ព្រឹត្តិការណ៍​កម្ពុជា​ប្រចាំថ្ងៃ by RFI ខេមរភាសា / Khmer

February 14, 2023 តើការបិទVOD ឆ្លុះបញ្ចាំងយ៉ាងដូចម្តេច?

រដ្ឋាភិបាលសម្រេចបិទសារព័ត៌មានវីអូឌី(VOD) នៅថ្ងៃទី១៣កុម្ភៈ ក្រោមហេតុផលផ្សាយព័ត៌មានមិនពិត។ ការបិទប្រព័ន្ធផ្សព្វផ្សាយដែលអះអាងថាឈរលើគោលការណ៍ឯករាជ្យនេះ គឺ៥ខែមុនការបោះឆ្នោតថ្នាក់ជាតិមកដល់។ នេះជាការបិទដោយមានបញ្ជាផ្ទាល់ពីប្រមុខរដ្ឋាភិបាល ដែលពីមុនការបោះឆ្នោត២០១៨ ស្ថាប័នសារព័ត៌មានចំនួន២ ដែលឈើលើគោលការណ៍ប្រហាក់ប្រហែលគ្នាក៏ត្រូវបានបិទទ្វារនៅកម្ពុជារួចហើយដែរ។ តើការបិទVOD ឆ្លុះបញ្ចាំងយ៉ាងដូចម្តេច?

12 min

February 12, 2023 ការសម្រេចចិត្តចុងក្រោយរបស់ថៃមិនចូលរួមប្រកួត«គុនខ្មែរ»ជាការបំបាក់មុខម្ចាស់ផ្ទះ?

នៅនាទីចុងក្រោយនេះ ភាគីថៃសម្រេចមិនបញ្ជូនកីឡាកររបស់ខ្លួនមកចូលរួមប្រកួតកីឡា«គុនខ្មែរ»ទេ ខណៈការទាមទារឲ្យប្រើឈ្មោះ«Muay Thai»មិនបានសម្រេច។ ភាគីថៃលើកហតុផលថា«គុនខ្មែរ»មិនមានលក្ខណៈសម្បត្តិគ្រប់គ្រាន់ក្នុងការបញ្ចូលទៅក្នុងវិញ្ញាសារកីឡាស៊ីហ្គេម។ក៏ប៉ុន្តែកម្ពុជានៅតែរក្សាជំហរដាច់ខាតប្រើឈ្មោះ«គុនខ្មែរ»ក្នុងព្រឹត្តិការណ៍ស៊ីហ្គេមសំអាងលើសិទ្ធិរបស់កម្ពុជាជាម្ចាស់។ តើការសម្រេចចិត្តរបស់ថៃមិនចូលរួមប្រកួត«គុនខ្មែរ»អំឡុងពេលស៊ីហ្គេមនៅកម្ពុជា ជាការបំបាក់មុខម្ចាស់ផ្ទះ?

13 min

February 11, 2023 តើការរិះគន់បែបឌឺដងអ្នកខេត្តតាកែវ អាចឈានទៅរកវប្បធម៌រើសអើងទេ?

ការនិយាយរិះគន់បែបឌឺដង ចំពោះអ្នកខេត្តតាកែវ បានកើតមានឡើងជាបន្តបន្ទាប់ ក្រោយតែខេត្តតាកែវ មានបញ្ហាអសន្តិសុខមួយរយៈកាលចុងក្រោយនេះ។ ក្រុមអ្នកតាមដានសង្គម យល់ថា ការនិយាយរិះគន់របស់អ្នកប្រើប្រាស់បណ្តាញសង្គមមួយចំនួន ជាការរិះគន់ដោយគ្មានសីលធម៌ ហើយបណ្តុះបង្អាប់ឲ្យមានការស្អប់ខ្ពើមចំពោះអ្នកខេត្តតាកែវ។ តើការរិះគន់បែបឌឺដងអ្នកខេត្តតាកែវ អាចឈានទៅរកវប្បធម៌រើសអើង?

13 min

February 10, 2023 វត្តមានកូនប្រុស២រូបរបស់លោក ហ៊ុន សែន អំឡុងទស្សនកិច្ចនៅចិនបង្ហាញនូវអត្ថន័យយ៉ាងណា?

លោកនាយករដ្ឋមន្ត្រី ហ៊ុន សែន បានចាកចេញពីប្រទេសកម្ពុជាហើយកាលពីថ្ងៃម្សិលមិញ ដើម្បីបំពេញទស្សនកិច្ចនៅចិនចំនួន៣ថ្ងៃ តបតាមការអញ្ជើញរបស់លោកប្រធានាធិបតីចិន ស៊ី ជិនពីង។ អ្វីដែលជាការកត់សម្គាល់នោះគឺ ក្រៅពីរដ្ឋមន្ត្រី និងប្រតិភូអមមួយចំនួនទៀត លោក ហ៊ុន សែន ក៏បាននាំកូនប្រុសរបស់លោកចំនួន២នាក់ គឺលោក ហ៊ុន ម៉ាណែត និងលោក ហ៊ុន ម៉ានី ទៅជាមួយដែរ។ តើទស្សនកិច្ចនៅប្រទេសចិន ដោយមានវត្តមានកូនប្រុសច្បង និងកូនប្រុសពៅ របស់លោកនាយករដ្ឋមន្ត្រីរួមគ្នា បានបង្ហាញនូវរូបភាពយ៉ាណា?

12 min

February 09, 2023 តើកម្ពុជាត្រូវរក្សាជំហរបែបណាដើម្បីទាក់ទាញការវិនិយោគពីបរទេស?

កម្ពុជា និងចិន ប្តេជ្ញាជាថ្មីពីការធ្វើឲ្យកាន់តែស៊ីជម្រៅនូវការកសាងសហគមន៍វាសនារួម ខណៈដែលប្រមុខរដ្ឋាភិបាលកម្ពុជា លោក ហ៊ុន សែន ទៅធ្វើទស្សនកិច្ចប្រទេសចិននៅថ្ងៃនេះ។ ជាទស្សនកិច្ចដែល ត្រូវរំពឹងថានឹងមានកិច្ចព្រមព្រៀងវិនិយោគនិងហិរញ្ញប្បទានពីចិន សម្រាប់ការអភិវឌ្ឍន៍នៅកម្ពុជា។ ក្រុមអ្នកសង្កេតការណ៍មើលឃើញពីជ្រុងសេដ្ឋកិច្ចដែលកម្ពុជាអាចទាញបានពីចិន តែពួកគេក៏យល់ឃើញដែរថា មានតែការរក្សាគោលជំហរការបរទេសអព្យាក្រឹត្យទេទើបអាចទាញផលសេដ្ឋកិច្ចពីប្រទេសលោកខាងលិចថែមទៀត។

13 min

February 09, 2023 តើគួរមានដំណោះស្រាយបែបណាដើម្បីបញ្ចប់ការរិះគន់ពីមហាជនជុំវិញការសង់របងថ្មនៅលើឆ្នេរខ្សាច់?

ការរិះគន់ និងការទាមទារឲ្យរុះរើសំណង់របងថ្មរឹងម៉ាំ ដែលគេសង់ឡើងនៅលើឆ្នេរអូឈើទាលនៃខេត្តព្រះសីហនុ បានបន្តកាន់តែកក្រើកឡើងជាពិសេសនៅតាមបណ្តាញសង្គមហ្វេសប៊ុក និងប្រព័ន្ធផ្សព្វផ្សាយអនឡាញនានា។ ការទាមទារឲ្យឆ្នេរត្រលប់ទៅរកសភាពដើមវិញ ដើម្បីបំរើប្រយោជន៍សាធារណៈ និងភាពស្មើភាពគ្នា បានធ្វើឡើង ដោយមហាជនបានយោងទៅលើប្រសាសន៍របស់លោកនាយករដ្ឋមន្ត្រី ហ៊ុន សែន នៅក្នុងពិធីសំណេះសំណាលជាមួយមន្ត្រីរាជការខេត្តព្រះសីហនុកាលពីថ្ងៃទី០១ ខែមិថុនា ឆ្នាំ២០២០ កន្លងទៅ។ អ្នកតាមដានសង្គមនានាយល់ឃើញថា បញ្ហានេះត្រូវមានដំណោះស្រាយសមស្របមួយពីសំណាក់រដ្ឋាភិបាល ខណៈរឿងដ៏រសើបនេះ បានឈានទៅហួសពីសមត្ថកិច្ចអាជ្ញាធរដែនដីហើយ។

13 min

February 07, 2023 តើការដែលអ្នកនយោបាយចូលរូមរំលែកទុក្ខលោក ហ៊ុន សែន អាចសម្រួលស្ថានការណ៍នយោបាយបែបណា?

ការដែលអ្នកនយោបាយមួយចំនួននៅក្រៅរដ្ឋាភិបាល ផ្ញើសារចូលរួមរំលែកទុក្ខជាមួយក្រុមលោកនាយករដ្ឋមន្ត្រី ហ៊ុន សែន គឺជាការផ្សះផ្សារតាមបែបសាសនា។ នេះបើតាមក្រុមអ្នកវិភាគ។ ក៏ប៉ុន្តែ កាយវិកានេះ មិនអាចធ្វើឲ្យស្ថានការណ៍នយោបាយថយកម្តៅបានឡើយ ខណៈការធ្វើនយោបាយរបស់អ្នកនយោបាយមួយចំនួននៅតែគ្មានការយោគយល់ដោយប្រកាន់យកត្រូវវៀងៗខ្លួន និងចាត់ទុកគូប្រជែងជាគូសត្រូវ។

12 min

February 06, 2023 តើការផ្តល់ប្រាក់កម្ចីខុសច្បាប់ជាប់ពាក់ព័ន្ធនឹងការលាងលុយកខ្វក់?

ការផ្តល់សេវាឥណទាន ឬកម្ចីខុសច្បាប់កំពុងកើតមានយ៉ាងអនាធិបតេយ្យនៅកម្ពុជា មិនថានៅតាមប្រព័ន្ធអនឡាញ ឬតាមខ្នងផ្ទះរបស់ប្រជាជនឡើយ។ កម្ចីក្រៅប្រព័ន្ធនេះគឺមានការប្រាក់ខ្ពស់ចម្លោះពី១០ ទៅ២០ភាគរយ។ ចំណែកអ្នកខ្ចីខ្លះត្រូវទទួលរងហិង្សា ឬការគំរាមបញ្ចេញរូបភាពអាសអាភៀស បើមិនព្រមសងបំណុល។ នេះបើតាមសមាគមគ្រឹះស្ថានមីក្រូហិរញ្ញវត្ថុកម្ពុជា ខណៈធនារគារជាតិ និងក្រសួងមហាផ្ទៃ ទទួលស្គាល់បញ្ហានេះថាកំពុងតែកើតមានគួរឲ្យបារម្ភ។ តើការផ្តល់ប្រាក់កម្ចីខុសច្បាប់ជាប់ពាក់ព័ន្ធនឹងការលាងលុយកខ្វក់?

12 min

February 05, 2023 តើការផ្តល់ពានរង្វាន់ដល់កញ្ញា ឈឹម ស៊ីថរ ឆ្លុះបញ្ចាំងយ៉ាងដូចម្តេច?

ប្រតិកម្មពីរដ្ឋាភិបាលកម្ពុជា បានកើតឡើង ខណៈដែលក្រសួងការបរទេសអាមេរិកប្រកាសផ្តល់ពានរង្វាន់ អ្នកការពារសិទ្ធិមនុស្សប្រចាំឆ្នាំ២០២២ឲ្យកញ្ញា ឈឹម ស៊ីថរ ប្រធានសហជីពមួយរូប ដែលកំពុងជាប់ឃុំ។ សម្រាប់ក្រសួងការបរទេសកម្ពុជាវិញ ការប្រគល់ពានរង្វាន់នេះមិនតំណាងឲ្យឆន្ទៈពលរដ្ឋកម្ពុជាភាគច្រើនទេ ខណៈអ្នកការពារសិទ្ធិមនុស្ស យល់ថា ពានរង្វាន់នេះគឺជាការផ្តល់តម្លៃខ្ពស់ សម្រាប់អ្នកការពារសិទ្ធិមនុស្ស តាមរយៈសកម្មភាពដែលកញ្ញា ឈឹម ស៊ីថរ បានលះបង់នាពេលកន្លងមក។

12 min

February 04, 2023 សំដីអ្នកប្រដាល់ថៃ ប៊ូខាវ អាចវិវត្តជាឈ្នួនផ្ទុះសម្រាប់អ្នកជាតិនិយមខ្មែរ-ថៃ ទេ?

នៅចុងសប្តាហ៍នេះ មហាជនខ្មែរបាននាំគ្នាប្រតិកម្មពាសពេញបណ្តាញសង្គម បន្ទាប់ពីការថ្លែងរបស់កីឡាករប្រដាល់ថៃឈ្មោះ ប៊ូខាវ បាន់ឆាម៉េខ ទៅកាន់ប្រព័ន្ធផ្សព្វផ្សាយថៃជុំវិញការដាក់កីឡា«គុនខ្មែរ»ទៅក្នុងវិញ្ញាសារកីឡាស៊ីហ្គេម ដែលកម្ពុជាធ្វើជាម្ចាស់ផ្ទះ ហើយនឹងការនិយាយដល់វត្តមានរបស់«Muoy Thai» នៅកំរិតកីឡាអូឡាំពិក។ ការលើកឡើងរបស់កីឡករ ប៊ូខាវ ទំនងថាជាត្រូវពលរដ្ឋខ្មែរជាតិនិយមយល់ថាជាការឌឺដង ដោយអ្នកមានធនធានខ្លះប្រកូកប្រកាសស្វែងរកកីឡាករប្រដាល់ខ្មែរ ទៅប្រកួតជាមួយប៊ូខាវ ព្រមទាំងសន្យាថានឹងផ្តល់រង្វាន់យ៉ាងច្រើនសន្ធឹកប្រសិនបើឈ្នះប៊ូខាវ។ ក៏ប៉ុន្តែមន្ត្រីផ្លូវការកីឡាខ្មែរ ក៏ដូចជាអ្នកតាមដានសង្គមនានាយល់ឃើញថា គួរមានការរំងាប់ និងខិតខំប្រឹងប្រែងធ្វើខ្លួនឯងនូវអ្វីជារបស់ខ្មែរ ចៀសវាងចាក់បន្ថែមសាំងទៅលើភ្លើង។

13 min