Synir Egils

Sunnudagurinn 10. desember

Synir Egils: Glimmer, Gaza, Pisa og póltík

Bræðurnir Sigurjón Magnús og Gunnar Smári Egilssynir taka á móti gestum og ræða helstu fréttir og pólitík við gesti. Að þessi sinni koma Benedikt Erlingsson leikstjóri, Karen Kjartansdóttir almannatengill og Ólína Kjerúlf Þorvarðardóttir prófessor og ræða fréttir vikunnar og ástand samfélagsins. Þeir bræður draga saman stöðuna í pólitíkinni en snúa sér síðan að skólamálum. Slá á þráðinn til Nichole Leigh Mosty, leikskólastjóra í Vík í Mýrdal og doktorsnema, og spyrja um stöðu innflytjenda í skólakerfinu. Síðan koma Anna Kristín Sigurðardóttir prófessor við HÍ, Björn Kristjánsson kennari í Laugarlækjarskóla og Hulda Dögg Proppé kennari í Sæmundarskóla og skiptast á reynslu og þekkingu af skólakerfinu.

Sunnudagurinn 3. desember

Pólitíkin, stéttabarátta, dánaraðstoð, fullveldi

Bræðurnir Sigurjón Magnús og Gunnar Smári Egilssynir taka á móti gestum og ræða helstu fréttir og pólitík við gesti. Að þessi sinni koma Atli Þór Fanndal framkvæmdastjóri Transparency International á Íslandi, Eva Heiða Önnudóttir prófessor í stjórnmálafræði og Sólveig Anna Jónsdóttir formaður Eflingar pg ræða ástandið á þingi, í ríkisstjórn og í stéttabaráttunni. Lagt hefur verið fram frumvarp um dánaraðstoð. Í tilefni af því koma til okkur frá félaginu Lífsvirðingu þær Ingrid Kuhlman, leiðbeinandi og ráðgjafi og Sylviane Lecoultre iðjuþjálfi. Í lokin flytjum við viðtal við Guðna Th. Jóhannesson forseta um fullveldið í tilefni af fullveldisdeginum.

Föstudagurinn 1. desember

Synir Egils – aukaþáttur: Fullveldisviðtal við forsetann

Guðni Th. Jóhannesson forseti ræðir við þá bræður, Gunnar Smára og Sigurjón Magnús Egilssonar, um fullveldið, samfélag árið 1918 þegar Ísland var fullvalda og um reynsluna af fullveldinu síðan þá. Og veltir fyrir sér fullveldi hverra, hafa allir náð auknum áhrifum í samfélaginu og aukin völd yfir eigin lífi.

Sunnudagurinn 26. nóvember

Hamfarir. stríð, húsnæðiskreppa og kvóti

Bræðurnir Sigurjón Magnús og Gunnar Smári Egilssynir taka á móti gestum og ræða helstu fréttir og pólitík við gesti. Að þessi sinni koma Arndís Anna Kristínardóttir Gunnarsdóttir þingkona, Björg Eva Erlendsdóttir framkvæmdastjóri Landverndar og Úlfar Hauksson vélstjóri og stjórnmálafræðingur. Þá draga þeir saman stöðuna í pólitíkinni og slá á þráðinn til Kjartans Sveinssonar formanns Strandveiðimanna um tillögur Svandísar Svavarsdóttur í sjávarútvegsmálum. Og fá Arnar Atlason, formann Samtaka fiskframleiðenda og útflytjenda, til að draga saman um hvað gagnrýnin á kvótakerfið hefur snúist og hvers vegna tillögur Svandísar ná ekki að svara henni, en kvótinn er líklega stærsta réttlætismál íslenskrar sögu, hvernig fiskimiðin voru færð úr almannaeign og einkavædd.

Bræðurnir Sigurjón Magnús og Gunnar Smári Egilssynir taka á móti gestum og ræða helstu fréttir og pólitík við gesti. Að þessi sinni koma Þóra Kristín Ásgeirsdóttir upplýsingafulltrúi, Erna Bjarnadóttir hagfræðingur og Björn Þorláksson blaðamaður. Þá draga þeir saman stöðuna í pólitíkinni en fá í loki Aðalgeir Johansen, Alla á Eyri, til að segja okkur frá samfélagi og sögu Grindavíkur.

Sunnudagurinn 12. nóvember

Grindavík, Gaza, stríð og ógnir

Bræðurnir Sigurjón Magnús og Gunnar Smári Egilssyni taka á móti gestum í þætti sínum Synir Egils, og fá fyrst fólk á flótta frá eldsumbrotum í Grindavík: Anna Sigríður Sigurjónsdóttir myndhöggvari og björgunarsveitarmaður, Eiríkur Óli Dagbjartsson útgerðarstjóri hjá Þorbirni, Páll Erlingsson kennari og fyrrum formaður Gólfklúbbsins og Petra Rós Ólafsdóttir skrifstofustjóri, stjórnarkona knattspyrnudeildarinnar og slysavarnarkona. Síðan ræða þeir helstu fréttir og pólitík við Guðmund Hrafn Arngrímsson formann Leigjendasamtakanna, Guðmund Hálfdanarson sagnfræðiprófessor og Jódísi Skúladóttur þingkonu. Þá draga þeir saman stöðuna í pólitíkinni en fá í lokin Þorvald Þórðarson eldfjallafræðing til að segja okkur frá ógnunum frá landinu og hverju það breytir að við getum núna mælt hreyfingu kviku á miklu dýpi.

Bræðurnir Sigurjón Magnús og Gunnar Smári Egilssyni taka á móti gestum og ræða helstu fréttir og pólitík við Björt Ólafsdóttir fyrrum umhverfisráðherra Bjartrar framtíðar, Margrét Sanders, bæjarfulltrúi Sjálfstæðisflokksins í Reykjanesbæ og Stefán Pálsson varaborgarfulltrúi Vg. Þeir fara síðan yfir stöðuna í pólitíkinni en skipta svo yfir í Háskólabíó á Stórfund um Palestínu.

Sunnudagurinn 29. október

Kynjastríð, ofbeldi, þjóðarmorð og Eimreiðin

Bræðurnir Sigurjón Magnús og Gunnar Smári Egilssynir taka á móti gestum og ræða helstu fréttir og pólitík við gesti. Að þessi sinni koma Ragnar Þór Ingólfsson, formaður VR, Sanna Magdalena Mörtudóttir, borgarfulltrúi Sósíalistaflokksins og Svanborg Sigmarsdóttir, framkvæmdastjóri Viðreisnar. Þeir bræður fara líka yfir daginn og veginn og fjalla síðan um Eimreiðarklíkuna og völd Valhallar. Sólveig Ólafsdóttir nýdoktor, Ólína Kjerúlf Þorvarðardóttir prófessor og Viðar Hreinsson bókmenntafræðingur ræða þau mál.

Sunnudagurinn 22. október

Stríð, átök og skuldastaða bænda

Bræðurnir Sigurjón Magnús og Gunnar Smári Egilssynir taka á móti gestum og ræða helstu fréttir og pólitík við Heimi Má Pétursson fréttamann, Þórarinn Eyfjörð formann Sameykis og Guðrúnu Margréti Guðmundsdóttur mannfræðing. Þeir bræður fara líka yfir daginn og veginn og fjalla síðan um háskalega stöðu bænda, slá á þráðinn til Þórarins Inga Péturssonar, bónda og þingmanns, og fá svo þau Gunnar Þorgeirsson, formann Bændasamtakanna og Vigdísi Häsler, framkvæmdastjóra samtakanna, til að kortleggja erfiða stöðu bænda.

Sunnudagurinn 15. október

Synir Egils: Afsögn, spilling, stríð og mótmæli

Bræðurnir Sigurjón Magnús og Gunnar Smári Egilssyni taka á móti gestum og ræða helstu fréttir og pólitík við Þórhildi Sunnu Ævarsdóttur þingkonu, Sólveigu Önnu Jónsdóttur formann Eflingar og Guðmund Andra Thorsson rithöfundur. Þeir bræður fara líka yfir daginn og veginn og Atli Þór Fanndal fer með pistilinn. Í lokin mæta í stúdíóið fólkið sem stóð fyrir mótmælunum Bjarna burt! og meta árangurinn: Hallfríður Þórarinsdóttir, Karl Héðinn Kristjánsson, Birgir Þórarinsson, Guðmundur Hrafn Arngrímsson og Kári Jónsson.