Shirin 'Duniyar Wasanni' na wannan makon, ya yada zango ne a jihar Bauchi don waiwaye kan yadda wasannin motsa jikin da aka shirya a tsakanin ma'aikatu da hukumomin gwamnati ya gudana.

Kasar Spain ce ta lashe kofi gasa kwallon yashi na Copa Lagos na shekarar 2017 da ta gudana a EKO ATLANTIC city da ke Lagos.

Wannan dai ne karo na farko da kungiyar kasar Spain ta lashe irin wannan kofi bayan da ta doke takwararta ta Najeriya Super Sand Eagles da ci 6 da 5.

Shirin duniyar wasanni na wannan makon tare da Abdurrahman Gambo Ahmad ya tattauna ne game da gasar share-fagen shiga kakar wasanni da aka gudanar a jihar Kano da ke Najeriya. Manyan kungiyoyin da ke buga gasar firimiya ne suka fafata da juna, in da Kano Pillars mai masaukin baki ta yi nasarar lashe kofi. Kungiyoyin sun ce, sun shiga gasar ne don kintsawa babbar gasar firimiya mai zuwa.

A yau shirin duniyar wasannin zai maida hankali ne akan sabon tsari ko gyaran fuskan da aka kawowa gasar yan rukuni na daya na kwallon kafa a Jamhuriyar Nijar.

Hukumar kwallon kafa Jamhuriyar Nijar Fenifoot ta tsaida ranar 22 ga wannan wata na Disemba ne za a koma kwambala ta kasa bayan kammala kakar bara, sai dai maimakon kungiyoyi 14 kamar yadda aka saba, a wannan karo Ligue Airtel ta Nijar za ta koma 16, daga cikin kungiyoyin da suka samu hawa rukunin na farko akwai, Espoir ta Damagaram sai kuma kulob daya na Doso da zai fito bayan karawa tsakanin Tagur da Entente.

Shirin duniyar wasanni na wanna makon tare da Abdurrahma Gambo Ahmad ya tattauna ne game da jadawalin kasashen duniya 32 da za su fafata a gasar cin kofin duniya a Rasha a badi. Shirin ya tattauna da Hukumar Kwallon Kafar Najeriya wadda ta bayyana irin kintsawarta don ganin cewa ta kai ga gaci a gasar, yayin da hukumar ta NFF ta ce, a wannan karo za ta kawo kofin Najeriya.

Shirin duniyar wasanni tare da Abdurrahman Gambo Ahmed ya dubi tagomashi da bunkasar damben gargajiya a Najeriya dama nahiyar Afirka baki daya.

Shirin duniyar wasanni tare da Abdurrahman Gambo Ahmed ya kai ziyarar ne jihar Kano da ke tarayyar Najeriya domin duba yadda ake gudanar da babban gasar wasan Tennis ta kasa wanda shine mafi girma a Najeriya.

A wannan mako shirin Duniyar wasanni ya mayar da hankali ne kan rashin shigar mata cikin wasannin motsa jiki a kasar Hausa.

‘Daya daga cikin wasannin gargajiya da suka samu karbuwa a wajen jama’a  a Nigeriya shi ne wasan Langa.Babban abinda kan burge mutane  tare da jan hankalinsu game da wasan na Langa shi ne yadda dan wasa kan rike kafarsa daya tare da gudu bisa kafarsa daya.Wasan Langa, ya samo asali ne daga irin wasannin da yara kan yi, kafin daga bisani wasan ya samu daukaka.

Abdoulaye Issa  a cikin shirin Duniyar wasannin ya duba mana yanayin wasar Langa.

Bisa nasarar samun tikitin zuwa gasar cin kofin duniya da za a gudanar a Rasha a shekara mai zuwa,yan Najeriya da dama ne yanzu haka ke ci gaba da yaba wa hukumomin kasar duk da irin matsallolin da wannan kungiya ta fuskanta  a baya.

Ministan wasanni Solomon Dalung  ya sheidawa Bashir Ibrahim Idris a cikin shirin Duniyar Wasanni cewa sun  shirya domin samun nasarori a gasar ta Rasha.