrirtækja. Hún segir viðbrögð fyrirtækja sem fimm áhrifamiklir menn sem sakaðir eru um kynferðisbrot störfuðu hjá, hafi verið svifasein. Ara Edwald var í gær sagt upp störfum sem framkvæmdastjóra Íseyjar útflutnings ehf., dótturfélags samvinnufélagsins Auðhumlu. Fjórir aðrir áberandi menn í viðskiptalífinu sem sakaðir hafa verið um kynferðisbrot hafa einnig stigið til hliðar eða hætt störfum sínum seinustu daga vegna ásakana um kynferðisbrot. Greint er frá því í Kjarnanum um helgina að miðillinn hafi heimildir fyrir því að þrír mannana hafi í lok seinasta árs fengið þau ráð frá almannatengli um að segja að þetta væri kjaftasaga og best væri að þegja málið af sér. Það gekk þó ekki því í seinustu viku sögðu þeir sig frá stjórnarmennsku og öðrum störfum sínum, hver á fætur öðrum. Bjarni Rúnarsson talar við Drífu Snædal forseta ASÍ og Karen Kjartansdóttur almannatengill. Nánar verður rætt við Karen í Speglinum á morgun.

Fagfólk hefur áhyggjur af því að heilsufarslegur ójöfnuður fari vaxandi á Íslandi. Efnaminna fólk með litla menntun fer almennt verr með sig, veikist frekar og lifir skemur og hugsanlegt að innbyggðir fordómar í heilbrigðiskerfinu gra

Spegillinn 7. janúar 2022

Umsjón: Bjarni Rúnarsson

Tæknimaður: Þorbjörn Gísla Kolbrúnarson.

Heilbrigðisráðherra hefur slakað á reglum um sóttkví þríbólusettra. Þríbólusettir sem eru útsettir fyrir smiti mega nú sækja vinnu eða skóla en mega ekki sækja mannamót, heilbrigðisstofnanir eða umgangast viðkvæma og þurfa áfram að bera grímu.

Erla Bolladóttir, einn sakborninga í Geirfinnsmálinu, segir að ef endurupptöku á máli hennar verði hafnað þá sé málinu lokið. Þá geti hún ekki leitað réttar síns annars staðar.

Mál eins og það sem varð til þess að fimm háttsettir menn í atvinnulífinu stigu til hliðar í gær finnast víðar í samfélaginu. Fólk í valdastöðum þarf að umgangast samfélagsmiðla af nærgætni. Þetta segir prófessor í heimspeki.

Jarðskjálftahrinunni við Fagradalsfjall er lokið og fluglitakóða verið breytt í gulan. Náttúruvársérfræðingar telja kvikuna undir fjallinu vera að storkna og líkur á eldgosi fari dvínandi.

Talibanar í Afganistan biðja þjóðir heims um neyðaraðstoð. Þeir segja örbirgð blasa við milljónum landsmanna.

Lengri umfjöllun:

Fimm áberandi menn úr viðskiptalífinu á Íslandi stigu til hliðar í gær í kjölfar ásakana um kynferðisbrot. Málið hefur verið til umræðu í fjölmiðlum og á samfélagsmiðlum, eftir að Vítalía Lazareva (Lasareva) greindi frá því í hlaðvarpinu Eigin konur hvernig mennirnir hefðu farið yfir mörk hennar í heitum potti í sumarbústaðarferð í desember 2020 og einnig í golfferð á síðasta ári. Mennirnir fimm voru stjórnarmenn í mörgum af stærstu fyrirtækjum landsins og áberandi í viðskiptalífinu og fjölmiðlum. Orðrómur hafði verið á kreiki um brotin um nokkra hríð og stjórnir fyrirtækja sem sumir mannanna störfuðu hjá höfðu vitneskju um málið án þess að aðhafast, fyrr en í gær.

Raforkuverð er nú í hæstu hæðum í Svíþjóð og hefur aldrei verið jafn hátt. Nýr iðnaður, orkuskipti og ytri aðstæður leiða að óbreyttu til enn hærra raforkuverðs á næstu árum. Og því er vaxandi þrýstingur á að ný kjarnorkuver verði byggð í landinu.

Almenn þátttaka í bólusetningum hefur verið mjög góð á Íslandi og stór hluti af ungbarnavernd meðfram mælingum og þroskamati er að láta bólusetja börn. Við þriggja mánaða aldur eru þau bólusett við kíghósta, barnaveiki, stífkrampa, haemofilus influenzu; mænusótt og pneumókokkum og fyrsta og hálfa árið fylgja sex sprautur til viðbótar. Þar sem við bætast bólusetningar við mislingum, hettusótt, rauðum hundum og hlaupabólu. Við fjögurra ára aldur er endurbólusett við kíghósta, barnaveiki og stífkrampa. Í uppgjöri Landlæknis á bólusetningum fyrir árið 2020 var þáttta

Spegillinn 6. janúar 2022

Umsjónarmaður: Bjarni Rúnarsson

Tæknimaður: Jón Þór Helgason

Samfélagsmiðlar hafa nötrað í dag, eftir að fimm áhrifamenn í samfélaginu hættu störfum einn af öðrum, í kjölfar ásakana um kynferðisbrot. Mennirnir voru stjórnendur hjá sumum af stærstu fyrirtækjum landsins, virtir viðskiptamenn eða þekktir fjölmiðlamenn.

Óveður með suður- og vesturströndinni er heldur að ganga niður. Búist er við minni ölduhæð í kvöld miðað við í morgun og í gærkvöld.

Mannréttindastjóri Sameinuðu þjóðanna hvetur stríðandi fylkingar í Kasakstan til að gera út um deilur sín í milli með friðsamlegum hætti. Tugir lögreglumanna hafa fallið í átökum við mótmælendur og hundruð særst.

Ríflega þriðjungur félagsmanna Einingar Iðju og Afls starfsgreinasambands neitaði sér um tannlæknaþjónustu á seinastliðnu ári.

Bæjarstjórn Ísafjarðar vill fyrst sjá lausnir í orkumálum á Vestfjörðum áður en til stofnunar þjóðgarðs á kjálkanum kemur. Stofnun þjóðgarðs hefur staðið í stað síðan málinu var frestað í bæjarstjórn í júní á síðasta ári.

Kristín Helga Gunnarsdóttir hlaut í dag viðurkenningu rithöfundasjóðs Ríkisútvarpsins fyrir ritstörf og tónlistarkonan Bríet hlaut Krókinn fyrir útgáfutónleika sína. Óróapúls er orð ársins 2021.

Lengri umfjöllun:

Almannavarnir reyna eftir fremsta megni að hvetja fólk af erlendum uppruna til þátttöku í bólusetningu við kórónuveirunni. Upplýsingar um gildandi takmarkanir, bólusetningu og stöðu faraldursins eru þýddar á ótal tungumál. Þá hafa almannavarnir einnig reynt að nálgast fólk í gegnum samfélagshópa eins og kirkjur. Bólusetningarbíll sem keyrir um götur borgarinnar með barmafullar sprautur af bóluefni hefur gefið ágæta raun, en ákveðinnar tortryggni gætir meðal erlendra verkamanna sem hafa ekki látið bólusetja sig. Bjarni Rúnarsson fjallar um málið og ræðir við Hildi Helgadóttur og Ragnheiði Ósk Erlendsdóttur

Aðalsteinn Leifsson ríkissáttasemjari segir mikilvægt að aðilar vinnumarkaðarins byrji sem fyrst að tala saman á nýju ári til að undirbúa næstu kjarasamningslotu. Lífskjarasamningurinn sem skrifað var undir í apríl 2019 á almennum vinnumarkaði rennur út í byrjun nóvember. Spegillinn tók hús á ríkissáttasemjara. Kristján Sigurjónsson ræðir við Aðalstein Leifsson.

Spegillinn 6. janúar 2022 Umsjónarmaður: Bjarni Rúnarsson Tæknimaður: Jón Þór Helgason Samfélagsmiðlar hafa nötrað í dag, eftir að fimm áhrifamenn í samfélaginu hættu störfum einn af öðrum, í kjölfar ásakana um kynferðisbrot. Mennirnir voru stjórnendur hjá sumum af stærstu fyrirtækjum landsins, virtir viðskiptamenn eða þekktir fjölmiðlamenn. Óveður með suður- og vesturströndinni er heldur að ganga niður. Búist er við minni ölduhæð í kvöld miðað við í morgun og í gærkvöld. Mannréttindastjóri Sameinuðu þjóðanna hvetur stríðandi fylkingar í Kasakstan til að gera út um deilur sín í milli með friðsamlegum hætti. Tugir lögreglumanna hafa fallið í átökum við mótmælendur og hundruð særst. Ríflega þriðjungur félagsmanna Einingar Iðju og Afls starfsgreinasambands neitaði sér um tannlæknaþjónustu á seinastliðnu ári. Bæjarstjórn Ísafjarðar vill fyrst sjá lausnir í orkumálum á Vestfjörðum áður en til stofnunar þjóðgarðs á kjálkanum kemur. Stofnun þjóðgarðs hefur staðið í stað síðan málinu var frestað í bæjarstjórn í júní á síðasta ári. Kristín Helga Gunnarsdóttir hlaut í dag viðurkenningu rithöfundasjóðs Ríkisútvarpsins fyrir ritstörf og tónlistarkonan Bríet hlaut Krókinn fyrir útgáfutónleika sína. Óróapúls er orð ársins 2021. Lengri umfjöllun: Almannavarnir reyna eftir fremsta megni að hvetja fólk af erlendum uppruna til þátttöku í bólusetningu við kórónuveirunni. Upplýsingar um gildandi takmarkanir, bólusetningu og stöðu faraldursins eru þýddar á ótal tungumál. Þá hafa almannavarnir einnig reynt að nálgast fólk í gegnum samfélagshópa eins og kirkjur. Bólusetningarbíll sem keyrir um götur borgarinnar með barmafullar sprautur af bóluefni hefur gefið ágæta raun, en ákveðinnar tortryggni gætir meðal erlendra verkamanna sem hafa ekki látið bólusetja sig. Bjarni Rúnarsson fjallar um málið og ræðir við Hildi Helgadóttur og Ragnheiði Ósk Erlendsdóttur Aðalsteinn Leifsson ríkissáttasemjari segir mikilvægt að aðilar vinnumarkaðarins byrji sem fyrst að tala saman á nýju ári til að undirbúa næstu kjarasamningslotu. Lífskjarasamningurinn sem skrifað var undir í apríl 2019 á almennum vinnumarkaði rennur út í byrjun nóvember. Spegillinn tók hús á ríkissáttasemjara. Kristján Sigurjónsson ræðir við Aðalstein Leifsson.

Síðdegis var hert á veðurviðvörunum á Suður- og Vesturlandi, þar gilda nú appelsínugular viðvaranir. Spáð er foráttuveðri; suðaustanstormi í nótt og fram undir morgun. Anna Kristín Jónsdóttir ræðir við Elínu Björk Jónasdóttur veðurfræðing.

Davíð Már Bjarnason, upplýsingafulltrúi Landsbjargar, segir viðbúið að verkefni sem tengjast veðrinu verði ærin, sér í lagi á suðvesturhorninu og á Snæfellsnesi. Alma Ómarsdóttir talaði við hann.

Delta-afbrigðið herjar enn á börn og getur valdið alvarlegum veikindum, segir Þórólfur Guðnason sóttvarnalæknir og hvetur til bólusetningar. Brynjólfur Þór Guðmundsson sagði frá.

Öllum Tékkum á vinnumarkaði verður gert skylt að láta skima sig fyrir kórónuveirunni tvisvar í viku meðan omíkron-afbrigði veirunnar geisar. Sóttkví og einangrun verður stytt. Ásgeir Tómasson sagði frá.

Skóflustunga að nýju þrjú hundruð íbúða hverfi á Akureyri var tekin í dag. Þórhallur Jónsson, formaður skipulagsráðs Akureyrar segir alla innviði vera fyrir hendi og þetta hagkvæma lausn. Óðinn Svan Óðinsson talaði við hann.

Listasafn Íslands fékk í dag afhent listaverkasafn hjónanna Ingibjargar Guðmundsdóttur og Þorvaldar Guðmundssonar sem kenndur var við Síld og fisk. Verkin eru um 1.400, Katrín Þorvaldsdóttir segir að foreldrar hennar hafa frá upphafi gert sér grein fyrir að þau væru að safna fyrir íslensku þjóðina. Safnið sé tákn um ástir samlyndra hjóna.

----------

Barnasmitsjúkdómalæknir segir að ef ekkert verði að gert þurfi líklega að leggja tuttugu til þrjátíu börn inn á sjúkrahús næsta hálfa árið.

Þrátt fyrir úrskurð Héraðsdóms Reykjavíkur í máli Erlu Bolladóttur í gær er ekki þar með sagt að málið verði tekið fyrir að nýju. Þetta segir lögmaður sem átti sæti í endurupptökunefnd.

Umsjón: Anna Kristín Jónsdóttir. Tæknimaður: Jón Þór Helgason. Stjórn útsendingar fréttahluta: Ingibjörg Sara Guðmundsdóttir

Magnús Gottfreðsson, prófessor í smitsjúkdómum telur að fjöldi kórónuveirusmita á dag verði svipaður út þennan mánuð. Það ráðist þó mjög mikið af atferli fólks og smitvörnum. Róbert Jóhannsson tók saman.

Enn stendur vindmylla sem kviknaði í um áramótin í Þykkvabænum. Sprengjusveit Landhelgisgæslunnar hefur reynt í fjórgang að fella hana í dag. Magnús Geir Eyjólfsson hefur fylgst með í Þykkvabænum og ræddi við Gyðu Árnýju Helgadóttur íbúa í grenndinni.

Ríkissaksóknari í Svíþjóð hefur ákært konu fyrir stríðsglæpi. Hún er sökuð um að hafa gert syni sínum kleift að berjast með vígasveitum Íslamska ríkisins í Sýrlandi. Ásgeir Tómasson sagði frá.

Búist er við vonskuveðri með djúpri lægð sem gengur yfir landið annað kvöld og nótt. Verst er spáin fyrir suðvesturhornið. Anna Þorbjörg Jónasdóttir ræddi við Dóru Björk Gunnarsdóttur, hafnarstjóra í Vestmannaeyjum og Gísla Jóhann Hallsson yfirhafnsögumann hjá Faxaflóahöfnum.

Þrjú kórónuveirusmit urðu til þess að skellt var í lás í kínversku borginni Yuzhou í Henan-héraði. Íbúum er skipað að halda sig heima, almenningssamgöngur hafa verið stöðvaðar og verslunum lokað. Arnar Björnsson sagði frá.

-------

Laun í sóttkví verða í boði út þetta ár hið minnsta. Verkefnið Hefjum störf og greiðslur til íþróttafélaga runnu út um áramótin. Forstjóri Vinnumálastofnunar segir gleðilegt hversu margir fengu varanlega ráðningu í gegnum Hefjum störf. Bjarni Rúnarsson ræddi við Unni Sverrisdóttur forstjóra Vinnumálastofnunar.

Áralangar rannsóknir á lífi og leikjum ungmenna við háskólann í Osló benda til að núna sé að vaxa úr grasi ný, ábyrg og vel menntuð kynslóð, sem tekur foreldrum sínum fram í flestu. Og það er snjallsíminn sem gerir gæfumuninn. Gísli Kristjánsson í Ósló segir frá.

Dómstóll í San Jose í Kaliforníu dæmdi í gær Elizabeth Holmes 37 ára gamalan stofnanda fyrirtækisins Theranos fyrir fjársvik og hafa blekkt þá sem fjárfestu í sprotafyrirtæki hennar. Anna Kristín Jónsdóttir segir frá risi og falli Holmes.

Umsjón: Anna Kristín Jónsdóttir. Tæknimaður: Gísli Kjaran Kristjánsson. Stjórn útsendingar fréttahluta: Valgerður Þorsteinsdóttur.

Spegillinn 3. janúar 2022

Umsjón: Kristján Sigurjónsson

Tæknimaður: Mark Eldred

Skólastjórnendur telja óráðlegt að bólusetja börn á skólatíma. Menntamálaráðherra segir að það verði áskorun að halda úti óröskuðu skólahaldi á næstunni og fyrirséð að skólar þurfi að loka. Þrátt fyrir það á að setja skólana að loknu jólafríi á morgun.

Björgunarsveitarmenn á Austurlandi hafa frá því í gærkvöld staðið í ströngu við að forða tjóni og flytja heilbrigðisstarfsfólk til og frá vinnu. Norðvestanstormur gekk yfir austanvert landið í dag en nú er farið að lægja. Það er þó enn byljótt undir Vatnajökli.

Fyrirhugaðar byggingaframkvæmdir í Spítalabrekkunni á Akureyri valda deilum. Bæjaryfirvöld eru gagnrýnd fyrir að huga hvorki að aurskriðuhættu né menningargildi.

Bandarískt tónlistarforlag hefur keypt réttinn að allri tónlist sem David Bowie lét eftir sig. Kaupverðið er talið nema yfir 32 milljörðum króna.

Lengri umfjöllun:

Starfsdagur var í grunnskólum víðast hvar í dag og skólastjórnendur reyna að ráða fram úr því hvernig skólastarfi verður háttað þegar það hefst á morgun. Fyrirsjáanlega verða erfiðar heimtur á starfsfólki vegna faraldursins; sums staðar er búist við að allt að fimmtungur starfsfólks forfallist vegna smits eða sóttkvíar og eins eru ekki allir foreldrar í rónni með að senda börn sín í skólann. Elínrós Benediktsdóttir skólastjóri Ölduselsskóla í Reykjavík segir þar lagt upp með eins hefðbundið skólastarf og hægt er. Anna Kristín Jónsdóttir talar við Elínrósu og Arnar Ævarsson framkvæmdastjóra Heimilis og skóla.

Sonja Ýr Þorbergsdóttir, formaður Bandalags starfsmanna ríkis og bæja, vill að aðilar vinnumarkaðarins nýti næsta ár til þess að hugsa kjaramálin upp á nýtt og setji sér sameiginleg langtímamarkmið um að gera samfélagið betra. Lífskjarasamningar í almennum vinnumarkaði renna út í byrjun nóvember, en á opinberum vinnumarkaði í flestum tilfellum í byrjun mars 2023. Sonja vill nýta tímann fram að því til að hugsa út fyrir boxið. Kristján Sigurjónsson talar við Sonju.