ព្រឹត្តិការណ៍កម្ពុជាប្រចាំថ្ងៃ

By RFI ខេមរភាសា / Khmer

ព្រឹត្តិការណ៍កម្ពុជាប្រចាំថ្ងៃ episodes

July 02, 2023 អ្នកឃ្លាំមើល៖ ការឃោសនាដែលគ្មានបក្សប្រឆាំងប្រៀបដូចសម្លខ្វះគ្រឿង
នៅថ្ងៃទី១នៃការឃោសនាបោះឆ្នោត២០២៣នេះ គឺគេសង្កេតឃើញថា មានតែគណបក្សកាន់អំណាចមួយប៉ុណ្ណោះដែលមានលទ្ធភាពឃោសនា ដោយបញ្ចេញកម្លាំងឃោសនិករាប់ម៉ឺននាក់ទាំងនៅភ្នំពេញ និងតាមខេត្តមួយចំនួន។ ចំណែកគណបក្សផ្សេងទៀតខ្លះមិនឃើញមានសកម្មភាពអ្វីសោះឡើយ ខណៈគណបក្សខ្លះគ្រាន់តែដើរចែកខិតបណ្ណតាមផ្ទះ។ ក្រុមអ្នកឃ្លាំមើលកត់សំគាល់ថា ការឃោសនាបោះឆ្នោតនៅអាណត្តិនេះមិនសូវទាក់ទាញចំណាប់អារម្មណ៍ពីពលរដ្ឋខ្លាំងឡើយ គឺប្រៀបដូចនឹងសម្លខ្វះគ្រឿង។
11 min
July 01, 2023 តើរដ្ឋាភិបាលអាចបិទហ្វេសប៊ុកក្នុងប្រទេសកម្ពុជាទេ?
លោកនាយករដ្ឋមន្ត្រី ហ៊ុន សែន បានព្រមានបិទកម្មវិធីហ្វេសប៊ុកចេញពីប្រទេសកម្ពុជា ប្រសិនបើក្រុមអ្នកនយោបាយបក្សប្រឆាំងកំពុងរស់នៅក្រៅប្រទេស បន្តឌឺដងផ្លែផ្កា មកលោកជុំវិញរណីក្រុមហ៊ុនហ្វេសប៊ុកផ្អាកដំណើរការផេកផ្លូវការរបស់លោករយៈពេល៦ខែ និងជុំវិញការដែលលោកសម្រេចលុបគណនីផ្ទាល់ខ្លួនចោល។ នៅទន្ទឹមនឹងនេះ លោកនាយករដ្ឋមន្ត្រី ក៏អំពាវនាវឱ្យពលរដ្ឋងាកមកបង្កើតកម្មវិធីទូរស័ព្ទផ្សេងវិញដូចជា Telegram និងTikTok ដើម្បីទទួលបានព័ត៌មាននានាពីលោក ខណៈបច្ចុប្បន្នលោកនាយករដ្ឋមន្ត្រីក៏កំពុងប្រើប្រាស់ប្រព័ន្ធផ្សព្វផ្សាយសង្គមទាំងពីរនេះផងដែរ។ ជុំវិញរឿងនេះ អ្នកវិភាគព្រួយបាម្ភថា ពលរដ្ឋ និងអ្នកនយោបាយនានាខាតបង់ទាំងអស់គ្នា ប្រសិនបើលោកនាយករដ្ឋមន្ត្រីមិនពិចារណាឱ្យបានវែងឆ្ងាយ។
12 min
June 30, 2023 តើការប្រើTik Tok ពិតជាជួយលោក ហ៊ុន សែន កើនប្រជាប្រិយភាពបន្ថែមទៀតឬ?
ប្រមុខរដ្ឋាភិបាលកម្ពុជាលោក ហ៊ុន សែន បានចាប់ផ្តើមប្រើបណ្តាញសង្គមទិកទុក (Tik Tok) ដែលមានអ្នកចូលរួមជាង១ម៉ឺននាក់។ ក៏ប៉ុន្តែដំណាលគ្នានេះ មានគណនីទិកទុក ដែលប្រើឈ្មោះលោករួចទៅហើយ ដែលមានអ្នកចូលរួមជាង៣០ម៉ឺននាក់ និងមានអ្នកចូលចិត្តជាង៤លាននាក់។ លោកនាយករដ្ឋមន្ត្រីក៏បានអំពាវនាវឲ្យម្ចាស់គណនីទិកទុកដែលបានដាក់ឈ្មោះលោក ចូលរួមជាមួយលោកដោយផ្តល់តួនាទីជាជំនួយការ ហើយបន្តគ្រប់គ្រងបណ្តាញសង្គមទិកទុកដែលមានឈ្មោះលោកជាបន្តទៀត។
12 min
June 29, 2023 តើបក្សកាន់អំណាចនឹងបានចំណេញសន្លឹកឆ្នោតពីរឿង«អរិភាព»នៅព្រំដែនទៀតទេ?
កាលពីការបោះឆ្នោត២០០៨ គណបក្សកាន់អំណាចរបស់លោក ហ៊ុន សែន បានឈ្នះសន្លឹកឆ្នោតធ្លូកទឹកធ្លូកដី គ្រាដែលមានបញ្ហានៅប្រាសាទព្រះវិហារ។ នៅចុងឆ្នាំ២០១៧ ក៏មានបញ្ហានៅព្រំដែនឡាវ ដែលឡាវបញ្ជួនទ័ពមកប្រឈមមុខគ្នានៅតំបន់អូអាឡៃខេត្តស្ទឹងត្រែង។ លទ្ធផលបោះឆ្នោត២០១៨បានធ្វើឲ្យគណបក្សកាន់អំណាចឈ្នះអាសនៈសភាទាំង១២៥ ខណៈបក្សប្រឆាំងត្រូវបានរំលាយ។ ចំណែក ការបញ្ជួនកងទ័ពទៅកាន់ខេត្តរតនគីរី នៅពេលនេះ គ្រាដែលអះអាងថាមានក្រុមជនជាតិភាគតិចវៀតណាមចូលមកលាក់ខ្លួននៅដីខ្មែរនោះ តើបក្សកាន់អំណាចនឹងបានចំណេញសន្លឹកឆ្នោតទៀតដែរទេ?
12 min
June 28, 2023 តើធ្វើយ៉ាងណាដើម្បីឲ្យសំណង់ពុទ្ធរូប ចម្លាក់ គំនូរ ត្រូវតាមរចនាបទ និងទម្រង់ខ្មែរលែងមានកំហុស?
ព្រះពុទ្ធរូបមួយព្រះអង្គដែលកសាងឡើងអំពីស៊ីម៉ង់ត៍ ស្ថិតនៅក្នុងវត្តវាលនៃខេត្តពោធិ៍សាត់ ដែលមានកម្ពស់២១ម៉ែត្រ ត្រូវបានមហាជនថតយកមកបង្ហោះលើបណ្តាញសង្គមហ្វេសប៊ុក និងមានការវែកញែករិះគន់យ៉ាងផុលផុស ដោយសារតែព្រះភក្រ្តព្រះពុទ្ធរូបដ៏ធំស្កឹមស្កៃនេះខុសពីទម្រង់ និងរចនាបទនៃព្រះពុទ្ធរូបបែបខ្មែរ។ ពុទ្ធបដិមាដែលបានសាងសង់ឡើងកាលពីឆ្នាំ២០០៩ និងអភិសេកនៅឆ្នាំ២០១២ ត្រូវបានស្ថាប័នពាក់ព័ន្ធចុះពិនិត្យ ជជែកគ្នានៅថ្ងៃអង្គារម្សិលមិញ និងមានការឯកភាពពីព្រះចៅអធិការវត្តឲ្យមានការជួយកែលម្អរចនាបទឡើងវិញ ខណៈដែលកាលពីជាង១០ឆ្នាំមុន ព្រះពុទ្ធរូបអង្គនេះត្រូវបានសង់ឡើងដោយជាងដែលមិនមានជំនាញ ចំណេះត្រឹមត្រូវ។
13 min
June 27, 2023 តើការបញ្ជាឲ្យក្ដាប់នយោបាយព្រហ្មទណ្ឌឲ្យណែន ជះឥទ្ធិពលយ៉ាងណាលើឯករាជ្យភាពតុលាការ?
អ្នកវិភាគបារម្ភថា តុលាការកម្ពុជានឹងរងឥទ្ធិពលពីអំណាចនីតិប្រតិបត្តិបន្ថែមទៀត ក្នុងការសម្រេចក្តីរឿងព្រហ្មទណ្ឌទាក់ទងនឹងអ្នកនយោបាយ។ ក្តីបារម្ភនេះកើតឡើង ខណៈប្រមុខរដ្ឋាភិបាលកម្ពុជាកាលពីម្សិលមិញបានប្រាប់ក្រសួងយុត្តិធម៌ក្ដាប់ឲ្យណែន ក្នុងរឿងនយោបាយព្រហ្មទណ្ឌ ដើម្បីទប់ស្កាត់អំពើជ្រុលនិយមដែលបន្តកើតមាននៅកម្ពុជា។
11 min
June 26, 2023 ហេតុអ្វីក្រុមរកស៊ីអ្នកមាន និយមយកដីឧទ្យានជាតិ ឬដីស្ថិតក្នុងតំបន់អភិរក្សមកវិនិយោគ?
ជារឿយៗលោកនាយករដ្ឋមន្ត្រីហ៊ុន សែន តែងចេញអនុក្រឹត្យកាត់ដីសាធារណៈរបស់រដ្ឋដែលស្ថិតក្នុងតំបន់អភិរក្សសត្វព្រៃ តំបន់អភិរក្សព្រៃឈើ ឬឧទ្យានជាតិ ទៅឱ្យក្រុមហ៊ុនរបស់ឧកញ៉ាក្នុងស្រុក និងក្រុមហ៊ុនឯកជនផ្សេងៗទៀតក្រោមហេតុផលវិនិយោគ។ ក្នុងអនុក្រឹត្យមួយចុះថ្ងៃទី២៥ ខែវិច្ឆិកា ឆ្នាំ២០២២ រដ្ឋបានកាត់ដីឧទ្យានជាតិកែបជិត៣០ហិកតាឱ្យទៅម្ចាស់ក្រុមហ៊ុនទឹកបរិសុទ្ធវីតាល់ និងមីជាតិ គឺអ្នកឧកញ៉ា ជឹង សុគន្ធាវី កូនស្រីអ្នកស្រី ជឹង សុភាព អនុប្រធានកាកបាទក្រហមកម្ពុជា ដើម្បីយកអភិវឌ្ឍន៍ជាតំបន់ទេសចរណ៍។ ការកាត់ឆ្កៀលដីសាធារណៈរបស់រដ្ឋ ពិសេសដីឧទ្យានជាតិ និងដីក្នុងតំបន់អភិរក្ស អ្នកវិភាគចាត់ទុកថា ការរូបភាពពុករលួយរបស់រដ្ឋាភិបាល ក្នុងការកេងចំណេញផលប្រយោជន៍ពីការវិនិយោគទាំងនោះ ខណៈពួកគេកត់សម្គាល់ថា ភាគច្រើនបុគ្គលដែលទទួលបានដីទាំងនោះមកវិនិយោគ គឺជាមនុស្សដែលស្និទ្ធិនឹងរដ្ឋាភិបាល។
12 min
June 25, 2023 វិវាទការងារនៅណាហ្គាវើលដ៍៖មកពីការដាក់ថ្នាំមិនចំនឹងជំងឺ?
អ្នកធ្វើការខាងការពារសិទ្ធិសហជីពលើកឡើងថា វិវាទការងារអូសបន្លាយជិត២ឆ្នាំនៅក្រុមហ៊ុនណាហ្គាវើលដ៍ គឺប្រៀបបាននឹងការដាក់ថ្នាំមិនចំនឹងប្រភេទជំងឺ។ ការលើកឡើងនេះ ខណៈដែលប្រមុខរដ្ឋាភិបាលកាលពីម្សិលមិញ បានថ្លែងថា លោកមិនខ្វល់នឹងការតវ៉ារបស់បុគ្គលិកក្រុមហ៊ុននេះឡើយ ហើយលោករុញឲ្យបន្តធ្វើបាតុកម្ម៥ឆ្នាំទៀត។ ប៉ុន្តែលោកព្រមានថា បើធ្វើហ៊ានតែធ្វើបាតុកម្មដោយបិទផ្លូវ នោះនឹងយកបន្លាលួសទៅព័ទ្ធជុំវិញតែម្តង។
12 min
June 24, 2023 តើកត្តាអ្វីខ្លះដែលធ្វើឲ្យទីផ្សារអចលនទ្រព្យនៅកម្ពុជាបន្តជួបបញ្ហាប្រឈម?
ក្រោយពីវិបត្តិជំងឺកូវីដ១៩ ឃើញថាស្ថានភាពទីផ្សារអចលនទ្រព្យនៅកម្ពុជានៅតែជួបនូវបញ្ហាប្រឈម។ បញ្ហាប្រឈមនេះ បានអូសបន្លាយមកទល់នឹងពេលបច្ចុប្បន្ននេះ ធ្វើឲ្យម្ចាស់គម្រោងខ្លះដែលរកស៊ីខាងអចលនទ្រព្យនៅកម្ពុជាដួលរលំដោយសារក្ស័យធន។ ដើម្បីស្តាវិស័យអចលនទ្រព្យដែលបាននិងកំពុងជួបនូវបញ្ហានេះ រាជរដ្ឋាភិបាលក៏បានគិតគូ និងបានលើកលែងពន្ធដល់អចលនទ្រព្យនៅតំបន់ខេត្តក្រុងមួយចំនួនផងដែរ។
14 min
June 23, 2023 តើការផ្តល់របបថែទាំសុខភាពដល់អ្នកប្រកបរបរសេដ្ឋកិច្ចក្រៅប្រព័ន្ធមានអត្ថប្រយោជន៍យ៉ាងណា?
បេឡាជាតិសន្តិសុខសង្គម(ប.ស.ស) កាលពីថ្ងៃទី២០ ខែមិថុនា ឆ្នាំ២០២៣ បានចេញសេចក្តីសម្រេចមួយស្តីពីការដាក់ឲ្យអនុវត្តគម្រោងសាកល្បងរបបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្តសម្រាប់បុគ្គលស្វ័យនិយោជន៍។ គឺជាលើកដំបូងហើយ ដែលអ្នកប្រកបរបរសេដ្ឋកិច្ចក្រៅប្រព័ន្ធឬបុគ្គលស្វ័យនិយោជន៍ មានសិទ្ធិទទួលបានរបបសន្តិសុខសង្គមផ្នែកថែទាំសុខភាព បន្ទាប់ពីកម្មករនិយោជិតបំរើការងារក្នុងប្រព័ន្ធ។
12 min