Sign up to save your podcasts
Or
Share ព្រឹត្តិការណ៍កម្ពុជាប្រចាំថ្ងៃ
Share to email
Share to Facebook
Share to X
Share to email
Share to Facebook
Share to X
Or
ព្រឹត្តិការណ៍កម្ពុជាប្រចាំថ្ងៃ
By RFI ខេមរភាសា / Khmer
ព្រឹត្តិការណ៍កម្ពុជាប្រចាំថ្ងៃ episodes
- ការព្រមានប្ដឹងអ្នករិះគន់ការបោះឆ្នោតជាការបំបាត់វប្បធម៌លាបពណ៌ ឬជាការបំបិទសិទ្ធិបញ្ចេញមតិ?នៅឆ្នាំ២០២៣ខាងមុខនេះ កម្ពុជានឹងមានការរៀបចំការបោះឆ្នោតជ្រើសតាំងតំណាងរាស្រ្ត នីតិកាលទី៧។ ទាក់ទិនទៅនឹងការបោះឆ្នោតនេះ លោកនាយករដ្ឋមន្ត្រី ហ៊ុន សែន បានព្រមានប្ដឹងបន្តទៀតទៅលើអ្នកទាំងឡាយណាដែលនិយាយថា គណបក្សប្រជាជនកម្ពុជាជាចោរលួចសន្លឹកឆ្នោត។ បើតាមលោក ការប្ដឹងនេះ គឺដើម្បីបំបាត់វប្បធម៌លាបពណ៌ក្រោយការបោះឆ្នោត។ ការព្រមាននេះ ធ្វើឲ្យអ្នកឃ្លាំមើលបញ្ហាសិទ្ធិមនុស្សកម្ពុជា មានការព្រួយបារម្ភចំពោះសិទ្ធិនៃបញ្ចេញមតិផងដែរ។13 min
- តើការបញ្ជារឲ្យសន្តិសុខទៅដល់ផ្ទះសាច់ញាតិបាតុករជារូបភាពគំរាមកំហែងទេ?នៅក្នុងពិធីសម្ពោធដាក់ឲ្យប្រើប្រាស់ផ្លូវមួយខ្សែរនៅខេត្តព្រះសីហនុកាលពីថ្ងៃព្រហស្បតិ៍ម្សិលមិញ លោកនាយករដ្ឋមន្ត្រី ហ៊ុន សែន បានបញ្ជារឲ្យកម្លាំងសន្តិសុខរបស់លោកទៅដល់ផ្ទះសាច់ញាតិបាតុករដែលបានធ្វើបាតុកម្មប្រឆាំងលោកនៅឯក្រៅប្រទេសកន្លងទៅ។ តាមលោក ហ៊ុន សែន ការទៅដល់ផ្ទះសាច់ញាតិបាតុករ គឺដើម្បីបញ្ជាក់នូវការពិត និងសុំចម្លើយថាតើកម្ពុជាពិតជាក្រដូចជាការលើកឡើងរបស់បាតុករនៅឯក្រៅប្រទេសនោះឬយ៉ាងណា។ សង្គមស៊ីវិល និងបក្សប្រឆាំងបានហៅសកម្មភាពនេះថាជារូបភាពគំរាមកំហែងថ្មីមួយ?14 min
- «ការលើកលែងបទចោទ»អាចជាសេណារីយ៉ូ ក្នុងសំណុំរឿងសន្ទិដ្ឋិភាពលោក កឹម សុខា ទេ?សាលាដំបូងរាជធានីភ្នំពេញ នៅថ្ងៃពុធម្សិលមិញ បានបន្តសវនាការលើសំណុំរឿងសន្ទិដ្ឋិភាព ឬសំណុំរឿងក្បត់ជាតិពាក់ព័ន្ធនឹង លោក កឹម សុខា ប្រធានអតីតគណបក្សសង្គ្រោះជាតិ បន្ទាប់ពីវសនាការសួរដេញដោលបានបញ្ចប់ ហើយមេធាវីការពារក្តីទាំងសង្ខាងដកឃ្លាទៅសរសេរសេចក្តីសន្និដ្ឋានអស់រយៈពេល២ខែកន្លងទៅ។ ជាមួយគ្នានេះ មានសេណារីយ៉ូមួយចំនួនត្រូវបានលើកឡើងដោយអ្នកតាមដាននយោបាយនានាក្រៅផ្លូវការ ដូចជាលោក កឹម សុខា នឹងត្រូវបានលើកលែងបទចោទ ការចោទប្រកាន់បទល្មើសផ្សេង និងថាតុលាការអាចពន្យាពេលសវនាការជាដើម។12 min
- តើមានដំណោះស្រាយណាបញ្ចប់ការបោះបង់ចោលសំណង់អគារជាង១ពាន់កន្លែងនៅខេត្តព្រះសីហនុ?សំណង់អគារប្រមាណ១១៥០កន្លែង ក្នុងខេត្តព្រះសីហនុត្រូវបានបញ្ឈរទុកចោលដោយគ្មានវត្តមានសាងសង់ឬអភិវឌ្ឍន៍ណាមួយបន្តឡើយជាង៣ឆ្នាំមកនេះ បន្ទាប់ពីរដ្ឋាភិបាលបានប្រកាសបិទអាជីវកម្មហ្គេមអនឡាញកាលពីខែសីហា ឆ្នាំ២០១៩ ហើយក្រោយពីមានការចាកចេញយ៉ាងគំហុករបស់អ្នកវិនិយោគិនចិន។ តែយ៉ាងណា កាលពីពាក់កណ្តាលខែកក្តដា ឆ្នាំ២០២២នេះ រដ្ឋាបាលខេត្តព្រះសីហនុបានចាប់ផ្តើមធ្វើការជាមួយក្រសួងសេដ្ឋកិច្ច វិស័យឯកជន វិស័យធនាគារ និងអ្នកជំនាញផ្នែកអចលនទ្រព្យ ដើម្បីដោះស្រាយវិបត្តិអគារដែលបានទុកចោលរាប់ពាន់កន្លែង ដោយធ្វើឱ្យយ៉ាងណាឱ្យមានដំណើរការសាងសង់ឡើងវិញ ឬដោះស្រាយបញ្ចប់ដើម្បីរៀបចំផែនការអភិវឌ្ឍទីក្រុងថ្មី។ ពីខាងអ្នកជំនាញផ្នែកសេដ្ឋកិច្ច ផ្នែកការអភិវឌ្ឍន៍សង្គម និងអចលនទ្រព្យបានស្នើឱ្យក្រសួងពាក់ព័ន្ធ ជាពិសេសរដ្ឋបាលខេត្តពន្លឿននីតិវិធីដោះស្រាយបញ្ចប់ឱ្យបានឆាប់ ដើម្បីធានាបាននូវការអភិវឌ្ឍន៍ និងការវិនិយោគដទៃទៀត។13 min
- ការប្រមូលបញ្ញវន្តពីក្រៅទៅក្នុងការងាររដ្ឋាភិបាលដើម្បីចូលរួមកសាងជាតិឬជាយុទ្ធសាស្ត្របន្ថយសម្លេងប្រឆាំង?បន្ថែមពីសាច់ញាតិ និងក្រុមគ្រួសាររបស់ខ្លួនគណបក្សប្រជាជនកម្ពុជាដែលកាន់អំណាចបច្ចុប្បន្ន បានប្រមែប្រមូលបញ្ញវន្ត និងអ្នកនយោបាយនានា ឲ្យទៅចូលរួមជាមួយខ្លួនជាបន្តបន្ទាប់។ ទង្វើ និងសកម្មភាពដែលគណបក្សកាន់អំណាចបាន និងកំពុងធ្វើពេលនេះ ត្រូវបានមតិមួយចំនួនមើលឃើញថាជាការប្រសើរ ដែលរដ្ឋាភិបាលយកចិត្តទុកដាក់នឹងធនធានមនុស្សដែលមានសមត្ថភាព។ ជាមួយគ្នានេះ ក៏មានការលើកឡើងដែរថាសកម្មភាពនេះ គឺជាយុទ្ធសាស្ត្របន្ថយសម្លេងប្រឆាំងពីសំណាក់បញ្ញវន្ត និងអ្នកនយោបាយនៅក្រៅរដ្ឋាភិបាល។13 min
- ការបោះឆ្នោត២០២៣គឺជា«សូចនាករ»ដែលសហភាពអឺរ៉ុបពិចារណាផ្តល់EBA២០%មកវិញ ឬផ្តាច់ទាំងស្រុង?ការបើកលំហរសិទ្ធិនយោបាយនៅឆ្នាំ២០២៣គឺជាលក្ខខណ្ឌចាំបាច់បំផុតរបស់សហភាពអឺរ៉ុបជាថ្នូរនឹងការផ្តល់ប្រព័ន្ធអនុគ្រោះពន្ធEBA ២០%មកវិញ។ នេះបើតាមការគូសបញ្ជាក់របស់តំណាងជាន់ខ្ពស់សហភាពអឺរ៉ុបនៅក្នុងជំនួបជាមួយមុខប្រមុខការទូតកម្ពុជានៅថ្ងៃទី១៥ធ្នូ។ ផ្ទុយមកវិញ អ្នកវិភាគ ព្រមានថា ប្រសិនបើកម្ពុជាមិនធ្វើឲ្យមានការប្រសើរឡើងដូចអ្វីដែលជាការស្នើរបស់សហភាពអឺរ៉ុបទេ នោះកម្ពុជាអាចនឹងជ្រុះបាត់EBAទាំងស្រុងដោយទាំងGSP របស់សហរដ្ឋអាមេរិកទៅជាមួយផង។13 min
- បោះឆ្នោត២០២៣៖ តើការដាក់ម៉ាស៊ីនថតសកម្មភាពតាមការិយាល័យជារឿងត្រូវធ្វើឬមិនចាំបាច់?នៅចំពោះមុខនៃការខិតកាន់តែកៀកនូវព្រឹត្តិការណ៍បោះឆ្នោតថា្នក់ជាតិ២០២៣ ភាគីពាក់ព័ន្ធបានលើកសំណើមួយចំនួន ដើម្បីឲ្យគ.ជ.ប ទទួលយកនិងអនុវត្ត ក្នុងការកែលម្អប្រព័ន្ធបោះឆ្នោត។ សំណើថ្មីមួយរបស់ភាគីពាក់ព័ន្ធ គឺការដាក់ម៉ាស៊ីនថតនៅតាមការិយាល័យ ដើម្បីចាប់យកសកម្មភាពទាំងស្រុង។ យ៉ាងណា គជប ថា សំណើនេះអាចជួបបញ្ហាថវិកា និងប៉ះពាល់ដល់ភាពសម្ងាត់របស់ពលរដ្ឋ។ តើការដាក់ម៉ាស៊ីនថតសកម្មភាពតាមការិយាល័យ សម្រាប់ការបោះឆ្នោតថ្នាក់ជាតិ២០២៣ ជារឿងត្រូវធ្វើឬមិនចាំបាច់?12 min
- ហេតុអ្វីអឺរ៉ុប និងអាស៊ានមិនទាន់មានកិច្ចព្រមព្រៀងពាណិជ្ជកម្មសេរីនឹងគ្នា?គិតមកទល់នឹងពេលនេះអាស៊ាននិងអឺរ៉ុបមិនទាន់មានកិច្ចព្រមព្រៀងពាណិជ្ជកម្មសេរីជាមួយគ្នានោះទេ ប៉ុន្តែបែរជាប្រទេសសមាជិកអាស៊ានខ្លះ ដូចជាវៀតណាម និងសិង្ហបរី ត្រូវបានអឺរ៉ុបចុះកិច្ចព្រមព្រៀងជាមួយទៅវិញ។ នៅក្នុងសន្និសីទរួមនៃកិច្ចប្រជុំខួបអនុស្សាវរីយ៍អាស៊ាន-អឺរ៉ុប លោកនាយករដ្ឋមន្រ្តី ហ៊ុន សែន បានជំរុញឲ្យមានកិច្ចព្រមព្រៀងពាណិជ្ជកម្មសេរីអាស៊ាន-អឺរ៉ុបឲ្យបានឆាប់តាមតែអាចធ្វើទៅបាន ដើម្បីជាប្រយោជន៍នៃប្រជាជនតំបន់ទាំងពីរ។ លោកថាមិនគួរយកបញ្ហានយោបាយ ឬសិទ្ធិមនុស្សប្រទេសណាមួយក្នុងតំបន់អាស៊ានមករាំងខ្ទប់កិច្ចព្រមព្រៀងនេះឡើយ។ ប៉ុន្តែសម្រាប់អ្នកវិភាគវិញថា រាល់ការចុះកិច្ចព្រមព្រៀងពាណិជ្ជកម្មសេរីរបស់អឺរ៉ុបជាមួយបណ្ដាប្រទេសដែលជាដៃគូ សុទ្ធតែមានលក្ខខណ្ឌទាំងអស់។13 min
- តើកិត្តិយសខ្មែរក្រោមក្រសែភ្នែកបរទេសទៅជាយ៉ាងណា ខណៈជម្លោះខ្មែរនិងខ្មែររាលដាលពីក្នុងស្រុកដល់ក្រៅប្រទេស?ប្រជាពលរដ្ឋខ្មែរមួយចំនួន នៅអឺរ៉ុប នាថ្ងៃទី១៤ធ្នូ បាននាំគ្នាលើកបដាតវ៉ានឹងវត្តមានរបស់លោកនាយករដ្ឋមន្ត្រី ហ៊ុន សែន ដើម្បីទាមទារឲ្យរដ្ឋាភិបាលគោរពលទ្ធិប្រជាធិបតេយ្យ និងសិទ្ធិមនុស្ស។ អ្នកតាមដានសង្គមកត់សម្គាល់ថា ចរន្តតវ៉ារបស់ពលរដ្ឋខ្មែរនៅក្រៅស្រុក បានបន្តកើតមានជាហូរហែ ដូចនឹងក្នុងស្រុកដែរ ដើម្បីទាមទារឲ្យលោកនាយករដ្ឋមន្ត្រី ហ៊ុន សែន គោរពគោលការណ៍ប្រជាធិបតេយ្យ និងសិទ្ធិមនុស្សឡើងវិញ។ តើហេតុអ្វីបានជម្លោះខ្មែរដែលធ្លាប់កើតមានក្នុងស្រុក បានរាលដាលទៅក្រៅស្រុក យ៉ាងដូច្នេះ?14 min
- ការទទួលជួបលោក ហ៊ុន សែន ជាកំហុសឆ្គងខាងសីលធម៌របស់លោក ម៉ាក្រុង ឬ?ក្រៅពីចូលរួមសន្និសីទអន្តរជាតិស្តីពីអ៊ុយក្រែន លោកនាយករដ្ឋមន្ត្រី ហ៊ុន សែន ក៏មានជំនួបទ្វេភាគីជាមួយលោកប្រធានាធិបតីបារាំង អេម៉ានុយអែល ម៉ាក្រុង នៅវិមានអេលីហ្សេ។ ជាមួយគ្នានេះ លោក សម រង្ស៊ី កាលពីម្សិលមិញ ក៏បានសរសេរលិខិតចំហមួយ ទៅកាន់លោកប្រធានាធិបតីបារាំងដែរថា ការណ៍ដែលលោកម៉ាក្រុងទទួលជួបលោកនាយករដ្ឋមន្រ្តី ហ៊ុន សែន អំឡុងពេលលោក ហ៊ុន សែន ចូលរួមសន្និសីទអន្តរជាតិនៅទីក្រុងប៉ារីសស្តីពីអ៊ុយក្រែន គឺជាកាយវិការមួយដែលផ្តល់កិត្តិយសចំពោះលោកនាយករដ្ឋមន្រ្តី ហ៊ុន សែន ហើយថាវាគឺជាកំហុសឆ្គងខាងសីលធម៌មួយ ប្រសិនបើគេមើលទៅលើស្ថានភាពរំលោភសិទ្ធិមនុស្សនៅក្នុងប្រទេសកម្ពុជាបច្ចុប្បន្ន។12 min
About ព្រឹត្តិការណ៍កម្ពុជាប្រចាំថ្ងៃ
From the publisher's feed
រៀងរាល់ថ្ងៃ ពីថ្ងៃចន្ទ ដល់ថ្ងៃអាទិត្យ យើងនឹងលើកយកព្រឹត្តិការណ៍ក្តៅគគុកជាងគេបង្អស់មួយ នៅកម្ពុជា មកពន្យល់…
ដោយមានអន្តរាគមន៍ពីឥស្សរជននយោបាយ អ្នកជំនាញ ឬមន្រ្តីសង្គមស៊ីវិល។
More shows like ព្រឹត្តិការណ៍កម្ពុជាប្រចាំថ្ងៃ
ឯកសារប្រវត្តិសាស្ត្រខ្មែរ
14 Listeners
Unravel
1,119 Listeners
Kou Sopheap's Podcast
108 Listeners
វិភាគរឿងសាមកុក
3 Listeners
បទយកការណ៍
0 Listeners
ទស្សនៈខ្ញុំគេ
9 Listeners
នាទីខ្ញុំនិយាយពីរភាសា (Chronique bilingue)
0 Listeners
ព្រឹត្តិការណ៍អន្តរជាតិប្រចាំថ្ងៃ
1 Listeners
មេរៀនភាសាបារាំង៖ Parlez-vous Paris?
0 Listeners
Rean Ruos Podcast
7 Listeners
កម្មវិធីព័ត៌មាន
3 Listeners
នាទីសុខភាពនិងអនាម័យ
0 Listeners
ប្រវត្តិសាស្រ្តពិភពលោក
3 Listeners
ទស្សនៈព្រឹត្តិការណ៍ពិភពលោក
1 Listeners
បទសម្ភាស
2 Listeners
ទស្សនៈព្រឹត្តិការណ៍ខ្មែរ
0 Listeners
总有那么一首歌|可以触动你的心
13 Listeners
កម្មវិធីព័ត៌មានប្រចាំថ្ងៃ - ឌឹ ខេមបូឌា ដេលី
0 Listeners
2024 -2025抖音快手播放量破亿爆火音乐歌曲
14 Listeners
គំនិតប្រសើរ
0 Listeners
2025神级翻唱音乐|全网播放过亿|热门音乐
5 Listeners