Vikulokin

Andrea Sigurðardóttir, viðskiptafræðingur og blaðamaður á Viðskiptablaðinu, Andrés Jónsson, almannatengill og stofnandi Góðra samskipta og Borgar Þór Einarsson, lögfræðingur og aðstoðarmaður utanríkisráðherra, ræddu stöðu efnahagsmála, uppgang á hlutabréfamarkaði og stöðuna í stjórnmálunum í aðdraganda þingkosninga. Umsjónarmaður var Magnús Geir Eyjólfsson.

Birna Guðmundsdóttir, deildarstjóri gagnagreiningar hjá Vinnumálastofnun, Diljá Mist Einarsdóttir, aðstoðarmaður utanríkisráðherra og Helga Rósa Másdóttir, hjúkrunardeildarstjóri á bráðamóttöku Landspítalans ræddu um bráðadeildina, heilbrigðiskerfi, atvinnuástand, þinglok og umræðu um kynbundið ofbeldi.

Umsjón: Anna Kristín Jónsdóttir

Tæknimaður: Jón Þór Helgason

Gestir þáttarins eru Halla Hrund Logadóttir, stjórnandi hjá Miðstöð Norðurslóða hjá Harvard-háskóla, Karlotta Halldórsdóttir hagfræðingur hjá Húsnæðis- og mannvirkjastofnun og Orri Páll Ormarsson blaðamaður á Morgunblaðinu.

Rætt um ráðherrafund Norðurskautsráðsins, samtal utanríkisráðherra Bandaríkjanna og Rússlands, átök fyrir botni Miðjarðarhafs, húsnæðismarkaðinn og vaxtaákvarðanir, rýmkun COVID sóttvarna í næstu viku, Júróvisjón og Daða og gagnamagnið.

Umsjón: Anna Kristín Jónsdóttir

Tæknimaður: Magnús Þorsteinn Magnússon

Gestir þáttarins eru Auður Jónsdóttir, rithöfundur, Eiríkur Rögnvaldsson, prófessor emeritus í íslensku, og Ingibjörg Ösp Stefánsdóttir, forstöðumaður samkeppnishæfnissviðs SA og stjórnarformaður Hörpu. Rætt var um #metoo meðal annars út frá tungumáli, kynjabreytingar í íslensku máli, enskunotkun í atvinnulífinu, máltækni og 10 ára afmæli Hörpu.

Umsjón: Bergsteinn Sigurðsson

Stjórn útsendingar: Hrafnkell Sigurðsson

Gestir þátttarins voru Halla Gunnarsdóttir, framkvæmdarstjóri ASÍ og fyrrverandi ráðgjafi Katrínar Jakobsdóttur um úrbætur í kynferðisbrotamálum, Sólborg Guðbrandsdóttir, aktívisti og aðgerðasinni, og Ómar Valdimarsson lögmaður. Rætt er um aðra bylgju #metoo sem reis í kjölfar þess að tvær konur lögðu fram kæru á hendur fjölmiðlamanninum Sölva Tryggvason, áhrif tækninýjunga og samfélagsmiðla á réttarríkið og fjölmiðla, ábyrgð áhrifavalda, Onlyfans og fleira.

Umsjón: Bergsteinn Sigurðsson

Gestir í vikulokin á baráttudegi verkalýðsins, 1. maí voru Halldóra Sigríður Sveinsdóttir, formaður Bárunnar, Sandra Franks formaður Sjúkraliðafélags Íslands og Þórarinn Eyfjörð formaður Sameykis.

Umsjónarmaður: Anna Kristín Jónsdóttir

Tæknimaður: Jón Þór Helgason