Bal zwou Milliarden Euro - esou vill Sue ginn nach ëmmer all Mount aus der EU u Russland iwwerwise fir russesche Gas a Pëtrol anzekafen. Zanter datt d’EU Sanktioune géint Russland verhaangen huet, hunn déi Importer zwar ganz staark ofgeholl. Net genuch, seet awer d'EU-Kommissioun, déi ganz Schluss maache wëllt. Wéi dat funktionéiere soll, erkläert eis EU-Korrespondentin Danièle Weber.

Fir de Xavier Bettel a fir d’Yuriko Backes war et déi zweet Rees an d’Ukrain, zanter datt Russland virun eppes iwwer dräi Joer an d’Land amarschéiert ass.

E Mëttwoch waren den Ausseminister an d’Verteidegungsministerin fir eng kuerz Visitt vu ronn 15 Stonnen zu Kiew - wou si sech zesumme mat Lëtzebuerger Journalisten a Journalistinnen e Bild vun der Situatioun gemaach hunn - an eng ganz Partie Rendez-vousen haten - dorënner den ukraineschen Ausseminister, de Premierminister ... an de President Wolodymir Zelenskyj.

Bei där Entrevue hunn d’Journalisten aus Sécherheetsgrënn net dierfen derbäi sinn - d’Danièle Weber huet awer profitéiert, fir op der Plaz mat enger Partie anere Leit ronderëm déi Visitt ze schwätzen.

A Frankräich, besonnesch am Raum Paräis an Île de France, gëtt et ëmmer méi eidel Bürosgebaier, gläichzäiteg bleift de Logementsmaart awer ugespaant. D’Léisung schéngt einfach: nämlech déi ongenotzte Bürosurfacen a Wunnengen ëmwandelen. Genee dat envisagéiert elo e Gesetzesprojet am franséische Parlament. Nach bleiwen awer sëlleg Erausfuerderungen.

Och zu Lëtzebuerg gi mol Bürossurfacen zu Wunnflächen ëmgewandelt. Dozou ginn et allerdéngs keng genee Donnéeën. Zu Lëtzebuerg stinn awer och just 4 Prozent vun de Bürosflächen eidel, seet de Jonathan Morand vun der Immobilieberodungsfirma JLL. Déi europäesch Moyenne géif bei 8 Prozent leien.

Zwee Lëtzebuerger Ministeren - de Xavier Bettel an d’Yuriko Backes - waren e Mëttwoch fir eng kuerz Visitt zu Kiew. Si koumen net mat eidelen Hänn, mee hate Versprieche fir eng zousätzlech Lëtzebuerger Hëllef vun 21 Milliounen Euro am Gepäck a matgeholl hate si och Vertrieder:inne vun der Lëtzebuerger Press - eent dovun d’100,7-Journalistin Danièle Weber.

Fir de Xavier Bettel a fir d’Yuriko Backes war et déi zweet Rees an d’Ukrain, zanter datt Russland virun eppes iwwer dräi Joer an d’Land amarschéiert ass.

E Mëttwoch waren den Ausseminister an d’Verteidegungsministerin fir eng kuerz Visitt vu ronn 15 Stonnen zu Kiew - wou si sech zesumme mat Lëtzebuerger Journalisten a Journalistinnen e Bild vun der Situatioun gemaach hunn - an eng ganz Partie Rendez-vousen haten - dorënner den ukraineschen Ausseminister, de Premierminister ... an de President Wolodymir Zelenskyj.

Bei där Entrevue hunn d’Journalisten aus Sécherheetsgrënn net dierfen derbäi sinn - d’Danièle Weber huet awer profitéiert, fir op der Plaz mat enger Partie anere Leit ronderëm déi Visitt ze schwätzen.

Déi däitsch CDU huet d’Nimm vun hire Ministerinnen a Ministere bekannt ginn. Eise Korrespondent Matthias Kirsch gëtt weider Detailer.

Op der gesamter Ieberescher Insel ass gëschter spéide Moien de Stroum ausgefall. Eis Korrespondentin Aurélie Chamerois ass op der Plaz a gëtt en Abléck vun der Lag.

Spuenie wäert seng Militärdepensen nach dëst Joer ëm méi wéi 10 Milliarden Euro eropschrauwen an dofir och nach am Laf vun 2025 - an net eréischt, wéi bis elo virgesinn, 2029 - d’NATO-Zil vun 2 Prozent vum PIB erreechen. Dat huet de Premier Pedro Sanchez dës Woch ugekënnegt a gläichzäiteg versprach, datt dowéinst weder Steieren eropgesat, nach Sozialausgabe gekierzt, nach nei Scholden opgeholl ginn. Explikatioune vun der 100,7-Korrespondentin a Spuenien Aurélie Chameroi

700 Milliounen Euro Strof mussen d’Konzerner Apple a Meta zesumme bezuelen, well se sech um digitale Maart net un EU-Gesetzer halen. Dat huet d’Europäesch Kommissioun gëschter (23.4.) matgedeelt.

D’Enquêtë géint déi amerikanesch Entreprise lafe schonn eng Zäit an et war ongedëlleg op déi Decisioune gewaart ginn. Elo komme se zu engem brisante Moment - matten am Handelssträit tëschent der EU an den USA.

Dat eent huet näischt mat deem aneren ze dinn - huet et gëschter vun der Europäescher Kommissioun geheescht. Ass dat plausibel? An: Wat genee reprochéiert d’EU Apple a Meta?

Explikatioune vun eiser EU-Korrespondentin Danièle Weber

De Geriichtshaff zu London huet festgeluecht, dass sech den “Term” Fra gesetzlech elo just op Leit bezitt, déi als biologesch Frae gebuer sinn.