Wat kan ek glo oor die doel van die Bybel? Die Bybel is so ’n wonderlike geskenk van God wat ook soveel waarde tot ons lewens kan bydra. Die Bybel leer en onderrig ons, maar die Bybel maak ons ook skoon. Dit bly egter ons keuse of ons gaan toelaat dat die Bybel ons skoonmaak.

Marius Malan het die reeks voortgesit en gesels oor: Wat kan ek glo oor gebed? Baie mense wonder of daar 'n regte of 'n verkeerde manier van bid is en of God ooit ons gebede verhoor. Ons vertrou hierdie boodskap sal jou help om by die waarheid rondom gebed uit te kom.

Ons bevind onsself in 'n tydperk waar ons wêreld weekliks en selfs daagliks verander en almal 'n opinie, of iets te sê het. Dit raak maklik oorweldigend en laat ons op ‘n plek waar ons nie meer weet wat om te glo, of wat die waarheid is nie. Hierdie reeks is daarop gemik om jou in jou allerdaagse reis en persoonlike verhouding met Jesus, te help om by die waarheid uit te kom. Marius Malan het die reeks afgeskop en gesels oor: Wat kan ek glo oor of ek hemel toe gaan? Ek dink dit is 'n groot vraagstuk in baie mense se gedagtes en daar is baie redes hoekom ons hieroor wonder? Met hierdie vraag is daar ‘n mooi uitnodiging van Jesus om jou hart vir Hom te gee, want 'n persoonlike verhouding met Hom is die sleutel tot die antwoord.

Februariemaand word altyd gesien as die maand van liefde en in die konteks van dit onstaan ons nuwe reeks: Ek het Beloof. Dit is ‘n kort reeks wat gebasseer is op die huwelik en die groot belofte wat ons op ons troudag maak. Ons bid dat die reeks jou sal help om te besef wat die belofte wat jy gemaak het behels en hoe God die huwelik sien en daaroor droom. Marius Malan het Sondag met ons gesels oor die belofte wat jy gemaak het en ‘n belofte is wat in alle omstandighede geld. Ons moet mekaar altyd respekteer en wedersyds onderdanig wees.

Februariemaand word altyd gesien as die maand van liefde en in konteks hiervan het ons nuwe reeks onstaan: Ek het beloof. Dit is ‘n kort reeks wat gebaseer is op die huwelik en die groot belofte wat ons op ons troudag (ge)maak (het). Ons bid dat die reeks jou sal help om te besef wat die belofte wat jy gemaak het behels en hoe God die huwelik sien en daaroor droom. Marius Malan het afgelope Sondag met ons gesels oor hoe ons mekaar moet liefhê en bemin. Dit is ‘n proses wat in die huwelik nooit mag ophou nie. Mag ons altyd aanhou om mekaar lief te hê en nooit moeg raak daarvoor nie.

Ons bevind onsself in een van die vreemdste tye van ons geskiedenis. Die wêreld is in rep en roer oor die COVID-19 virus en Suid-Afrika bevind homself in 'n nasionale "lockdown". Alhoewel daar soveel dinge gedurende hierdie tyd aangaan, is daar ook baie wat ons kan doen en leer in hierdie tyd - waardevolle lewenslesse en beginsels wat ons nie noodwendig raaksien as ons besig raak met die gejaag van die lewe nie. Marius Malan die reeks voortgesit en met ons gesels oor: Ek is ook besmet. In hierdie tyd word ons met soveel negatiwiteit besmet, dat dit noodsaaklik is dat ons sal sorg dat ons ook met positiwiteit besmet word. God roep ons juis in 'n tyd soos hierdie om geloof, hoop en liefde te versprei.

Wanneer ons praat van ‘n revolusie, praat ons van ’n dramatiese en skielike verandering. In hierdie reeks gesels ons oor Pinkster en hoe die Heilige Gees ’n revolusie en verandering in ’n tyd soos vandag wil bring. Marius Malan het die reeks afgesluit en gesels oor: Hoekom volg jy Jesus? Daar is verskillende redes hoekom mense Jesus volg. Dit kan wees oor wat Hy vir ons en ander al gedoen het, of vir dit wat Hy nog kan doen. Die groot vraag bly egter hoekom jy Jesus volg en hoekom jy Jesus se revolusie sal volg?

Wanneer ons praat van 'n revolusie, praat ons van 'n dramatiese en skielike verandering. In hierdie nuwe reeks gesels ons oor Pinkster en hoe die Heilige Gees 'n revolusie en verandering wil bring in 'n tyd soos vandag. Marius Malan het die reeks voortgesit en gesels oor: Almal praat dieselfde taal. Met die fokus op Pinkster en die Heilige Gees, moet ons weet dat die Gees eenheid tussen God se kinders bring en ons dieselfde taal oor dieselfde koninkryk laat begin praat - God se koninkryk.

Wanneer ons praat van ‘n revolusie, praat ons van ’n dramatiese en skielike verandering. In hierdie nuwe reeks gesels ons oor Pinkster en hoe die Heilige Gees ’n revolusie en verandering wil bring in ’n tyd soos vandag. Marius Malan het die reeks voortgesit en gesels oor: Raak deel van die revolusie. Die groot vraag wat opkom is hoekom ons deel van ‘n revolusie moet word? Wel, Jesus het ‘n revolusie begin om ons uit die mag van die duister te verlos. Hy nooi ons om deel te word van Sy revolusie, sodat Hy deur ons, ander ook kan verlos.

Wanneer ons praat van ‘n revolusie, praat ons van ’n dramatiese en skielike verandering. In hierdie nuwe reeks gesels ons oor Pinkster en hoe die Heilige Gees ’n revolusie en verandering wil bring in ’n tyd soos vandag. Marius Malan het die reeks vir ons afgeskop en gesels oor: Wag vir verandering. Ons vind onsself in 'n tyd van wag. Wag dat alles kan terugkeer na normaal toe, maar is dit nie dalk nodig vir ons om te wag vir iets anders nie? Miskien 'n Goddelike revolusie?