Die tyd loop vinnig uit vir navorsers om maniere te vind om Koolstofdioksied vrystellings in die atmosfeer te verminder. Die jongste verslag oor klimaatsverandering van die Verenigde Nasies toon dat die aarde baie vinniger warm word en teen 2030 sal daar geen omdraai kans meer wees as die temperatuur styging nie onder een 'n half grade gehou word nie. 'n Klimaatsveranderings spesialis van De Beers, Evelyn Mervine het tydens die 9de Oppenheimer -de Beers groep navorsings konferensie egter 'n plan op die tafel gelê oor hoe om CO2 uit die atmosfeer te haal en te stoor. Mervine sê die oplossing tot die probleem lê in mynhope.

Graan SA het die afgelope naweek graanprodusente vereer vir hulle bydra tot voedselsekerheid in die land. Dirkie en Johan van As van die plaas Kinko in Swellendam in die Wes- Kaap is as die Graanprodusente van 2018 aangewys. Die Van As broers, boer al sedert 1985 op die plaas met kanola, gars, koring en lusern. Dirkie van As sê die politieke- en beleidsonsekerheid in die land gaan hulle nie laat op hou boer nie

'n Bykans onuitputlike bron van diamante kan groot welvaart aan Namakwaland en sy inwoners verskaf. Maar die oneffektiwiteit van die regering en die staatsbeheerde maatskappy Alexkor kniehalter kontrakteurs aan die Weskus van die Noord-Kaap. Dit is die versugting van delwer-kontrakteurs wat kla dat Alexkor hulle viktimiseer en nie betaal soos ooreengekom nie. Maar Alexkor ontken dit. Spektrum het aan een so 'n kontrakteur Gavin Craythorne gevra wat die situasie werklik is...

In die volgende bydrae praat ons met die DA se Veronica van Dyk asook die bestuur van Alexkor oor die bewerings.

Hou asseblief by die spoedgrens! Dit is die beroep wat die Owl Rescue Sentrum op motoriste doen. Honderde uile word maandeliks by die sentrum behandel wat deur voertuie getref word. Brendon Murray van die sentrum sê hulle behandel maandeliks ten minste 'n honderd uile.

Paaldans is lankal nie meer 'n aktiwiteit wat beperk is tot ontkleeklubs nie. Talle jonger vroue beoefen dit deesdae as deel van hul oefenroetine. Maar nou breek 'n 62-jarige vrou van Kleinmond die grense rondom paaldans verder af. Izak du Plessis berig.

Die Afrikaanse sangeres, Karlien van Jaarsveld, is verbaas oor kritiek op die musiekvideo van haar liedjie "Rooilipsoene". Die video lyk byna op 'n druppel soos die Amerikaanse ster, Gwen Stefani, se musiekvideo vir die liedjie "Cool". Van Jaarsveld is, volgens haar bestuurder, versot op Stefani se musiek video, en wou dit so na as moontlik namaak. Volgens hulle, het hulle niks verkeerd gedoen nie.

'n Buitelander wat glo bande met die onderwêreld het, is gistermiddag laat in Bedfordview doodgeskiet. Dit is die vierde soortgelyke voorval in minder as vier maande. Izak du Plessis berig.

President Cyril Ramaphosa het 'n vyf punt plan aangekondig om die ekonomie in die land uit die resessie te lig waarin hy verkeer. Vyftig miljard rand sal ondermeer geher-prioritiseer word om werkskepping te bevorder. Ramaphosa het gesê Suid-Afrika kan nie spandeer wat hy nie het nie en niks meer kan geleen word nie. 'n 400 miljard rand infrastruktuur fonds sal ook op die been gebring word. Hy sê dit gaan uitsonderlike optrede en tyd neem om die ekonomie te versterk.

Betogers, van onder meer Boycott Divestment Sanction South Africa, of te wel BDS, het gister buite die Johannesburgse Dieretuin betoog. Hulle vra dat die dieretuin sy laaste oorlewende olifant, Lammie, na 'n wildreservaat moet verskuif. Lammie, wat byna vier dekades lank al in gevangenis leef, se enigste maat, Kinkel, is onlangs in die dieretuin dood. Dierebeskermings-verenigings vra nou dat die rouende olifant verskuif word, voordat sy agteruit begin gaan.

COSATU se voormalige Wes-Kaapse Sekretaris, Tony Ehrenreich, het in sy persoonlike kapasiteit, 'n ope brief aan president Cyril Ramaphosa geskryf, waarin hy vra dat die land se bruin gemeenskap voortaan bekend staan as die CAMISA. Volgens hom, is die sogenaamde beskrywings "kleurling" of "coloured" uit die Apartheid-era, en behoort die gemeenskap nie so genoem te word nie.