De Fotograf a Schauspiller Conny Scheel ass den 3. September mat 67 Joer, no laanger Krankheet, gestuerwen. Bekannt gi war de Conny Scheel duerch seng Rollen an den Andy-Bausch-Filmer, zum Beispill als Konrad Wackernagel nieft dem Johnny Chicago, alias Thierry van Werveke, am "Troublemaker". Hien huet awer och déi éischt Kënschtlergewerkschaft zu Lëtzebuerg mat gegrënnt, déi mat villen Héichten an Déifte sechs Joer iwwerlieft hat. D'Kerstin Thalau hat de Conny Scheel 2018, wéi hie just an d'Bretagne ausgewandert war, gefrot, wéi hien déi aktuell Kulturpolitik an de Kënschtlerengagement zu Lëtzebuerg aschätze géif.