Automag

De Cadillac CT6 steet schonn zënter knapp zwee Joer am Buttek. Elo huet en sech endlech an den RTL Autotest getraut. Dobäi gëtt et guer kee Grond, esou zeréckhalend ze sinn. De groussen Amerikaner wier näämlech duerchaus eng interessant Alternativ zu den däitsche Premium-Marquen, mengt de Serge Pauly.

De Cadillac CT6 steet schonn zënter knapp zwee Joer am Buttek. Elo huet en sech endlech an den RTL Autotest getraut. Dobäi gëtt et guer kee Grond, esou zeréckhalend ze sinn. De groussen Amerikaner wier näämlech duerchaus eng interessant Alternativ zu den däitsche Premium-Marquen, mengt de Serge Pauly.

USO: Verschidden Autosmodeller schéngen éiweg ze liewen – de Mercedes G ass een dovunner. D’Mammenhaus denkt nach laang net drun fir hiren urtypesche Gelännwon an d’Pensioun ze schécken – au contraire, de Paul Origer hat elo déi neiste Versioun am Test!

Paul, an dat war eng Rees mat der Zäitmaschinn?
Esou kann een et nennen, ech géing éischter nach soen; Retro meets Future. De Mercedes G-Modell huet 1979 d’Liicht vun der Welt erbléckt – feiert also dëst Joer säi 40te Gebuertsdag – an en huet séng Grondzich bis haut behalen. Sief et d’Carrosserie mat de quasi senkrechte Fensteren an deene quadrateschen Diren mat deem typesche Klang wann ee se zoumécht, d’Dirgrëffer, dat separat Reserverad hannen grad ewéi déi ronn Pharen an déi robust Baguette ronderem. An all deene Joeren huet Mercedes emmer nees um G-Modell gefeilt ouni awer de Kär ze änneren.

Um Joergang 2018 dann awer méi wéi just liichte MakeUp?
Ganz kloer, opfälleg sinn déi gréisser Ännerungen um Geliits; och de G-Modell klëmmt ëm op LED-Technik; bei de Pharen ginn et elo optional Multibeam LED déi den Oppräis vu 1500 Euro absolut wäert sinn. Soss gouf d’Karosserie mat hiren Ubaudeeler nach optesch ugepasst. Bannendran ass dann de groussen Aha-Effekt; den Tableau start mam optionale Widescreen-Cockpit an déi digital Welt, all erdenklech Confort-Features wéi dynamesch Sëtzer mat Massage, Heizung a Lüftung, eng Burmester-Audioanlag an eng ganz Rëtsch Assistenzsystemer hu se dem Oldie spendéiert.

Also vill neies un engem 40 Joer alen Auto? Och e bësse méi radikal Ännerungen?
Jo, dat kann een esou soen an dat spiert een och wann een eraklëmmt; de G ass nämlech gewuess. 5 cm méi laang an 12 cm méi breet; en ass domat nach emmer kee Raumwonner mee d’Raumgefill ass duerch deen héighen Daach souwisou nach emmer exzellent, hei an do ginn et dann nach e puer cm méi Raum fir Been, Ielebéi a Schëlleren. Behalen huet en déi extrem héich Sëtzpositioun; wéi ee Kinnék trount een am G iwwert dem Verkéier. Wou awer richteg vill geschafft gouf, dat ass um Fuerwierk. Wësse muss ee jo dat de G-Modell ee wäschechte Gelännwon ass; mat richtegem Chassis, Allrad, Differenzialspären a Redukterboîte. An dat et scho bal eng Schan ass dat ech en nëmmen iwwert d’Autobunn bis a Bayern an iwwer Koblenz nees zeréck gefuer sinn amplaz esou richteg an d’Gelänn ze goen. Mee dat neit Fuerwierk mat elo Eeenzelradophänk vir, huet em effektiv méi Kalitéiten ausserhalb vu Bulli a Geröll bruecht; e läit roueg op der Strooss a mécht bis op de Wand quasi null Fuergeräischer. D’Karrosserie wankt manner wéi fréiher, d’Steierung huet u Präzisioun gewonnen, den Auto ass erstaunlech handlech ginn, léisst sech esouguer gutt duerch d’Kéiere joen an dréckt héchstens mol iwwert déi viischt Rieder. Déi verschidde Fuermodi misst ech elo net hunn; Eco ass e Witz wëll et net vill bréngt, Sport fannen ech fir esou e Gelänndinosaurier souwisou Mumpitz wëll e behällt séng 2,4 Tonne Gewiicht grad esou wéi d’Aerodynamik vun engem Eefamilljenhaus.

Also een Auto un deen een anescht erugoe muss!
Genee! De G ass nämlech iwwerlieft; extrem schwéier, extrem héich dat ee bei all Tiefgarage zidderen a fir eranzeklammen eng gewësse Fitness opbrénge muss, extrem wéineg wandschnetteg an doduerch immens duuschtereg, besonnesch op der Autobunn. Mat deem topmoderne V8-Bensinner an eiser Testversioun G 500 war ënner 16 Liter näischt ze maan, bei konstant 140 rauschen am Schnëtt 18 – 20 Liter an nach méi derduerch. De G muss ee gär hunn oder et si lossen. Ech hat mech direkt an de Boller-Wummer-Sound verléift, et ass faszinant wéi déi 422 Päerd dat risegt Gefier a Beweegung versetzen an déi nei 9-Gang-Automatik d’Gäng total onopfälleg sortéiert. Et fillt een sech bannenan wéi wann ee séng Stuff mat op d’Rees géing huelen, inklusive dat Gefill vun totaler Sécher- a Gebuegenheet. A Mercedes huet et wierklech gutt fäerdeg bruecht al a modern ze kombinéieren; wann och verschidden Assistenzsystemer wéi z.B. dee vum Spuerhale system awer elo net esou gutt fonctionnéiert wéi an anere Baureihen.

Spéitstens beim Präis kritt een d’Décisioun liicht gemaach?
Esou ass et. Ob Fierschter, Entrepreneuren, Zänndokter oder einfach nëmme Fans; wann d’Zuelen um Bankkonto stëmmen, why not. Da spillen 107.000 Euro Basis oder 150.000 wéi fir eisen Testauto kee Rouleau. An no’m Verbrauch freet och keen. Ech weess dat ech mer en net leeschte kann a war frouh en nach emol fueren ze dierfen. Wëll fest steet: éiweg wäert et Ikone wéi de Mercedes G-Modell net méi ginn.

An du hues eis nees vill Fotoe vum neie Mercedes G-Modell matbruecht - ze fanne sinn déi genee wéi d'Präisser vun alle Versiounen op auto.rtl.lu

Verschidden Autosmodeller schéngen éiweg ze liewen – de Mercedes G ass een dovunner. D’Mammenhaus denkt nach laang net drun fir en an d’Pensioun ze schécken – au contraire. De Paul Origer hat elo déi neiste Versioun am Test!

Verschidden Autosmodeller schéngen éiweg ze liewen – de Mercedes G ass een dovunner. D’Mammenhaus denkt nach laang net drun fir en an d’Pensioun ze schécken – au contraire. De Paul Origer hat elo déi neiste Versioun am Test!

23/02/2019 AUTOMAG Nei Bensinnszort E10 (10h00)             P. ORIGER
USO: Et ass wahrscheinlech nach kengem opgefall mee zenter Januar 2019 gëtt et een neie Sprit op eise Pompelstatiounen, de 95er E10. Wat derhannert stécht a wat een doriwwer wësse muss, seet eis de Paul Origer.
Paul de 95 E5 gëtt et net méi, elo kënnt de 95 E10 amplaz – klär eis emol op!
De 95er kenne mer alleguer, dat war bis elo den Eurosuper bläifräi mat 95 Oktan. Bei eisen däitschen Nopere gouf et awer scho méi laang e puer Ennerkategorien; E5 an E10.

Wat heescht dat?
E steet fir Ethanol, méi genee Bioethanol an d'Zuel fir de Pourcentage vu Bioethanol an dëser Spritzort.

Esouwäit esougutt – firwat kënnt dat elo?
Hannendru stiechen EU-Richtlinnen déi virschreiwen, dat bis 2020 10% erneierbar Energien am Transportsekteur mussen erreecht ginn. Domat sollen CO2-Emissiounen an Treibhausgasen erofgoen wëll d'Produktioun vu Bioethanol manner Zäregase verursaacht.

An Däitschland gëtt et den E10 scho méi laang, do war de Start awer net esou diskret verlaf wéi bei eis?
Ma nee, iwwerhapt net. Et ass zu engem grousse Skandal ausgeart, et gouf zum Boykott vun E10 opgeruff. Engersäits wéngt emwelttechnesche Bedenken, virun allem awer och well vill al Autoen iwwerhaapt net mat deem Sprit kompatibel sinn. Deemools war den Ofsaz esou schwaach dat d'Aféierung virleefeg gestoppt gouf an den E5 am Programm bliwwen ass. Ech hat leschte Samschden beim Veteran and Vintage Car Club Lëtzebuerg nogefrot – dem Präsident Alain Friser no schéngt sech nach kee Clubmember doriwwer Gedanke gemaach ze hunn.
23/02/2019 AUTOMAG Nei Bensinnszort E10_CUT01_NetVirbereet

Du seess den E10 verdréit sech net mat alen Autoen, wat ass do dann de Problem?
Problem ass dat vill Motoren a virun allem d'Périphérie an d'Leitungen net fir esou een héighen Undeel u Bioethanol ausgeluecht sinn. Leider ass nach net all Oldtimerfan doriwwer am Bild!
23/02/2019 AUTOMAG Nei Bensinnszort E10_CUT02_ReaktiounAlainFriserVVCCL

Eppes wat eiser Emwelt eppes brénge soll an awer Nodeeler mat sech bréngt – war dat och den Ausléiser fir de Skandal bei eisen däitschen Noperen?
Do gëtt et den E10 effektiv scho méi laang; 2011 gouf mat der Aféierung ugefaang.
Den technesche Problem gouf jo schonn deelweis erkläert; Ethanol ass Alkohol an dee ka Plastiker a Gummien ugräifen, dat gëllt och fir Deeler aus Aluminium déi am System vun der Spritversuergung verbaut sinn. Ausserdem hat een Ingenieur vu BMW 2011 gewarnt dat duerch Ethanol an déi folleglech Kondensatioun méi Waasser an de Motor an an den Ueleg geréit. Ausserdem soll den Auto méi Bensinn verbrauche wëll am Ethanol 32 % manner Energie enthalen ass, esou deemols den ADAC.
Ob et der Emwelt eppes brénge soll, war deemols och staark emstridden; fir méi Ethanol musse méi Planzen ugebaut a méi Akerland erschloss ginn, respektiv Ethanol importéiert ginn. Ausserdem komme beim Ubau och nees Dünger a Pestiziden an den Asaz.

Also keen einfache Start deemols – haut huet sech dat alles awer kalméiert?
Haut héiert een effektiv näischt méi dovunn. A bei Autoen, déi fir E10 zougeloss sinn, si bis haut nach keng Schied bekannt. An et sinn haut 9 vun 10 Autoen déi E10 verdroen; Ausnahme si wierklech eeler Modeller mat an ouni Injectioun a virun allem Bensinndirektasprëtzer vun der éischter Generatioun. Als Léisung huet sech fir vill Skeptiker den 98 Oktan Bensinn erausgestallt, dee bleift nämlech ëmmer nach bei 5% Ethanol.
Fir den Alain Friser vum Veteran and Vintage Car Club Lëtzebuerg a vill aner Oldtimerfans wäert dat elo, wann d'Saison nees ugeet, déi eenzeg a sécher Alternativ sinn.
23/02/2019 AUTOMAG Nei Bensinnszort E10_CUT03_Alternativ98Oktan

OFSO: An et kann een sech natierlech online informéieren ob säin Auto mat E10 kompatibel ass; op e10.lu ginn et all déi néideg Informatiounen.

Et ass wahrscheinlech nach kengem opgefall, mä zënter Januar 2019 gëtt et een neie Sprit op eise Pompelstatiounen, de 95er E10.
De 95er kenne mer alleguer, dat war bis elo den Eurosuper bläifräi mat 95 Oktan. Bei eisen däitschen Nopere gouf et awer scho méi laang e puer Ënnerkategorien: E5 an E10. De Paul Origer kläert eis op.

Et ass wahrscheinlech nach kengem opgefall, mä zënter Januar 2019 gëtt et een neie Sprit op eise Pompelstatiounen, de 95er E10.
De 95er kenne mer alleguer, dat war bis elo den Eurosuper bläifräi mat 95 Oktan. Bei eisen däitschen Nopere gouf et awer scho méi laang e puer Ënnerkategorien: E5 an E10. De Paul Origer kläert eis op.

Paul, de ProCeed war jo soss emmer déi méi sportlech ugehauchte Versioun mat 3 Dieren, dat ass awer elo net méi esou?

Nee, d’Segment vun den 3-dierege Kompakten ass an de leschte Jore massiv agebrach. Zougeholl huet awer de Kombi. De But vu Kia war et mat der dretter Karosserie eppes extras an de Programm ze kréien, ähnlech wéi mam Kia Stinger. An dofir goufe Coupé a Kombi gekräizt - Resultat ass ee Shooting Brake. An dobäi och nach deen eenzegen a sénger Kategorie wa mer vum heemleche Virbild, dem Mercedes CLA Shooting Brake emol ofgesinn. Dee klasséiert sech nämlech bei de Premium Kompakten.

Also éischter en Auto mat ästhetescher Vokatioun?

Esou kanns de et och nennen. An et ass Kia no och dat, wat hir Clienten wellen. De ProCeed ass och wierklech chic, am beschte vun der Säit a vun hannen, engersäits duerch dat breed Luuchteband um Mallendeckel, virun allem awer wéngt der duerchgezunnener Daachlinn am Coupé-Stil. Ouni dat engem bannen de Plafong op de Kapp fält - esouguer mat 2 Meter setzt et sech hanne wéi vir gutt esoulaang kee Panoramadaach verbaut ass. Eenzeg de Foussraum an der zweeter Reih ass e besse knapp. Och bei der Iwwersiicht muss de sexy Kia Plomme loossen; no hannen eraus ass d’Vue net terribel, d’Réckfuerkamera ass also net vu Muttwell. Idem beim Gepäck wou ee muss Kompromesser agoen; zwar schléckt de ProCeed uerdentlech 594 Liter an domat 100 méi wéi den CLA, dee schiefen Deckel erlabt awer keng besonnesch héich Gepäckstécker.

Woumat mer nees bei der Vokatioun wieren: vläicht wëll oder soll de ProCeed-Fuerer jo och keng Wäschmaschinn transportéieren?

Genee dat koum och esou vu Kia eriwwer. De ProCeed soll virun allem schéin unzekucke sinn a Spaass beim Fuere maachen; dofir läit hee scho mol zimlech déif, als GT nach emol 10 mm manner a gett just mat staarke Motore geliwwert. An der Topversioun GT ass dat de 1600er Turbo mat 204 PS. Eng dréihfreedeg Maschinn, am Sport-Modus och richteg potent, just deen elektronesch gepimpten Auspuffsound misst net sinn. Déi manuell 6-Gang-Boite ass knackeg a liichtgängeg mee de Summum ass d’Fuerwierk. De Shooting Brake läit sat a sécher, follegt op all Kommando ouni de Popometer a Panik ze versetzen. Kee Wonner, dee selwechten Ingenieur deen de Hyundai i30N ofgestemmt huet, huet sech och em de ProCeed gekemmert an och desen iwwert d’Nordschleife an d’Äifeler Landstroosse gejot. Virun allem d’Steierung ass matdeelsam a schéin direkt - eng Top-Spaassmaschinn déi ech mer net erwaart hätt. Just d’Setzpositioun ass mer ze héich an den intérieur mat vill schwaarzem Plastik e bessen trist.

Also ee gudde Score fir de ProCeed deen dem Mercedes CLA wëll Paroli bidden. Kann hien dat dann?

Präislech schonn emol sécher. Bei ronn 29.000 start de ProCeed als GT Line mat 120 PS an uerdentlech ausstafféiert - dee scho gutt motoriséierten 1.4 Turbo ass mat 140 Päerd déi gelle Mett a kascht just en Dausender méi. Spille Sue keng Roll, da kraatzt de GT a vollem Ornat un der 40.000er Marque. Fir deen Tarif feelt dann awer e bessen de Premium-Androck bannenan. Ob engem dat egal oder déi 1000 Euro Supplément zum Kombi derwäert ass, muss ee selwer décidéieren. No’m Stinger ass et fir mech op jidde Fall dee schéinste Koreaner dee bis elo lancéiert gouf an eng wellkomm Alternativ zum SUV-Hype.

An ze kucke gett et den neue Kia ProCeed natirlech och. Dem Paul séng Fotoe an d’Präisser fannt der op auto.rtl.lu.

De 5-Dierer an d’Kombiversioun Sports Wagon haten den Ufank gemaach, elo start beim Kia ProCeed déi drëtt Karosserievariant. De Paul Origer war fir eis zu Barcelona bei der Presentatioun derbäi.