Joffer, meng Boma ass  dout! Wéi reagéieren am Fall vun Doud an Trauer bei Kanner a Jugendlechen?

Et ass net selbstverständlech bei engem Stierffall am schouleschen Ëmfeld oder am Veräinsliewen am Kontext mat Kanner a Jugendleche gutt kënnen ëmzegoen. Hëllef bitt do d'Asbl Omega 90, déi 2020 schonn 30 Joer besteet, an op e laange Erfahrungswee kann zeréckkucken. Nodeems scho virun enger Zäit "Omega mécht Schoul" op d'Bee gestallt gouf, proposéiert Omega 90 elo d'Omega Trauerwallis, e Set mat didakteschem Handbuch, néidegen Accessoiren, Bicher, an z. B. Gefillskaarten. Dës gréng Wallis soll all deenen, déi mat Kanner a Jugendlechen ze doen hunn, eng Upak gi fir handlungsfäeg ze bleiwen, wa moies op eemol an der Klass, oder och nomëttes am Fussballstraining, déi plëtzlech Nouvelle vum Doud vun engem Matschüler, engem Familljemember, oder souguer engem treien Hausdéier kënnt. Nathalie Bender mat weideren Detailer.