Magnús Gottfreðsson, prófessor í smitsjúkdómum telur að fjöldi kórónuveirusmita á dag verði svipaður út þennan mánuð. Það ráðist þó mjög mikið af atferli fólks og smitvörnum. Róbert Jóhannsson tók saman.

Enn stendur vindmylla sem kviknaði í um áramótin í Þykkvabænum. Sprengjusveit Landhelgisgæslunnar hefur reynt í fjórgang að fella hana í dag. Magnús Geir Eyjólfsson hefur fylgst með í Þykkvabænum og ræddi við Gyðu Árnýju Helgadóttur íbúa í grenndinni.

Ríkissaksóknari í Svíþjóð hefur ákært konu fyrir stríðsglæpi. Hún er sökuð um að hafa gert syni sínum kleift að berjast með vígasveitum Íslamska ríkisins í Sýrlandi. Ásgeir Tómasson sagði frá.

Búist er við vonskuveðri með djúpri lægð sem gengur yfir landið annað kvöld og nótt. Verst er spáin fyrir suðvesturhornið. Anna Þorbjörg Jónasdóttir ræddi við Dóru Björk Gunnarsdóttur, hafnarstjóra í Vestmannaeyjum og Gísla Jóhann Hallsson yfirhafnsögumann hjá Faxaflóahöfnum.

Þrjú kórónuveirusmit urðu til þess að skellt var í lás í kínversku borginni Yuzhou í Henan-héraði. Íbúum er skipað að halda sig heima, almenningssamgöngur hafa verið stöðvaðar og verslunum lokað. Arnar Björnsson sagði frá.

-------

Laun í sóttkví verða í boði út þetta ár hið minnsta. Verkefnið Hefjum störf og greiðslur til íþróttafélaga runnu út um áramótin. Forstjóri Vinnumálastofnunar segir gleðilegt hversu margir fengu varanlega ráðningu í gegnum Hefjum störf. Bjarni Rúnarsson ræddi við Unni Sverrisdóttur forstjóra Vinnumálastofnunar.

Áralangar rannsóknir á lífi og leikjum ungmenna við háskólann í Osló benda til að núna sé að vaxa úr grasi ný, ábyrg og vel menntuð kynslóð, sem tekur foreldrum sínum fram í flestu. Og það er snjallsíminn sem gerir gæfumuninn. Gísli Kristjánsson í Ósló segir frá.

Dómstóll í San Jose í Kaliforníu dæmdi í gær Elizabeth Holmes 37 ára gamalan stofnanda fyrirtækisins Theranos fyrir fjársvik og hafa blekkt þá sem fjárfestu í sprotafyrirtæki hennar. Anna Kristín Jónsdóttir segir frá risi og falli Holmes.

Umsjón: Anna Kristín Jónsdóttir. Tæknimaður: Gísli Kjaran Kristjánsson. Stjórn útsendingar fréttahluta: Valgerður Þorsteinsdóttur.

Spegillinn 3. janúar 2022

Umsjón: Kristján Sigurjónsson

Tæknimaður: Mark Eldred

Skólastjórnendur telja óráðlegt að bólusetja börn á skólatíma. Menntamálaráðherra segir að það verði áskorun að halda úti óröskuðu skólahaldi á næstunni og fyrirséð að skólar þurfi að loka. Þrátt fyrir það á að setja skólana að loknu jólafríi á morgun.

Björgunarsveitarmenn á Austurlandi hafa frá því í gærkvöld staðið í ströngu við að forða tjóni og flytja heilbrigðisstarfsfólk til og frá vinnu. Norðvestanstormur gekk yfir austanvert landið í dag en nú er farið að lægja. Það er þó enn byljótt undir Vatnajökli.

Fyrirhugaðar byggingaframkvæmdir í Spítalabrekkunni á Akureyri valda deilum. Bæjaryfirvöld eru gagnrýnd fyrir að huga hvorki að aurskriðuhættu né menningargildi.

Bandarískt tónlistarforlag hefur keypt réttinn að allri tónlist sem David Bowie lét eftir sig. Kaupverðið er talið nema yfir 32 milljörðum króna.

Lengri umfjöllun:

Starfsdagur var í grunnskólum víðast hvar í dag og skólastjórnendur reyna að ráða fram úr því hvernig skólastarfi verður háttað þegar það hefst á morgun. Fyrirsjáanlega verða erfiðar heimtur á starfsfólki vegna faraldursins; sums staðar er búist við að allt að fimmtungur starfsfólks forfallist vegna smits eða sóttkvíar og eins eru ekki allir foreldrar í rónni með að senda börn sín í skólann. Elínrós Benediktsdóttir skólastjóri Ölduselsskóla í Reykjavík segir þar lagt upp með eins hefðbundið skólastarf og hægt er. Anna Kristín Jónsdóttir talar við Elínrósu og Arnar Ævarsson framkvæmdastjóra Heimilis og skóla.

Sonja Ýr Þorbergsdóttir, formaður Bandalags starfsmanna ríkis og bæja, vill að aðilar vinnumarkaðarins nýti næsta ár til þess að hugsa kjaramálin upp á nýtt og setji sér sameiginleg langtímamarkmið um að gera samfélagið betra. Lífskjarasamningar í almennum vinnumarkaði renna út í byrjun nóvember, en á opinberum vinnumarkaði í flestum tilfellum í byrjun mars 2023. Sonja vill nýta tímann fram að því til að hugsa út fyrir boxið. Kristján Sigurjónsson talar við Sonju.

Yfirlæknir á smitsjúkdómadeild Landspítalans spáir því að tugir þúsunda eigi eftir að smitast af kórónuveirunni hér á landi á næstu mánuðum.

Nær allir starfsmenn hjúkrunarheimilisins Sundabúðar á Vopnafirði eru komnir í sóttkví eða einangrun og hefur heimilið óskað eftir aðstoð til að sinna íbúum.

Rúmlega þrjátíu snjóruðningstæki hafa vart undan við að ryðja götur og göngustíga á Akureyri. Reyndur mokstursmaður segir að verkinu ljúki ekki fyrr en á næsta ári.

Tollverðir í Rotterdam í Hollandi fundu nýverið tæp tvö tonn af kókaíni í þremur sendingum. Söluandvirðið er talið nema hátt í tuttugu milljörðum króna.

Lengri umfjallanir:

Fyrirsjáanleikinn er enginn og fólk er orðið langþreytt. Þetta segir Aníta Aagestad, hjúkrunarfræðingur og trúnaðarmaður hjá Félagi íslenskra hjúkrunarfræðinga. Hún gengur nú kvöldvaktina á gjörgæslu Landspítalans við Hringbraut, í sóttkví. Það sárvantar fólk á deildina. Arnhildur Hálfdánardóttir ræðir við Anítu Aagestad.

Sviðsstjóri hjá Rauða krossinum segir útlit fyrir að á næsta ári verði þörfin fyrir mannúðaraðstoð meiri en nokkru sinni fyrr. Aðkoma stjórnvalda þurfi að verða markvissari því hjálparsamtök geti ekki ein síns liðs unnið á neyð heimsins. Arnhildur Hálfdánardóttir ræðir við Atla Viðar Thorstensen.

Kristnir söfnuðir á Indlandi sæta vaxandi ofsóknum af hálfu öfgafullra hindúa þar í landi. Um þverbak keyrði um jólin í ár þegar hátíðahöld kristinna voru trufluð á ofbeldisfullan hátt. Erlend fjárframlög til Hjálparstarfs Móður Teresu á Indlandi hafa verið fryst. Kristján Sigurjónsson segir frá.

Þrír ráðherrar í ríkisstjórninni hafa greinst með COVID-19. Forsætisráðherra hvetur fólk til að fara gætilega, þó að gögn bendi til þess að nýja omikron afbrigðið sé vægara en hin fyrri.

Nýtt hundrað herbergja sóttvarnahús verður opnað á höfuðborgarsvæðinu morgun.

Skýrsla frá Landsneti sýnir að Vatnsfjarðarvirkjun og hringtenging á flutningskerfi myndu stórbæta afhendingaröryggi á Vestfjörðum.

Lengri umfjallanir:

Ferðaþjónustan hefur tekið hægt við sér, bæði hér á landi og á heimsvísu. Óvissa ríkir um ferðaárið 2022. Arnhildur Hálfdánardóttir ræðir við Guðrúnu Þóru Gunnarsdóttur, forstöðumanns Rannsóknarmiðstöðvar ferðamála, og Kristján Sigurjónsson, ritstjóra vefsins túrista.is, um stöðu og horfur í ferðaþjónustu hér og í heiminum öllum.

Ríflega sjö þúsund kærur bárust til yfirvalda í Svíþjóð í fyrra vegna meintra brota lögreglumanna í starfi. Afar sjaldgæft er að þessi mál leiði til ákæru, hvað þá sakfellingar. Kári Gylfason, fréttaritari Spegilsins í Gautaborg í Svíþjóð fjallar um málið.

Spegillinn 22.desember 2021

Umsjón: Kristján Sigurjónsson

Tæknimaður: Magnús Þorsteinn Magnússon

Ekkert lát er á jarðskjálftum við Fagradalsfjall. Þar hefur jarðskjálftahrina staðið í tæpan sólarhring. Vísindamenn telja að hrinan sé undanfari eldgoss.

Héraðsdómur Reykjavíkur dæmdi í dag íslenska ríkið og flugvélaleiguna ALC til að greiða Isavia rúma tvo og hálfan milljarð króna vegna ?saknæmrar háttsemi? héraðsdómara við Héraðsdóm Reykjaness í tengslum við kyrrsetningardeilu flugvélar WOW air.

Öryggisráð Sameinuðu þjóðanna samþykkti í dag undanþágu frá viðskiptaþvingunum gegn Afganistan þannig að hjálparstarf geti hafist þar.

Mikið annríki hefur verið hjá Mæðrastyrksnefnd Reykjavíkur. Um tólf hundruð fjölskyldur hafa leitað þangað eftir aðstoð fyrir jólin.

Veitingamenn bíða nú svara frá heilbrigðisráðuneytinu um hvort þeim verði veitt undanþága frá sóttvarnareglum sem eiga að taka gildi á miðnætti og fái því að hafa opið lengur á morgun.

Sameinuð stjórnarandstaða nær árangri og málum í gegn segir Jóhann Páll Jóhannsson þingmaður Samfylkingarinnar jafnvel jafn ólíkir flokkar og nú skipi stjórnarandstöðuna. Flokkarnir segja ákvörðun fjárlaganefndar að fá 150 milljóna viðbótarfjármagn til sálfræðiþjónustu vera vegna þrýstings þeirra.

Lengri umfjöllun

Ríkið var í Héraðsdómi Reykjavíkur í morgun sýknað í málum þriggja félaga Gráa hersins gegn Tryggingastofnun. Dómnum verður áfrýjað en þremenningarnir vildu fá það viðurkennt að Tryggingastofnun hefði verið óheimilt að skerða ellilífeyri þeirra og heimilisuppbót vegna greiðslna úr skyldubundnum atvinnutengdum lífeyrissjóðum. Dómurinn tók þetta ekki til greina og taldi að ríkinu væri heimilt að beita skerðingum, en hins vegar viðurkennt að eignarréttarákvæði stjórnarskrár eigi við um lífeyrinn. Kristján Sigurjónsson ræðir við Helga Pétursson formann Landssambands eldri borgara um dóminn í beinni útsendingu.

Kjaradeila Félags grunnskólakennara og Sambands Íslenskra sveitarfélaga er komin á borð ríkissáttasemjara. Samningurinn sem undirritaður var í byrjun september 2020 rennur út um áramótin. Þorgerður Laufey Diðriksdóttir formaður félags grunnskólakennara sagði í Speglinum fyrir helgi að ágreiningur væri um útfærslu á styttingu vinnuvikunnar og 30 daga orlofi kennara. Aldís Hafsteinsdóttir bæjarstjóri í Hvergerði er formaður Sambands íslenskra sveitarfélaga. Kristján Sigurjónsson ræðir við hana um kjaramálin almennt, en spurði fyrst út ágreininginn við grunnskólakennara, sem eru um 5300 talsins í starfi hjá sveitarfélögunum.