Spursmál

Geir Haar­de, fyrr­um for­sæt­is­ráðherra, rýn­ir í stöðuna í stjórn­mál­un­um nú þegar inn­an við sól­ar­hring­ur er í að kjörstaðir opni. Hon­um til fullting­is er Björt Ólafs­dótt­ir, fyrr­um ráðherra sem hef­ur ýmsa fjör­una sopið í póli­tík­inni, meðal ann­ars óvænt stjórn­arslit árið 2017.

Í þætt­in­um er Geir einnig spurður út í nýja ævi­sögu sem hann hef­ur gefið út. Þar fjall­ar hann meðal ann­ars um ör­laga­dag­ana í októ­ber 2008 þar sem hann leiddi þjóðina í gegn­um einn mesta ólgu­sjó sem brotið hef­ur á sam­fé­lag­inu fyrr og síðar. Hvernig var Geir inn­an­brjósts þegar hann ávarpaði þjóðina og bað Guð að blessa Ísland?

Í síðari hluta þátt­ar­ins mæta stöll­urn­ar Ólöf Skafta­dótt­ir og Krist­ín Gunn­ars­dótt­ir. Þær halda úti hlaðvarp­inu Komið gott, og þær eru þekkt­ar fyr­ir hisp­urs­lausa umræðu og vægðarleysi gagn­vart því fólki sem er til um­fjöll­un­ar hverju sinni. Hver veit nema þær snúi tafl­inu við á vett­vangi Spurs­mála.

Leiðtog­ar stjórn­mála­flokk­anna mæt­tust í kapp­ræðum í beinni út­send­ingu í Há­deg­is­mó­um.

Lum­ar ein­hver flokk­anna tíu sem bjóða fram á landsvísu á leynivopni sem dregið verður fram þegar fjór­ir dag­ar eru eft­ir af kosn­inga­bar­átt­unni?­

Flokk­arn­ir kepp­ast nú, hver um ann­an þver­an, við að hala inn síðustu at­kvæði þeirra sem ekki hafa gert upp hug sinn.

Fram­sókn, Pírat­ar, Sósí­al­ist­ar og VG eru allt flokk­ar sem eiga það á hættu annað hvort að þurrk­ast út af þingi eða ná ekki inn.

Þrír flokk­ar virðast berj­ast um sig­ur­laun­in og þar virðast Sam­fylk­ing og Viðreisn lík­legri en Sjálf­stæðis­flokk­ur­inn. Fylgi Flokks fólks­ins hef­ur verið á upp­leið á meðan Miðflokk­ur­inn hef­ur spilað varn­arsinnaðri bolta síðustu vik­urn­ar.

Til að ræða þetta í Spurs­mál­um mæta þau til leiks, Auður Al­berts­dótt­ir, ráðgjafi hjá Strik Studio, Berg­ur Ebbi, rit­höf­und­ur, fyr­ir­les­ari og framtíðarfræðing­ur, og Andreas Örn Aðal­steins­son, yf­ir­maður sta­f­rænna lausna hjá Sa­hara.

Fylg­ist með spenn­andi umræðu um stjórn­mála­flokk­ana og þær aug­lýs­inga­her­ferðir sem þeir hafa lagt út í til þess að vinna hylli kjós­enda.

Sig­urður Ingi Jó­hanns­son, formaður Fram­sókn­ar­flokks­ins, sit­ur fyr­ir svör­um í leiðtoga­spjalli und­ir stjórn Stef­áns Ein­ars Stef­áns­son­ar í Spurs­mál­um. Fylgi ­flokks­ins hef­ur verið að mæl­ast við frost­mark í skoðana­könn­un­um und­an­farið. Sam­kvæmt töl­um frá liðinni viku er alls kost­ar óvíst hvort Fram­sókn komi til með að ná manni inn á þing.

Í þætt­in­um svar­ar Sig­urður Ingi fyr­ir fylgið sem er í sögu­legu lág­marki sem stend­ur og verður hann meðal ann­ars spurður út í hvaða brögðum hann ætli að beita til að reisa fylgi flokks­ins við í yf­ir­stand­andi kosn­inga­bar­áttu.

Auk Sig­urðar Inga mæta þau Orri Páll Jó­hanns­son, þingmaður Vinstri grænna, og Nanna Mar­grét Gunn­laugs­dótt­ir, sem sit­ur í 2. sæti á lista Miðflokks­ins í Suðvest­ur­kjör­dæmi, í settið til að kryfja helstu frétt­ir í líðandi viku.

Að vanda fær­ir Andrés Magnús­son, full­trúi rit­stjóra á Morg­un­blaðinu, fregn­ir af sjóðheit­um töl­um úr skoðana­könn­un Pró­sents í þætti dags­ins. Þar rýn­ir hann og ræðir stöðuna á hinu póli­tíska sviði ásamt Stefáni Ein­ari þar sem ljóst er að Sam­fylk­ing­in lækk­ar nú flugið. 

Þor­gerður Katrín Gunn­ars­dótt­ir, formaður Viðreisn­ar, gæti staðið með pálm­ann í hönd­un­um að lokn­um kosn­ing­um ef þær fara eins og kann­an­ir benda nú til. Vill hún vinstri- eða hægri­stjórn?

Á vett­vang Spurs­mála mæta einnig stjórn­mála­fræðipró­fess­or­inn Ei­rík­ur Berg­mann Ein­ars­son og Brynj­ólf­ur Gauti Guðrún­ar Jóns­son, doktorsnemi í töl­fræði við Há­skóla Íslands. Hann held­ur úti vefsíðunni www.metill.is þar sem gef­in er út kosn­inga­spá, byggð á nýj­ustu könn­un­um á fylgi flokk­anna.

Sig­mund­ur Davíð Gunn­laugs­son formaður Miðflokks­ins situr fyr­ir svör­um í leiðtoga­spjalli und­ir stjórn Stef­áns Ein­ars Stef­áns­son­ar í nýj­asta þætti Spurs­mála.

Flokk­ur Sig­mund­ar Davíðs hef­ur verið í sókn að und­an­förnu og nú hef­ur hann, líkt og aðrir, kynnt odd­vita í hverju kjör­dæmi ásamt fram­boðslist­um.

Hvert stefni Sig­mund­ur ef niðurstaða kosn­inga verður með þeim hætti sem kann­an­ir gefa til kynna? Sér hann sam­starfs­flöt við aðra flokk og hvar er hann reiðubú­inn að gefa eft­ir?

Auk Sig­mund­ar mættu þau Erna Mist Yama­gata, lista­kona og pistla­höf­und­ur, sem sit­ur í 9. sæti á fram­boðslista Viðreisn­ar í Reykja­vík­ur­kjör­dæmi suður, og Her­mann Nökkvi Gunn­ars­son, blaðamaður á Morg­un­blaðinu og sér­fræðing­ur í banda­rísk­um stjórn­mál­um, í settið til að fara yfir það sem er efst á baugi á hinu póli­tíska sviði hér­lend­is og er­lend­is.

Líkt og und­an­farna föstu­daga mætti Andrés Magnús­son, full­trúi rit­stjóra Morg­un­blaðsins, til leiks og fór yfir nýj­ustu töl­ur úr skoðana­könn­un Pró­sents í þætt­in­um og varpaði ljósi á fylgi flokk­anna sem bjóða fram á landsvísu.

Öll spjót standa á Kristrúnu Frosta­dótt­ur for­manni Sam­fylk­ing­ar en flokk­ur henn­ar mæl­ist enn sem fyrr stærst­ur í öll­um skoðana­könn­un­um.

Kristrún mæt­ir nú í Spurs­mál og svar­ar fyr­ir stefnu flokks­ins, sem þess­ar kann­an­ir benda til að muni hljóta fram­gang að lokn­um kosn­ing­um. Ætlar Kristrún að hækka skatta og ef svo er hvaða skatta? Hverju eiga auðlinda­gjöld að skila og hvernig lýs­ir Kristrún hinu svo­kallaða ehf.-gati sem Sam­fylk­ing­unni er tíðrætt um.

Þá mæta þau Vala Garðars­dótt­ir forn­leifa­fræðing­ur og Þórður Snær Júlí­us­son blaðamaður. Hún býður sig fram fyr­ir hönd Fram­sókn­ar­flokks­ins og verm­ir 3. sætið í Suðvest­ur­kjör­dæmi. Þórður Snær er í Sam­fylk­ing­unni og sit­ur í 3. sæt­inu í Reykja­vík norður.

Þau fara yfir frétt­ir vik­unn­ar, m.a. vend­ing­ar tengd­ar Jóni Gunn­ars­syni og njósn­um sem son­ur hans hef­ur orðið fyr­ir.

Sneisa­full­ur þátt­ur af spenn­andi umræðu um stjórn­mál dags­ins og kosn­ing­arn­ar 30. nóv­em­ber næst­kom­andi.

Bjarni Benediktsson er gestur Stefáns í þetta skiptið. Fylgi Sjálf­stæðis­flokks­ins hef­ur flökkt tals­vert síðustu vik­ur en flokkn­um hef­ur reynst erfitt að halda í þann ár­ang­ur sem kom fram í könn­un­um í kjöl­far þess að stjórn­inni var slitið.

Andrés Magnús­son, full­trúi rit­stjóra á Morg­un­blaðinu fer yfir nýja könnun á fylgi flokka.

Þá mæta tveir frétta­menn RÚV í settið til Stef­áns Ein­ars og ræða frétt­ir vik­unn­ar, bæði inn­lend­ar og er­lend­ar. Það eru þau Odd­ur Þórðar­son og Urður Örlygs­dótt­ir.

Sneisa­full­ur þátt­ur af áhuga­verðum frétt­um og lif­andi umræðu um mik­il­væg­ustu mál­efni landsins.

Inga Sæland formaður Flokks fólksins situr fyrir svörum.

Má því segja að Flokk­ur fólks­ins sé á hvín­andi sigl­ingu þrátt fyr­ir að stefnu­mál flokks­ins séu enn frek­ar óljós. Það verður því at­hygl­is­vert að fylgj­ast með hvort breyt­ing­ar kunni að verða á fylg­inu þegar stefnu­skrá flokks­ins verður gerð op­in­ber.

Í þætt­in­um verður þjarmað að Ingu og knúið á um svör við því hver helstu áherslu­mál flokks­ins verða í þeirri kosn­inga­bar­áttu sem nú stend­ur yfir og hvers verður að vænta af Flokki fólks­ins þegar að mynd­un nýrr­ar rík­is­stjórn­ar kemur.

Svandís Svavarsdóttir formaður VG mætir Stefáni Einari í hressilegu spjalli um pólitíkina. Í skoðana­könn­un Pró­sents í liðinni viku mæld­ist flokk­ur Svandís­ar, Vinstri­hreyf­ing­in grænt fram­boð, með sögu­lega lágt fylgi. Svo virðist sem brott­hvarf Katrín­ar Jak­obs­dótt­ur sé að draga dilk á eft­ir sér og hafi áhrif á fylgi flokks­ins í þeirri kosn­inga­bar­áttu sem nú stend­ur yfir. Svandís hyggst nú leggja allt sitt kapp á að auka fylgi flokks­ins um land allt ásamt sínu fólki og verður spenn­andi að fylgj­ast með hvernig til tekst.

Auk hennar mæta þeir Gunn­ar Úlfars­son, hag­fræðing­ur Viðskiptaráðs og Jó­hann­es Þór Skúla­son, fram­kvæmda­stjóri Sam­taka ferðaþjón­ust­unn­ar í settið og rýna helstu frétt­ir vik­unn­ar þar sem mest hef­ur farið fyr­ir stjórn­mál­un­um.