ព្រឹត្តិការណ៍កម្ពុជាប្រចាំថ្ងៃ

By RFI ខេមរភាសា / Khmer

ព្រឹត្តិការណ៍កម្ពុជាប្រចាំថ្ងៃ episodes

February 03, 2023 ការអំពាវនាវរបស់លោក ហ៊ុន សែន ឲ្យអ្នកប្រឆាំងនៅក្រៅប្រទេសចូលស្រុកជាយុទ្ធសាស្ត្របំបែក ឬបង្រួបបង្រួមជាតិ?
នៅក្នុងពិធីជួបសំណេះសំណាលកាលពីថ្ងៃព្រហស្បតិ៍ជាមួយសិស្សានុសិស្សដែលទទួលបានលទ្ធផលនិទ្ទេស A នៃការប្រលងសញ្ញាបត្របាក់ឌុបកាលពីឆ្នាំ២០២២កន្លងទៅ លោកនាយករដ្ឋមន្ត្រី ហ៊ុន សែន បានអំពាវនាវជាថ្មីឲ្យពលរដ្ឋខ្មែរ ដែលកំពុងរស់នៅឯបរទេសមាននិន្នាការផ្ទុយពីលោក និងគណបក្សប្រជាជនអាចវិលមកលេងស្រុកកំណើតបាន។ ដោយឡែកលោក ហ៊ុន សែន ទំនងជាឌឺដងដែរថា អ្នកដែលជាប់បណ្តឹងស្វែងរកចាប់ខ្លួនពីតុលាការ ក៏អាចវិលមកបានដែរ ប្រសិនបើពួកគេចង់ឲ្យមានការចាប់ខ្លួន។
13 min
February 02, 2023 អំណឹះតទៅការចោទប្រកាន់«លួចសន្លឹកឆ្នោត»លែងកើតមានទៀតហើយឬ?
ប្រមុខគណបក្សកាន់អំណាច លោក ហ៊ុន សែន បានព្រមានជាបន្តបន្ទាប់ថានឹងប្តឹងអ្នកនយោបាយណាដែលបន្តចោទគណបក្សប្រជាជនកម្ពុជាថាជា«ចោរលួចសន្លឹកឆ្នោត»។ លោកថា ការចោទប្រកាន់បែបនេះនឹងមិនឲ្យកើតមានទៀតឡើយសម្រាប់ការបោះឆ្នោតនៅពេលខាងមុខ។ ហាក់ដូចជា«រុញទូកបណ្តាយទឹក»លោក សម រង្ស៊ី ថ្លែងថា«កុំបារម្ភហួសហេតុ ពីការលួចបន្លំសន្លឹកឆ្នោត» ហើយអំពាវនាវឲ្យខ្មែរគ្រប់រូបទៅបោះឆ្នោត។ ដូច្នេះ អំណឹះតទៅ ការចោទប្រកាន់«លួចសន្លឹកឆ្នោត»លែងកើតមានទៀតហើយឬ?
12 min
February 02, 2023 នយោបាយការបរទេសឯករាជ្យរបស់គណបក្សកាន់អំណាចនឹងធ្វើឲ្យកម្ពុជាគេចពីសម្ពាធភូមិសាស្ត្រនយោបាយទេ?
មហាសន្និបាតរបស់គណបក្សប្រជាជនកាលពីថ្ងៃអាទិត្យកន្លងទៅ បានចេញសេចក្តីសម្រេចចិត្តចំនួន១១ចំណុចធំៗ។ ចំណុចទី៤ បានចែកចេញជាគោលដៅយុទ្ធសាស្ត្រចំនួន៥ចំណុចតូចៗ ដោយចំណុចទី៥តូច គណបក្សប្រជាជនបានលើកឡើងថា«បន្តអនុវត្តនយោបាយការបរទេសឯករាជ្យដោយផ្អែកលើច្បាប់ កសាងមិត្តភាព និងកិច្ចសហប្រតិបត្តិការល្អប្រសើររវាងព្រះរាជាណាចក្រកម្ពុជា ជាមួយប្រទេសទាំងអស់នៅលើសកលលោក និងអង្គការអន្តរជាតិនានា ហើយចូលរួមយ៉ាងសកម្មចំពោះបុព្វហេតុសន្តិភាព សន្តិសុខ និងវិបុលភាពក្នុងតំបន់ និងពិភពលោក»។ អ្នកជំនាញខាងវិទ្យាសាស្ត្រ និងភូមិសាស្ត្រនយោបាយ បានចាត់ទុកថាជានយោបាយការបរទេសល្អ និងជួយឲ្យកម្ពុជាគេចផុតពីសម្ពាធភូមិសាស្ត្រនយោបាយរបស់មហាអំណាចប្រសិនបើការអនុវត្តន៍ស្របទៅតាមខ្លឹមសារដែលបានបន្លឺឡើង។
13 min
January 31, 2023 តើគម្រោងដាក់មន្ត្រីកសិកម្មនៅគ្រប់ឃុំទូទាំងប្រទេស អេះចំបញ្ហារបស់កសិករហើយឬនៅ?
គណបក្សប្រជាជនកម្ពុជា ប្រកាសដាក់ចេញគោលនយោបាយរបស់ខ្លួនឆ្លើយតបនឹងបញ្ហាវិស័យកសិកម្មគឺដាក់មន្ត្រីកសិកម្មម្នាក់នៅគ្រប់ឃុំទូទាំងប្រទេសនៅក្នុងអាណត្តិទី៧ខាងមុខ បើបក្សកាន់អំណាចនេះបន្តឈ្នះការបោះឆ្នោត។ ប៉ុន្តែអ្នកធ្វើការជាមួយកសិករយល់ថានេះគ្រាន់តែជាការឃោសនាទាក់ទាញការគាំទ្រពីកសិករ ខណៈបញ្ហាដែលកសិករកំពុងជួបប្រទះគឺផលិតបានហើយ បែរជាតម្លៃធ្លាក់ចុះ និងខ្វះទីផ្សារ។
13 min
January 30, 2023 អ្នកឃ្លាំមើល៖ការកាត់ផ្នែកខ្លះនៃឆ្នេរអូឈើទាលទៅឲ្យឯកជនធ្វើឡើងខ្វះតម្លាភាព
ក្រុមអ្នកតាមដានសង្គមលើកឡើងថា ការកាត់ផ្នែកខ្លះនៃតំបន់ឆ្នេរអូរឈើទាល ក្នុងខេត្តព្រះសីហនុ ឲ្យទៅក្រុមហ៊ុនឯកជនធ្វើជាម្ចាស់កម្មសិទ្ធិ គឺធ្វើឡើងដោយគ្មានតម្លាភាព។ ប្រតិកម្មនេះកើតឡើងបន្ទាប់ពីមានការផ្សព្វផ្សាយរូបភាពតាមបណ្តាញសង្គមអំពី ផ្នែកខ្លះនៃតំបន់ឆ្នេរអូរឈើទាល ត្រូវបានសាងសង់ជាផ្ទះ និងហ៊ុំព័ទ្ធដោយរបង។ ប៉ុន្តែអាជ្ញាធរខេត្តពន្យល់ថា ដីឆ្នេរប្រមាណ៨០០ម៉ែត្រនេះ ត្រូវបានរដ្ឋាភិបាលធ្វើអនុប្បយោគទៅឲ្យក្រុមហ៊ុនឯកជនតាំងពីឆ្នាំ២០០៨ តែទើបមានការអភិវឌ្ឍន៍។
11 min
January 29, 2023 តើការហៅអ្នកសារព័ត៌មានខ្លះទៅអប់រំជាការគំរាមកំហែងអ្នកសារព័ត៌មានអាជីព?
ក្រសួងព័ត៌មានចាប់ផ្តើមហៅអ្នកសារព័ត៌មានអនឡាញមួយចំនួនទៅអប់រំ បន្ទាប់ពីមានបញ្ជាពីប្រមុខរដ្ឋាភិបាល។ ចំណាត់ការនេះធ្វើឡើងក្រោយពីអ្នកសារព័ត៌មានអនឡាញម្នាក់បានធ្វើផ្ទុះឡើងការចាប់អារម្មណ៍ករណីស្តីបន្ទោសទៅលើអ្នកជួយសង្គ្រោះជនរងគ្រោះដោយគ្រោះថ្នាក់ចរាចរណ៍នៅពេលថ្មីៗនេះ។ អ្នកធ្វើការខាងការពារអ្នកកាសែត យល់ថា នេះជាការគំរាមកំហែង ទៅលើអ្នកសារព័ត៌មានអាជីព ប៉ុន្តែអ្នកនាំពាក្យក្រសួងព័ត៌មាន ពន្យល់ថា ការហៅអ្នកសារព័ត៌មានខ្លះទៅអប់រំពីក្រមសីលធម៌ វិជ្ជាជីវៈមិនមែនជាការរិតត្បិតសេរីភាពឬគំរាមកំហែងនោះទេ។
10 min
January 28, 2023 ការវិលត្រឡប់មកវិញនៃជនជាតិចិន៖ វិស័យណាដែលនឹងទទួលបានភាពវិជ្ជមានជាងគេនៅកម្ពុជា?
នៅថ្ងៃទី២៧ ខែមករានេះ ភ្ញៀវទេសចរចិនបានធ្វើដំណើរតាមជើងយន្តហោះផ្ទាល់ពីក្រុងគុនមីងប្រទេសចិន មកកាន់អាកាសយានដ្ឋានអន្តរជាតិខេត្តព្រះសីហនុ ជាលើកទី១ បន្ទាប់ពីខកខានដោយសារតែវិបត្តិកូវីដ១៩ តាំងពីចុងឆ្នាំ២០១៩មក។ លំហូរនៃភ្ញៀវទេសចរចិន និងការបើកប្រទេសចិនឡើងវិញ កាលពីដើមខែមករាកន្លងទៅនេះ ត្រូវអ្នកជំនាញ និងមន្ត្រីជាន់ខ្ពស់កម្ពុជាចាត់ទុកថាមានឥទ្ធិពលវិជ្ជមានជាច្រើនដល់សេដ្ឋកិច្ចកម្ពុជា។ ប៉ុន្តែថាតើវិស័យណាដែលនឹងទទួលបានភាពវិជ្ជមានច្រើន?
11 min
January 27, 2023 តើកម្ពុជាមិនគួរព្រួយបារម្ភនឹងបំណុលបរទេសជាង១០ពាន់លានដុល្លារនេះមែនទេ?
ក្រសួងសេដ្ឋកិច្ច និងហិរញ្ញវត្ថុនាពេលថ្មីៗនេះ បានចេញមកបញ្ជាក់ថា កម្ពុជានៅបន្តរក្សាស្ថេរភាពនៃការគ្រប់គ្រងបំណុលសាធារណៈ(បរទេស)បានល្អប្រសើរ ខណៈបំណុលដែលកម្ពុជាជំពាក់បរទេសបច្ចុប្បន្នមានប្រមាណជាង១០ពាន់លានដុល្លារ ឬស្មើនឹង៣៤%នៃផលិតផលក្នុងស្រុកសរុប។ បើតាមក្រសួងសេដ្ឋកិច្ច កម្ពុជានៅមិនទាន់ធ្លាក់ទៅក្នុងវិបត្តិបំណុលវ័ណ្ឌកនៅឡើយ ស្របពេលកម្ពុជាបានដាក់ចេញនូវគោលការណ៍ម៉ាក្រូសេដ្ឋកិច្ចបានយ៉ាងត្រឹមត្រូវ។ តែយ៉ាងណា អ្នកវិភាគសង្គមនិងអ្នកជំនាញសេដ្ឋកិច្ច ស្នើឱ្យរដ្ឋាភិបាលប្រើប្រាស់កម្ចីពីបរទេសឱ្យចំគោលដៅ និងជៀសវាងពីការប្រើប្រាស់ខុស ដែលនាំឱ្យមានការកើនឡើងអំពើពុករលួយ ជាពិសេសវិបត្តិសេដ្ឋកិច្ចជាតិ។
13 min
January 25, 2023 តើបក្សប្រឆាំងគួររិះគន់បែបណាដើម្បីបញ្ចៀសពីការព្រមានប្ដឹងពីបក្សកាន់អំណាច?
មួយរយៈចុងក្រោយនេះ គេកត់សម្គាល់ឃើញថា ប្រធានគណបក្សប្រជាជនកម្ពុជា គឺលោកនាយករដ្ឋមន្រ្តី ហ៊ុន សែន បានព្រមានប្ដឹងទៅលើអ្នកនយោបាយ និងគណបក្សណាដែលហ៊ានរិះគន់ និងវាយប្រហារមកលើគណបក្សប្រជាជនកម្ពុជា។ ការព្រមានប្ដឹងនេះ ត្រូវបានលោក ហ៊ុន សែន បញ្ជាក់ថា គឺដើម្បីការពារគណបក្សប្រជាជនកម្ពុជា ប៉ុន្តែសង្គមស៊ីវិល និងអ្នកនយោបាយលើកឡើងថា ការរិះគន់ក្នុងសង្គមប្រជាធិបតេយ្យគឺជារឿងធម្មតា។
14 min
January 24, 2023 កំណើនសិស្សក្រីក្រជាប់បាក់ឌុប៖ តើរដ្ឋត្រូវដោះស្រាយតាមរយៈការបណ្តុះបណ្តាលជំនាញ ឬមានយន្តការផ្សេង?
កំណើនសិស្សក្រីក្របានប្រឡងជាប់បាក់ឌុប បានក្លាយជាបញ្ហាចោទសម្រាប់រដ្ឋាភិបាលក្នុងការស្វែងរកដោះស្រាយ។ ប្រមុខរដ្ឋាភិបាលកម្ពុជា លោក ហ៊ុន សែន បានបង្ហើបឲ្យដឹងថា រដ្ឋត្រៀមអនុវត្តគម្រោងបណ្តុះបណ្តាលវិជ្ជាជីវៈដល់សិស្សក្រីក្រដោយមិនគិតថ្លៃ ចំពោះបណ្តាសិស្សដែលមិនមានលទ្ធភាពបន្តថ្នាក់ឧត្តមសិក្សា។ ក៏ប៉ុន្តែអ្នកតាមដានសង្គម យល់ថា រដ្ឋគួរមានជម្រើសផ្សេងទៀត ដើម្បីដោះស្រាយបញ្ហានេះ ដើម្បីឲ្យសិស្សទទួលបានចំណេះវិជ្ជាសមស្រប។ តើរដ្ឋាភិបាលត្រូវមានយន្តការអ្វីបន្ថែម?
13 min