An der Moyenne leien d'Visiteurszuele vun der Villa Vauban, am Stater Parc, bei 25.000 d'Joer; duerch Corona ware se allerdéngs an de Keller gefall, mee 2022 goufen 31.000 Entréeë gezielt! Dowéinst um Enn vum Joer e Merci un de Public? D'Ekipp invitéiert all Zäit aktuell op d'Konscht-Expo "Wëllkomm an der Villa". Si presentéiere Molereien, mee och Skulpturen a Fotoen, Coups de Coeuren aus den dräi Villa-Sammlungen, déi vun neien Acquisitiounen an Donatiounen aus de leschte Joren ergänzt ginn. D'Kerstin Thalau war d'Ausstellung mat der Villa-Vauban-Konschtrestauratrice Gisèle Reuter kucken.