Kultur

Frankräich ass am Trauer, de Jean Jacques Sempé ass dout. Seng Bicher iwwer de "Le petit Nicolas" hunn hie weltbekannt gemaach. Eng Figur, déi de Jean Jacques Sempé zesumme mam 1977 verstuerwenen Auteur René Goscinny erfonnt hat. Eng weider Figur, déi dem Sempé säi Liewe markéiert huet, ass déi vum Vëlosverkeefer Raoul Taburin.

Elo ass de Jean Jacques Sempé kuerz virun sengem 90. Gebuertsdag gestuerwen, den nächsten Donneschdeg, 18. August, hätt hien der 90 kritt. De Jean Claude Majerus erënnert un de Jean Jacques Sempé.

An dëse waarmen Zäite ginn et net vill Plazen, wou ee sech vun der Hëtzt zeréckzéie kann. Duerfir invitéiert de Serge Tonnar dësen an nächste Weekend an d'Kierch zu Randschelt op eng intimistesch Performance mat Musek an Text. Den Jamie Reinert huet sech mam Museker ënnerhalen.

"Der Däiwel" war eis lescht Erzielkonscht-Sendung RadiOdyssee virun der Summerpaus iwwerschriwwen. An obschonns eis Erzielkënschtlerinnen Luisa Bevilacqua a Betsy Dentzer bei deem Sujet keng Ufängerinne sinn, ass - der Däiwel awer och - an de Kulissen alles schif gelaf. Glécklecherweis esou, datt Dir Nolauschterer näischt dovunner matkritt hutt. Dir hutt och net matkritt, datt d'Luisa Bevilacqua nach nom Enn vun der Sendung eng Geschicht erzielt huet, well et net matkritt hat, datt de Riddo scho gefall war. Dëst "diabolescht Schlësselerliefnis" wollte mir Iech awer op kee Fall virenthalen.

D'Magali Speicher ass eng 22 Joer al Escher Kënschtlerin, déi sech fir hir Entrée an d'Musekswelt ee ganz besonnescht Uleies erausgesicht huet. Wéi eng Telenovela huet si dräi Singelen a gläichméissegem Ofstand erausbruecht, déi eng treffend a betreffend Geschicht erzielen. Deen drëtte Song ass elo dobaussen a gläichzäiteg kommen déi dräi Lidder zesummen als Extended Player eraus.

Um Mikro vum Marc Clement erkläert d'Magali nach eemol, wat hanner dem couragéierte Projet stécht.

"Der Däiwel" war eis lescht Erzielkonscht-Sendung RadiOdyssee virun der Summerpaus iwwerschriwwen. An obschonns eis Erzielkënschtlerinnen Luisa Bevilacqua a Betsy Dentzer bei deem Sujet keng Ufängerinne sinn, ass - der Däiwel awer och - an de Kulissen alles schif gelaf. Glécklecherweis esou, datt Dir Nolauschterer näischt dovunner matkritt hutt. Dir hutt och net matkritt, datt d'Luisa Bevilacqua nach nom Enn vun der Sendung eng Geschicht erzielt huet, well et net matkritt hat, datt de Riddo scho gefall war. Dëst "diabolescht Schlësselerliefnis" wollte mir Iech awer op kee Fall virenthalen.

"Am Verbond mat der Nuecht fléien"... dat kléngt schéin, bal geheimnisvoll, fannt Dir net? Grad esou wéi Lynette Yiadom-Boakye, esou den Numm vun der Autorin, där hir Elteren aus Ghana stamen, mee si selwer koum awer 1977 zu London op d'Welt. D'Lynette Yiadom-Boakye seet vu sech, datt si zeechent, wat si net mat Wierder beschreiwe kann a mat Wierder beschreift, wat si net zeechne kann. Virun zéng Joer ass der Kënschtlerin als Molerin de groussen Duerchbroch gegléckt. Elo stellt si bis de 5. September knapps 70 Peinturen am Mudam aus. Explikatioune Kerstin Thalau

Aus "Hannah, mat engem H" ass iergendwann d'Hannah H ginn, eng jonk Sängerin vu Lëtzebuerg. "Livin' Free", hir zweet Single, koum virun e puer Deeg eraus. Zesumme mam Produzent Max Hochmuth setzt si hir Stëmm ganz an de Virdergrond, an dat net fir näischt, well si ass et, déi si an hirer Musek féiert. De Marc Clement huet sech mat der Hannah H ënnerhalen.

"Am Verbond mat der Nuecht fléien"... dat kléngt schéin, bal geheimnisvoll, fannt Dir net? Grad esou wéi Lynette Yiadom-Boakye, esou den Numm vun der Autorin, där hir Elteren aus Ghana stamen, mee si selwer koum awer 1977 zu London op d'Welt. D'Lynette Yiadom-Boakye seet vu sech, datt si zeechent, wat si net mat Wierder beschreiwe kann a mat Wierder beschreift, wat si net zeechne kann. Virun zéng Joer ass der Kënschtlerin als Molerin de groussen Duerchbroch gegléckt. Elo stellt si bis de 5. September knapps 70 Peinturen am Mudam aus. Explikatioune Kerstin Thalau

Aus "Hannah, mat engem H" ass iergendwann d'Hannah H ginn, eng jonk Sängerin vu Lëtzebuerg. "Livin' Free", hir zweet Single, koum virun e puer Deeg eraus. Zesumme mam Produzent Max Hochmuth setzt si hir Stëmm ganz an de Virdergrond, an dat net fir näischt, well si ass et, déi si an hirer Musek féiert. De Marc Clement huet sech mat der Hannah H ënnerhalen.

Déi däitsch Akademie fir d'Sprooch an d'Dichtung decernéiert zanter 1951 den Georg-Büchner-Preis un exzeptionell  Schrëftstellerinnen a Schrëftsteller. Dëst Joer ass déi tierkesch-däitsch Schrëftstellerin Emine Sevgi Özdamar d'Laureatin vun dësem renomméierte Literaturpräis, dee mat 50.000 Euro dotéiert ass. D'Valerija Berdi stellt d'Emine Sevgi Özdamar vir.