RTL - Carte Blanche

RTL - Carte Blanche

By RTL Radio LëtzebuergNews
Download on the App Store

RTL - Carte Blanche episodes

  • Apropos: Ziel emol bis 3!, 22/11/2017 12:50
    Stauen op eisen Autobunne gehéiere mëttlerweil zu eisem Alldag! Et ass scho bal en Hobby am Stau ze stoen! De Camille Ney wëll elo emol guer net op de wirtschaftleche Verloscht vun där verluerener Zäit am Auto agoen, mee méi op d’Ursaache vun deene verkéierstechnesche Kniet…
    0 min
  • Carte blanche économique mat PWC, 22/11/2017
    Haut mam JV vu PwC - viru Kuerzem huet de Statec nei Chifferen zum Entrepreneuriat zu Lëtzebuerg publizeiert. Wei steet eist Land dann do ?

    Dem « Global Entrepreneurship Monitor » no, relativ gutt ! Dës Etude bei där iwwer 2000 Résiden'en am Alter vun 18-64 Joer matgemaach hu, weist datt den Entrepreneursgeescht an eisem Land (2016) weider een vun deenen Héchsten an Europa ass. Mat 9.2% si mer do och relativ stabil par rapport zu de Joren virdrun.
    Domat steet Lëtzebuerg besser do wéi d’Nopeschlänner Däitschland a Frankräich, déi bei 4.6 respektiv 5.3% leien, a läit souguer iwwert der europäescher Moyenne vun 8.6%. Interessant ass dat Kanada mat bal 17% deen héchsten, an Italien mat 4.4% deen déifsten Taux vun de 64 analyséierten Länner huet.

    Wat ass dann de Profil vun deene Leit déi sech hei am Land selbstänneg maachen an eng Firma grënnen ?

    Dacks sinn et Immigranten déi méi Entrepreneursgeescht weisen. Der Etude no hu sech 13% vun den Immigranten aus der 1ter Generatioun (also ouni Lëtzebuerger Elteren) selbststänneg gemaach – wougéint bei den « Eenheemeschen » (also mat 2 Lëtzebuerger Elteren) just 8% dëse Wee gewielt hu.
    Lëtzebuerger Entrepreneuren gi éischter aus opportunistësche wei wirtschaftlëche Grënn selbststänneg. Just 10% maachen et well se soss keng Beruffsalternativ hun – e Chiffer deen am Rescht vun Europa bei 21% läit.
    Dann ass den Entrepreneur awer och éischter männlech wéi weiblech : knapps 11% vun de Männer maachen en eegene Betrib op géint just 6% vun de Fraen.

    Wat sinn dann déi Haaptursaachen firwat Leit sech net an den Entrepreneuriat woen ??

    Eng grouss Brems schéngt d’Angscht ze versoen. Dat hunn ëmmerhin d’Halschent vun de Leit an der Etude uginn. Aaner Ursaachen déi öfters ernimmt gin, sin de schlechten Accès zu Finanzementer an de Manktum un abordabele Bürosflächen.
    Och d’Educatioun spillt eng wichteg Roll. Der Etude no géif an der Grondschoul an am Secondär nach ëmmer net genuch ënnerholl ginn fir den Entrepreneursgeescht ze förderen. Och wann divers Initiativen wei dei vun de Jonken Entrepreneuren Letzebuerg (JEL) an de Lycéen d’Situatioun scho verbessert hunn.
    Lëtzebuerg ass en dynamescht Land waat d’Firme Créatiounen ugeet, mee wéi sech erausstellt, kënnen a mussen nach Efforte gemaach gi fier mei Léit fier den Entrepreneuriat ze begeeschteren.
    2 min
  • Iwwer d'Relevanz vun der Naturgeschicht, 22/11/2017

    Dem réimeschen Historiker a Schrëftsteller Gaius Plinius Secundus säi Wierk Historia naturalis gëllt als déi eelste vollstänneg iwwerliwwert systematesch Enzyklopedie. Si ass ëm 77 no Christus entstanen a behandelt Themen, déi een haut virun allem den Naturwëssenschaften zouuerdne géif, wéi Zoologie, Botanik, Metallurgie a Mineralogie. Bis un d’Enn vum Mëttelalter huet dëst Wierk e staarken Afloss gehat an huet laang och als Referenzwierk um Gebitt virun allem vun der Medizin an der Geografie gegollt. Haut ass d’Historia naturalis eng wichteg Source fir d’Verstoe vum antike Wëssen. Eng am Klouschter vun Orval entstanen Handschrëft dovunner aus dem 10./11. Jorhonnert gëtt iwwregens an der Réserve précieuse vun der Nationalbibliothéik conservéiert a stellt e wichtegt Stéck vun onsem Patrimoine culturel duer.

    Nach bis an d’18. Jorhonnert ass den Terme historia als eng Zort Erkenntnesgewënn verstane ginn, d’Historia naturalis am allgemenge Sënn also als eng Ennersichung vun der Natur, an där et drëms geet, d’mineralesch an d’lieweg Welt, mä och mënschlech Gebräicher a Sproochen an hirer ganzer Diversitéit ze beschreiwen, z'inventariséieren an ze klassifizéieren. Dat huet also vill mat deem ze dinn, wat haut nach an naturhistoresche Muséeë gemeet gëtt. Eréischt vum 18. Jorhonnert un krut den Terme du seng heiteg Bedeitung: als historesch gëlle kosmologesch, geologesch oder biologesch Phenomener, déi sech als d’Resultat vun enger Evolutioun an der Zäit verstoe loossen.

    Haut stellt sech d'Fro, ob d'Naturgeschicht am 21. Jorhonnert iwwerhaapt nach hir Plaz huet, enger Zäit also, an där d'Wëssenschaft ëmmer méi just applizéiert Fuerschung am Kader vun enger industrieller Technoscience ass.
    Ass den Term oder souguer d’Fach selwer vun der Naturgeschicht domadder veraltert? Ass tatsächlech nëmmen nach do Wëssenschaft dran, wou och Wëssenschaft wuertwiertlech drop steet.
    Nee, am Contraire, eigentlech ass d'Naturgeschicht modern wéi nach ni! Well wat sinn hir Aufgaben haut? Den Inventaire vun der Biodiversitéit maachen an iwwer hiren onheelvolle Verloscht opklären, d’Welt an hir Evolutioun an der laanger Zäit op eng rational Manéier verstoe wëllen, de Mënsch als eng Aart ënner villen aneren z'akzeptéieren hëllefen, sech an edukativ Programmen abréngen an op Gesellschaftsfroen agoen, Brécke schloen tëscht fundamentaler an applizéierter Fuerschung.  

    Als Disziplin vun der geneeër Observatioun léiert d’Naturgeschicht ons Fakten ze respektéieren. Si hëlleft d’Vertraue vum Public an d’Wëssenschaft ze stäerken, e Vertrauen, dat wichteg ass, wann et drëms geet a laangen Zäiten ze denken an ze handelen, grad bei esou kruziale Problemer wéi dem Klimawandel an dem Aarteschwund, déi och Konsequenze fir d'Mënschheet wäerten hunn.

    D’Naturgeschicht verankert de Mënsch an d'Natur a léisst en net allmächteg driwwer schwiewen. Si ass méi wéi jee e wichtege Bestanddeel vun onser Kultur.

    * De Patrick Michaely ass vu Formatioun Biochemiker an am Naturmusée responsabel fir Ëffentlechkeetsaarbecht a Kommunikatioun.
    3 min
  • Apropos, 21/11/2017 12:50
    Am Apropos vun haut dréit sech alles ëm d'Lëtzebuerger Sprooch. Oder wéi se haut dacks interpretéiert gëtt. De Rich Simon huet sech doriwwer e puer Gedanke gemaach.
    0 min
  • Carte Blanche - Robert Urbé, 17/11/2017


    De 17. Oktober war wéi all Joer den Internationalen Dag fir d’Besäitigung vun der Aarmut. A pénktlech wéi all Joer huet de Statec een Dag virdru säi Rapport Travail et Cohésion sociale publizéiert. Doranner steet, den Aarmutsrisiko wier tëscht 2015 an 2016 vu 15,3% op 16,5% geklomm.
    Heescht dat da lo, et gëtt méi Aarmer?
    Oder ass et sou wéi eenzel Leit soen, datt den Aarmutsrisiko, well ëm deen handelt et sech jo hei, erop geet, well e puer Räicher op Lëtzebuerg bäikomme sinn?
    Fir d’éischt musse mer mol festhalen, datt et hei ëm en Indicateur geet, deen “Aarmutsrisiko” heescht, en Indicateur deen europawäit eenheetlech festgeluegt ass, an zwar vun de Staats- a Regierungscheffen ofgeseent. Deen Indicateur beschreift éischter eng Ongläichheet wéi d’Aarmut selwer. Wann awer de Risiko, aarm ze ginn, an d’Luucht geet, da gëtt et gutt Grënn unzehuelen, datt och d’Aarmut, fir déi mer keng besser Definitioun hunn, klëmmt.
    Well den Aarmutsrisiko ausseet, wéi een héije Prozentsaz vun der Bevëlkerung mat engem Akommes muss auskommen, dat méi niddreg ass wéi 60% vum Medianakommes, deelt dat eis mat, wéi vill Leit an eisem System net méi matkommen an ofgehaang ginn.
    Well et hei ëm d’Medianakommes geet, an net ëm d’Duerchschnëttsakommes, stëmmt et och net, dat méi Räicher déi Zuel an d’Luucht dreiwen. D’Medianakommes ass nämlech dee Betrag, wou 50% vun de Leit manner an di aner 50% méi verdéngen.
    An nach eppes ass un der Argumentatioun dernieft: tëscht 2015 an 2016 ass d’Medianakommes rof gaang, an zwar op 1.689,- EUR, wat souguer bal sou déif ass wéi de Wäert vun 2013! Heescht dat dann elo, datt mer manner Räicher am Land hunn? A wisou ass dann awer den Aarmutsrisiko an d’Luucht gaang?
    Déi dote falsch Argumentatioun huet dat mam Medianakommes net verstan. Dat geet rop a rof, wann d’Akommes vun deene Leit an der Mëtt vun der Akommesscala rop oder rof geet.
    Also mir hale fest: vun 2015 op 2016 ass d’Zuel vun de Leit, déi dem Aarmutsrisiko ënnerleien, rop gaang, an d’Akommes vun deene Leit ass rof gaang an ass bal sou niddereg wéi 2013.
    Kee Grond also fir Entwarnung ze ginn!
    Éischter am Contraire: net nëmmen ass d’Aarmut geklommen, mee och déi Leit an der Mëtt vun der Gesellschaft spiere lo d’Kris an hu wéiniger an der Täsch.
    Dann huet sech och näischt dru geännert, datt bestëmmte Kategorië vun der Bevëlkerung méi schlecht do sti wéi anerer. An dat sinn déi selwecht wéi di Jore virdrun: Kanner ënner 18 Joer mat 21,7%, Auslänner mat 22,6%, Leit mat enger niddereger Qualifikatioun mat 21,3%, Aarbechtsloser mat 44,8%, Famillje mat méi wéi 2 Kanner mat 31,2% a besonnesch Monoparentale mat 40,3%.
    Inegalitéite bleiwen net nëmme bestoen, mee vergréisseren sech säit 1996 bestänneg, an dofir kann d’Politik nach roueg no weidere Mesu

    0 min
  • Carte Blanche: Michel Maquil, 15/11/2017
    Wéi den Amerikanesche President Donald Trump no senger Vereedegung déi éischt Ried gehalen huet, huet hien de Slogan “America First” gebraucht. Domat wollt hie soen datt hie vun elo un an all senge politeschen Aktiounen d'Interesse vun Amerika systematesch un éischter Plaz géif setzen.
    Wann de President vun der gréisster Wirtschaftsmacht op der Welt sech esou ausdréckt, ass dat ee ganz staarkt Signal wat zu Recht fir vill Opreegung weltwäit suergt.

    Et ass awer esou datt dat eent oder anert Land, wat och d'Ambitioun huet eng Weltmacht ze ginn, schon zënter enger gewësser Zäit esou eng Politik weltwäit verfollegt. Dat gesäit ee besonnesch an Afrika, wou esou Länner skrupelos mat egal wat fir engem politesche Regime verhandelen fir esou gënschteg wéi méiglech u Rohstoffer oder landwirtschaftlech Produkter ze kommen. Si kucke ganz einfach nëmmen no hieren eegenen Interessen an interesséiere sech guer net drëms ob si domatter dat Land an Afrika viru bréngen oder dem Land a séngen Awunner schueden.

    Fir Afrika ass dat eng reegelrecht Katastroph. Besonnesch bei de jonke Leit, vun deenen déi allermeescht eng schlecht Ausbildung hunn, wa se dann iwwerhaapt eng Ausbildung hunn. Si fannen hier Plaz net méi an esou enger Gesellschaft wou et praktesch keng  Wäerter méi ginn. Esou bleift hinne wuel kaum eng aner Méiglechkeet wéi déi aus hierem Land fortzezéien. D'Signalwierkung vum President Donald Trump senger Politik kéint iwwregens nach aner grouss Länner derzou bréngen him et nozeman.

    Esou verwonnert et keen datt et ëmmer méi schwiereg gëtt eng nohalteg Entwécklungspolitik an Afrika ze bedreiwen. Esou eng Politik muss drop aus sinn, fir den Awunner vun deene betraffene Länner an Afrika mat Respekt ze begéinen an hinnen Méiglechkeeten ze bidden fir datt si aus eegener Kraaft aus hierer schwiereger Situatioun eraus kommen.

    Déi meescht Europäesch Länner, an ënnert hinnen op enger prominenter Plaz, Lëtzebuerg, versichen nach esou gutt wéi méiglech eng nohalteg Entwécklungspolitik ze verfolgen. Dat ass eng Politik wou een elo hëlleft, mä erréicht a wäiter Zukunft op ee Retour kann hoffen.

    Vill Lëtzbuergesch ONGen setzen op d'Mikrofinanz an all hiere Varianten an effektif ass dat eng vun de beschte Methoden, fir den Awunner an de betraffene Länner, lokal eng sënnvoll Zukunftsperspektif ze ginn. Et ass eng Aktioun vu ville klengen a wéineg spektakuläre Schrëtt déi awer laangfristeg ee ganz groussen Impakt mat sech bréngen.

    An da geet et net duer mat esou enger Approche op Afrika duer ze goen, well nach mussen déi afrikanesch Länner motivéiert gi fir esou eng Hëllef unzehuelen. An och dofir ass dem President Donald Trump seng Ausso net hëllefsräich.

    Lëtzebuerg den 15. November 2017


    0 min

About RTL - Carte Blanche

From the publisher's feed

Meenungen aus der Zivilgesellschaft iwwert d'Aktualitéit

More shows like RTL - Carte Blanche

Déckkäpp by RTL Radio Lëtzebuerg

Déckkäpp

0 Listeners

Journal (Radio) by RTL Radio Lëtzebuerg

Journal (Radio)

1 Listeners

Automag by RTL Radio Lëtzebuerg

Automag

0 Listeners

Tanguy Pastureau maltraite l'info by France Inter

Tanguy Pastureau maltraite l'info

19 Listeners

RTL - Presseclub by RTL Radio Lëtzebuerg

RTL - Presseclub

0 Listeners

RTL - Carte Blanche by RTL Radio Lëtzebuerg

RTL - Carte Blanche

0 Listeners

L'œil de Philippe Caverivière by RTL

L'œil de Philippe Caverivière

55 Listeners

RTL - HitStory by RTL Radio Lëtzebuerg

RTL - HitStory

0 Listeners

Kloertext fir ze lauschteren by RTL Télé Lëtzebuerg

Kloertext fir ze lauschteren

0 Listeners

Podpurri - mir schwätze Kultur! by RTL Radio Lëtzebuerg

Podpurri - mir schwätze Kultur!

0 Listeners

RTL - Flunkernews by RTL.lu

RTL - Flunkernews

0 Listeners

RTL - Econews by RTL Radio Lëtzebuerg

RTL - Econews

0 Listeners

RTL - Sproochmates by RTL Radio Lëtzebuerg

RTL - Sproochmates

0 Listeners

RTL - Lecture vun heiheem by RTL Radio Lëtzebuerg

RTL - Lecture vun heiheem

0 Listeners

RTL - IGEL - Inclusioun ganz einfach liewen by RTL Radio Lëtzebuerg

RTL - IGEL - Inclusioun ganz einfach liewen

0 Listeners

Wocheréckbléck by RTL Radio Lëtzebuerg

Wocheréckbléck

0 Listeners

RTL - Nogehaakt by RTL Radio Lëtzebuerg

RTL - Nogehaakt

0 Listeners

L'oeil d'Alex Vizorek by RTL

L'oeil d'Alex Vizorek

13 Listeners

Ausgeschwat by RTL Tëlee Lëtzebuerg

Ausgeschwat

0 Listeners

Fro den Affekot by RTL Radio Lëtzebuerg

Fro den Affekot

0 Listeners

Nospillzäit by RTL Radio Lëtzebuerg

Nospillzäit

0 Listeners

RTL inteam by RTL Radio Lëtzebuerg

RTL inteam

0 Listeners