ព្រឹត្តិការណ៍កម្ពុជាប្រចាំថ្ងៃ

By RFI ខេមរភាសា / Khmer

ព្រឹត្តិការណ៍កម្ពុជាប្រចាំថ្ងៃ episodes

July 13, 2023 តើការបញ្ចេញរថយន្តរដ្ឋដឹកកម្មករទៅបោះឆ្នោតជាការទិញសន្លឹកឆ្នោតឬទេ?
ប្រមុខរដ្ឋាភិបាលកម្ពុជាបានបញ្ជាឲ្យអាជ្ញាធរបញ្ចេញរថយន្តក្រុងជាង៣០០គ្រឿងដើម្បីកម្មករទៅបោះឆ្នោតនៅថ្ងៃទី២៣កក្កដា។ នេះជាករណីកម្រមួយដែលរដ្ឋាភិបាលជួយសម្រួលការធ្វើដំណើររបស់កម្មករឲ្យបានទៅបោះឆ្នោត។ អ្នកឃ្លាំមើលការបោះឆ្នោត លើកឡើងថា ការប្រើមធ្យោបាយរដ្ឋដឹកអ្នកទៅបោះឆ្នោតមិនខុសច្បាប់ទេនោះទេ ប៉ុន្តែ ខុសច្បាប់ប្រសិនបើរកឃើញថា ការប្រើមធ្យោបាយសាធារណៈបែបនេះដើម្បីដឹកតែអ្នកទៅបោះឆ្នោតឲ្យគណបក្សណាមួយនោះ។
12 min
July 12, 2023 តើសន្លឹកឆ្នោតមិនបានការច្រើនអាចជះឥទ្ធិពលដល់ការបោះឆ្នោតនៅកម្ពុជាទេ?
ជាការកត់សម្គាល់ ចាប់តាំងពីគណបក្សភ្លើងទៀន ដែលជាគណបក្សប្រឆាំងធំមួយនៅក្នុងការបោះឆ្នោតជ្រើសតាំងតំណាងរាស្ត្រនីតិកាលទី៧ក្នុងប្រទេសកម្ពុជា ត្រូវបានផាត់ចោលក្រោមហេតុផលខ្វះឯកសារ ភាពចម្រូងចម្រាសរវាងការជំរុញឲ្យទៅបោះឆ្នោត និងការរារាំងទៅបោះឆ្នោត ឬជំរុញទៅបោះឆ្នោតដែរដោយគូសសន្លឹកឆ្នោតចោលបានកើតមានឡើងជាហូរហែរ។ ការប្រទាញប្រទង់គ្នារវាងសញ្ញាខ្វែង(X) និងសញ្ញាគ្រីស(√) បានបន្តកាន់តែខ្លាំងឡើងៗ តាមរយៈការផ្សព្វផ្សាយរបស់សកម្មជនប្រឆាំងនៅក្រៅប្រទេសលើបណ្តាញសង្គម ខណៈគណៈកម្មាធិការជាតិរៀបចំការបោះឆ្នោត(គ.ជ.ប) ចេញការព្រមានដាក់ទោស និងពិន័យដល់អ្នកញុះញង់។
13 min
July 11, 2023 តើការអំពាវនាវរបស់កម្ពុជាកុំប្រើគ្រាប់បែកចង្កោមក្នុងសង្គ្រាមអ៊ុយក្រែនមានទម្ងន់កម្រិតណា?
ប្រទេសកម្ពុជា បានអំពាវនាវដល់ប្រធានាធិបតីអាមេរិកដែលជាអ្នកផ្តល់ និងប្រធានាធិបតីអ៊ុយក្រែនដែលជាអ្នកទទួលកុំប្រើប្រាស់គ្រាប់បែកចង្កោមក្នុងសង្រ្គាមជាមួយរុស្ស៊ី ដោយចាត់ទុកថា អ្នករងគ្រោះពិតប្រាកដគឺប្រជាជនអ៊ុយក្រែនតែម្តង។នេះបើតាម លោក ហ៊ុន សែន។ ការអំពាវនាវនេះ គឺដោយសារតែសហរដ្ឋអាមេរិកនឹងផ្តល់គ្រាប់បែកចង្កោមឲ្យទៅអ៊ុយក្រែនដើម្បីប្រយុទ្ធជាមួយកងទ័ពរុស្ស៊ី។ តើសារអំពាវនាវរបស់កម្ពុជាមានទម្ងន់កម្រិតណា គ្រាដែលកម្ពុជាធ្លាប់រងគ្រោះដោយសារតែគ្រាប់បែកចង្កោមនេះកាលពីសម័យសង្គ្រាមនោះ?
10 min
July 09, 2023 តើមានការចាំបាច់យ៉ាងណាក្នុងការពន្យល់ពលរដ្ឋឲ្យចេះគូសសន្លឹកឆ្នោត?
ជាការឆ្លើយតបនឹងសភាពការណ៍ ដែលអ្នកនយោបាយប្រឆាំងក្រៅប្រទេសបានអំពាវនាវឲ្យប្រជាពលរដ្ឋទៅបោះឆ្នោតដោយគូសសន្លឹកឆ្នោតចោល លោកនាយករដ្ឋមន្ត្រី ហ៊ុន សែន បានចេញសារសំឡេងមួយដោយស្នើឲ្យមានការណែនាំដល់ប្រជាពលរដ្ឋពីការគូសឲ្យបានត្រឹមត្រូវ។ មិនថាតែសម្រាប់គណបក្សប្រជាជនកម្ពុជា លោក ហ៊ុន សែន ក៏បានស្នើឲ្យបក្សដទៃទៀត ត្រូវចេះពន្យល់ពលរដ្ឋឲ្យគូសសន្លឹក ដើម្បីឲ្យសន្លឹកឆ្នោតទាំងនោះជាសន្លឹកឆ្នោតបានការ។ តើមានការចាំបាច់យ៉ាងណាក្នុងការពន្យល់ពលរដ្ឋឲ្យចេះគូសសន្លឹកឆ្នោត?
13 min
July 08, 2023 តើជាការសក្តិសមឬទេ ដែលកម្ពុជាជាប់ជាប្រទេសមានកម្រិតសន្តិភាពមធ្យម?
ប្រទេសកម្ពុជាត្រូវបានវិទ្យាស្ថានសេដ្ឋកិច្ច និងសន្តិភាពកាលពីពេលថ្មីៗនេះ ចាត់បញ្ជូលទៅក្នុងចំណោមប្រទេស ដែលមានកម្រិតសន្តិភាពមធ្យម ដោយកម្ពុជាឈរនៅលេខរៀងទី៦ ក្នុងចំណោមប្រទេសប្រជាជាតិអាស៊ានទាំង១០ និងលេខរៀងទី៧៣ ក្នុងចំណោមប្រទេស១៦៣ នៅលើពិភពលោក។ តើកម្ពុជា ពិតជាសក្តិសមទទួលបានចំណាត់ថ្នាក់បែបនេះ ឬយ៉ាងណា?
13 min
July 07, 2023 តើជាការប្រឈមសម្រាប់សង្គមទេ នៅពេលកម្ពុជាជាប់ចំណាត់ថ្នាក់លេខ៣ខាងផឹកស្រា?
កម្ពុជាឈរនៅលេខរៀងទី៣ ដែលមានប្រជាជនផឹកស្រាច្រើនជាងគេនៅក្នុងតំបន់អាស៊ាន និងឈរនៅលេខរៀងទី៣៦ នៅលើពិភពលោក ពោលគឺប្រជាជនកម្ពុជាម្នាក់អាចផឹកស្រាបាន ២១.៧លីត្រ។ នេះបើយោងតាមរបាយការណ៍របស់ Wisevoter។ បញ្ហាផឹកស្រានេះ អ្នកជំនាញខាងវិស័យសុខាភិបាលកត់សម្គាល់ឃើញថា នៅកម្ពុជាពិតជាមានអ្នកផឹកស្រាច្រើនមែន ដែលជាចំណែកមួយបង្កឲ្យមានអំពើហិង្សា គ្រោះថ្នាក់ចរាចណ៍ និងប៉ះពាល់សុភាពជាដើម។ តែមន្រ្តីក្រសួងពាណិជ្ជកម្មវិញ ថាផលិតផលគ្រឿងស្រវឹងនេះពុំមានផលប៉ះពាល់ដូចថ្នាំជក់ ដែលប្រកាសដោយអង្គការសុខភាពពិភពលោកឡើយ។
13 min
July 06, 2023 តើកម្ពុជានឹងរងផលប៉ះពាល់យ៉ាងណា បន្ទាប់ពីហាមសមាជិកកំពូលរបស់Metaចូលកម្ពុជា?
បន្ថែមពីការបណ្តេញតំណាងក្រុមហ៊ុនMeta ឬហ្វេសប៊ុកចេញពីកម្ពុជានោះ រដ្ឋាភិបាលបានចេញបំរាមមិនឲ្យសមាជិកក្រុមប្រឹក្សារបស់ក្រុមហ៊ុនល្បីឈ្មោះមួយនេះមកជាន់ទឹកដីកម្ពុជាឡើយ។ ចំណាត់ការនេះជាការឆ្លើយតបនឹងការសម្រេចចិត្តរបស់ពួកគេក្នុងការព្យូរគណនីហ្វេសប៊ុករបស់លោក ហ៊ុន សែន។ ប៉ុន្តែសម្រាប់អ្នកវិភាគ យល់ថា ចំណាត់នេះនឹងធ្វើឲ្យកម្ពុជារងផលប៉ះពាល់អវិជ្ជមានត្រឡប់មកវិញ ខណៈសមាជិកកំពូលរបស់ក្រុមហ៊ុននេះមានឥទ្ធិពលនៅលើឆាកអន្តរជាតិ។
12 min
July 05, 2023 អ្វីទៅជាដំណោះស្រាយដើម្បីបញ្ចៀសជំនន់ទឹកភ្លៀងដ៏អាក្រក់លិចលង់ទីក្រុងភ្នំពេញ?
ភ្លៀងមួយមេធំកាលពីថ្ងៃចន្ទកំរិតជាង១០០មីលីម៉ែត្រ គឺជាវិញ្ញាសារមួយសម្រាប់អាជ្ញាធររាជធានីភ្នំពេញនៅក្នុងរដូវវស្សាឆ្នាំនេះ ដោយសារតែតំបន់មួយចំនួនដែលធ្លាប់លិចតិចៗបែជាលិចខ្លាំង ហើយតំបន់មួយចំនួនទៀតមិនដែលធ្លាប់លិចបែជាលិចលង់ផងដែរ។ អ្នកឃ្លាំមើលសង្គមតែបន្ទោសទៅលើការអភិវឌ្ឍន៍ដោយលុបបឹងធម្មជាតិ ដែលជាកន្លែងស្តុបទឹក តែអាជ្ញាធរតែងតែមានហេតុផលផ្សេងពីនេះ ខណៈដែលភ្លៀងកាលពីថ្ងៃចន្ទ ត្រូវអាជ្ញាធរពន្យល់ថាជាភ្លៀងធំមិនដែលធ្លាប់មាន ហើយអាជ្ញាធរក៏បានប្តេជ្ញារិះរកវិធីទប់ស្កាត់បាតុភូតដែលនឹងអាចកើតឡើងដុចគ្នានេះ ឬធ្ងន់ជាងនេះនៅថ្ងៃក្រោយផងដែរ។
12 min
July 04, 2023 តើកម្ពុជាខាតនិងចំណេញអ្វីខ្លះចំពោះការបណ្តេញតំណាងហ្វេសប៊ុកចេញពីកម្ពុជា?
តំណាងក្រុមហ៊ុនហ្វេសប៊ុកត្រូវបានបណ្តេញចេញពីកម្ពុជា ខណៈដែលលោក ហ៊ុន សែន ប្រកាសថាឈប់ប្រើហ្វេសប៊ុក ស្របពេលក្រុមហ៊ុននេះពិចារណាព្យូរគណនីហ្វេសរបស់នាយករដ្ឋមន្ត្រីកម្ពុជា៦ខែ។ ការបណ្តេញតំណាងក្រុមហ៊ុនMeta ចេញពីកម្ពុជា គឺត្រូវបានក្រសួងប្រៃសណីអះអាងថាមកពីភាពមិនប្រក្រតីនៃការផ្តល់សេវា ការបង្កើតគណនីក្លែងបន្លំ ខ្វះតម្លាភាព និងជ្រៀតជ្រែកផ្នែកនយោបាយជាដើម។ ក្រុមអ្នកវិភាគយល់ថា ចំណាត់ការនេះធ្វើឲ្យកម្ពុជាខាតបង់ច្រើនជាងចំណេញ។
13 min
July 03, 2023 បើកម្ពុជាបន្ទាបតម្លៃលិខិតឆ្លងដែន នឹងបានប្រយោជន៍អ្វីខ្លះមកវិញ?
ប្រទេសកម្ពុជា បន្តជាប់ចំណាត់ថ្នាក់ជាប្រទេសដែលមានលិខិតឆ្លងដែនថ្លៃជាងគេ បើធៀបជាមួយបណ្តាប្រទេសក្នុងតំបន់អាស៊ាន។ យោងតាមសេចក្តីសម្រេចរួមរបស់ក្រសួងមហាផ្ទៃ និងក្រសួងសេដ្ឋកិច្ច និងហិរញ្ញវត្ថុ តម្លៃលិខិតឆ្លងដែនសេវាធម្មតាមានតម្លៃ១០០ដុល្លារ ត្រូវរង់ចាំរយៈពេល១៥ថ្ងៃ។ ដោយឡែក សេវាឆាប់រហ័សកម្រិតមធ្យមមានតម្លៃ១៥០ដុល្លារ នឹងត្រូវរង់ចាំរយៈពេល៧ថ្ងៃ និងសេវាឆាប់រហ័សកម្រិតខ្ពស់មានតម្លៃ២០០ដុល្លាររង់ចាំរយៈពេល១ថ្ងៃ។ ជុំវិញតម្លៃលិខិតឆ្លងដែនកម្ពុជានេះ អ្នកជំនាញផ្នែកសេដ្ឋកិច្ច និងអ្នកតាមដានសង្គមចាត់ទុកថា ជាតម្លៃមួយថ្លៃ ដែលមិនអាចឱ្យពលរដ្ឋមួយចំនួនមានលទ្ធភាពទៅធ្វើបាន។ អ្នកជំនាញទាំងនេះ ស្នើឱ្យរដ្ឋាភិបាលគិតគូរត្រង់ចំណុចនេះ ឡើងវិញ ដោយកែសម្រួលតម្លៃមកនៅត្រឹមចន្លោះពី២០ដល់៤០ដុល្លារ ឬបន្ថយប្រមាណ៣០%នៃតម្លៃបច្ចុប្បន្ន។
10 min