RTL - Carte Blanche

RTL - Carte Blanche

By RTL Radio LëtzebuergNews
Download on the App Store

RTL - Carte Blanche episodes

  • Carte Blanche: E Mindestalter fir Relioun?, 30/04/2018
    Spëtzevertrieder vun deenen däitsche kierchenoe Parteien CDU an CSU hunn an de läschten Deeg e Verbuet vum Voile verlaangt, an zwar fir Meedercher ënner 14 Joer vu muslimëschen Elteren, well déi Kanner ze jonk wieren, fir sech kënne géint den Octroi vun engem reliéise Symbol ze wieren.

    Komesch ass, dass di selwecht Politiker kee Problem hunn, wa Kanner vu kathouleschen oder evangeleschen Elteren quasi direkt no der Gebuert vu Reliounen zwangsrekrutéiert ginn. Oder wann di Kanner puer Joer mi spéit duerch aner reliéis Ritualer wi d’Kommioun geschleist ginn.

    Di selwecht Politiker hu kee Problem, fir Kanner an all öffentlechen Raum mat engem Kräiz ze konfrontéieren, wi elo a Bayern. Si stéiere sech net drunn, wa Relioune Kanner indoktrinéieren, se forcéieren, Märercher als absolutt Wourechten ze gleewen an näischt kritesch ze hannerfroen, an deene Fuerderungen mat deem erfonnte Konzept vun der Hell Nodrock verschafen.

    Di selwecht Politiker kritiséieren éischter selten di reliéis motivéiert Beschneidung vu klenge Bouwen vu jiddeschen a muslimeschen Elteren, oder déi kierperlech Mutilatioun vu klenge Meedercher a villen afrikanesche Länner. An der Aentwert vun der lëtzebuerger Gesondheetsministesch op eng rezent parlamentaresch Fro kann een tëscht den Zeile liesen, dass hei am Land di reliéis motivéiert Beschneidung vu Bouwen net verbueden ass, sou laang se an engem „milieu médical“ duerchgefouert gëtt. An Island hunn d’Politiker méi Courage: do soll reliéis motivéiert Beschneidung vu Kanner elo ganz verbuede ginn.

    Alles, wat ech elo opgezielt hunn, si reliéis Zwäng, géint déi Kanner sech genau sou wéineg kënne wieren wi Meedercher ënner 14 Joer, di mussen ee Voile droen. E Kand vun neng Joer, wat an e Kostum gestach gett an da muss mat enger Käerz an der Kiersch stoen, mécht dat net aus eegener reliéiser Iwwerzeegung, mee well seng Elteren oder dee sozialen Drock dat sou virschreiwen. A kee Kand wielt fräiwëlleg eng Verstümmelung oder Verännerung vu senge Geschlechtsorganer.

    Et muss ee sech dofir froen, ob sou Aussoe vun däitschen C-Politiker nët missten als ferm hypokritesch bezeechent ginn, wann net suguer als eppes Schlëmmeres.

    All Mënsch ka gleewe wat e wëllt. D’Fro sief awer erlaabt, ob ee mannerjähreg Kanner net vu reliéis motivéierten Zwäng misst ganz verschounen. A wann se groussjähreg sinn, selwer denke kënnen a genuch Informatiounen iwwert eis Welt an eis Gesellschaften hunn, kéinte si aus fräie Stécker decidéieren, op se wëllen enger Relioun zougehéieren oder net, e Voile droen oder net, sech beschneide loossen oder net. D‘Mënscherechter an de Schutz vum Kand missten definitiv iwwert der Reliounsfräiheet stoen. An dat muss fir all d’Relioune gëllen.


    Allianz vun Humanisten, Atheisten an Agnostiker Lëtzebuerg a.s.b.l. (AHA), www.aha.lu

    Mitglied International Humanist and Ethical Union (IHEU)
    Mitglied European Humanist Federation (EHF)
    Mitglied Alliance for a Secular Europe
    Mitglied Cercle de Coopération des Associations laïques (CCAL)

    3 min
  • Carte Blanche, Marc Glesener, 27/04/2018
    Ee Waljoer, dat ass eppes ganz Besonnesches. Et gëtt kaum esou vill iwwer Politik geschwat ewéi an de Méint virun deem Dag, op deem en neit Parlament gewielt gëtt an domat déi politesch Landschaft een neit Gesiicht kritt. Bis de 14. Oktober ass et nach e Stéck an et gëtt intensiv u Programmer geschafft, un neien Iddien a Visiounen fir d’Zukunft vum Land.
    Des Virschléi ginn dann an Broschüren an Trakten awer och via déi sozial Medien ënnert d’Leit bruet. Net ze vergiessen déi sëllechen Interviewen an Artikelen iwwer déi sou genannten politesch Inhalter. Inhalter, déi jo, wéi et heescht, méi wichteg sinn ewéi Gesiichter.
    Esou wäit esou gutt.
    Wourop et ënner dem Stréch ukënnt, ass wat aus esou gudden Iddien duerno an der realer Politik geschitt. Dann zum Beispill, wann Projeten, Initiativen oder Gesetzer mussen ëmgesat ginn. Dann mussen och d’Leit, d’Wieler Verantwortung iwwerhuelen an eng Ëmsetzung vu politeschen Entscheedungen erméiglechen.
    Da spillt, et dierft kee wonneren, eng ganz aner Gei. Beispiller ginn et genuch. Da gëtt sech opgereegt, manifestéiert an oft esouguer prozesséiert.
    Not In My Back Yard. NIMBY. Dat ass ee bekannte Leitmotiv.
    Dees sinn ech mer kierzlech no e puer Deeg Vakanz nees bewosst ginn, wéi ech op Lëtzebuerg zréck koum an de Radio gelauschtert an d’Tele gekuckt hunn. Zwee Haaptitelen gouf et do: Éischtens Oppositioun géingt geplangten Wandmillen an dir enger Gemeng. Zweetens Biergerprotest géingt eng Bio-Eeër-Farm an enger anerer Gemeng.
    Nu gehéieren d’Fërderung vun Alternativen Energien an eng zolidd Portioun Bio an der Landwirtschaft wuel zu deenen Fuerderungen a Verspriechen, déi all Parteien maache an och de Gros vun de Wieler absolut an der Rei fannen. - Awer just net wann et virun der eegener Hausdier ëmgesat gëtt.
    Wann ee selwer betraff ass, selwer muss op eppes verzichtem, selwer och nëmmen e bëssen an och nach  indirekt vun eppes betraff ass, gesäit fir vill Leit d’Welt ganz anescht aus. Da gëllen aner Prioritéiten an aner Prinzipien. Da muss d’Politik noutfalls agräifen an sech wa méiglech direkt em de Problem vum eenzelen këmmeren.
    Kee Wonner, dat am politeschen Geschäft dofir oft gezeckt gëtt an vill Leit wëllen op d’Nummer sécher goen. Si ginn genee dohinner gedriwwen. Vun e Wieler selwer, déi no Léisungen a Konzepter am groussen Stil fir d’Land verlaangen, dacks awer wann et em den eegenen Virgäertchen geet, ganz kleng denken.
     


    3 min
  • D’Optioune si méi deier wéi de ganzen Auto, 25/04/2018 12:50
    Nei Autoe ginn ëmmer méi deier. Et stécht och ëmmer méi Technik dran.
    D’Zäiten wou de Mecanicien de Capot opgemaach huet, an da mat uelegen Hänn a mam Schrauweschlëssel hantéiert huet, si passé.
    Haut heescht hien Mechatroniker a säin Haapt-Handwierksgeschier ass de Computer.

    Och fir de Keefer huet sech villes geännert, fënnt de Guy Seyler

    0 min
  • Carte Blanche, 25/04/2018
    “Lëtzebuerg boomt an d’Welt geet zu Gronn”– heiheem an anerwäerts“  25-4-2018     Auteur:J-L Thill

    Wourecht: dat Thema wor nach ni populär. Politker réageiren nervös, Bezéiungen ginn drunn zu Gronn. Si ass de Journalisten hier Botterschmier, mat oder ouni Fake News. D’Kirch behapt si hätt se! d’Philosophen hun dofir eng Disziplin mat schweirem Numm: d’Epistemologie a kucken schons lang de Wessenschaftler no wei dei se fannen.
    Gëscht wär d’Wourecht erëm on Tour – heiheem um Kautmaart. Do gëtt festgesallt dat et dem Land sou geet wéi nach ni. Politik hällt eng Laudatito op sech selwer fir dem Bierger virun de Wahlen kloer ze machen dat nëmmen sie, also dé aktuell politesch Décideueren, dat konnten hiewelen. Et kann zeguer nach besser ginn, évidemment, awer nëmmen mat eben deenen selwechten Leit. Dat sinn nun emol d’Wourechten an engem Wahljoer.
    Dobaussen ass d’Wourecht och on Tour – permanent - awer déi well keen sou richteg héieren.  Et gouf eng Zäit do woren Naturkatastrophen eng Strof vun den Götter fir menschlecht Fehlverhalen ze erklären, virun allem um moralesche Plang. Des infantil Opfassung vun der Welt kruet 1755 en abrupt Enn mam Erdbiewen vun Lissabon. Souzesoen mat symbolischer Kraft gouf dei portugisesch Haaptstadt  den 1. November während der Allerhelge-Mass an den Koup gerëselt. Keen konnt sech e menschlecht Versoën firstellen wat eng Strof an dem Ausmos géif verdingen.
    Schnell gouf klor dat Natur fir de Mensch eng Gefor duerstellt, och ouni religiösen an iwermenschlechen Hannergedanken. Fir dem entgéint ze wierken huet de Mensch sech op de d’Sich no dem engen oder aneren Naturgesetz gemach, fir an Zukunft besser op sou Katastrophen firbereed ze sinn.  – vun Kopemänercher an Keelepartie am Himmel wor kei mei ze iwerzeegen.  
    Gudd 260 Joer duerno – also haut – stelle mer fest:  D’Naturkatastrophen hu mer zwär nach ëmmer net am Grëff, dofir kann de Mensch där Katatsrophen mettelerweil awer selwer ausléisen. Gouf et beim Klimawandel nach e langen an ausféierlechen Debat ob wouer oder erfond,  sou hällt d’Austierwen vun Fauna a Flora kee mei wirklech fir fake News.
    Et sinn och nët nëmmen Insekten a Villecher déi verschwannen - Schätzungen ginn dovun aus dat 20-25000 Arten all Joer vum Ärdbuedem verschwannen – 2016 sinn sou 2/3 vu der Koralllen am australeschen Great Barrier Reef gestuerwen. Léisungen ginn et weder vun der Wessenschaft nach vun der Politik. Strategie fir keng Froën ze stellen fir net mussen drop ze antwerten ass een Spill op Zäit, wou et eis herno sou geet eis wéi den DInosaurieur, an dat ganz ouni Meteorit!
    Fir de Neil Postman wär schons an den 80er Joeren kloer mir géifen eis zu doud amuséieren andeems mer virun Televisionen vun Dommheet géifen zu Gronn goën. Dat d’Spassgesellschaft, déi iwregens um Krautmaart schons emol politesch hier Enn erklärt kruet,  déi egene Biosphäre géif kaschten dat ass och fir Kutlurpessimisten nei. D’Welt geet net ënner awer fir de Mënsch ass geschwënn keng Platz méi do – d’Responsabilitéit leit bei eis all oder wéi géif den Orwell soën: bei jidferengem d’selwecht a bei Verschiddenen méi.
    3 min
  • Commentaire, 24/04/2018 07:50
    Wann d'Mikroen dëst Joer an der Chamber fonctionnéieren, dann fänkt de Mëtteg pénktlech um hallwer 3 de fënneften "Etat de la Nation" un, deen de Staatsminister Bettel an der Chamber hält. Eise Chefredakter Roy Grotz bleift virsiichteg optimistesch wat d'Nouvellen ugeet, déi mer de Mëtteg wäerte presentéiert kréien.
    0 min
  • Carte Blanche, Astrid Lulling, 23/04/2018
    Et gëtt ëmmer méi – och hei zu Lëtzebuerg – iwwer Altersaarmut geklot. Obschonn eisen ëffentleche Pensiouns-System mat ee vun deene beschten an der Welt ass, gëtt et ëmmer méi Leit, och wa si oder hire Liewenspartner e ganzt Liewe geschafft a cotiséiert hunn, déi et am Alter schwéier hunn, um Enn vum Mount d’Enner zesummenzebréngen.
    Dat ass besonnesch fir Wittfraen awer och fir Wittmänner de Fall. Eigentlech ass de Steiersystem doru Schold. Dräi Joer nodeem se hire Partner duerch den Doud verluer hunn, rutsche si vum Steiergrupp 2 an de Grupp 1a. Scho bei enger besteierbarer Pensioun vun 2500 Euro falen an deem Grupp bal duebel sou vill Steieren un wéi virdrun, an zwar amplaz 50 bal 92 Euro de Mount.
    Mat 3500 Euro besteierbarer Pensioun ass een och nach net mat Zoossissen ugestréckt. Do klammen d’Steiere pro Mount ëm 227 op 443,50 Euro. Bal 300 Euro manner de Mount, dat si vill Suen, souguer wann een eng eege Wunneng huet.
    Leit, déi 4000 bis 5000 Euro brutto Pensioun de Mount hunn, sinn och nach keng Krösussen.
    Bei 5000 Euro besteierbarer Pensioun mussen de Mount am Grupp 1A 1069,14 Euro anstatt 450 Euro Steieren am Groupe 2 bezuelt ginn.
    Wann d’Wittmänner an d’Wittfrae Kanner an Enkelkanner hunn, deet dat besonnesch wéi . Zemol wa se mat deenen anere Grousseltere konkurréiere mussen, déi méi mëtschgieweg kënne sinn, well se nach am Steiergrupp 2 sinn.
    Ech als Jonggesellin war natierlech begeeschtert, wéi ech vum Steiergrupp 1 an de Grupp 1a koum.
    Och wa Jonggesellen, vis-à-vis vu klengen Neveuen an Urgroussneveue mol eppes sprange loosen, sou kann ee se dach net mat Grousseltere vergläichen.
    Dofir sinn ech der Meenung, datt mer den 1a net ofschafen, awer fir Wittfraen a Wittmänner déi Kanner an Enkelkanner hunn, en Abattement aféiere sollen,  fir dass se net duerch Steieren un d’Aarmutsgrenz erukommen.
    Déi nächst Regierung soll do Neel mat Käpp maachen, besonnesch well et ëmmer méi aussiichtslos gëtt, dass Pensiounen erhéicht ginn.
    Iwweregens dierften um Niveau vum Mindestloun iwwerhaapt keng Steiere méi ufalen, och net fir déi Aktiv.
    Fir d’Leit ass et wichteg, dass se netto méi an hirer Pai oder Pensioun hunn. Ob dat duerch méi Belaaschtung vum Patron oder vum Pensiounssystem oder duerch manner Steiere geschitt, ass net egal.
    Ech si fir manner Steieren, well de Mindestloun hei zu Lëtzebuerg zwar mat deen héchsten an Europa ass, awer net duergeet, fir hei am Land uerdentlech ze wunnen an ze liewen.

    4 min

About RTL - Carte Blanche

From the publisher's feed

Meenungen aus der Zivilgesellschaft iwwert d'Aktualitéit

More shows like RTL - Carte Blanche

Déckkäpp by RTL Radio Lëtzebuerg

Déckkäpp

0 Listeners

Journal (Radio) by RTL Radio Lëtzebuerg

Journal (Radio)

1 Listeners

Automag by RTL Radio Lëtzebuerg

Automag

0 Listeners

Tanguy Pastureau maltraite l'info by France Inter

Tanguy Pastureau maltraite l'info

19 Listeners

RTL - Presseclub by RTL Radio Lëtzebuerg

RTL - Presseclub

0 Listeners

RTL - Carte Blanche by RTL Radio Lëtzebuerg

RTL - Carte Blanche

0 Listeners

L'œil de Philippe Caverivière by RTL

L'œil de Philippe Caverivière

55 Listeners

RTL - HitStory by RTL Radio Lëtzebuerg

RTL - HitStory

0 Listeners

Kloertext fir ze lauschteren by RTL Télé Lëtzebuerg

Kloertext fir ze lauschteren

0 Listeners

Podpurri - mir schwätze Kultur! by RTL Radio Lëtzebuerg

Podpurri - mir schwätze Kultur!

0 Listeners

RTL - Flunkernews by RTL.lu

RTL - Flunkernews

0 Listeners

RTL - Econews by RTL Radio Lëtzebuerg

RTL - Econews

0 Listeners

RTL - Sproochmates by RTL Radio Lëtzebuerg

RTL - Sproochmates

0 Listeners

RTL - Lecture vun heiheem by RTL Radio Lëtzebuerg

RTL - Lecture vun heiheem

0 Listeners

RTL - IGEL - Inclusioun ganz einfach liewen by RTL Radio Lëtzebuerg

RTL - IGEL - Inclusioun ganz einfach liewen

0 Listeners

Wocheréckbléck by RTL Radio Lëtzebuerg

Wocheréckbléck

0 Listeners

RTL - Nogehaakt by RTL Radio Lëtzebuerg

RTL - Nogehaakt

0 Listeners

L'oeil d'Alex Vizorek by RTL

L'oeil d'Alex Vizorek

13 Listeners

Ausgeschwat by RTL Tëlee Lëtzebuerg

Ausgeschwat

0 Listeners

Fro den Affekot by RTL Radio Lëtzebuerg

Fro den Affekot

0 Listeners

Nospillzäit by RTL Radio Lëtzebuerg

Nospillzäit

0 Listeners

RTL inteam by RTL Radio Lëtzebuerg

RTL inteam

0 Listeners