Gestir Vikulokanna voru Drífa Snædal, forseti ASÍ, Davíð Þorláksson, forstöðumaður samkeppnishæfnissviðs SA, og Jón Kaldal ritstjóri. Rætt var um Samherjamálið en grunur leikur á að fyrirtækið hafi mútað háttsettum ráðamönnum í Namibíu til að komast yfir fiskikvóta.

Davor Purusic, lögmaður, Hafrún Kristjánsdóttir, sálfræðingur og Hjálmar Sveinsson borgarfulltrúi ræddu um brottvísun albanskrar barnshafandi konu og fjölskyldu hennar í vikunni, aðskilnað ríkis og kirkju, fall Berlínarmúrsins og eftirleik í Austur-Evrópu, . örstutt um Reykjalund og kröfu um að fólk sem fylgir börnum í íþróttaferðir skili sakavaottorði.

Umsjón Anna Kristín Jónsdóttir

Tæknimaður: Ragnar Gunnarsson

Gestir þáttarins voru Bjarni Karlsson prestur, Lára Magnúsdóttir sagnfræðingur og María Rut Kristinsdóttir, aðstoðarmaður formanns Viðreisnar. Rætt var um stöðu þjóðkirkjunnar og afsökunarbeiðni biskups til samfélags samkynhneigðra, úrskurð héraðsdóms Reykjavíkur um að Leikfélag Reykjavíkur hafi brotið á Atla Rafni Sigurðarsyni þegar honum var sagt upp störfum, og dóm Hæstaréttar um að Barnaverndarstofu hafi verið óheimilt að leyfa Freyju Haraldsdóttur ekki að fara á námskeið til að meta hvort hún yrði hæf til að vera fósturforeldri.

Umsjón: Bergsteinn Sigurðsson

Tæknimaður: Mark Eldred

Gestir þáttarins voru Árni Helgason lögfræðingur, Svanborg Sigmarsdóttir, framkvæmdastjóri borgarstjórnarflokks Viðreisnar, og Páll Ásgeir Ásgeirsson leiðsögumaður. Rætt var um gráa listann yfir ríki sem hafa ekki spornað nægilega gegn peningaþvætti að mati samtakanna FATF, frumvarpsdrög um breytingar á samkeppnislögum og ákvörðun Íslandsbanka um að auglýsa ekki í fjölmiðlum með mikinn kynjahalla.

Umsjón: Bergsteinn Sigurðsson

Tæknimaður: Magnús Þorsteinn Magnússon

Þau Gunnlaugur Júlíusson, sveitarstjóri í Borgarbyggð, Katrín Júlíusdóttir framkvæmdastjóri Samtaka fjármálafyrirtækja og Hjálmar Jónsson, formaður Blaðamannafélags Íslands ræddu meðal annars um veru Íslands á gráum lista yfir þjóðir sem ekki tryggja varnir gegn peningaþvætti og fjármögnun hryðjuverka, Brexit, samruna á fjölmiðlamarkaðii, samgöngumál og hlut skótaus í hlaupaafrekum.

Umsjón: Anna Kristín Jónsdóttir

Tæknimaður: Mark Eldred

Gestir þáttarins voru Sigríður Andersen, þingmaður Sjálfstæðisflokksins og formaður utanríkismálanefndar, Rósa Björk Brynjólfsdóttir, þingmaður Vinstri grænna, og Björn Leví Gunnarsson, þingmaður Pírata. Rætt var um innrás Tyrkja í Sýrland, frumvarp um peningaþvætti sem afgreitt var með hraði í þinginu, Hringborðsumræður um Norðurslóðir og álitaefni þeim tengd og frumvarp Katrínar Jakobsdóttur forsætisráðherra um bætur fyrir sýknaða sakborninga í Guðmundar- og Geirfinnsmálum.

Umsjón: Bergsteinn Sigurðsson

Tæknimaður: Mark Eldred

Gestir Vikulokanna voru Drífa Snædal, forseti ASÍ, Þórður Snær Júlíusson, ritstjóri Kjarnans, og Pétur Óskarsson, framkvæmdastjóri ferðaþjónustufyrirtækisins Katla DMI. Fjallað var um vandræða fjárfestingasjóðsins Gamma, samdrátt á byggingamarkaði, uppbyggingu samgöngukerfisins, stöðu ferðaþjónustunnar og lækkun stýrivaxta.

Gestir þáttarins eru Berglind Svavarsdóttir, formaður Lögmannafélags Íslands, Bjarkey Olsen Gunnarsdóttir þingmaður VG og Guðmundur Andri Thorsson þingmaður Samfylkingarinnar. Rætt var um málefni Ríkislögreglustjóra og áhrif á löggæsluna, bótakröfur vegna Guðmundar- og Geirfinnsmáls og afstöðu Ríkislögmanns, uppsagnahrinu vikunnar og horfur í efnahagsmálum og loks tæpt á samgöngumálum í höfuðborginni í ljósi samkomulags um samgöngubætur og loftslagsmál.

Umsjón: Anna Kristín Jónsdóttir

Tæknimaður í Efstaleiti: Ragnar Gunnarsson, Tæknimaður á Akureyri: Björgvin Kolbeinsson

Gestir þáttarins voru Sóley Tómasdóttir, ráðgjafi í jafnréttismálum, Jón Gunnarsson, þingmaður og ritari Sjálfstæðisflokksins, Flosi Eiríksson, framkvæmdastjóri Starfsgreinasambandsins, og Þorbjörg Sigríður Gunnlaugsdóttir, varaþingmaður Viðreisnar. Rætt var um alþjóðlega ráðstefnu um #metoo og áhrif hreyfingarinnar, samkomulag ríkis og sveitarfélaga um samgönguuppbyggingu á höfuðborgarsvæðinu sem verði að hluta greidd með veggjöldum og synjun ríkislögmanns á kröfu Guðjóns Skarphéðinssonar, sem sýknaður var í Guðmundar- og Geirfinnsmálinu.

Umsjón: Bergsteinn Sigurðsson

Tæknimaður: Mark Eldred