Elke jaar ondersteun RSG die Winterhoop projek. Winterhoop is 'n nie-winsgewende instansie komberse, wolmussies, klere, nie-bederfbare kos en selfs skuiling aan mense op straat verskaf. Die besturende direkteur van die Torings van Hoop-trust in Bloemfontein, De La Harpe Le Roux het aan Annelene Moses gesê die veldtog doen sy naam gestand...

Facebook gaan vandag 'n kripto-geldeenheid bekendstel, wat reeds na bewering ondersteun word deur die maatskappye Mastercard en Visa. Daar's nog nie veel oor die eenheid wat aan minstens 2,4 miljard gebruikers beskikbaar gaan wees, bekend nie. Die Efficient-groep se hoof-ekonoom, Dawie Roodt, het aan Marlinee Fouche gesê dit kan bankwese fundamenteel verander.

Afriforum vra die minister van buitelandse sake, Naledi Pandor, om Suid-Afrika se ambassadeur in Denemarke, Zindzi Mandela, terug te roep. Dit volg na 'n reeks twiets wat volgens Afriforum erg verdelend en rassisties is. Izak du Plessis berig.

Spektrum kon intussen daarin slaag om kommentaar van Clayson Monyela, woordvoerder van Dirco te kry. Monyela sê hulle gaan eers amptelik op die voorval reageer sodra hulle sekere feite nagegaan het.

Die omgewingsbewaringsgroep, Fresh sê hy oorweeg regstappe teen diegene wat die Hennops-rivier wat deur Centurion vloei besoedel. Die rivier vloei tot in Hartebeespoortdam. 'n Groep vrywilligers van FRESH en Impact Adventures het die afgelope week van die bron van die Kaalfontein begin stap en roei al langs die rivier om te bepaal hoe erg die besoedeling is en wie daarvoor verantwoordelik is. Mense wat in Centurion bly word gereeld begroet deur groot bolle wit skuim wat op die rivier wat daar deurloop dryf. Anton Bailey van Blueswirl Herwinning sê hulle moet eers vasstel presies hoe groot die skade aan die ekostelsel is voor hulle dit kan begin herstel

Die omgewingsbewaringsgroep, Fresh, sê hy oorweeg regstappe teen diegene wat die Hennops-rivier wat deur Centurion vloei besoedel. Die rivier vloei tot in Hartebeespoortdam. 'n Groep vrywilligers van Fresh en Impact Adventures het die afgelope week van die bron van die Kaalfontein begin stap en roei al langs die rivier om te bepaal hoe erg die besoedeling is en wie daarvoor verantwoordelik is. Mense wat in Centurion bly word gereeld begroet deur groot bolle wit skuim wat op die rivier wat daar deurloop dryf. Anton Bailey van Blueswirl Herwinning het met Suzanne Paxton gepraat.

Gauteng se LUR vir Onderwys, Panyaza Lesufi, sê die polisie sal Forest High, die skool waar 'n leerling onlangs doodgesteek is, monitor. Lesufi het by Daniël Bakwela se gedenkdiens in Turffontein, Johannesburg, gepraat en leerlinge gevra om nie wraak te soek vir sy dood nie. Die 16-jarige Bakwela is deur 'n medeleerling, Mohamed Mwela, buite die skool doodgesteek.
Ons praat nou met Quinton Adams, 'n opvoedkundige sielkundige wat die program: Dissipline begin by die huis, ontwerp het om geweld te bekamp en dissipline in skole te handhaaf.

Die minister van Omgewingsake, Bosbou en Visserye, Barbara Creesy erken dat daar probleme met die gehalte van die lug in Mpumalanga is. Dit volg na 'n aansoek in die hooggeregshof deur verskeie nie -regeringsorganisasies oor die lugbesoedeling wat deur Eskom en SASOL in die hoëveld gebied veroorsaak word. Creesy sê dat die luggehalte bestuursplan tans hersien word. Bobby Peek van Groundworks, wat deel is van die hofaansoek deur die organisasies sê, Suid-Afrikaners se grondwetlike reg word geminag met die konstante lugbesoedeling in die provinsie.

5 Junie is Wêreld Omgewingsdag en die fokus is op lugbesoedeling. Dr Thuli Khumalo, direkteur van lugkwaliteit by die Departement van Omgewingsake sê daar is 'n paar plekke in Suid-Afrika waar die lug nie geskik is vir mense om in te asem nie....

Dr Amanda Brand van die Universiteit van Stellenbosch se departement van Wêreldwye gesondheidstudies sê daar moet meer klem gelê word op die gesondheidsimpak van lugbesoedeling op mense in die Suid-Afrika