Vikulokin

Gestir þáttarins voru Óttar Guðmundsson geðlæknir, Hildur Sverrisdóttir varaþingmaður og aðstoðarmaður ráðherra og Þóra Kristín Ásgeirsdóttir, upplýsinga- og samskiptastjóri Íslenskrar erfðagreiningar. Fjallað var um fréttir um illa meðferð á íbúum vistheimilisins Arnarholts á síðustu öld, sóttvarnaraðgerðir, bóluefni sem er hugsanlegt að komist í almenna dreifingu snemma á næsta ári, og úttekt um hvað fór úrskeiðis þegar hópsmit kom upp á Landakoti.

Umsjón: Bergsteinn Sigurðsson

Tæknimaður: Mark Eldred

Gestir þáttarins voru Guðmundur Hálfdanarson, prófessor í sagnfræði, Borgar Þór Einarsson, aðstoðarmaður utanríkisráðherra, og Kristrún Heimisdóttir lögfræðingur. Rætt var um forsetakosningarnar í Bandaríkjunum þar sem Joe Biden virðist á barmi þess að tryggja sér sigur, áhrif kjörs hans innanlands og utan, arfleifð Donald Trump og fleira.

Halla Hrund Logadóttir, stjórnmálafræðingur sem stýrir miðstöð Norðurslóða hjá Harvard-háskóla í Bandaríkjunum, Ólafur Örn Ólafsson, veitingamaður og Sandra B. Franks formaður Sjúkraliðafélags Íslands ræddu um harðari aðgerðir og takmarkanir í kórónuveirufaraldrinum, neyðarstig á Landspítalanum, störf bakvarða og hjúkrun á tímum COVID, áhrif á veitingarekstur og svo forsetakosningar í Bandaríkjunum sem verða þriðjudag.

Umsjón: Anna Kristín Jónsdóttir

Tæknimaður: Ragnar G. Gunnarsson

Gestir þáttarins voru þingmennirnir Vilhjálmur Árnason, Sjálfstæðisflokki, Þorbjörg Sigríður Gunnlaugsdóttir, Viðreisn, og Þórhildur Sunna Ævarsdóttir, Pírötum. Rætt var um jarðskjálfta á Reykjanesskaga sem skók höfuðborgarsvæðið, frystiskipið Júlíus Geirmundsson sem var haldið á veiðum þrátt fyrir veikindi áhafnarinnar, umdeilda merkjanotkun innan lögreglunnar, og sóttvarnaraðgerðir.

Umsjón: Bergsteinn Sigurðsson

Tæknimaður: Mark Eldred

Gestir Vikulokanna eru Héðinn Unnsteinsson, formaður Geðhjálpar, Þórhildur Þorleifsdóttir leikstjóri og Jón Þórisson ritstjóri Fréttablaðsins. Þau ræða nýtt átak Geðhjálpar í geðheilbrigðismálum, sóttvarnaraðgerðir, undirskriftasöfnun fyrir nýrri stjórnarskrá, breytingum á nafnalögum og fleira.

Umsjón: Bergsteinn Sigurðsson

Tæknimaður: Magnús Þorsteinn Magnússon

Hertar sóttvarnir, viðbrögð íþróttahreyfingarinnar, íslensk og bandarísk stjórnmála sem og framtíð landbúnaðar í landinu voru meðal þess sem bara á góma. Baldur Þórhallsson, stjórnmálafræðiprófessor, Líney Rut Halldórsdóttir, framkvæmdastjóri Íþróttasambands Íslands og Unnsteinn Snorri Snorrason, framkvæmdastjóri Landssamtaka sauðfjárbænda voru gestir í vikulokin.

Umsjón: Anna Kristín Jónsdóttir

Tæknimaður: Ragnar Gunnarsson

Gestir Vikulokanna eru þingmennirnir Haraldur Benediktsson Sjálfstæðisflokki, Ingu Sælandi, Flokki fólksins, og Ágúst Ólafur Ágústsson Samfylkingu, sem öll sitja í fjárlaganefnd. Til umræðu er fjárlagafrumvarp ríkisstjórnarinnar, sem kynnt var í vikunni, þingmálaskrá vetursins, sóttvarnaraðgerðir og fleira.

Gestir Vikulokanna voru Halla Gunnarsdóttir, framkvæmdastjóri ASÍ, Benedikt Jóhannesson, stærðfræðingur og fyrrverandi formaður Viðreisnar og norður á Akureyri er Gunnar Gíslason, bæjarfulltrúi Sjálfstæðisflokksins. Rætt var um nýja samstjórn í bæjarstjórn Akureyrar, lífskjarasamninga í uppnámi, ákvörðun Lífeyrissjóðs Verzlunarmanna að taka ekki þátt í hlutafjárútboði Icelandair, Khedr-fjölskylduna frá Egyptalandi sem fékk landvistarleyfi af mannúðarástæðum, umfjöllun Kveiks um hugsanlegt brot Eimskipafélagsins, landsþing Viðreisnar sem fram fór á netinu og kosningaveturinn framundan.

Sóttvarnaaðgerðir í ljósi mikils fjölda smita sem greinst hefur í vikunni, framtíðarsýn stjórnvalda og seigla almennings, hlutafjárútboð Icelandair, málefni innflytjenda og myndbirting frelsarans voru meðal þess sem rætt var um í Vikulokunum. Gestir: Anna Sigrún Baldursdóttir, aðstoðarmaður forstjóra Landspítalans, Konráð S. Guðjónsson, aðstoðarframkvæmdastjóri Viðskiptaráðs Íslands og Kristín S. Hjálmtýsdóttir, framkvæmdastjóri Rauða krossins.

Umsjón: Anna Kristín Jónsdóttir

Tæknimaður: Ragnar Gunnarsson

Gestir Vikulokanna voru Erla Björg Gunnarsdóttir, fréttastjóri Stöðvar 2 og Bylgjunna, Grétar Halldór Gunnarsson, prestur í Grafarvogi, og Kristján Þór Magnússon bæjarstjóri á Húsavík, sem verður í hljóðveri á Akureyri. Fjallað var um viðbrögð við fréttum af því þegar enskir landsliðsmenn í fótbolta brutu sóttvarnarreglur með því að bjóða stúlkum upp á hótel til sín, sláandi viðtal í Kastljósi við stúlku sem varð fyrir grófu ofbeldi af hálfu kærasta síns, umdeilda auglýsingu fyrir sunnudagaskóla sem sýndi Jesús með brjóst, mál egypskrar fjölskyldu sem á að vísa úr landi eftir tveggja ára dvöl, niðurgreiðslu á flugfargjöldum fyrir íbúa utan höfuðborgarsvæðisins og lýðheilsu og andlega líðan í Covid-faraldrinum.

Umsjón: Bergsteinn Sigurðsson

Tæknimaður: Mark Eldred