Samstöðin

Föstudagurinn 5. apríl

Aukaþáttur Rauða borðsins: Afsögn Katrínar

Við blásum til aukaþáttar af Rauða borðinu í tilefni af afsögn Katrínar Jakobsdóttur forsætisráðherra. Ræðum stöðuna við gesti og gangandi.

Hvað segir auði spástokkurinn forsetaframbjóðandanum? 🙇🏿‍♀️

🖖🏼🫥🤚🏼Farið varlega í hlustun á Grimma og Snar og lækkið alveg þegar Steinunn Ólína byrjar að hvísla í hljóðnemann 💋

Fimmtudagurinn 4. apríl

Katrín, Nató, forsetakjör og Úkraína

Rauða borðið byrjar á vangaveltum Gunnars Smára Egilssonar og Björns Þorlákssonar um stöðu stjórnmála í kjölfar löngunar Katrínar Jakobsdóttur til að verða forseti. Nató á afmæli í dag. Af því tilefni fáum við Ögmund Jónasson til að fara yfir sögu og stöðu þessa hernaðarbandalags. Við höldum áfram að ræða við forsetaframbjóðendur. Röðin er komin að Helgu Þórisdóttur forstjóra Persónuverndar. Í lokin kemur Hilmar Örn Hilmarsson prófessor og fer yfir stríðið í Úkraínu.

Vigdís Hafliðadóttir söngkona í hljómsveitinni Flott er gestur vikunnar hjá feðgunum Starkaði og Birni. Textar Vigdísar hafa ekki síst vakið athygli - hún er hugsandi ung manneskja - en Maður lifandi er þáttur sem einblínir á hugðarefni ungra Íslendinga.

Heima er bezt, 3. apríl

Trausti Valsson

Trausti Valsson arkitekt og skipulagsfræðingur sýnir fram á að um 80 prósent þjóðarinnar býr við margskonar náttúruógnir.

Miðvikudagurinn 3. apríl

Ólög, forsetaframboð, fæðingartíðni og geðlyf

Við Rauða borðið á Samstöðinni í kvöld setjast þeir Ólafur Stephensen og Breki Karlsson og ræða nýsamþykkt lög sem þeir segja að megi kalla spillingu. Við höldum áfram að ræða við forsetaframbjóðendur. Í kvöld er komið að Baldri Þórhallssyni prófessor sem leiðir baráttuna samkvæmt skoðanakönnunum. Fæðingartíðni hefur fallið á Íslandi eins og víðast hvar í heiminum. Við ræðum við Gylfa Magnússon um hverju sætir og hvaða afleiðingar það hefur. Svava Arnarsdóttir er nýr formaður Geðhjálpar. Hún ræðir við okkur um geðlyf og reynslu sínu og annarra af þeim, ekki síst af því að hætta á þessum lyfjum.

Frelsið er yndislegt 26. mars

#5 Skaðaminnkun og vímuefnavandi

Í þessum þætti er skaðaminnkun rædd og útskýrð vel. Einnig er farið almennt í umræðu um vímuefnavanda og neysluskammta. Farið er í hvernig staðan er í þeim löndum sem vinna eftir skaðaminnkandi hugmyndafræði sem og bjóða upp á fjölbreyttar viðhaldsmeðferðir. Þá eru fangelsin auðvitað rædd sérstaklega að vanda. Við lofum virkilega skemmtilegum og áhugaverðum þætti!

Gestirnir að þessu sinni eru: Svala Jóhannesardóttir, formaður Matthildar – samtaka um skaðaminnkun, Halldóra Mogensen, alþingiskona Pírata og baráttukona fyrir breytingum á vímuefnalöggjöfinni og Þórir Tony Guðlaugsson, varðstjóri í Fangelsinu á Hólmsheiði. Stjórnendur þáttarins eru: Ásdís Birna Bjarkadóttir og Guðmundur Ingi Þóroddsson

Heimsmyndir 29. mars

Gustav Adolf

Gestur þáttarins er Gústav Adolf Bergmann Sigurbjörnsson, nýdoktor í heimspeki. Gústav hefur skrifað afar áhugaverða doktorsritgerð um eðli samskipta þegar kemur að #Metoo og #BLM, um tilhneigingu okkar til að meðtaka ekki efnislega frásagnir þolenda ofbeldis og óréttlætis. Þeir Kristinn ræddu síðan allskyns tengdar vangaveltur um að segja frá og að meðtaka. Frábær gestur hann Gústav. Nýr uppáhalds, eins og í hverri viku.

Grímur Atlason formaður Geðhjálpar verður gestur dymbilvikunnar hjá feðgunum Starkaði og Birni í Maður lifandi. Hann ræðir brotna æsku sumra barna og hvað það kostar að takast sífellt á við afleiðingar fremur en orsakir andlegra meina.

Ólína Kjerúlf Þorvarðardóttir, prófessor og þjóðfræðingur, er gestur í Heima er bezt að þessu sinni.

Ólína hefur frá mörgu að segja. Meðal annars kveður hún rímu í þættinum.

Margt ber á góma. Svo sem þátttaka hennar í stjórnmálum sem og í björgunarsveitum.