Huet den aktuelle Premier Luis Montenegro trotz dem Reproche vun Interessekonflikter Chancen erëmgewielt ze ginn. Mir froen eis Korrespondentin op der Plaz.

Haut fält an der zoustänneger parlamentarescher Kommissioun vum Europaparlament eng Decisioun iwwert d’Demande vum Lëtzebuerger ADR-Europadeputéierte Fernand Kartheiser, am Parlament dierfe Lëtzebuergesch ze schwätzen.

Déi Demande ass net konform mat den europäeschen Traitéë - well eleng d’Memberlänner dofir zoustänneg sinn, ze definéieren, wéi eng Sproochen an enger EU-Institutioun geschwat dierfe ginn - zu där Conclusioun koum de President vun där Kommissioun, de Sven Simon. Hien huet domat dem Avis vum Service juridique vum Parlament widdersprach, dee virdrun d’Ufro vum Fernand Kartheiser net komplett verworf hat.

Den Emmanuel Macron huet sech gëschter ob TF1 de Froe vun der Zivilgesellschaft gestallt. Onse Korrespondent Max Tholl mat den Detailer.

Déi zousätzlech Sue fir d'Verdeedegung sollen zu engem Drëttel iwwert de Staats-Budget géif finanzéiert ginn, dat heescht och indirekt méi Schold, sou de Gilles Roth. Een Drëttel soll iwwer Investissementsausgaben, déi nach net prett sinn. Fir dee leschten Drëttel kéinten ausserbudgetär Moossnamen ergraff sinn, sou de Gilles Roth am 100,7 - Interview.

Am Europaparlament muss een Europadeputéierten och Lëtzebuergesch dierfe schwätzen - där Meenung ass bekanntlech de Fernand Kartheiser vun der ADR. Hien huet eng offiziell Demande gemaach, ma déi schéngt kaum Chancen ze hunn. Dat hu Recherchë vum Radio 100,7 erginn. Et schéngt, wéi wann den ADR-Politiker ënner anerem aus den eegene Reien ausgebremst géif ginn.

Déi nei däitsch Regierung wëll méiglecherweis d’Kontrollen op den däitsche Grenze weider verschäerfen - dat koum zu Lëtzebuerg bekanntlech net gutt un. Lëtzebuerg hofft op d’Ënnerstëtzung vun der Europäescher Kommissioun - dat hat den Innenminister Leon Gloden en Dënschdeg am 100Komma7-Interview gesot.

Grenzkontrolle kéinte just zwee Mol verlängert ginn. Dat wier esou am Schengen-Kodex virgesinn, huet den CSV - Politiker präziséiert. Ma stëmmt dat esou ? Wat genee gesäit de Kodex vir ? Explikatioune vum Danièle Weber.

Déi nei däitsch Regierung wëll méiglecherweis d’Kontrollen op den däitsche Grenze weider verschäerfen. Dat koum zu Lëtzebuerg bekanntlech net gutt un. Lëtzebuerg hofft op d’Ënnerstëtzung vun der Europäescher Kommissioun. Dat hat den Innenminister Léon Gloden en Dënschdeg am 100,7-Interview gesot.

Grenzkontrolle kéinte just zwee Mol verlängert ginn. Dat wier esou am Schengen-Kodex virgesinn, huet den CSV-Politiker preziséiert. Mee stëmmt dat esou? Wat genee gesäit de Kodex vir? Explikatioune vum Danièle Weber.

Bal zwou Milliarden Euro - esou vill Sue ginn nach ëmmer all Mount aus der EU u Russland iwwerwise fir russesche Gas a Pëtrol anzekafen. Zanter datt d’EU Sanktioune géint Russland verhaangen huet, hunn déi Importer zwar ganz staark ofgeholl. Net genuch, seet awer d'EU-Kommissioun, déi ganz Schluss maache wëllt. Wéi dat funktionéiere soll, erkläert eis EU-Korrespondentin Danièle Weber.

Fir de Xavier Bettel a fir d’Yuriko Backes war et déi zweet Rees an d’Ukrain, zanter datt Russland virun eppes iwwer dräi Joer an d’Land amarschéiert ass.

E Mëttwoch waren den Ausseminister an d’Verteidegungsministerin fir eng kuerz Visitt vu ronn 15 Stonnen zu Kiew - wou si sech zesumme mat Lëtzebuerger Journalisten a Journalistinnen e Bild vun der Situatioun gemaach hunn - an eng ganz Partie Rendez-vousen haten - dorënner den ukraineschen Ausseminister, de Premierminister ... an de President Wolodymir Zelenskyj.

Bei där Entrevue hunn d’Journalisten aus Sécherheetsgrënn net dierfen derbäi sinn - d’Danièle Weber huet awer profitéiert, fir op der Plaz mat enger Partie anere Leit ronderëm déi Visitt ze schwätzen.

A Frankräich, besonnesch am Raum Paräis an Île de France, gëtt et ëmmer méi eidel Bürosgebaier, gläichzäiteg bleift de Logementsmaart awer ugespaant. D’Léisung schéngt einfach: nämlech déi ongenotzte Bürosurfacen a Wunnengen ëmwandelen. Genee dat envisagéiert elo e Gesetzesprojet am franséische Parlament. Nach bleiwen awer sëlleg Erausfuerderungen.

Och zu Lëtzebuerg gi mol Bürossurfacen zu Wunnflächen ëmgewandelt. Dozou ginn et allerdéngs keng genee Donnéeën. Zu Lëtzebuerg stinn awer och just 4 Prozent vun de Bürosflächen eidel, seet de Jonathan Morand vun der Immobilieberodungsfirma JLL. Déi europäesch Moyenne géif bei 8 Prozent leien.