Lestin

Lestin

Download on the App Store

All Lestin episodes

  • Black Sabbath ballett, Hugarflug og Hringiða
    Konunglegi Ballettinn í Birmingham vinnur nú að ballett byggðum á lögum þungarokkssveitarinnar Black Sabbath. Nýr listrænn stjórnandi Ballettsins leggur upp með að vinna með menninguna á svæðinu og hefur áður sett upp City of a Thousand Trades, sem fjallar um innflytjenda- og iðnarsögu borgarinnar.
    Hugarflug, ráðstefna Listaháskóla Íslands fer fram á föstudag 10. febrúar en opnunarhátíð er á fimmtudag. Yfirskrift ráðstefnunnar eða hátíðarinnar í ár er ?Margfeldi framtíða??. Í einum þessara fyrirlestra fjallar hópurinn Artists in Iceland Visa Action Group (AIVAG) um beitingu reglugerða varðandi vegabréfsáritanir og dvalarleyfi og áhrif þess á listræna starfsemi, menningarstofnanir og stöðu listamanna af erlendum uppruna á Íslandi. Bryndís Björnsdóttir og Megan Auður í AIVAG halda fyrirlesturinn en einnig verða einnig hvor með sína vinnustofu. Við heimsækjum Megan Auði á kaffistofu Höggmyndafélagsins.
    Við lítum svo við í Gallerí Þulu á Hjartatorgi, þar stendur yfir sýning myndlistarmannsins Þorvalds Jónssonar, Hringiða. Þetta er skemmtileg og svolítið skrípó sýning þar sem fylgst er með sjö fígúrum, ævintýrum þeirra og lífshlaupi.
    55 min
  • Grammy-verðlaunin, mistök í myndlist og FLOTT
    Við kíkjum á Grammy-verðlaunahátíðina sem fram fór um helgina og rifjum upp viðtal við plötusnúðinn Natalie Gunnarsdóttur um house tónlist og Renaissance, nýjustu plötu Beyoncé. Beyoncé hefur nú hlotið flest Grammy-verðlaun allra listamanna.
    Hallgrímur Árnason myndlistarmaður sem búsettur er í Vín opnar sína fyrstu einkasýningu um helgina þar sem hann sýnir abstrakt verk á óhefðbundinn hátt þar sem bakhlið málverkanna leikur jafnstórt hlutverk og framhliðin. Við sláum á þráðinn til Vinar til að forvitnast um sýninguna, sem hann kallar fehlerhaft [k?tl?ð].
    Að lokum leit Vigdís Hafliðadóttir við í Lestinni, hún er söngkona hljómsveitarinnar FLOTT sem sendi frá sér lagið Hún ógnar mér á dögunum. Þura Stína Kristleifsdóttir, Reykjavíkurdóttir og leikstjóri tónlistarmyndbandsins við lagið var á línunni frá Mílan.
    55 min
  • Pamela: A Love Story, málnotkun á netinu og einkennisbúningar
    Við pælum í Pamela: A Love Story, heimildarmynd um Pamelu Anderson sem kom út á Netflix á dögunum sem nokkurs konar svar við þáttunum Pam & Tommy sem komu út í fyrra í óþökk Pamelu.
    Fyrir nokkrum árum hófst doktorsrannsókn hér á landi þar sem markmiðið var að rannsaka málnotkun Íslendinga á samfélagsmiðlum. Í desember í fyrra fór fram doktorsvörn Vanessu Isenmann við Íslensku- og menningardeild Háskóla Íslands. Doktorsritgerð hennar í íslenskri málfræði fjallar um notkun íslenskunnar í óformlegum samskiptum á Facebook.
    Og Brynja Hjálmsdóttir flytur okkur pistil um einkennisbúninga og merkingu þeirra.
    55 min
  • Dr. Phil hættur, ísskápsþrif og ástin í raunveruleikasjónvarpi
    Vetrarhátíð opnar í dag og stendur fram á laugardag, 150 viðburðir eru í boði fyrir fólk að kostnaðarlausu þar sem mikill fjöldi listamanna sýnir list sína. Einn viðburðurinn heitir Stríðið er raunverulegt / The struggle is real. Þar sýnir Curver Thoroddsen kvikmyndaverk í Höggmyndagarðinum við Nýlendugötu sem hann vann í samstarfi við rússneska kvikmyndagerðamenn. Ísskápurinn eru miðpunktur verksins og Curver sjálfur en hann er ekki í matarleit heldur bograr hann inn í skápinn vopnaður tusku og hreinsiefni. Verkið var gert í Moskvu skömmu fyrir Úkraínustríðið í kjölfar ritskoðunar á öðru verki listamannsins. Curver mætir um borð í Lestina í dag og segir betur frá.
    Ásdís Sól Ágústsdóttir hefur verið að horfa á raunveruleikasjónvarp um fólk í leit að ástinni og í pistli dagsins fjallar hún um það hvernig ástin birtist í slíkum þáttum, sem nóg er af á streymisveitum þessi misserin.
    Eftir 21 ár af æsingaráðgjöf um allt á milli himins og jarðar; megrun, vandræðaunglinga, missi, vímuefnanotkun, framhjáhald, og svo framvegis, hefur hinn vinalegi en strangi suðurríkjasálfræðingur Phil McGraw ákveðið að hætta með hina geysivinsælu þætti Dr. Phil. Við ræðum arfleifð þáttanna og sálgæslu í sjónvarpi við Salvöru Gullbrá Þórarinsdóttur og Ragnheiði Thorsteinsson.
    55 min
  • Lúpína, Brian Jonestown Massacre og spæjarar í Vín
    Við verðum á gráa svæðinu, á mörkum hins löglega og hins ólöglega, þess sem er leynilegt en samt uppi á borðinu, í njósnaborginni Vín.
    Brian Jonestown Massacre heldur tónleika á Íslandi í mars. Davíð Roach Gunnarsson flytur okkur pistil um hljómsveitina sem hann segir síðasta vígi sækadelíunnar.
    Tónlistarkonan Nína Solveig Andersen sem gengur undir listamannanafninu Lúpína hefur gefið frá sér sína fyrstu sólóplötu sem kallast Ringluð. Nína er búsett í Osló þar sem hún stundaði nám og vinnur að tónlist, Lestin sló á þráin til hennar og fékk að vita meira um plötuna.
    55 min
  • Snúrusúpa, Sally Rooney og stéttarvitund
    Myndlistarsýningin Snúrusúpa opnar á Vetrarhátíð í Tjarnarsal Ráðhúss Reykjavíkur á fimmtudag. Sjö listamenn taka þátt og fást við sama efniviðinn, rafmagn, sem er alltumlykjandi þáttur í lífi manna. Tilvistin er snúrusúpa, eins og segir í kynningu. Tveir úr listamannahópnum líta við í Lestina, þau Atli Bollason og Una Sigtryggsdóttir.
    Við förum líka til Írlands og veltum fyrir okkur húsnæðismarkaðinum, stéttavitund og menningarauðmagni í bókum írska rithöfundarins Sally Rooney. Við ræðum við Ingunni Snædal, þýðanda bókarinnar Fagri heimur, hvar ert þú, eftir Sally Rooney, sem kom út í íslenskri þýðingu árið 2022.
    55 min
  • Afnýlenduvæðing og Television
    Við verðum með hugann við bandarískar bókmenntir og tónlist í dag. Tom Verlaine, söngvari, gítarleikari og lagasmiður bandarísku rokksveitarinnar Television lést um helgina 73 ára. Sveitin spratt upp úr pönksenu í New York á áttunda áratugnum í kringum staðinn CBGB ásamt hljómsveitum eins og Talking Heads, Patti Smith, Blondie og Ramones. Television var ekki langlíf en gríðarlega áhrifamikil, og fyrsta plata þeirra Marquee moon ratar á flesta lista yfir bestu og áhrifamestu plötur allra tíma. Við ræðum um þessa merkilegu hljómsveit og höfuðpaur hennar við Gunnar Jónsson tónlistarmann.
    Við kynnumst bandaríska rithöfundinum Nellu Larsen, sem skrifaði bækur og smásögur á þriðja áratug tuttugustu aldar. Larsen ólst upp í Chicago hjá danskri móður en faðir hennar var frá Jómfrúareyjum, fyrrum þrælanýlendu Dana. Bækur hennar lýsa þeirri upplifun að vera dökk, ekki hvít en ekki nógu svört til að tilheyra samfélagi svartra. Sólveig Ásta Sigurðardóttir, bókmenntafræðingur heimsækir Lestina og segir frá þessum áhugaverða höfundi.
    55 min
  • Ásgrímur Sverrisson, Klapptré og rýni í Villibráð
    Þátturinn í dag verður helgaður kvikmyndum. Guðrún Elsa Bragadóttir flytur gagnrýni um kvikmyndina Villibráð sem hefur verið að gera það gott í kvikmyndahúsum landsins undanfarið og við fáum til okkar Ásgrím Sverrisson, ritstjóra vefmiðilsins Klapptrés. Það eru fáir fróðari en Ásgrímur um íslenskar kvikmyndir, og hann ræðir við okkur um Klapptré, fagmiðil um íslenskar kvikmyndir og sjónvarp, sem stofnaður var haustið 2013 og fagnar 10 ára afmæli á árinu.
    55 min
  • Mynd um Amy Winehouse, mýkt í glímu, umdeild ljósmyndasýning 1983
    Mikil umræða hefur skapast um nýja leikna mynd sem fjallar um líf Amy Winehouse. Myndin, sem nýbyrjuð er í tökum, er nú þegar orðin umdeild. Eins og oft áður er tekist á um hvernig leikarar líta út og hver má segja söguna, og hvort það sé einfaldlega of snemmt að gera mynd um Amy Winehouse.
    Steinunn Sigþrúðar Jónsdóttir fjallar um sýninguna Grímur manneskjunnar, sem tveir ungir norskir listamenn komu með hingað til lands fyrir 40 árum. Til stóð að halda sýninguna í Norræna húsinu en listamennirnir héldu á brott skömmu áður en sýningin opnaði. Málið olli fjaðrafoki og rataði í fjölmiðla, en það var greint frá atburðum á afar ólíkan hátt í norskum fjölmiðlum.
    Við fáum Áslaugu Dungal í heimsókn í Lestina. Hún gaf út sína fyrstu plötu í fyrra, 6 laga plötuna Óviss. Við ræðum við hana um mýktina í tónlistinni og mýktina í glímunni, sem er önnur ástríða í lífi hennar.
    55 min
  • Weight Serie, Smá smár og alsæið í pönkbæn Pussy Riot
    Sunna Svavarsdóttir myndlistarkona opnaði sýninguna Weight Serie í Gallerí Port á Laugavegi síðustu helgi - þar sem hún rannsakar hreyfiorku líkamans. Sunna er frá Akureyri og lærði við Konunglegu listaakademíuna í Den Haag og útskrifaðist þaðan árið 2019 en flutti svo til Íslands þegar Covid skall á. Við lítum inn á Gallerí Port í dag.
    Smá smár er nýtt lag frá leikaranum og tónlistarmanninum Ara Ísfeld Óskarssyni. Lagið var upphaflega hluti af sýningunni How to make love to a man sem sýnt var í Borgarleikhúsinu í fyrra, sem leikhópurinn Toxic kings setti upp. Þar glímdu þeir við ýmsa fleti karlmennskuhugmyndarinnar og í þessu lagi syngur Ari Ísfeld um hvað það er gott að fá að vera lítill í sér og sýna tilfinningar.
    Og Melkorka Gunborg Briansdóttir fjallar um sýningu Pussy Riot í Þjóðleikhúsinu út frá hugmyndum Foucault um alsæi.
    55 min