Samstöðin

Heimsmyndir 15. mars

Eyja Margrét Jóhönnu Brynjarsdóttir

Eyja Margrét Jóhönnu Brynjarsdóttir prófessor í heimspeki við HÍ er gestur þáttarins. Hún sagði frá frumspeki kynja og kynþátta, hvað verufræði og frumspeki eru og ræddi ýmsar bækur um feminínska heimspeki og feminískar útópíur. Þau Kristinn rifjuðu upp feminísku rökræðurnar á samfélagsmiðlum og veltu fyrir sér árekstrum og árangri í þeim umræðum. Mikil og skemmtileg umræða um eldfim málefni.

Föstudagurinn 15. mars

Vikuskammtur: Vika 11

Í Vikuskammti við Rauða borðið sitja í dag þau Kristín Eiríksdóttir rithöfundur, Sherry Ruth verkakona, Viktor Orri Valgarðsson stjórnmálafræðingur og Gústav Adolf Bergmann Sigurbjörnsson nýdoktor í heimspeki og ræða fréttir vikunnar sem einkenndust af undirritun kjarasamninga og deilum um þá, vangaveltum um forsetaframboð, mansali, hryðjuverkum og Eurovison á tímum þjóðarmorðs.

Grimmi og Snar, 14. mars

Þetta eru hringir og það eru allir sjúkir í þetta🧞‍♂️🧞‍♀️🧞

Freyja Eilíf þurfti að velja á milli þess að vera ⭐️❤️🦋eða 🎈Hvað myndir þú velja?

Tæknimaður: Bogi Reynisson 🐉

Upphafsstef: Emidex: Emil Ingo Lupnaav Atlason 🪼

Fimmtudagurinn 14. mars

Vondir samningar, baráttuleiðir, hnignun Bretlands og fíklar

Ragnar Þór Ingólfsson kemur að Rauða borðinu og segir hvers vegna hann er óánægður með samningana sem hann var að undirrita. Hjörtur Hjartarson frá Stjórnarskrárfélaginu, Salvör Gullbrá Þórarinsson frá Félaginu Ísland-Palestína og Guðmundur Hrafn Arngrímsson frá Leigjendasamtökunum ræða um baráttuleiðir sem samtök þeirra nota. Guðmundur Auðunsson hagfræðingur segir okkur frá hrörnun Bretlands. Dagbjört Ósk Steindórsdóttir og Jón K Jacobsen aka Nonni Lobo frá samtök aðstandenda og fíknisjúkra og Gunnar Ingi Valgeirsson, sem heldur úti þáttunum Lífið á biðlista, koma í lokin og ræða stöðu fíkla í samfélaginu.

Margrét Tryggvadóttir rithöfundur og fyrrum þingkona verður gestur þáttarins Maður lifandi þessa vikuna. Hún ræðir ýmis brýn samfélagsmál sem varða ungt fólk og kúnstina að skrifa.

Þátturinn Maður lifandi sem er í umsjá feðganna Starkaðar og Björns Þorláks, hverfist um málefni ungra Íslendinga og er frumsýndur klukkan 16 á fimmtudögum á Samstöðinni.

Heima er best, 13. mars

Gunnar Hjördísarson

Gestur Heima er bezt að þessu sinni er Gunnar Hjördísarson gítarsmiður. Sigurjón M. Egilsson er stjórnandi þáttarins.

Þeir ræða um æskuna, sjómennsku og gítara. Gunnar hefur smíðað þá ófáa.

Hann segir meðal annars frá vandræðum við að komast á sýningu í Bandaríkjunum.

Bæði Gunnar og Sigurjón er aðdáendur Bítlanna.

Miðvikudagurinn 13. mars

Leigumarkaður, Chris Smalls og moldin

Jónas Atli Gunnarsson hagfræðingur Húsnæðis- og mannvirkjastofnunar dregur upp mynd af íslenskum leigumarkaði sem hann segir að sé á vondum stað. Margt bendir til að miklar hækkanir séu fram undan. Andrea Helgadóttir er áhugamanneskja um alþjóðlega verkalýðshreyfingu. Hún segir okkur frá verkalýðshetjunni Chris Smalls sem er að koma til landsins. Ólafur Arnalds prófessor segir okkur svo frá moldinni sem bæði nærir okkur og mótar. Hvað verður um okkur þegar næringamáttur moldarinnar hverfur?

Þriðjudagurinn 12. mars

Kjarasamningarnir, kulnun og baráttan um háskólann

Þau koma til okkar hagráð verkalýðsins, Sigríður Ingibjörg Ingadóttir hagfræðingur BSRB, Róbert Farestveit hagfræðingur ASÍ og Vilhjálmur Hilmarsson hagfræðingur BHM og fara yfir stöðu efnahagsmála í kjölfar nýgerðra kjarasamninga. Eru þeir sögulegir? Munu lífskjör almennings batna? Kristín Þóra Haraldsdóttir er höfundur, leikstjóri, leikari og umfjöllunarefni einleiksins Á rauðu ljósi, sem er allt í senn leikrit, uppistand og fyrirlestur um kulnun. Við ræðum við hana um hvernig við örmögnumst og hvaða leið er út úr því standi. Áslaug Arna Sigurbjörnsdóttir háskólaráðherra er að breyta fjármögnun háskólanna til að stýra uppbyggingu þeirra. Eiríkur Smári Sigurðarson rannsóknastjóri og sérfræðingur við hugvísindasvið Háskóla Íslands kemur að Rauða borðinu og ræðir um átökin um háskólanna, um hver eigi að stýra þróun þeirra.

Mánudagurinn 11. mars

Kjarasamningar, hommasýning og ópíum

Við byrjum á að fá Stefán Ólafsson prófessor og starfsmann Eflingar til að skýra út kjarasamningana sem voru undirritaðir fyrir helgi. Þeir þykja sögulegir fyrir hversu mikið af kjarabótunum eiga að koma frá stjórnvöldum. Við ræðum síðan við þá Rúnar Guðbrandsson leikstjóra og leikarana Árna Pétur Guðjónsson og Sigurð Edgar Andersen um verkið …..og hvað með það? Þetta er verk um homma, ofbeldi og ást. Og við ræðum þetta allt við þá félaga. Það geisar ópíóðafaraldur á Íslandi og fólk deyr af hans völdum. Við ræðum við Valgerði Rúnarsdóttur, yfirlækni á Vogi, um hvað veldur og hvað beri að gera? Og spyrjum um sjúklinga Árna Tómasar Ragnarssonar læknis, sem fengu dagleg morfínskammt en fá hann ekki lengur.

Mohamedou Ould Slahi var fangelsaður og pyntaður hryllilega í fangabúðum Bandaríkjanna við Guantanamo-flóa frá 2002 til 2016 án allra saka.

Í fjórtán ár var hann sviptur frelsi sínu, smánaður og beittur grimmilegu ofbeldi af margvíslegum toga.

Mohamedou var í heimsókn á Íslandi um helgina og sagði frá upplifun sinni og reynslu á fundi í Safnahúsinu við Hverfisgötu. Fundurinn var liður í fundarseríu Ögmundar Jónassonar, „Til róttækrar skoðunar“. Fundinn má finna og horfa á á rásum Samstöðvarinnar undir titlinum „Reynslan frá Guantanamo“.

Dr. Deepa Govindarajan Driver sat einnig fundinn. Hún kennir um regluvæðingu fjármagns, um ábyrgð og ábyrgðarleysi stjórnvalda og fyrirtækja og hefur verið í miðjunni á baráttunni fyrir mannréttindum blaðamannsins Julian Assange og frelsi frjálsa heimsins.

Við ræddum við Mohamedou og Deepu um upplifun Mohamedou, Guantanamo, stríðið gegn hryðjuverkum og um mikilvægi frelsis og samkenndar á háskalegum tímum.