Den 1. Abrëll ass de Mois du Don vum Roude Kräiz offiziell ugelaf. An den nächste Wochen zéien nees Honnerte vu Benevoller vun Haus zu Haus, fir Spenden ze sammelen. Fir d'Croix Rouge ass déi Aktioun, déi et zënter 1945 gëtt, déi laang Zäit 14 Deeg an zënter e puer Joer elo e ganze Mount dauert, extrem wichteg. De Maurice Molitor ënnerhält sech doriwwer mam Marc Crochet, dem Directeur général adjoint vum Roude Kräiz.