Vikulokin

Gestir þáttarins voru Kolbrún Halldórsdóttir, leikstjóri og fyrrverandi umhverfisráðherra, Guðrún Hafsteinsdóttir, formaður Samtaka iðnaðarins, og Óskar Steinn Jónínuson Ómarsson, leikskólastarfsmaður og varaforseti Ungra jafnaðarmanna. Rætt var um Óskarsverðlaun Hildar Guðnadóttur, óvissu um starfsemi álvers Rio Tinto í Hafnarfirði, kjaramál og verkfallsaðgerðir, kólnun í hagkerfinu, leiðir til að sporna við því og hlutverk nýsköpunar.

Umsjón: Bergsteinn Sigurðsson

Tæknimaður: Mark Eldred

Gestir þáttarins voru Anna Margrét Ólafsdóttir, leikskólastjóri á Nóaborg, Dagný Ósk Aradóttir Pind, lögfræðingur BSRB, og Vilhjálmur Egilsson, fráfarandi rektor Háskólans á Bifröst. Rætt var um kjaraviðræður Eflingar og BSRB og yfirvofandi verkfall, málefni hælisleitenda eftir að brottvísun fjölskyldu sjö ára drengs var afstýrt, útbreiðslu 2019-kórónavírussins, kólnun í hagkerfinu og hugmyndir um sölu á Íslandsbanka.

Umsjón: Bergsteinn Sigurðsson

Tæknimaður: Magnús Þorsteinn Magnússon

Bryndís Sigurðardóttir, smitsjúkdómalæknir á Landspítalanum, Guðbjörg Pálsdóttir, formaður Félags íslenskra hjúkrunarfræðinga og Otti Rafn Sigmarsson, varaformaður Landsbjargar og félagi í björgunarsveitinni Þorbirni voru gestir í vikulokin. Rætt var um óvissustig í Grindavík vegna landriss og skjálftavirkni, áhrif á íbua og álag á björgunarsveitir; Wuhan-veirusmit, varnir og viðbrögð og kjaramál.

Umsjón: Anna Kristín Jónsdóttir

Tæknimaður: Ragnar Gunnarsson

Gestir Vikulokanna voru Ásta Stefánsdóttir, sveitarstjóri í Bláskógabyggð og fyrrverandi bæjarstjóri í Árborg, Viðar Þorsteinsson, framkvæmdastjóri Eflingar, og Þröstur Ólafsson, hagfræðingur og fyrrverandi framkvæmdastjóri Dagsbrúnar. Rætt var um kjaradeilu Eflingar og Reykjavíkurborgar en kosning um hvort ráðist eigi í verkfallsaðgerðir stendur yfir hjá Eflingu, kjör borgarstarfsfólks, styttingu opnunar leikskóla í Reykjavík og áform umhverfisráðherra um stofnun hálendisþjóðgarð.

Umsjón: Bergsteinn Sigurðsson

Tæknimaður: Mark Eldred.

Vikulokin voru send út frá Gunnukaffi á Flateyri, þar sem mannbjörg varð í þegar snjóflóð féll fyrir ofan bæinn fyrr í vikunni og olli stórtjóni. Rætt var við þau Guðmund Gunnarsson, bæjarstjóra Ísafjarðarbæjar, Gylfa Ólafsson, forstöðumann Heilbrigðisstofnunar Vestfjarða og Steinunni Guðnýju Einarsdóttur, gæðastjóra og íbúa á Flateyri.

Umsjón: Sigríður Dögg Auðunsdóttir

Tæknimaður: Jóhannes Jónsson

Gestir þáttarins voru Gunnar Smári Egilsson, blaðamaður og einn stofnanda Sósíalistaflokksins, Ólína Kjerúlf Þorvarðardóttir, þjóðfræðingur og fyrrverandi þingmaður Samfylkingarinnar, og Teitur Björn Einarsson, lögfræðingur og varaþingmaður Sjálfstæðisflokksins. Rætt var um ferðamenn í lífshættu á Langjökli, bætur sem ríkið greiddi Ólínu Þorvarðardóttur eftir að Þingvallanefnd braut jafnréttislög við ráðningu þjóðgarðsvarðar, loðnuleit og fundarhöld Gunnars Smára og Ögmundar Jónassonar um kvótakerfið og álag á Landspítalanum.

Umsjón: Bergsteinn Sigurðsson

Tæknimaður: Ragnar Gunnarsson

Gestir þáttarins voru Davíð Stefánsson, ritstjóri Fréttablaðsins, Margrét Jónsdóttir Njarðvík, nýráðin rektor Háskólans á Bifröst, og Una Sighvatsdóttir, starfsmaður Nato í Georgíu. Þau ræddu stríðshættu í Miðausturlöndum eftir að Bandaríkjamenn réðu æðsta herforingja Íran af dögum, hamfarir af völdum skógarelda í Ástralíu, skýrslu greiningardeildar ríkislögreglustjóra um afleiðingar loftslagsváar á Íslandi, auk þess sem gestir spáðu í spilin fyrir komandi ár.

Umsjón: Bergsteinn Sigurðsson

Tæknimaður: Mark Eldred

Gestir þáttarins voru Andrés Magnússon blaðamaður, Kristján B. Jónasson útgefandi og Þóra Kristín Ásgeirsdóttir, upplýsingafulltrúi Íslenskrar erfðagreiningar. Farið var yfir ýmist af helstu fréttamálum ársins sem leið.

Umsjón: Bergsteinn Sigurðsson

Tæknimaður: Magnús Þorsteinn Magnússon

Aftakaveðrið og það sem því fylgdi, rafmagnsöryggi á landsbyggðinni, tryggingar, skarður hlutur kvenna í stjórnendastöðum fyrirtækja í jafnréttisparadísinni Íslandi, Brexit, ákærur á hendur Donald Trump, stuðningur þess opinbera við fjölmiðla og fjölmiðlafrumvarpið sem lagt var fram undir þinghlé var meðal þess sem þau Eíríkur Bergmann Einarsson prófessor á Bifröst, Heiðdís Lilja Magnúsdóttir, lögfræðingur hjá Fjölmiðlanefnd og Hulda Ragnheiður Árnadóttir, framkvæmdastjóri Náttúruhamfaratryggingar Íslands og formaður Félags kvenna í atvinnulífinu ræddu um í þættinum.

Umsjón: Anna Kristín Jónsdóttir.

Tæknimaður: Ragnar Gunnarsson.