Vikulokin

Gestir þáttarins voru Sigríður Andersen, þingmaður Sjálfstæðisflokksins og formaður utanríkismálanefndar, Rósa Björk Brynjólfsdóttir, þingmaður Vinstri grænna, og Björn Leví Gunnarsson, þingmaður Pírata. Rætt var um innrás Tyrkja í Sýrland, frumvarp um peningaþvætti sem afgreitt var með hraði í þinginu, Hringborðsumræður um Norðurslóðir og álitaefni þeim tengd og frumvarp Katrínar Jakobsdóttur forsætisráðherra um bætur fyrir sýknaða sakborninga í Guðmundar- og Geirfinnsmálum.

Umsjón: Bergsteinn Sigurðsson

Tæknimaður: Mark Eldred

Gestir Vikulokanna voru Drífa Snædal, forseti ASÍ, Þórður Snær Júlíusson, ritstjóri Kjarnans, og Pétur Óskarsson, framkvæmdastjóri ferðaþjónustufyrirtækisins Katla DMI. Fjallað var um vandræða fjárfestingasjóðsins Gamma, samdrátt á byggingamarkaði, uppbyggingu samgöngukerfisins, stöðu ferðaþjónustunnar og lækkun stýrivaxta.

Gestir þáttarins eru Berglind Svavarsdóttir, formaður Lögmannafélags Íslands, Bjarkey Olsen Gunnarsdóttir þingmaður VG og Guðmundur Andri Thorsson þingmaður Samfylkingarinnar. Rætt var um málefni Ríkislögreglustjóra og áhrif á löggæsluna, bótakröfur vegna Guðmundar- og Geirfinnsmáls og afstöðu Ríkislögmanns, uppsagnahrinu vikunnar og horfur í efnahagsmálum og loks tæpt á samgöngumálum í höfuðborginni í ljósi samkomulags um samgöngubætur og loftslagsmál.

Umsjón: Anna Kristín Jónsdóttir

Tæknimaður í Efstaleiti: Ragnar Gunnarsson, Tæknimaður á Akureyri: Björgvin Kolbeinsson

Gestir þáttarins voru Sóley Tómasdóttir, ráðgjafi í jafnréttismálum, Jón Gunnarsson, þingmaður og ritari Sjálfstæðisflokksins, Flosi Eiríksson, framkvæmdastjóri Starfsgreinasambandsins, og Þorbjörg Sigríður Gunnlaugsdóttir, varaþingmaður Viðreisnar. Rætt var um alþjóðlega ráðstefnu um #metoo og áhrif hreyfingarinnar, samkomulag ríkis og sveitarfélaga um samgönguuppbyggingu á höfuðborgarsvæðinu sem verði að hluta greidd með veggjöldum og synjun ríkislögmanns á kröfu Guðjóns Skarphéðinssonar, sem sýknaður var í Guðmundar- og Geirfinnsmálinu.

Umsjón: Bergsteinn Sigurðsson

Tæknimaður: Mark Eldred

Gestir þáttarins voru þingmennirnir Bryndís Haraldsdóttir, Sjálfstæðisflokki, Logi Einarsson, Samfylkingu, Ólafur Ísleifsson, Miðflokki, og Steinunn Þóra Árnadóttir, Vinstri grænum. Rætt var um fjárlagafrumvarpið og forgangsröðun þess, framlög til loftslagsmála, veggjöld og borgarlínu og þingveturinn framundan.

Umsjón: Bergsteinn Sigurðsson

Tæknimaður: Magnús Þorsteinn Magnússon

Í þættinum var byrjað á að ræða við Áslaugu Örnu Sigurbjörnsdóttur, sem er nýtekin við embætti dómsmálaráðherra. Síðar í þættinum var rætt við Höllu Gunnarsdóttur, ráðgjafa forsætisráðherra, Borgar Þór Einarsson, aðstoðarmann utanríkisráðherra, og Kristján Guy Burgess alþjóðastjórnmálafræðing, um Íslandsheimsókn Mike Pence, varaforseta Bandaríkjanna, utanríkisstefnu Íslands, samskipti við Kína og Brexit.

Umsjón: Bergsteinn Sigurðsson

Tæknimaður: Ragnar Guðmundur Gunnarsson

Gestir þáttarins voru Áslaug María Friðriksdóttir, sérfræðingur hjá Sjá og fyrrverandi borgarfulltrúi, Eyrún Magnúsdóttir, framkvæmdastjóri Kjarnans, Pétur G. Markan, samskiptastjóri Biskupsstofu og Ragnar Þór Pétursson, formaður Kennarasambands Íslands. Rætt var um umræðu um skólamötuneyti, myglu í skólum og skólamál almennt, loftslagsvá og mótmæli Grétu Thunberg fyrir framan höfuðstöðvar Sameinuðu þjóðanna.

Umsjón: Bergsteinn Sigurðsson

Tæknistjórn: Mark Eldred.

Aldís Hafsteinsdóttir, bæjarstjóri í Hveragerði og formaður Sambands íslenskra sveitarfélaga, Kristinn Schram dósent í þjóðfræði við Háskóla Íslands og Sonja Ýr Þorbergsdóttir formaður BSRB sem gegnir formennsku í Norræna verkalýðssambandinu ræddu um Grænland og áhuga Bandaríkjaforseta á að kaupa það, stöðu Grænlendinga gagnvart Danmörku, komu Mikes Pence, varaforseta Bandaríkjanna til Íslands og það að Katrín Jakobsdóttir forsætisráðherra verður ekki á landinu þegar hann kemur, kjaramál, styttingu vinnuvikunnar og sameiningu sveitarfélaga.

Umsjón: Anna Kristín Jónsdóttir

Tæknimaður: Lydía Grétarsdóttir

Samgöngumál, Gleðigöngu, 3. orkupakkann og heimsóknir Mikes Pence, varaforseta Bandaríkjanna og Angelu Merkel, kanslara Þýskalands bar á góma hjá Degi B. Eggertssyni, borgarstjóra (S) , Jóni Gunnarssyni þingmanni (D) og Þorbjörgu Þorvaldsdóttur, formanni Samtakanna ´78.

Umsjón: Anna Kristín Jónsdóttir

Tæknimaður: Hrafnkell Sigurðsson