Vikulokin

Icelandair, ferðaþjónustan, sumarið framundan og grasbítandi gæsir á túnum voru meðal þess sem rætt var um í vikulokin að þessu sinni. Gestir voru Ásthildur Sturludóttir, bæjarstjóri á Akureyri, Ingibjörg Ólafsdóttir hótelstjóri á Hótel Sögu og Jón Þór Þorvaldsson flugstjóri, formaður FÍA og varaþingmaður Miðflokksins.

Umsjón: Anna Kristín Jónsdóttir

Tæknimaður: Ragnar Gunnarsson. Tæknimaður á Akureyri: Björgvin Kolbeinsson.

Í þættinum var byrjað á að hringja í Val Gunnarsson rithöfund sem er innlyksa í Kiev, en í næsta nágrenni loga skógareldar í grennd við kjarnorkuverið í Tjernóbil. Þingmennirnir Óli Björn Kárason, Sjálfstæðiflokki, Hanna Katrín Friðriksson Viðreisn, og Helgi Hrafn Gunnarsson Pírati, ræddu síðan störf þingsins en uppnám varð á þinginu í vikunni í kjölfar orðasennu milli Jóns Þórs Ólafssonar og Steingríms J. Sigfússonar. Rætt var um samráð eða samráðsleysi stjórnar og stjórnarandstöðu, yfirvofandi efnahagspakka sem ríkisstjórnin hafði boðað, stöðu fjölmiðla og Donald Trump Bandaríkjaforseta, sem hvatti mótmælendur í nokkrum ríkjum Bandaríkjanna til að spyrna gegn samkomutakmörkunum.

Umsjón: Bergsteinn Sigurðsson

Tæknimaður: Mark Eldred.

Gestir Vikulokanna voru Bergur Ebbi Benediktsson rithöfundur, Skúli S. Ólafsson prestur og Ragnheiður Kristjánsdóttir sagnfræðingur. Þau ræddu í Covid-19 faraldurinn í sögulegu ljósi, veltu fyrir sér mögulegum afleiðingum til framtíðar, sem og andleg málefni í tilefni af páskum.

Umsjón: Bergsteinn Sigurðsson

Tæknimaður: Magnús Þorsteinn Magnússon

Í þættinum var byrjað að ræða við Kristján Sigurjónsson, sem heldur úti síðunni Túristi.is. um áhrif Covid-19 á ferðaþjónustu sem og stöðuna í Svíþjóð þar sem hann býr. Hjálmar Gíslason, forstjóri Grid, og Þórunn Sveinbjarnardóttir komu í hljóðver og ræddu fréttir vikunnar, ásamt Gylfa Ólafssyni, forstöðumanni heilbrigðisstofnunar Vestfjarða sem var á línunni frá Ísafirði. Rætt var um alvarlega stöðu sem komin er upp á hjúkrunarheimilinu Bergi í Bolungarvík, efnahagsaðgerðir stjórnvalda, kjör hjúkrunarfræðinga, stöðuna á alþjóðavettvangi og fleira.

Umsjón; Bergsteinn Sigurðsson

Tæknimaður: Ragnar G. Gunnarsson

Í þættinum var byrjað á að hringja í Aldísi Hafsteinsdóttur, bæjarstjóri í Hveragerði og formann Sambands íslenskra sveitarfélaga, og rætt um aðgerðir um land allt vegna Covid-19. Jón Ólafsson, prófessor í heimspeki við Háskóla Íslands og Margrét Kristmannsdóttir, framkvæmdastjóri Pfaff og stjórnarmaður í Viðskiptaráði, komu í hljóðver og ræddu Covid-faraldurinn, viðbrögð stjórnvalda, traust til heilbrigðisyfirvalda og fleira. Í lokin var hringt í Heimi Snorrason, sálfræðing í New York, sem Covid-19 veikin hefur leikið borgina illa.

Umsjón: Bergsteinn Sigurðsson

Tæknimaður: Mark Eldred

Í þættinum var byrjað á að hringja suður til Ítalíu og ræða við Stefán Jón Hafstein, Fastafulltrúa Íslands hjá Sameinuðu þjóðunum í Róm, en Ítalía er það land sem enn sem komið hefur orðið lang verst úti í faraldrinum. Í hljóðver í anddyri Efstaleitis koma svo þau Kjartan Hreinn Njálsson, aðstoðarmaður landlæknis, og Hafrún Kristjánsdóttir, sálfræðingur og deildarforseti íþróttafræðideildar Háskólans í Reykjavík og ræddu Covid-faraldurinn. Í lok þáttar var rætt við Drífu Snædal, forseta ASÍ, um aðgerðir stjórnvalda til að tryggja greiðslur til fólks í skertu hlutfalli hjá fyrirtækjum í rekstrarvanda.

COVID-19 faraldur, samkomubann og viðbrögð við aðgerðum stjórnvalda til að reyna að hemja útbreiðslu kórónaveirunnar var aðalumræðuefni Jóhannesar Þórs Skúlasonar, framkvæmdastjóra Samtaka ferðaþjónustunnar, Sigrúnar Daníelsdóttur, sálfræðings hjá Landlækni og Kristins Þorsteinssonar skólameistara Fjölbrautaskólans í Garðabæ sem voru gestir í vikulokin. Þátturinn sendur út að þessu sinni úr anddyri Útvarpshússins og Kristinn í símanum úr sóttkví heiman frá sér.

Umsjón: Anna Kristín Jónsdóttir

Tæknimaður: Ragnar Gunnarsson

Gestir þáttarins voru Þórir Guðmundsson, ritstjóri fréttastofu Vísis, Stöðvar 2 og Bylgjunnar, Sigríður Víðis Jónsdóttir, sérfræðingur hjá umhverfis og auðlindaráðuneytinu og Ólafur Stephensen, framkvæmdastjóri Félags atvinnurekenda. Rætt vær um varnir gegn Covid-19 veikinni og hugsanleg áhrif á efnahagsmál, verkföll í Reykjavíkurborg og kjaraviðræður, fátækt á Íslandi og fyrirhugaða brottvísuna barnafjölskyldna til Grikklands.

Umsjón: Bergsteinn Sigurðsson

Tæknimaður: Mark Eldred

Gestir þáttarins voru Auður Jónsdóttir rithöfundur, Kristín Soffía Jónsdóttir borgarfulltrúi og Þórlindur Kjartansson pistlahöfundur á Fréttablaðinu. Rætt var um Covid-19 sjúkdóminn, sem greinst hefur á Íslandi, verkfall Eflingar og kjaraviðræður, nýsköpunarstefnu Íslands en ráðherra tilkynnti að Nýsköpunarmiðstöð Íslands verði lögð niður um áramótin, mótmæli við áform um byggingu gróðurhúsahvelfingar í jaðri Elliðaárdals og áfengisauglýsingar.

Umsjón: Bergsteinn Sigurðsson

Tæknimaður: Magnús Þorsteinn Magnússon

Kjaramál, verkföll ,verkfallsboðanir og vinnumarkaður voru áberandi í fréttum vikunnar og í umræðum Jónu Þóreyjar Pétursdóttur, forseta stúdentaráðs Háskóla Íslands, Katrínar Ólafsdóttur lektors við Háskólann í Reykjavík og Kristjáns Þórðar Snæbjörnssonar formanns Rafiðnaðarsambands Íslands í vikulokin.

Umsjón: Anna Kristín Jónsdóttir

Tæknimaður: Ragnar Gunnarsson