Mir froen eise Paräis-Korrespondent, wien als neie Premier oder Premier-Ministesch a Fro kënnt, a wat passéiert, wann hien oder si bis ernannt ass.

D‘Chute vum Assad-Regimm a Syrien huet an Däitschland gréisser Diskussiounen ausgeléist: Nämlech doriwwer, op Syrer, déi virum Biergerkrich an Däitschland geflücht sinn, elo nees sollten zeréck an hiert Heemechtsland goen. Déisäits der Musel liewe knapp eng Millioun Syrer, eleng am Joer 2015 waren iwwer 300.000 Syrer an Däitschland ukomm.

Wat bedeiten déi aktuell Evenementer fir déi syresch Mënschen an Däitschland? Erklärunge vun eisem Däitschland-Korrespondent Matthias Kirsch

Zu Bréissel si si sech e Méindeg fir d’éischte Kéier offiziell begéint, zanter datt déi nei EU-Kommissioun ugefaangen huet mat schaffen: D’Lëtzebuerger Agrarministerin Martine Hansen an deen neien EU-Agrar-Kommissär Christophe Hansen. Eng Renconter, déi hätt kënne kontrovers sinn - wann ee u verschidde kritesch Aussoe vun der CSV-Politikerin par rapport zur europäescher Agrarpolitik denkt. Mee um Enn ass alles ganz harmonesch ofgelaf.

Et ass scho fir déi zweete Kéier, datt déi 30 Joer jonk CSV-Politiker Martine Kemp fir de Christophe Hansen noréckelt. Si ass fir en Interview live am Moiesstudio.

D’Finish-Line - also d’Ligne d’arrivée, wier en vue - esou d’Ursula von der Leyen gëschter um op X - elo bestéing d’Chance ee Marché fir 700 Millioune Leit ze schafen duerch dës gréisste Partnerschaft, déi d’Welt jeemools gesinn huet. Grouss Wierder also fir een Accord, deen op europäescher Säit - a verschiddene Memberlänner - ganz ëmstridden ass. Setzt sech d’Kommissiounscheffin einfach doriwwer ewech? Wat ass ze erwaarden, a wéi eng Konsequenzen huet et, wa si deen Accord ënnerschreift?

Gëschter Owend gouf d’Regierung vum franséische Premier Michel Barnier an der Assemblée nationale engem Mësstrauensvott ausgesat, deen däitlech géint si ausgaangen ass. 288 Stëmme waren néideg fir d’Ofsetzen, et waren der um Enn souguer 331. Et ass eng éischte Kéier zanter 1962, datt eng Regierung e Mësstrauensvott net iwwersteet. Kloer ass domadder, datt e Regierungswiessel kënnt an dat nëmmen dräi Méint no deem leschten. Ongewëss ass awer, wien elo d’Land regéiere kéint a virun allem wéi, well Neiwale ginn et fréistens am Summer, a Majoritéite ginn et keng an der Assemblée nationale. Eng denkbar schwiereg Ausgangslag, mengt eise Korrespondent zu Paräis, Max Tholl.

D’EU-Länner recommandéiere méi streng Reegele fir d’Net-Fëmmerte méi staark ze protegéieren. An hire Recommandatioune gi Mesuren opgezielt, déi staark ëmstridde sinn, zum Beispill E-Zigaretten an d’Fëmmverbueter ophuelen oder awer géint Passiivt Fëmmen dobausse virgoen - a Fëmmen net nëmmen op Spillplazen, a Piscinnen am Fräizäit-Park oder op Bus-Arrêten an allgemeng verbidden - mee och op Terrasse vu Restauranten oder Caféen. Den Text, deen adoptéiert gouf, ass net verflichtend a Lëtzebuerg huet och net wëlles, direkt Konsequenzen doraus ze zéien.

Warscheinlech gëtt e Mëttwoch an der Assemblée nationale eng Motion de censure vun der Gauche an dem RN ugeholl. Explikatioune vum Max Tholl, dem 100,7-Korrespondent a Frankräich.

D’Positioun vum Fernand Kartheiser iwwer de Konflikt an der Ukrain widdersprécht där vu senger Fraktioun vun den “Europäesche Konservativen a Reformer” a läit méi no bei där vun de “Patriote fir Europa”. Ee Wiessel ass fir de Moment net virgesinn, awer och net ausgeschloss, esou den ADR-Euroapdeputéierten.

D’Positioun vum Fernand Kartheiser iwwer de Konflikt an der Ukrain widdersprécht där vu senger Fraktioun vun den “Europäesche Konservativen a Reformer” a läit méi no bei där vun de “Patriote fir Europa”. Ee Wiessel ass fir de Moment net virgesinn, awer och net ausgeschloss, esou den ADR-Euroapdeputéierten.