D’Europäesch Vollekspartei huet zesumme mat de Fraktioune vum rietsen a rietsextreeme Bord - schonn zanter enger Zäit den Ëmwelt-Programm LIFE vun der Europäescher Kommissioun am Viséier. ONGen, déi dovu profitéieren, kréie reprochéiert, si géifen EU-Sue mëssbrauche fir Lobbyaarbecht, zum Beispill, bei Europadeputéierten ze maachen.

Beweiser gëtt et dofir bis elo keng - a gëschter ass eng net contraignant Demande vun der EVP, de Programm op de Leescht ze huelen, am Europaparlament net duerchgaangen.

Den Daniel Freund, gréngen Europadeputéierten aus Däitschland, presidéiert am Europaparlament den Aarbechtsgrupp géint Korruptioun.

Wou sinn CDU/CSU an SPD drun an hiren Diskussiounen iwwer e gemeinsame Regierungsprogramm? Explikatioune vun 100,7-Däitschland-Korrespondent Matthias Kirsch

Déi politesch Zukunft vun der Leaderin vum Rassemblement national steet um Spill, wann d'Geriicht haut an der sougenannter Affär vun de parlamentaresche Mataarbechter tranchéiert. Explikatioune vum 100,7-Frankräich-Korrespondent Max Tholl

Déi Europäesch Kommissioun proposéiert Mesuren, fir dem ugeschloene Wäibausecteur ze hëllefen.

An der EU ass de Wäikonsum an de leschte Jore permanent erofgaangen. D’Wäiproduktioun leit och ënner dem Klimawiessel, der Inflatioun an onstabille Präisser. D’Länner solle méi Méiglechkeete kréien d’Wënzer finanziell ze ënnerstëtzen.

D’Europäesch Unioun wier de Leader vun der Wäiproduktioun a vum Export op der Welt, dorunner huet den Agrar-Kommissär Christophe Hansen an engem Communiqué erënnert. Déi proposéiert Mesurë sollen dofir suergen, datt de Secteur kompetitiv bleift.

Eng Partie Leit leide gesond"Mir maachen dat": 2018 hat de Kommissiounschef Juncker versprach, datt d'Zäitëmstellungen ofgeschaaft gëtt. Siwe Joer dono si mir awer wäit dovun ewech. EU-Diplomate schwätze vun engem "doudege Dossier".heetlech ënnert der Zäitëmstellung a wënschen sech, datt se ofgeschaaft gëtt. D'Diskussioun doriwwer ass een alen Hutt an der EU. Zënter Joren awer gëtt et keng Beweegung méi an deem Dossier. Bleift dat esou? Explikatioune mat eiser EU-Korrespondentin Danièle Weber.

Haut (27.3.) kommen zu Paräis d’Staats- a Regierungscheffe vun enger 30 Länner zesummen, fir iwwer Sécherheetsgarantië fir d’Ukrain ze beroden. Ënner hinnen ass och de Lëtzebuerger Premier Luc Frieden. Et ass net déi éischte Kéier, datt de franséische President Emmanuel Macron déi europäesch an NATO-Partner op Paräis invitéiert fir eng sougenannt Koalitioun vun de Wëllegen ze schafen an d’Ënnerstëtzung vun der Ukrain ze garantéieren. Gëschter Owend schonn hat de Macron den ukrainesche President Wolodymyr Selenskyj op Besuch an huet ugekënnegt, datt Frankräich der Ukrain zousätzlech zwou Milliarde Militärhëllef wäert bereetstellen. Doru soll haut ugeknäppt ginn, wéi de Macron gëschter Owend sot.

Dem neisten “Eurobarometer” no geet een Drëttel vun den Leit, déi an der EU liewen, dovun aus, datt hire Niveau bannent de nächste fënnef Joer wäert erofgoen. D'Emfro weist awer och, datt ëmmer méi Leit dovun ausginn, datt hire Liewensstandard wäert erofgoen. D’Danièle Weber huet sech déi neisten Zuele ugekuckt.

E Sonndeg war de François Bayrou genee 100 Deeg am Amt als franséische Premier. 100 Deeg, an deenen hie scho vill Kontroversen ausgeléist awer nach wéineg grouss politesch Projeten ugestouss huet. No der kuerzer Amtszäit vu sengem Virgänger Michel Barnier war de François Bayrou fir vill eng Zort Kompromësskandidat an hien huet sech Mëtt Dezember och als dëse presentéiert. Mee wat ass nach vun de Versprieche vun engem Neiufank iwwereg a wouhi stéiert de Premier mat senger Regierung? Doriwwer schwätze mir mat eisem Paräisser-Korrespondent Max Tholl.

EU-Ausseministeren hu gëschter um Méindeg zu Bréissel iwwer d'Militärhëllef fir d'Ukrain geschwat. Eens ass ee sech awer net. Eng Analys vum Agathe Cherki