Sóttvarnarlæknir kom í vikulokin og ræddi E.coli faraldurinn sem kom upp í byrjun júlí. Í síðari hluta þáttarins kom Skarphéðinn Berg Steinarsson, ferðamálastjóri, Helga Margrét Höskuldsdóttir, stjórnandi Hvað er að frétta á RÚV Núll og Birna Ósk Einarsdóttir, framkvæmdastjóri sölu- og þjónustusviðs Icelandair og ræddu meðal annars breytingar og samdrátt í ferðaþjónustu, hugsanleg kaup á þrotabúi WOW air og ferðalög Íslendingar innanlands.

Gestir þáttrins voru Anna Kolbrún Árnadóttir, þingmaður Miðflokksins, Birgitta Jónsdóttir, fyrrverandi þingmaður Pírata, Eyþór Arnalds, borgarfulltrúi Sjálfstæðisflokks og Þórir Guðmundsson, fréttastjóri Stöðvar 2. Þau ræddu meðal annars málefni barna á flótta, samdrátt og horfur í efnahagsmálum og vinnumansal.

Gestir Vikulokanna voru Brynjar Níelsson, þingmaður Sjálfstæðisflokksins, Þorgerður Katrín Gunnarsdóttir, þingmaður Viðreisnar, Guðjón S. Brjánsson, þingmaður Samfylkingarinnar, og Bjarkey Olsen Gunnarsdóttir, þingmaður Vinstri grænna. Rætt var um frestun þingloka og fyrirhugaða afgreiðslu þriðja orkupakkans, endurskipulagningu í rekstri Íslandspósts, hugmyndir heilbrigðisráðherra um 20% sykurskatt og staðfestingu forsætisnefndar á niðurstöðu siðanefndar Alþingis um að Þórhildur Sunna Ævarsdóttir hefði gerst brotleg við siðareglur.

Umsjón: Bergsteinn Sigurðsson

Tæknimaður: Jón Þór Helgason

Gestir Vikulokanna voru Dóra Björk Guðjónsdóttir, borgarfulltrúi Pírata, Vigdís Hauksdóttir, borgarfulltrúi Miðflokksins, Magnús Örn Guðmundsson, bæjarfulltrúi á Seltjarnarnesi, og Grímur Atlason, verkefna- og viðburðastjóri. Rætt var um frestun þriðja orkupakkans fram í ágúst, samþykkt laga um kynrænt sjálfræði og frumvarp um mannanafnalög sem var fellt, undirbúning að fjármögnun borgarlínu og ásakanir skrifstofustjóra á skrifstofu borgarstjóri á hendur Vigdísar Hauksdóttur um einelti.

Umsjón: Bergsteinn Sigurðsson

Tæknimaður: Davíð Berndsen

Gestir Vikulokanna voru Árni Snævarr, upplýsingafulltrúi hjá Sameinuðu Þjóðunum, Margrét Tryggvadóttir, rithöfundur og varaþingmaður Samfylkingarinnar, og Ragnheiður Elín Árnadóttir, fyrrverandi þingmaður Sjálfstæðisflokksins og ráðherra. Fjallað var um yfirvofandi þinglok í skugga málþófs, endurskoðun fjármálaáætlunar, skærur fyrrverandi forystumanna Sjálfstæðisflokksins, kjör á nýjum formanni Íhaldsflokksins í Bretlandi og veðurblíðuna það sem af er sumri.

Umsjón: Bergsteinn Sigurðsson

Tæknimaður: Úlfhildur Eysteinsdóttir

Gestir Vikulokanna voru Silja Dögg Gunnarsdóttir, þingmaður Framsóknar, Inga Sæland, formaður Flokks fólksins, Bogi Ágústsson, fréttamaður RÚV, og Kolbeinn Óttarsson Proppé þingmaður Vinstri grænna. Rætt var um nýtt frumvarp félagsmálaráðherra, dönsku þingkosningarnar, Wikileaks og fleira.

Umsjón: Milla Ósk Magnúsdóttir

Tæknimaður: Mark Eldred

Gestir Vikulokanna voru Bjarnheiður Hallsdóttir, formaður Samtaka ferðaþjónustunnar, Þorsteinn Víglundsson, þingmaður Viðreisnar og Willum Þór Þórsson, þingmaður Framsóknarflokksins. Rætt var um nýja fjármálastefnu sem kynnt var í vikunni, stöðuna í ferðaþjónustu og um málþóf á Alþingi í umræðum um þriðja orkupakkann,

Umsjón: Milla Ósk Magnúsdóttir

Tæknimaður: Ragnar Gunnarsson