Eventuell ass Iech tëschent Juli a September 2020 a verschiddene Lëtzebuerger Stied e ramponéierten awer rafistoléierte Bus opgefall. A ronderëm si Kanner, Jugendlecher, Kënschtler, Museker, Dänzer an Encadranten gebëselt, natierlech am Respekt vun de Mesures sanitaires. D'Gefier hat d'UpFoundation op eng Tournée uechtert d'Land geschéckt. An zwar fir Jonken a Kreativ-Atelieren a Corona-Zäiten d'Méiglechkeet ze bidden, sech ze expriméieren. De Bilan vun der Aktivitéit gëtt bis Enn Februar 2021 am Lëtzebuerg City Museum presentéiert. Do ass d'Kerstin Thalau Membere vun der UpFoundation begéint.