Op där enger Säit Kanner, déi um Ufank vun hirem Liewe stinn an Dag fir Dag bäiléieren. Op där anerer Säit eeler Mënsche mat vill Liewenserfarung a Wëssen, dat si gäre weiderginn. Dat ass u sech d’Basis vum Projet "Super Senioren" vun der ASBL MEC (Mouvement pour l’égalité des chances pour tous).

Eeler Mënschen hëllefe Kanner bei den Aufgaben, oder wa si an der Schoul Problemer hunn. Kanner kréien esou gehollef an eeler Mënsche kréien d’Gefill, datt si nach gebraucht ginn.

De Jean Claude Majerus ënnerhält sech mat de Responsabele vun der ASBL a vum Projet Super Senioren.