E Mëttwoch huet d’Europaparlament déi nei EU-Kommissioun guttgeheescht - an domat gréng Luucht fir déi nei EU-Kommissäre ginn. Een dovun ass de Christophe Hansen, dee bekanntlech de Portefeuille vun der Landwirtschaft an de Liewensmëttel iwwerhëlt.

De Vott war méi knapps wéi erwaart - d’Ursula von der Leyen krut net de Support vun där ganzer pro-europäescher Koalitioun aus Europäescher Vollekspartei, de Sozialisten an de Liberalen.

Wéi kuckt deen neie Lëtzebuerger EU-Kommissär op dee Vott an och dorop, datt hien ausgerechent deem ëmstriddenen EU-Kommissär fir d’Kohäsioun - den Italieener Raffaele Fitto - ënnerstallt ass?

D’Danièle Weber huet zu Stroossbuerg mam Christophe Hansen geschwat.

Vun de sechs Lëtzebuerger EU-Deputéiert kéinten der um Enn just zwee fir déi nei Europäesch Kommissioun stëmmen. No de Fraktiounssëtzungen am Europaparlament um Méindeg den Owend gesäit et awer gutt aus fir d’Ursula von der Leyen.

D'Hearinge vun den neien EU-Kommissären hunn zu Bréissel fir Tensioune gesuergt. Antëschent huet de Sträit tëschent de Fraktiounen sech zwar erëm e bësse geluecht, mee et bleift definitiv net ausgeschloss, datt weider Problemer optauchen, mengt den Olivier Hanrion a senger Europachronik.

D’EU verhandelt scho zanter bal 25 Joer mat Argentinien, Brasilien, Paraguay, Uruguay a Venezuela iwwer een Handelsofkommes. Bis elo ouni Succès. An zwou Woche gesi sech béid Säiten zu Bréissel fir ee Mercosur-Sommet a bis dohi soll den Deal stoen. Sécher ass dat awer net.

Gëschter hunn also déi zwou gréisste politesch Fraktiounen am Europaparlament hire Blocage opginn.

D’Europäesch Vollekspartei an d’Sozialiste goufe sech zesumme mat de Liberalen eens, fir d’Besetzung vun der neier Ekipp vun der Kommissiounscheffin Ursula von der Leyen esou guttzeheeschen, wéi se proposéiert gouf.

Déi 26 designéiert EU-Kommissären a -Kommissärinne waren an de leschte Wochen am Parlament gehéiert ginn - duerno awer gouf de Prozess gréng Luucht ze ginn am Parlament gestoppt. Et gouf Sträit iwwer e puer Kandidaten - an doriwwer, ob een zu dräi iwwerhaapt nach an enger pro-europäescher Koalitioun funktionéiere géif.

Wéi koum et elo zu deem Accord? Wien huet misse Waasser a säi Wäi schëdden? Dorop kucke mir mat eiser EU-Korrespondentin Danièle Weber.

Am Februar sinn an Däitschland Neiwahlen. A während d’Unioun mam Friedrich Merz an d’B90/Die Grünen mam Robert Habeck hir Kanzlerkandidate schonn opgestallt hunn, deet sech déi aktuell Kanzlerpartei SPD mat däer Decisioun e gutt Stéck méi schwéier. Ëmmer méi Sozialdemokraten, dorënner Bundestagsdeputéierter a fréier Parteicheffen, schwätze sech géint de Bundeskanzler Olaf Scholz als Spëtzekandidat aus.

D'Hearinge vun den zukünftegen EU-Kommissäre sinn eigentlech gutt verlaf, bis dës Woch dee vun der Spuenierin Teresa Ribera aus dem Rudder gelaf ass. D'Spannunge sinn antëschent grouss, an d'Ursula von der Leyen muss lo no Léisunge sichen. Den Olivier Hanrion vun der belscher RTBF kommentéiert déi lescht Entwécklungen zu Bréissel.

Am Europaparlament ass de Prozess, fir déi nei EU-Kommissioun guttzeheeschen, blockéiert. D’Sozialiste si rosen, nodeems hir Kandidatin, d’Spuenierin Teresa Ribera bei hirem Hearing vun den EVP-Europadeputéiert haart an d’Geriicht geholl gouf. Et bleift onkloer, wéi et virugeet. Och no Gespréicher op den ieweschten Etagen

Mir froen den Ausseminister Xavier Bettel.

Kee Resultat gëschter bei deene leschte Prüfunge vun de Futur-EU-Kommissären am Europaparlament. D'Decisioun gouf verluecht - Hannergrond ass ee Muechtspill tëschent de Parteien, déi jeeweils hir eege Kandidate beschütze wëllen.