Samstöðin

Heima er bezt, 10. apríl

Níels Árni Lund

Hann ólst upp á Melrakkasléttu og heldur mikilli tryggð við æskustöðvarnar. Hefur skrifað bækur um Melrakkasléttuna og gert upp æskuheimilið. Níels Árni Lund er viðmælandi í Heima er bezt að þessu sinni.

Guðmundur Hrafn Arngrímsson er formaður Leigjendasamtakanna.

Anita Da Silva Bjarnadóttir og Karl Héðinn Kristjánsson ætla að ræða við Guðmund um húsnæðiskerfið á Íslandi í dag, um þörfina á öflugum leigjendasamtökum, um brotin loforð stjórnmálastéttarinnar og ríkjandi hagsmuni braskara á markaðnum og stjórnkerfinu í dag.

Hvernig berjumst við gegn einokun og ofríki fjármálaaflanna í húsnæðiskerfinu?

Þetta og fleira í beinni útsendingu á Samstöðinni kl. 18 í kvöld!

Skráið ykkur í Leigjendasamtökin á vefsíðu samtakanna leigjendasamtokin.is

Ráðherraspjall, sniðganga og kona í framboði verða meðal efnis við Rauða borðið á Samstöðinni í kvöld.

Tveir ráherrar ríða á vaðið í samtali við Björn Þorláksson. Guðlaugur Þór Þórðarson fyrir hönd Sjálfstæðisflokksins og Lilja Dögg Alfreðsdóttir varaformaður Framsóknarflokksins.

Auður Styrkársdóttir eftirlaunakona og Lóa Hjálmtýsdóttir koma einnig að Rauða borðinu og ræða sniðgöngu á Rapyd og Júróvision. Hver eru áhrifin á samfélagið og okkur sjálf?

Í lok þáttarins kynnum við forsetaframbjóðanda til leiks, röðin er komin að Steinunni Ólínu Þorsteinsdóttur leikkonu.

Við fáum góðan hóp til að greina atburði dagsins við Rauða borðið: Inga Sæland, Kristinn Hrafnsson, Sigmundur Ernir Rúnarsson, Þóra Kristín Ásgeirsdóttir og Sigmar Guðmundsson meta nýja ríkisstjórn, framtíð hennar og heilsu. Sigurður Jóhannesson forstöðumaður Hagfræðastofnunar Háskólans kemur að borðinu og ræðir hagrænan ávinning af strandeldi og hvers virði leyfin eru í raun sem fiskeldisfyrirtækjum voru gefin. Guðmundur Felix Grétarsson hefur átt magnaða ævi og mátt þola margt. Nú ætlar hann í forsetaframboð og segir okkur við Rauða borðið hvers vegna.

Brynjar Níelsson, Sjálfstæðisflokki og Jóhann Pál Jóhannsson, þingmaður Samfylkingarinnar takast á um stöðuna í ríkisstjórninni og þingmál fram undan. Auður Önnu Magnúsdóttir tekur þátt í umræðunni en hún er framkvæmdastýra Kvenréttindafélagsins, fyrrum Landverndarkona.

Þingkosningar í haust, Jón Gnarr forsetaframbjóðandi og skortur á samkennd íslenskra grunnskólabarna verður til umræðu við Rauða borðið á Samstöðinni í kvöld, mánudaginn 08. apríl.

Brynjar Níelsson, Sjálfstæðisflokki og Jóhann Pál Jóhannsson, þingmaður Samfylkingarinnar takast á um stöðuna í ríkisstjórninni og þingmál fram undan. Auður Önnu Magnúsdóttir tekur þátt í umræðunni en hún er framkvæmdastýra Kvenréttindafélagsins, fyrrum Landverndarkona.

Ómar Örn Magnússon skólastjóri Hagaskóla kemur og ræðir mælingar sem staðfesta minni samkennd meðal íslenskra nemenda í grunnskólum en hjá öðrum nemendum á hinum Norðurlöndunum. Hvað veldur?

Undir lok þáttarins ræðir Gunnar Smári ítarlega við Jón Gnarr, leikara rithöfund og forsetaframbjóðanda. Jón segir framboð Katrínar Jakobsdóttur orka tvímælis.

Sunnudagurinn 7 . apríl

Synir Egils: Afsögn, framboð og stjórnarkreppa

Bræðurnir Sigurjón Magnús og Gunnar Smári Egilssynir taka á móti gestum og ræða við þá um helstu fréttir og pólitíkina. Að þessi sinni koma þau Benedikt Erlingsson leikstjóri, Ragnheiður Ríkarðsdóttir fyrrum þingkona og bæjarstjóri og Þórhildur Sunna Ævarsdóttir þingkona og ræða afsögn forsætisráðherra, myndun nýrrar ríkisstjórnar í kjölfar hennar og mögulegar þingkosningar ofan í forsetakosningar. Þá munu þeir bræður taka stöðuna á pólitíkinni. Og í lokin verður flutt spjall við Ólaf Þ. Harðarson prófessor og Þórð Snæ Júlíusson ritstjóra frá föstudeginum um ákvörðun Katrínar, stöðu ríkisstjórnar og Vg.

Gestir Rauðs raunveruleika eru Pía Figueroa og Antonio Cravollo. Pía er einn stofnenda alþjóðlega fréttamiðilisins Pressenza og húmanisti.

Antonio Cravalo er skipuleggjandi húmanistahreyfingarinnar og er, meðal annars, virkur í heimsþingum húmanista í Asíu og Suður - Ameríku.

Við töluðum við Píu og Antonio um Pressenza, tilgang þess, húmanistahreyfinguna og um þörfina fyrir frið, sannleik, tengingu og grasrótarvirkni á síkvikum tímum.

Í friðarviðræðum sunnudagsmorgunsins fáum við frammæli frekar en mótmæli og framboðsumræðu fulltrúa og fylgisfólks Snæfellsjökuls sem er í framboði fyrir forsetakosningar 2024. Er það séns? Hvernig? Af hverju svo bráð(n)-nauðsynlegt? Hvernig forseti yrði jökullinn? Sko í alvöru! Þau koma og segja okkur allt af létta, þau Aðalheiður Kristbjörg, fjölbreytileika-stefnumótunarsérfræðingur, Angela Snæfellsjökuls, framboðsstjóri, Dögg Sigmarsdóttir, fylgjandi Snæfellsjökuls, Goði Blöndal Hermannsson, sérlegur ráðgjafi og stjórnarskrárlesari og Juan Camilo, heimsskautsrefurinn og Snæfellsjökull.

Föstudagurinn 5. apríl

Vikuskammtur: Vika 14

Í Vikuskammt við Rauða borðið í dag koma þau Anton Helgi Jónsson skáld, Margrét Kristín Blöndal aka Magga Stína tónlistarkona, Natalie G Gunnarsdottir plötusnúður og hlaðvarpstjórnandi og Sigurður Ingólfsson skáld og bókmenntafræðingur og ræða fréttir vikunnar sem einkennast af bið eftir yfirlýsingu Katrínar Jakobsdóttur um framboð til forseta, framboði annarra, afmæli Nató, stríð og engum friði.