Samstöðin

Þriðjudagurinn 26. mars

Biskup, sjálfbærni húsa og forsetaframboð

Elínborg Sturludóttir Dómkirkjuprestur, Guðmundur Karl Brynjarsson prestur í Lindakirkju og Guðrún Karls Helgudóttir prestur í Grafarvogskirkju eru í biskupskjöri. Þau koma að Rauða borðinu og ræða stöðu kirkjunnar, erindi kristninnar og hlutverk biskups. Jón Kristinsson fór ungur til náms í Hollandi og hefur starfað þar alla tíð, í meira en sextíu ár, sem arkitekt og uppfinningamaður á svið sjálfbærni og orkunýtingar. Hann kemur til okkar og segir fá lífshlaupi sínu og uppgötvunum. Halla Tómasdóttir fékk næst flest atkvæði í forsetakosningum fyrir átta árum og ætlar nú að reyna öðru sinni að verða forseti lýðveldisins. Við spyrjum hana hvers vegna.

Kristinn Hannesson er nýkominn heim frá ungmennaráðstefnu í Sochi, Rússlandi. Við fengum að heyra um upplifun hans af ráðstefnunni og fjölluðum um heimspólitíkina henni tengdri.

Um nýja kalda stríðið og leiðina út úr því.

Tekið upp 18. mars

Mánudagurinn 25. mars

Tveggja ríkja lausn, þingið, morðin á Sjöundá og sveltistefna.

Magnús Bernharðsson prófessor ræðir hörmungarnar á Gaza og hvort nokkur von sé um frið. ÞINGIÐ - umræðuliður um pólitík og þingmál verður á sínum stað. Jón Gunnarsson þingmaður Sjálfstæðisflokksins og Arndís Anna Kristínardóttir Gunnarsdóttir, þinkona pírata takast á og Höskuldur Kári Schram þingfréttaritari kemur í heimsókn og ræðir breytta tíma á Alþingi. Már Jónsson sagnfræðingur ræðir morðin á Sjöundá, réttarskjölin sjálf en ekki síður af hverju við erum enn að hugsa um Steinunni og Bjarna. Sveinn Máni Jóhannesson nýdoktor ræðir svo niðurskurðarhyggju eða sveltistefnu, ekki í dag heldur fyrir hundrað árum þegar hér komst til valda ríkisstjórn sem skar gríðarlega niður ríkisútgjöld

Jón Gunnarsson þingmaður Sjálfstæðisflokksins og Arndís Anna Kristínardóttir Gunnarsdóttir, þinkona pírata takast á um ýmis mál og Höskuldur Kári Schram þingfréttaritari kemur í heimsókn og ræðir breytta tíma á Alþingi.

The World Humanist Forum just took place in Reykjavík ahead of the world march for peace and non - violence. A recording of the meeting, which took place in the national library of Iceland, will be published on Solidarity Station in the coming week.

We spoke to some of the main organizers of the forum and the march, Antonio Carvallo and Rafael de la Rubia. Antonio is a Chilean and one of the organizers of WHF-Asia. He has a background in law and has been engaged in humanist work since 1969. Rafael is a Spanish Humanist, founder of the organization World without Wars and Violence and spokesperson of the world march for peace and nonviolence.

Visit theworldmarch.org for more information on the growing peace movement. Both Antonio and Rafael work in collaboration with the international press agency, Pressenza.

Bræðurnir Sigurjón Magnús og Gunnar Smári Egilssynir taka á móti gestum á pálmasunnudegi og ræða við þá um helstu fréttir og pólitíkina. Að þessi sinni koma þau Andri Snær Magnason rithöfundur og skáld, Sigríður Dögg Auðunsdóttir formaður Blaðamannafélags Íslands og Snorri Másson ritstjóri og ræða fréttir vikunnar sem einkenndust af átökum og ásökunum, framboði og eftirspurn, stríð og litlum friði. Þeir bræður munu taka stöðuna á pólitíkinni og fá síðan Hilmar Þór Hilmarsson prófessor til að fara yfir stríð í heiminum og áhrif þeirra á öryggismál og heimspólitíkina.

Vettvangur dagsins:

Andri Snær Magnason rithöfundur og skáld

Sigríður Dögg Auðunsdóttir formaður Blaðamannafélags Íslands

Snorri Másson ritstjóri

Bræður spjalla

Umfjöllun: Stríð og alþjóðamál

Hilmar Þór Hilmarsson

Mótmæli í morgunmat, 24. mars

Hvað nú?

Listadúóið Libia Castro og Ólafur Ólafsson hafa hafið tímabært ferli afbyggingar á óvirka stóriðjuverinu í Helguvík sem stendur eins og minnisvarði um úrelta byggða- og atvinnuþróunarstefnu, nýlenduhyggju og afstöðu til nýrra Íslendinga. Þau hafa gert Listasafn Reykjaness að eins konar safni fyrir niðurstöður óformlegrar rannsóknar á því sem fór úrskeiðis og að vettvangi nýrrar sýnar og samræðu íbúa á svæðinu sem margir koma til Íslands frá löndum illa förnum eftir suddaskap stóriðjufyrirtækja sem hafa forsmáð viðkvæm samfélög og náttúru. Reynsluþekkingin er því mikil á svæðinu og áhugavert að hefja samtal við alla málsaðila, hagsmunafyrirtækin og stofnanirnar sem bera ábyrgð og alla þá sem láta sig framtíð svæðisins og heimsins varða.

Í Friðarviðræðum á sunnudagsmorgni ræða Libia og Ólafur um sýningu sína í Listasafni Reykjanesbæjar sem nú stendur yfir og frá fyrirhuguðum opnum fundi 4. apríl næstkomandi sem er hluti af sýningunni og baráttu fyrir aukinni meðvitund um það sem gerðist og það sem hægt er að gera. Hvað nú? Við ræðum líka um afbyggingu á starfi og hlutverki listafólks og hefð mótmæla eða viðspyrnu listafólks á Spáni á alræðistímanum.

Laugardagurinn 23. mars

Helgi-spjall: Inga Bjarnason

Í Helgi-spjalli við Rauða borðið segir Inga Bjarnason leikstjóri okkur frá uppeldi sínu í horfinni veröld nítjándu aldar, listrænni menntun sinni í gegnum þrjá eiginmenn, ævisagnaritun sinni og lesblindu og uppgötvun sinni á að hún er allt önnur manneskja en hún hélt.

Heimsmyndir, 22. mars

Arngrímur Vídalín

Gestur þáttarins er Arngrímur Vídalín lektor í íslenskum bókmenntum. Arngrímur sagði frá afar áhugaverðri rannsókn sinni á elstu íslensku handritum, þar sem höfundar virðast hafa reynt að færa Ísland nær Evrópu til að afskrísmslavæða okkur. Þeir Kristinn létu svo gamminn geysa um ýmsar fornar hugmyndir og áhrif þeirra á heimsmynd fólks á miðöldum. Mjög fróður maður hann Arngrímur.

Föstudagurinn 22. mars

Vikuskammtur: Vika 12

Í Vikuskammti við Rauða borðið sitja í dag þau Friðrik Þór Guðmundsson blaðamaður og sjálfstætt starfandi fræðimaður á sviði fjölmiðla, Sólveig Ásta Sigurðardóttir nýdoktor, Bergsteinn Sigurðsson sjónvarpsmaður og Bjarndís Helga Tómasdóttir formaður Samtakanna 78 og ræða fréttir vikunnar sem einkenndust af deilum um kaup banka á tryggingafélagi, engri vaxtalækkun þrátt fyrir litlar launahækkanir, forsetaframboðum, menningarstríði og tómri hamingju.