Vikulokin

Elín Björk Jónasdóttir veðurfræðingur, Jón Bjarki Bentsson aðalhagfræðingur Íslandsbanka og Jón Gunnar Ólafsson ræða meðal annars um mannskæðan eldsvoða í Vesturbæ Reykjavíkur, forsetakosningar á kjördegi, þjóðhagsspár og versnandi efnahagshorfur, veðurspár og sumarið, áhrif kórónaveirufaraldursins á hegðun og okkar og ferðir.

Umsjón: Anna Kristín Jónsdóttir

Tæknimaður: Ragnar Gunnarsson

Gestir Vikulokanna voru Hildur Björnsdóttir borgarfulltrúi, Ingibjörg H. Sverrisdóttir, nýkjörin formaður félags eldri borgara í Reykjavík, og Magnús Karl Magnússon, prófessor við Háskóla Íslands. Rætt var um skimanir við landamærin, yfirvofandi verkfall hjúkrunarfræðinga, samgöngur í höfuðborginni og mótmæli kaupmanna á Laugavegi, mál Þorvaldar Gylfasonar sem hefur dregið dilk á eftir sér og fleira.

Umsjón: Bergsteinn Sigurðsson

Tæknimaður: Mark Eldred

Gestir Vikulokanna eru Jón Trausti Reynisson, ritstjóri Stundarinnar, Stefán Pálsson sagnfræðingur og Þorbjörg Sigríður Gunnlaugsdóttir, þingmaður Viðreisnar. Byrjað verður að skima fólk við komu til landsins á mánudag og tekist hefur verið á um ágæti þeirra hugmyndar, fjármálaráðuneytið tók fyrir að Þorvaldur Gylfason yrði ritstjóri á norrænu fagriti um hagfræði, ríkissaksóknari Svíþjóðar hélt blaðamannafundi í vikunni og lýsti yfir hver hann teldi vera morðingja Olaf Palme, ný hlutdeildarlán til fyrstu íbúðarkaupenda voru kynnt, og mótmælaalda geisar í Bandaríkjunum í kjölfar dráps lögreglunnar á George Floyd.

Umsjón: Bergsteinn Sigurðsson

Tæknimaður: Magnús Þorsteinn Magnússon

Rætt við Sigurð Kára Kristjánsson lögmann, Sunnu Söshu Larosiliere stjórnmálafræðing og master í krísustjórnun og Vilborgu Gunnarsdóttur, framkvæmdastjóra Alzheimersamtakanna, um fréttir af ákærum vegna brota gegn fólki með Alzheimer eða heilabilun, mótmæli og óeirðir í Bandaríkjunum vegna lögregluofbeldis, kynþáttafordóma hér heima, forsetakosningar í lok mánaðar og pólitískar ráðningar, áhrif og val hæfnisnefnda.

Umsjón: Anna Kristín Jónsdóttir

Tæknimaður: Ragnar Gunnarsson

Gestir þáttarins voru Björn Jón Bragason sagnfræðingur, Sigríður Dögg Auðunsdóttir fréttamaður og Jóhann Páll Jóhannsson, blaðamaður á Stundinni. Rætt var um umdeilt viðtal við Kára Stefánsson í Kastljósi, þátttöku Íslenskrar erfðagreiningar í skimunum við landamærin, opnun landsins um miðjan júní, skýrslu ríkisendurskoðunar á hlutabótaleiðinni, gagnrýni ASÍ á þátttöku ríkisins í greiðslu á uppsagnarfresti hjá fyrirtækjum vegna Covid-19, óeirðir í Bandaríkjunum og deilur Bandaríkjaforseta við Twitter, frumvarp um upplýsingalög sem forsætisráðherra lagði fram en var vísað frá í nefnd, Samherjamálið og stöðu Dominic Cummings, ráðgjafa forsætisráðherra Bretlands.

Umsjón: Bergsteinn Sigurðsson

Tæknimaður: Mark Eldred

Gestir þáttarins voru Sigtryggur Magnason, aðstoðamaður samgöngu- og sveitastjórnarráðherra, Margrét Tryggvadóttir, rithöfundur og varaþingmaður Samfylkingarinnar, og Isabel Alejandra Díaz, nýr forseti Stúdentaráðs Háskóla Íslands. Rætt var um yfirvofandi slakanir á samkomuhöftum, opnun landsins, stöðu Icelandair, markaðsátak til að laða erlenda ferðamenn til landsins, sumarstörf fyrir háskólastúdenta, viðbótarframlag til listamanna og skiptingu þess milli listgreina, nýsköpun og fleira.

Umsjón: Bergsteinn Sigurðsson

Tæknimaður: Ragnar G. Gunnarsson

Staða ferðaþjónustunnar, skortur á úrræðum sem eru sniðin fyrir hana, horfur fyrir sumarið, hlutabótaleiðin, kvikmyndaiðnaðaurinn og sígaretta Bubba var meðal þess sem Halldór Warén, vert á Tehúsinu á Egilsstöððum, Jakob Tryggvason, formaður Félags tæknifólks í rafiðnaði og Sigrún Elsa Smáradóttir, framkvæmdastjóri Iceland Exclusive Travel ræddu.

Umsjón: Anna Kristín Jónsdóttir. Tæknimaður í Efstaleiti: Mark Eldred. tæknimaður á Egilsstöðum: Halldór Warén.

í byrjun þáttar var rætt við Hildi Guðbjörgu Kristjánsdóttur, sem starfar hjá Midgard Adventures á Hvolsvelli, um horfurnar fyrir sumarið. Aðrir gestir voru Ragnar Þór Ingólfsson, formaður VR, Rósa Guðbjartsdóttir bæjarstjóri í Hafnarfirði og Katrín Júlíusdóttir, framlvæmdastjóri Samtaka fyrirtækja í fjámálaþjónustu. Rætt var um hópuppsagnir og ákvörðun ríkisstjórnarinnar um að greiða uppsagnarfrest fyrir fyrirtæki vegna Covid-19, efnahagsaðgerðir ríkisstjórnarinnar, áform Hafnarfjarðarbæjar um sölu á hlut sínum í HS veitum, stöðu og hlutverk banka og fleiri mál.

Umsjón: Bergsteinn Sigurðsson

Tæknimaður: Magnús Þorsteinn Magnússon