RTL - Carte Blanche

A senger Carte blanche mécht de Marc Limpach sech Gedanken iwwert déi Froen, déi d’Zukunft vun eiser Gesellschaft bestëmme wäerten.

A senger Carte blanche mécht de Marc Limpach sech Gedanken iwwert déi Froen, déi d’Zukunft vun eiser Gesellschaft bestëmme wäerten.

Gläich ass et nees sou wäit: De Kleeschen an d’Chrëschtkëndche sti virun der Dier. An de Konsum boomt sou richteg. Ass et net vläicht Zäit, fir endlech ëmzedenken? Dozou e puer Gedanke vum Josiane Hoffmann vu your-coach.lu:

Haut well ech Iech vum jonke Patrick zielen. Fir mengem klenge Kolleg seng Identitéit ze schützen, hunn ech him, am Averständnis mat sengen Elteren, en Decknumm ginn an e puer hei onwichteg perséinlech Detailer geännert.
De jonke Patrick ass virun allem mol e Kand. E schéint Kand. E léift Kand. En Kand mat sengem eegene Character.
De jonke Patrick ass awer och schweier krank sait senger Gebuert. Dat huet seng Elteren absolut net verhennert hien gär ze hunn esou wei en ass, an mat him e Familienliewen opzebauen. Ganz am Geigendeel. Se sinn esou frou mat him, dat et fir si haut net a Fro kennt, hien d’ganz Joer eweg ze ginn an eng Institutioun. D’Famill ass och mei grouss ginn an de Patrick huet nach e Brudder an eng Schwesterchen dobai kruut. Zesummen probeieren se, esou vill wei meiglech schéi Momenter ze verbrengen.
Awer gleeft mer, dat ass ganz wait eweg vun engem normalen Familieliewen, well eise klenge Patrick absolut net autonom ass a permanent eng Infirmière bei sech brauch. 24 Stonnen op 24 a 7 Deeg op 7. Ronderem eisem klengen Kolleg ass d’Equippement vun engem Spidolszemmer, mat Apparater an enger Surveillance dei dat schlemmst verhënneren sollen.
Am Dag, 5 Deeg an der Woch, geet eise klenge Kolleg an eng spezialiseiert Schoul, awer nemmen wann hien keng nei Infektioun huet. Dei Zait leien d’Elteren net op der fauler Haut, mee se schaffen. An och nach allen zwee.
D’Nuechten an de Week-end sinn d’Elteren awer definitif alleng gelooss, well do ass naischt virgesin – keng Infirmièreshëllef. Dei eenzeg Stonnen, dei se vun der Assurance Dépendance ze gut hunn, notzen se schon fir dei Zait no der Schoul mettes.
Fir d’Nuechten ze packen, wou effectif eng Infirmière misst niewent eisem Patrick setzen, hunn d’Elteren sech organiseiert a selwer Leit fonnt dei geint e schappegen Salaire des Nuechtwaach iwwerhuelen an d’Elteren oofleisen fir dat se e Minimum u Schloof kreien. Dest sin natiirlech keng offiziell Infirmièren an d‘Hand op d’Häerz: wien vun eis kéint schon zwou diplomeiert Infirmieren doheem astellen fir all Nuecht ze waachen? An der Hoffnung dat dei selwer ni e Krankeschain, e Mammeconge oder iwwerhaapt huelen. Einfach ondenkbar.
D’Vakanzen sinn och e bessi speziell, well entweder ass de Patrick doheem an dat ass fir d’Famill äusserst sportlech, oder hien därf an eng spezialiseiert Institutioun wou de Ministere sech engageiert huet fir Datumer 12 Meint am viraus festzehaalen. Dei Zait wou de Patrick do an d’Vakanz ass, hellt sech de Rescht vun der Famill eng kleng Auszait dei eigentlech dozou dengt dat di zwee aner Kanner zur Geltung kommen oder dat si sech einfach mol ausrouhen kennen.
Mee et liiicht eis dach all an: hei steet eng Famill, courageiert, motiveiert an net faul, dei sech immens Méih get an alles drun setzt hierem Jong d’Liewen schéin ze gestalten, mee net dei neideg Ennerstëtzung kritt, dei se verdengt hätt. Sou muench een geing einfach „Merde alors“ jaitzen. Et ass mir och derno.
Eise Patrick ass zwar keen Eenzelfall awer dei betraffe Fäll kann een op enger Hand zielen hei zu Lëtzebuerg. Fir dei misst dach mei dran sin wei dat. 2016 hu mer eis mat den 3 zoustännege Ministeren getraff : Famill, Gesondheet a Securite sociale. En Aarbechtsgrupp huet et dunn färdeg bruecht bal e Joër mei speit, eng nei Moossnam op d’Been ze stellen. Grouss Freed am Summer 2017 ewei de Stadtsrot dei nei Hellef accordeiert huet fir Leit an der Situatioun wei eise Patrick. Direkt am September 2017 gouf eng Demande gemaach an deemols huet et nach geheescht eise jonke Kandidat keint mat den eischte Persounen sinn, dei vun deser neier Moosnam profiteiere keint.
E Vull fir d’Kaz, well no villem Nohaaken, enger parlemntarescher Fro zu deem Sujet mei speit, kruute mer des Woch (jo, dir hut gut heieren, mei ewei e Joër derno) de richtege Formulaire gescheckt fir eng Demande en bonne et due forme ze maachen. Et ass fir ze jaitzen.
Also, glaich kennt de Kleeschen an ech wënschen dem Patrick a senger Famill just eppes : dat si dei neideg Hëllef, dei se sait Joeren drengend brauchen, endlech accordeiert kreien. Dat de Patrick därf e Liewensplang hunn. A viellaischt brengt de Kleeschen jo ei neideg Decideuren mat sech dei dest ermeiglechen kéinten.

Anne Goeres, Directrice vun der Fondatioun Kriibskrank Kanner zielt eng léif Geschicht vum klenge Patrick, déi awer net esou léif ass wei se kéint sinn.

Anne Goeres, Directrice vun der Fondatioun Kriibskrank Kanner zielt eng léif Geschicht vum klenge Patrick, déi awer net esou léif ass wei se kéint sinn.

D'Europäesch Unioun soll bis 2050 klimaneutral sinn, dat huet den zoustännege Kommissär gëschter am Virfeld vun der UNO-Klimakonferenz déi nächst Woch a Polen annoncéiert. D'Memberstaate sinn opgeruff eng, Zitat „éiergäizeg Strategie“ auszeschaffen. Dat dierft net evident ginn  a léisst  d'Dieren op fir alles an näischt, och wann d'Konsequenzen vum Klimawiessel antëscht net méi z'iwwersi sinn. E Commentaire vum Claude Zeimetz

Wat versteet een da genee ënner "Upskilling" a firwat ass des Thematik  esou wichteg?

D’Aarbechtswelt an d’Manéier wéi mer schaffen ass am gaange sech ze veränneren. Vill Leit déi nach virun e puer Joer ganz ouni IT Kenntnisser auskommen konnten, mussen haut eng ganz Panoplie vun informateschen Outil’en an hirem Alldag benotzen. Duerch d’Automatiséierung, d’Robotisatioun an dem Asaz vu kënschtlecher Intelligenz, riskeieren eng Rei Beruffer souguer einfach ze verschwannen. Enger OECD Etude no wärten sech e ¼ (25%) vun de Beruffer staark veränneren. Et ginn natierlech och nei Aarbechts Plaze geschaf. Fir déi awer oft ganz nei Kompetenze gebraucht ginn, déi net an de Schoulprogrammer virgesi waren.

A wat bedait dat fier d’Betriber?
Enger rezenter Etude vu PWC no, hunn 80% vun de befroten CEO’en Problemer Leit mat den néidegen digitale Kompetenzen ze fannen. A wa Kompetenze feelen, da ginn et just 2 Méiglechkeeten. Seng Mataarbechter “upskillen” – d.h. nei forméieren – oder Neier siche goen. Well haut alles extrem séier goe muss, setzen d’Betriber oft op nei an direkt sazfäeg Mataabrechter.
Heescht dat dann net, dass vill Leit hier Aarbecht verléieren ?
Dach a genau dowéinst muss gehandelt ginn. An där Optik ass dëst Joer en interessante Pilotprojet an d’Liewe geruff ginn, dee sech “Luxembourg Digital Skills Bridge” nennt. D’Idee ass datt et fier d’Gesellschaft, de Staat an d’Betriber manner deier gëtt déi eege Leit proaktiv weider ze bilden – also ze “upskillen” – wéi se an de Chômage falen ze loossen a se ze ersetzen. D'Zil vum Projet ass, datt d'Entreprisen an der digitaler Transitioun begleed ginn a parallel sozial Risike fir Salariéeën evitéiert ginn.

An dat geet duer?
Ech denken datt op laang Zäit virun allem 2 Elementer ausschlaggebend wärte sinn; 1tens – eng Evolutioun vum Schoul- a Léiersystème fir där neier Aarbechtswelt gerecht ze ginn; an 2tens – eng méi grouss Prioritéit fier d’Formatioun – an der permanenter Weiderbildung – vun allen Employeuren.Lëtzebuerg – an och Europa – musse sech intensiv mam Thema beschäftegen an dofier suergen datt och d’Leit bei eis attraktiv fier den Arbechtsmarché bleiwen.

Déi Deeg ronderëm den 21. Dezember, also dem Sonnenwendtag, gi schonns zanter Joerdausenden ënner verschidde Formen a jee no Zivilisatioun oder Kulturkrees als Fest vun der Veréierung vun der Sonn, dem Liicht, gefeiert.
 
Säit dem 4. Joerhonnert no Christus feieren d'Chrëschten um 25. Dezember symbolesch d'Gebuert vu Christus. Zanter dem Joer 1535 spillt op Initiative vum Martin Luther d'Beschenken eng gréisser Roll op Chrëschtdag.
 
Spéitstens zanter dem leschtem Weekend am November ass et nees esou wäit a mir ginn alleguerten an d'Chrëschtdagsstëmmung begleet, oder soll ech soe gedréckt ?
 
Eng Rei vu Chrëscht- a Wantermäert hunn hir Zelter schonn opgeschloen oder maachen dat ganz geschwënn.
 
An de leschten Deeg liest an héiert een, besonnesch an de sozialen Netzwierker, eng gewëss Polemik iwwert d'Schreifweisen an d'Benennung vun dësen Events.

Eng Diskussioun déi deelweis héich emotional an digital Welle schléit.
 
Jee no Organisateur ännert d'Schreifweis an déi Veranstaltung gëtt da mol
mat "Ch" oder mat "K", mat engem "a", mat "oa" oder mat zwee "a" oder och nach mat oder ouni Trema um "e" geschriwwen.

Der Imaginatioun si keng Grenze gesat an esou een Event heescht dann och mol Wanterfeeling, Wanterflair, Winter Moments oder Winterlights.
 
Donieft schläicht sech dann och zanter ee puer Joer de Black Friday an dës Periode vum Joer era fir eis drop opmierksam ze maachen, dass et elo wierklech héich Zäit gëtt, fir iwwert Cadeauen nozedenken.
 
Chrëschtdekoratiounen, Kleesercher, Houseker a Luuchteninstallatioune
wäerten eis dann och vun elo un op Schratt an Tratt duerch déi däischterst Zäit vum Joer begleeden.
 
Mee, nieft all dem gutt gemengte Bling Bling an eisem ongebremste Konsumdenken, ass dëst net virun allem dee Moment am Joer, wou mer vläicht alleguerte bereet si fir ee bësschen zur Rou ze kommen?

Ass et net och eng vun deene seelene Geleeënheete wou mir Wäerter wéi Famill a Frëndschaft, Respekt an Toleranz, Solidaritéit a Matgefill an de Virdergrond ze stellen?

Haaptsaach also, et gëtt ee Forum geschaaft, egal wéi en genannt gëtt, reliéis oder och net, wou Leit vun all Generatiounen an aus de verschiddenste Kulturkreesser friddlech zesummekomme fir flott a gemittlech Momenter zesummen ze erliewen an sech op dat Wesentlecht ze besënnen.
 
Also kommt mir loossen jidderengem d'Fräiheet fir säin Event esou ze nenne wéi hie wëllt!

Enn November, dem Wantermount, ginn zu Lëtzebuerg déi éischt Wanter- a Chrëschtmäert op a si dauere bis Enn Dezember, dem Chrëschtmount. A senger Carte blanche mécht den Tom Bellion sech ee puer Gedanken iwwert d'Schreifweis vun deenen Events. Keep calm op de Chrëscht- a Wantermäert!